-
دخول

عرض كامل الموضوع : هل المنبر هو السبب ؟

boy freind
27/07/2008, 06:18
برأيك انو اقسام السياسة و المنبر الحر هنن سبب حجب أخوية ؟

ولا في اسباب تانية بعيدة و هنن الشرارة و لا بيتحججو فيهن

يعني عن جد نفسي اعرف ؟
VivaSyria
27/07/2008, 06:23
باختصار سبب حجب أخوية هي الحرية يلي بيتميز فيها أعضاءها وأرائهن وتنوعها... وهالشي مو ممكن تتعايش معو حكومتنا العظيمة حكومة البسطار العسكري...


الرأي الحر ببلدنا الخط الأحمر الوحيد بالنسبة للسلطة.
boy freind
27/07/2008, 06:26
باختصار سبب حجب أخوية هي الحرية يلي بيتميز فيها أعضاءها وأرائهن وتنوعها... وهالشي مو ممكن تتعايش معو حكومتنا العظيمة حكومة البسطار العسكري...


الرأي الحر ببلدنا الخط الأحمر الوحيد بالنسبة للسلطة.
طيب ليش ما صوتت ؟

انا صوتت ب لا لأنو يا اخي اعتقلو نص الاعضاء و عملو بلاوي و بعدين ؟

معناها في شي غير المنبر
VivaSyria
27/07/2008, 06:57
انا صوتت ب لا لأنو يا اخي اعتقلو نص الاعضاء و عملو بلاوي و بعدين ؟ر


و أنا صوتت لاء..

المشكلة مو قسم معين أو أعضاء معينين المشكلة نهج أخوية.. شباب منفتح حضاري وواعي مابيناسب السلطة.. اعتقلو شباب ولسا بيعتقلو وحتى لو اعتقلوتا كلنا... المشكله بتبقى انو في جيل واعي بسورية عم يطلع وهالوعي هاد مصدر تهديد حقيقي للسلطه...

ضيق الأفق بيخليهن يفكرو انو بالناقص ماهالشاب يتناقشو بحرية مع بعض.. وبالناقص كلمة مايسموعها من شباب تانيين .. بس صدقني هالشي مارح يساعدهن لو شو ماعملو.
Narc
27/07/2008, 07:29
طبعا انا ما بعرف انو المنتدى يحجبوه

لأني لساتي جديده هون

من شان هيك ما اقدر اصوت

لكن لو كان هيدا السبب لحجبو

فهدا صراحة انا باعتبرو تخلف

يعني لازم يكون في حريه للرأي

احنا في زمن الديموقراطيه

شو بيحجبو المنتدى من شان هيك موضوع

لك يخرب بيت اللي بيقول هيك :jakoush:
The morning
27/07/2008, 08:16
حتى لو كان في سبب فهاد مش سبب
THE_unforgiven
27/07/2008, 09:15
اعتقلقلو أعضاء ولسا بيعتقلو
أيمتا صار هالحكي ...
ربيع دمشق
27/07/2008, 09:20
الجواب كتير سهل حجب المواقع السياسية والفكرية في سوريا هو لحجب الفكر والسباحة بعالم الحرية وابداء الرأي طبعا والحجب في سوريا يكون بمثابة دعم وزيادة زوار المواقع الاباحية
جهة الاتصالات بسوريا مرتبطة بلا شك ومتقاعدة مع شركات مواقع البورنو لتوجيه الشباب لزيارة تلك المواقع وتشغيل فكرهم بالاجساد الطرية واللحوم البيضاء والملونة وابعادهم عن المواقع الفكرية وابداء الرأي الحر حول قضايا المصير والوطن
طبعا ما عم نطالب نحن بحجب المواقع الاباحية عن الوطن وابناء الوطن بل انو عم نعطي مثال كيف يتم الكيل
W.E.G.A
27/07/2008, 10:45
مابظن انه هاد السبب

بس شو بصراحة مابعرف

:D
boy freind
27/07/2008, 12:38
أيمتا صار هالحكي ...
ليش مانك سمعان ب كريم عربجي و طارق الغوراني و حسام ملحم و غيرهم :cry:

هدول اعضاء تم سجنهن ظلم بسبب آرائهن عن جد ما سمعت فيهن
boy freind
27/07/2008, 12:39
طيب رح اسأل السؤال بطريقة اخرى :

اذا اتسكّر المنبر و قسم السياسة رح يحلّو عن اخوية ولا لأ
yass
27/07/2008, 13:53
طيب رح اسأل السؤال بطريقة اخرى :

اذا اتسكّر المنبر و قسم السياسة رح يحلّو عن اخوية ولا لأ

ما بيحلمو...
لو كان المنبر سبب الحجب, اذا سكرنا بنكون عم نعمل اللي بدهون ياه.. و هاد بحياتو ما رح يصير لو ينطو و ما يحطو..
..AHMAD
27/07/2008, 13:58
طيب رح اسأل السؤال بطريقة اخرى :

اذا اتسكّر المنبر و قسم السياسة رح يحلّو عن اخوية ولا لأ


لاء....

الـ لاء عمقولها مو على يحلّو

الـ لاء عمقولها انو يتسكر المنبر وقسم السياسة

اكيد مو مدعاة فخر انو خسرنا عالم ... وعمنخسر عالم .. ورح نخسر عالم...

بس مو اخوية ... اللي بتغير نهجها .. كرمال يكونو رضيانين عليها الجماعة

اخوية ... بلشت من اربع سنين على نهج.. الحريات الشخصية ... بدون اي قيود ....
واخوية ضلت مستمر هال 4 سنين على نفس النهج
واخوية رح تضل مستمر عهالنهج ولو لبعد 4 قرون مو بس 4 سنين
boy freind
27/07/2008, 14:38
لاء....

الـ لاء عمقولها مو على يحلّو

الـ لاء عمقولها انو يتسكر المنبر وقسم السياسة

اكيد مو مدعاة فخر انو خسرنا عالم ... وعمنخسر عالم .. ورح نخسر عالم...

بس مو اخوية ... اللي بتغير نهجها .. كرمال يكونو رضيانين عليها الجماعة

اخوية ... بلشت من اربع سنين على نهج.. الحريات الشخصية ... بدون اي قيود ....
واخوية ضلت مستمر هال 4 سنين على نفس النهج
واخوية رح تضل مستمر عهالنهج ولو لبعد 4 قرون مو بس 4 سنين
نعم لميدو و ياس و كل من يؤمن بالحرية و ان استمرار هذا النهج الذي يدعو للفخر

و يؤمن بأن صوت الحق اعلى من ضجة التخلف
yass
27/07/2008, 15:00
و سبب حجب أخوية حتى لو برروه هم على انو هو وجود المنبر هاي حجة غير مقبولة بأي شكل من الأشكال.. سبب الحجب هو العقلية القمعية المخابراتية المتخلفة.. القائمة على حجب المشاكل بدل مواجهتها و الضحك على اللحى و استهزاء الشعب و الاستخفاف به...
ooopss
27/07/2008, 15:10
اذا كان المنبر سبب الحجب ... وسكرناه .. وسكرنا اي موضوع تاني في شوية حرية شوبيبقى لأخوية ؟ .... وين جوهرها لأخوية بيصير ... يعني لو هو سبب الحجب ... أو لو أي شي تاني هو سبب الحجب .. هالشي ما لازم ينشال مشان ينشال الحجب .. مو هاد الحل أبدا
boy freind
27/07/2008, 15:13
اذا كان المنبر سبب الحجب ... وسكرناه .. وسكرنا اي موضوع تاني في شوية حرية شوبيبقى لأخوية ؟ .... وين جوهرها لأخوية بيصير ... يعني لو هو سبب الحجب ... أو لو أي شي تاني هو سبب الحجب .. هالشي ما لازم ينشال مشان ينشال الحجب .. مو هاد الحل أبدا
فعلا مالازم يتسكّر شي اصلا اخوية و كم موقع بس هنن اللي صامدين ضد القمع
biomen
27/07/2008, 15:17
زمن العجائب و الله

هلاّ الانسان اذا ما فيه يحكي و يفضفض و يعبّر عن آرؤو بكل حرية و فخر بالعالم الافتراضي و كمان العالم الحقيقي ...و ين بدّو يحكي
هاي قمّة الدكتاتورية و القمع...و بضن انّو اذا غاب المنبر الحر و قسم السياسة عن المنتدى ما رح يصير في معنى للمنتدى..يعني رح تضل بس اقسام اللي ما الها فايدة في ابداء الراي

:D
Majood
28/07/2008, 10:13
طبعا انا ما بعرف انو المنتدى يحجبوه

لأني لساتي جديده هون

من شان هيك ما اقدر اصوت

لكن لو كان هيدا السبب لحجبو

فهدا صراحة انا باعتبرو تخلف

يعني لازم يكون في حريه للرأي

احنا في زمن الديموقراطيه

شو بيحجبو المنتدى من شان هيك موضوع

لك يخرب بيت اللي بيقول هيك :jakoush:

خيتو .. عم تقدري تفوتي عاليوتوب من عندك ... ازا تركيا طولا و عرضا حاجبة اليوتوب .. بدك تعتبي على سوريا و تتهميها بالتخلف :lol:
Sun Shine Art
28/07/2008, 10:28
انا برأي المنبر والمواضيع السياسيه هي احد الاسباب .....

اضافه الى ان الاخويه جامعه نخبه من العقول من شبابنا الي بأمنوا بشي ...عنا ممنوع نفكر فيه .الا وهو..الحريه بكل شي .....

طبعا ماتنسو انه نحن شعب ...منخوف لان متل عقلنا وفكرنا مافي بكل الدنيا مشان هيك كانت السياسه من 30 سني القمع بكل شي وانه تخلي هل الشعب ..يضل خايف ...من الكلمه ....
ولو مو خايفين من كلمتكون ....ما بحيجبو الموقع ........
boy freind
29/07/2008, 16:10
انا برأي المنبر والمواضيع السياسيه هي احد الاسباب .....

اضافه الى ان الاخويه جامعه نخبه من العقول من شبابنا الي بأمنوا بشي ...عنا ممنوع نفكر فيه .الا وهو..الحريه بكل شي .....

طبعا ماتنسو انه نحن شعب ...منخوف لان متل عقلنا وفكرنا مافي بكل الدنيا مشان هيك كانت السياسه من 30 سني القمع بكل شي وانه تخلي هل الشعب ..يضل خايف ...من الكلمه ....
ولو مو خايفين من كلمتكون ....ما بحيجبو الموقع ........
طبعا هالشي فرغنا منو

و انا كنت بدي انشر الاصوات يعني فضول بس نسيت
Marooshe
29/07/2008, 17:05
طبعا لاء
السبب هو التخلف والدكتاتورية والسياسة القمعية يلي بتمشي بلدمو ويلي فية
مش من مصلحة الجماعة انو يكون عندهن عقول وناس بتفكر وبتعبر وما بتسكت ع القهر والظلم والاعوجاج... فكرهن يقدرو يختنو اصحاب العقول والرأي والكلمة... فكرون يقدرو ينفوا اصحاب الحق... بس ما بيعرفو انو الحق لعنة رح تضل ملاحقة نهجهن الخرائي لو شو ما عملو...
sona78
30/07/2008, 16:06
انا صوتت كمان لا لانو حجب المواقع عم يتم بطريقة عشوائية من موقع ويكيبيديا لياهو وmsn ايام زمان لوصلنا لموقع اخوية

.. بس فيو الواحد يقول انو كمان المواقع يلي فيها حكي راي بالسياسة الها خطورتها حسب رايون لانو في فئات بتكون ما مهتمة بهالمواضيع بس بقترا شو بينزل بالمنتدى كنوع من المشاركة ويمكن تنجذب لهيك اخبار. وهيدا اكيد ما بدون ياه
ابو الوديع
30/07/2008, 16:33
انا بتوقع انو المنبر والمواضيع السياسية من احد الأسباب بس مو السبب الرئيسي
انا كنت بعرف انو في حجب أخوية بسوريا بس ما بعرف انو وصلت لحد الأعتقالات
العمى شو لهون وصلت انو يعتقلو ناس منشان ارائهم ويعتقلو ناس بس لأنهم اصحاب عقول متفتحة
فعلاً هي تخلف ودكتاتورية.
boy freind
11/08/2008, 04:40
هلأ هنن بيشتغلو على اساس اللي مو عاجبو الله معو ؟
slim6486
21/08/2008, 16:53
هلق طبعا كتير من الشباب قالو انو السبب هو العقلية و الروح اللي بيتمتع فيهم شباب و صبايا أخوية
بس بحب قول انو لولا المنبر ما كان اجتمع هالشباب و صرحوا بارائهم
شكرا على التصويت و اسف على التأخير في الرد