دردشات أخوية- الحوار مع الدكتور البرغوثي [الأرشيـــــف]

عرض كامل الموضوع : دردشات أخوية- الحوار مع الدكتور البرغوثي

yass

27/07/2008, 03:26

مرحبا يا جماعة ...

متل ما شفتو بالبانر الدعائي و القسم الجديد بلشنا نشاط جديد و هو "دردشات أخوية" و اللي هو نشاط يهدف الى استضافة شخصيات هامة و مؤثرة بشكل بنّاء في مجتمعاتنا بغية المحاورة و الاستفادة من الخبرات...

افتح هالموضوع هون مشان اذا حدا عندو استفسار أو تعقيب أو حابب يستعلم عن شي يقدر يستخدم هالموضوع.. كون الموضوع اللي بالقسم مانعين فيه الردود (تظهر للمشرف فقط) لأنو هو الموضوع اللي رح يتم فيه الحوار..

بالموضوع اللي بالقسم الجديد في مقالة تعريفية للدكتور البرغوثي و شوية روابط مفيدة اذا واحد حابب يتوسع...

بعد الاطلاع على هذه المواد نرحب بشكل كبير بكل الاسئلة و المداخلات اللي حابين تبعتوها الي عالخاص, و انا رح ادرجها تباعا للدكتور البرغوثي وقت الحوار...

بالنهاية حابب أشكر جميع المساهمين بهذا النشاط مسبقا.. و أتشكر كمان جميع من ساهم في قيام هذه الحوارات مع اشارة خاصة لـ M i i i Do لمجهوده الخاص في تجهيز المواد الغرافيكية الدعائية للنشاط و اللي رح تنشر تباعا مع اقتراب موعد اللقاء (يوم السبت 2 آب 2008 )

و شكرا

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

yass

27/07/2008, 03:37

THE PUNISHER

أطيب التحيات للدكتور مصطفى البرغوثي ..
جميع أعضاء الأخوية شبابا وشابات , مشرفين وأعضاء ... نرحب بك في منتدانا المتواضع .. ونأمل بان تجد في فكرنا .. بعض النضوج .. الذي يصعب أن يتماشى مع فكرك ونهجك العظيم ..
أخي ياس مشكور على هذه اللفتة الرائعة منك ومن أخوية .. فواقعنا يتطلب من زمن بعيد هكذا محاولات .. لفتح باب الحوار .. مع بعض العقول الرائدة في مجال السياسة والمجتمع ..
نحيي كفاحك والشعب الفلسطيني .. في سبيل قضيتكم الغالية .. قضية العرب جميعا ..
وأحب أن أطلب منك أخي ياس .. توضيح مجالات الحوار .. وآفاقه ..
وأسلوب الحوار .. هل هو مباشر أم عن طريق الردود فقط .. وشكرا ..
مع التحيات ..

amey

Yass

أنا أيضاً قابلته مره و حادثته لدقائق في رام الله

لم أكن أعرف عنه الكثير

ولكنه شخصية فذه جذابه

سأبعث لك بأسألتي قريباً

أشكرك على هذه الاستضافه لهكذا شخصية

أما أنت َ سيادة السيد مصطفى البرغوثي

أصدقك القول بأني أفتخر بأن نعيش أنا و أنتَ

على ذات الأرض

و نحارب لنفس الهدف

أشكرك Yass ثانية ً

VivaSyria

27/07/2008, 03:53

yass

27/07/2008, 04:02

مرحبا ياس:

أول شي مشكور على هالنقلة يلي فينا نعتبرها أكتر من نوعية في تاريخ أخوية وفي كم شغلة حابب أفهمهن منك:

1- شو الطريقة يلي ستعتمد بالحوار... بمعنى هل الدكتور البرغوتي رح يكون أثناء اللقاء معنا هون بأخوبة أثناء الدردشات ولا بدك تجمع الأسئلة وترسلو ياها ويرسلك الإجابات كتلة واحدة وتنشرها انت تباعاً؟

2-هل هالنشاط حيكون محصور بالشخصيات السياسية أو ممكن تتنوع الشخصيات؟

3هل النشاط حيكون منظم بشكل دوري أو مبدئياً حيكون حسب توافر شخصيات للحوار؟

مره تانيه بقلك انو هي نقلة نوعية بتاريخ أخوية

سلامات.. أهلا فيك و شكرا الك ع اهتمامك..

1) نحنا منطلب ارسال الأسئلة مشان نرتبها و نتأكد من عدم التكرار (اللي يبعت سؤال مكرر رح خبرو بريديا انو خيو سؤالك هاد أرسلو شخص تاني ازا بدك تسأل غير شي).. و نحطهون عنا .. الدكتور البرغوثي راح يتجهزلو عضوية شرف بأخوية و يوم اللقاء راح يدخل بالساعة المحددة و راح نسرد الأسئلة واحد واحد مع ذكر مين أرسلها و هو يرد عليها (عم نشوف امكانية انو بعد أول يوم نعمل جولة ثانية للرد على الأسئلة اللي ممكن تكون تشكلت عن الردود الأولى.. لكن ما متأكدين من مقدرتنا ع هالشي.. حسب وقتو للضيف).

هالطريقة أكثر هدوئا و تنظيما.. و اللي ما بيقدر أو ما اسعفو الحظ يكون موجود بوقت المقابلة فيه يبعت سؤالو و يلاقي الجواب بعدين.

2) لأ أكيد ما بس سياسية.. حتى بالنسبة للدكتور البرغوثي بيهمني شخصيا الجانب الانساني و الحقوقي من عملو.. أكثر حتى من الجانب السياسي... لأنو هو مجالو الرائد فعلا.

كان أملنا انو هالنشاط يحتوي على أكبر كم من الشخصيات السورية.. لكن مع كبسة الحجب الأخيرة صعّبو علينا المهمة جدا جزيلا و الله يعطيهون العافية و يقصف عمارهون بنفس الوقت (مشان التنويع يعني..)

3) أملنا كان منصب على انو يكون دوري.. لكن ما فينا نضمن هالشي كون مو بكيفنا توفر الشخصيات و وقتها ... بس راح نحاول يكون في حوار كل شهر.. بالكتير كل شهرين

تحياتي

yass

27/07/2008, 04:06

بالنسبة لسؤال THE PUNISHER بخصوص محاور النقاش أنا رديت عليه برسالة خاصة بس رح ارجع اشرح هون فيما لو التقى حدا عندو نفس السؤال ..

مافي محاور محددة للحوار (أقصد مافي شي اجباري السير فيه).. حطينا مقالة تعريفية بجوانب عمل الدكتور و كم رابط لتوسيع البحث ... الأسئلة ممكن تجي من جميع الجوانب الخاصة بنشاطو.. حابين نركز بشكل خاص على مجال عملو بالدفاع عن حقوق الانسان, مناهضة الجدار العازل و النشاط الطبي و الاغاثي و الانساني... أكيد السياسة تحتل حيز هام بس ما بدنا كتير انو يتحوّل الحوار الى محور "حماس-فتح" و ما بينهما...

يا هلا

VivaSyria

27/07/2008, 04:19

سؤال عالهامش حبيب:

عضوية الشرف بيقدر يفوت فيها على كل المواضيع أما بس عالهاد الموضوع؟؟

مشان نعرف يعني ممكن نلاقيه فات عالسقيفة وشاركلو بشي موضوع؟؟

عنجد اذا بيقدر يفوت على كل المواضيع مشان نخفف شوية مواضيع تقفيل ونركز بالفترة الجاية على مواضيع راقية شوي وبتبيض الوجه..

yass

27/07/2008, 04:21

LiOnHeArT.3LA2

27/07/2008, 04:52

اول شي حبيب مشكور جدا

كل من مل هي الشغلة

وهالقسم عنجد رائع

..

وبالنسبة للاستضافة ..

ضروري تكون الاستضافة عن طريق النت

او بيمشي الحال كحوار؟

مشكور مرة تاانية

phoenixbird

27/07/2008, 18:51

حلو حلو حلو كتير حجي يسلموا ايديك ايمتى فينا نبلش نبعت الاسئلة وفينا نقترح ضيوف جايي او نساعد بالدعوة الهون؟

Reemi

27/07/2008, 19:36

حلو حلو حلو كتير حجي يسلموا ايديك ايمتى فينا نبلش نبعت الاسئلة وفينا نقترح ضيوف جايي او نساعد بالدعوة الهون؟
من هلا :D

Sun Shine Art

27/07/2008, 19:50

يعطيكون العافيه شباب ولازم تفتخرو على الشغل والتعب .....وع طول هيك انشاء الله ...

ياس الي بدو يسال لح يبعتلك ع الخاص ؟؟....
بس سؤال هل هناك تحديد لعدد الاسئله الي ممكن نطرحها ......

وهل يحق للجميع بطرع الاسئله ولا لأ ؟؟؟؟
واثناء اللقاء لح يكون الوقت كافي لتساله كل الاسئله ........

ويعطيك العافيه وعقبال ما تجيبو مارسيل ....و ناس تانيه...ولك الشكر

biomen

27/07/2008, 22:25

yass

اول ما نطرح الموضوع بالامس تحمّست للفكرة كتير...بشكرك جزيل الشكر على منحنا هذه الفرصة :D

تاني شئ هذا الركن رح ينقل المنتدى نقلة نوعية...لانو مناقشة فكرة ما مع اصحاب خبرة في المجال رح تكون غير شكل...يعني الاستفادة رح تكون اكبر

بضن ان المنتدى خطى خطوة عملاقة بتبني هذه الفكرة

مشكور :D

yass

27/07/2008, 22:34

اول شي حبيب مشكور جدا

كل من مل هي الشغلة

وهالقسم عنجد رائع

..

وبالنسبة للاستضافة ..

ضروري تكون الاستضافة عن طريق النت

او بيمشي الحال كحوار؟

مشكور مرة تاانية

سلامات..

القسم هاد معمول لحوارات من هالنوع (قصدي بهالطريقة).. لكن ما يمنع اذا شخص حابب يعمل مقابلة أو حوار مع شخصية معينة هيك بينو و بين هالشخص يحطها كموضوع مستقل و أكيد رح تنال اهتمام الجميع و رح نسعى كادارة الى انو ياخد مكانو هالموضوع بالدعاية و التثبيت أو شو ما كان الاجراء.. لكن مبدئيا نشاط هالقسم مفكرينو انو يكون بهالطريقة..

تحية

حلو حلو حلو كتير حجي يسلموا ايديك ايمتى فينا نبلش نبعت الاسئلة وفينا نقترح ضيوف جايي او نساعد بالدعوة الهون؟

يا هلا..

من هلأ فيك تبعت الأسئلة .. عندك اسبوع كامل..

بالنسبة لدعوات مستقبلية.... منحكي فيها.. بصراحة الحجب الأخير كسرلنا جناحنا.. كان عنا شوية شخصيات سورية كنا عاملين كونتاكت أولي معهون و هلأ خربت علينا

يعطيكون العافيه شباب ولازم تفتخرو على الشغل والتعب .....وع طول هيك انشاء الله ...

ياس الي بدو يسال لح يبعتلك ع الخاص ؟؟....
بس سؤال هل هناك تحديد لعدد الاسئله الي ممكن نطرحها ......

وهل يحق للجميع بطرع الاسئله ولا لأ ؟؟؟؟
واثناء اللقاء لح يكون الوقت كافي لتساله كل الاسئله ........

ويعطيك العافيه وعقبال ما تجيبو مارسيل ....و ناس تانيه...ولك الشكر[/

quote]

الله يعافيك يا رب... الشغل و التعب شغلتو بسيطة اذا المقابل نجاح أخوية و الاستفادة لناس أخوية.. و انشالله هيك ع طول.. شكرا كتير على تشجيعك..

طبعا يحق للجميع طرح الأسئلة, و بالنسبة لوقت اللقاء... هالأمر بدنا نشوفو اذا في امكانية نعمل على مدى أيام لحتى يتمكن أكبر عدد من الناس يشاركو ... هالأمر خلوه علينا أكيد منلاقيلو صيغة..

و أكيد هاد حجر الأساس.. حجر أساس فاخر و من الطراز الرفيع.. و الخير لقدام انشالله

تحياتي

[quote=biomen;1073239]yass

اول ما نطرح الموضوع بالامس تحمّست للفكرة كتير...بشكرك جزيل الشكر على منحنا هذه الفرصة :D

تاني شئ هذا الركن رح ينقل المنتدى نقلة نوعية...لانو مناقشة فكرة ما مع اصحاب خبرة في المجال رح تكون غير شكل...يعني الاستفادة رح تكون اكبر

بضن ان المنتدى خطى خطوة عملاقة بتبني هذه الفكرة

مشكور :D

أهلا و سهلا... و لا تشكريني لألي أنا ما عملت شي... الشكر للدكتور البرغوثي على تواضعو و حب التعاون عندو.. كتبتلو بآخر مراسلة بالتجهيزات انو الله يكترلنا من أمثالك

أكيد هالأمر مفيد جدا لأخوية و منتمنى انو ينال الاعجاب و المتابعة..

أهلا :D

yass

31/07/2008, 14:41

يا جماعة آخر موعد لارسال الأسئلة يوم السبت الساعة 12 ظهرا بتوقيت دمشق.. مشان نلحق نرتّب الأسئلة و نجهزهون

لذلك اللي ما بعت سؤال يلحق حالو

yass

03/08/2008, 03:10

اللقاء تم تسجيله صوتيا, و راح نقوم بادراج التفريغ النصي تباعا على مدى يومين أو 3 مشان لسهولة المتابعة (بعرف ازا جبت نص طويل كتير ما حدا راح يقراه :lol:) لذلك هيك نقسمها على قطع صغيرة و كل يوم ننشر قطعتين أو 3

هو الدكتور حاول انو ما يتقيد انو سؤال و جواب بشكل حرفي بل فضّل انو يحاول خلال سرد على طريقتو أن يحتوي أفكار جميع الأسئلة (و بعتقد انو.. بعد الاستماع مرة أخرى الى التسجيل.. هالأمر نجح فيه) .. لا يخلو الأمر انو ظل في كم سؤال ما أسعفنا الوقت انو نتطرق لأفكارهون (كون للأسف ضيعنا وقت بمشاكل تقنية بالاتصال و الدكتور كان مرتبط بموعد محاضرة برام الله بعد الوقت المخصص النا مباشرة) فتواعدنا على اعادة الحديث لاحقا بعد كذا يوم أو اسبوع أو أكثر.. حسب.. لمتابعة النقاط التي تبقت و للرد على مداخلات حول طرحه هذا..

التسجيل الصوتي كمان راح نحاول لاحقا نقطعو حسب بلوكات أفكار و ننسقو و نحطهون كمان..

الصراحة أنا جدا سعيد بالفرصة اللي انطرحتلنا, و جدا استمتعت بالحوار... و لازم قول انو مصطفى البرغوثي "جنتلمان" بكل معنى الكلمة, و انسان لطيف و ودود جدا.. و كمان كتير ممنون لمديرة مكتبو, الآنسة غادة البابا, على لطفها و تعاونها معنا على مدى أيام تحضير الحوار...

رفعت هالموضوع مشان اذا حدا حابب يناقش أي شي حول المقاطع اللي عم تنزل..

و سلامات

MadMax

03/08/2008, 03:23

على حسب ما فهمت ..
ماعاد في جولة تانية من الاسئلة ..
أو بمعنى تاني تعقيب عالأجوبة ..؟؟

yass

03/08/2008, 03:27

على حسب ما فهمت ..
ماعاد في جولة تانية من الاسئلة ..
أو بمعنى تاني تعقيب عالأجوبة ..؟؟

مبلى.. بس ما اتفقنا لسى على يوم محدد...