في بداية الموضوع أحب أن أنوه على التالي .. :
- الموضوع للمناقشة وليس لأثارة المشاكل يرجى من كافة الأعضاء احترام رأي الآخرين وعدم تجريحهم
-- قد يكون هناك موضوع مماثل ضمن المنبر الحر أو أية قسم آخر.. ولكني طرحت هذا الموضوع بشكل مختلف مضمونا وتوجها فقد حاولت عرض مضمون الزواج المدني وأخذ الآراء مع محاولة إيجاد صيغة للحل ... إن أمكن .. وبحيث يرضي الجميع
--- الموضوع تم عرضه مع استمرار حجب أخوية ... لهيك بعتذر عن سوء صياغته .. ولكن الصياغة صعبة ضمن برامج كسر الحجب .. ومنيح اللي طلع معي هيكي ..
---- وبتمنى من الأعضاء الإلتزام بجدية الموضوع وعدم تحويله لموضوع تشات ..
مع التحيات
-----------------------------------------------------------------
1- تعريفه وشرعيته :

الزواج من دين آخر أو كما يسمى .. بالزواج المدني ... أصبح منتشرا بشكل واسع في الفترة الأخيرة .. إن لم يكن
في معظم الدول العربية .. فهو في أعظمها .. وخصوصا المنفتحة منها .... ولكن هو محرم في بعضها ومحلل في
بعضها الآخر .. بحسب النظام السياسي القائم ضمن الدولة .. وتشريعاته

. " فإذا كانت الأسرة هي الخلية الطبيعية والأساسية في المجتمع، و لها الحق بحماية المجتمع و الدولة " فان " للرجل و المرأة، متى أدركا سن البلوغ، حق التزويج و تأسيس أسرة ، دون أي قيد بسبب العرق أو الجنسية أو الدين. و هما يتساويان في الحقوق لدى التزوج وخلال قيام الزواج و لدى انحلاله" ( المادة 16 من الإعلان العالمي لحقوق الإنسان) .


في الحقيقة الزواج المدني يشكل خطوة جوهرية لا مناص منها في بعض المجتمعات لتحقيق التوازن في مستويات أعداد الأفراد في الأديان المختلفة والتوازن في المستوى الإقتصادي
ببعض المجتمعات فئات دينية تمتلك الأكثرية الغالبة في مجالي الأعداد والإقتصاد .. فيؤدي الزواج المدني إلى إحلال التوازن وإبعاد الحروب الإجتماعية القائمة على أساس أنها طائفية ولكن مضمونها اجتماعي قائم على إحساس فئة دينية بضعفها ضمن المجتمع عددا أو اقتصادا

حقيقة شعور البعض :
بعض الأزواج يقولون ".. مش مشكلة .. المهم نكون متفاهمين وشو بدنا بالعالم وحكين .. أنا بحبو وهوي بيحبني
اي .. شو بدن فينا .. "
أحد الزوجات : أنا بدي لاقي الشب اللي بحبو وبيحبني .. شو ماكان .. مسيحي, قرباطي , مسلم , أسود أبيض . المهم نتفق سوا ..
عائلة متزوجة مدنيا : نحنا تزوجنا على أساس المحبة والمودة .. أصلا مين بقا بيدور عالدين .. المهم التفاهم

أصل المشكلة هو قوانين الدين غير المفهومة واللي عليها التباس ..
شروط الزواج عند بعض الأديان الشائعة في المجتمع :

عند المسلمين : لا يجوز زواج مسلمة من مشرك – او ملحد ..
و يشك في صحة زواج مسلمة مــن كتابي ، أي مسيحي و يهودي.
ويقال بأن المسلم الذي يتزوج من غير دينه فهو يزني ..

عند المسيحيين : لا يجوز زواج مسيحية من مسلم أو أي مؤمن من دين آخر الا بشروط هي :
- بقاؤها على دينها .
- تعميد الاولاد و تربيتهم تربية مسيحية.
- الزواج امام السلطة الكنسية.
أما بالنسبة للشاب المسيحي فلا يمكنه قانونينا البقاء مسيحيا إن تزوج من غير دينه .. ولكن هذا يعود لقناعته

وتبقى دوما بعض التحفظات في حالات حرجة .. نابعة من طبيعة الشريكين وإيمانهما وعقيدتهما ...
اي تبقى هناك ثغرات في هذين القانونين .. حيث يلاحظ التمييز بين الجنسين .. المرأة بأحد الاديان يمكنها الزواج مدنيا .. اما الرجل لا يمكنه .. وبالعكس في دين آخر .. مما أدى لنشوء هذه الثغرات ..

------------------------------------------
2- سلبياته :

* قد يؤدي في بعض الأحيان إلى قيام مشاكل طائفية في حالة عدم تفهم أحد أسرتي الشركين أو كلاهما (وهنا الكارثة) عندها تبدأ الحروب العالمية بينهما ...
* قد يكون نتيجة لعلاقة حب مؤقتة بين شخصين من دينين مختلفين وقد يكونان وقتها غير ناضجين كفاية لفهم غاية الزواج فيتخذان قرارهما بشكل طائش ..
* قد يسبب تفكك المجتمع وانتشار الطائفية ... وله نتائج كارثية على كلا طرفي المعادلة
* يجب مراعاة قبل الإقدام على الزواج المدني .. الفروق القائمة بين بعض الأديان وعدم تقبل فكرة زواج فردين منهما

------------------------------------------
3 - رأي المجتمع به :
هنا يأتي دور الأعضاء :

ما رأيك في الزواج المدني بغض النظر عن دينك وقوانينه .. هل تفكر أو سبق أن فكرت به .. وماهي نسبة نجاحه برأيك .. !؟
هل انت معه أم ضده من الأساس وتؤيد مبدأ كل واحد ياخد من دينو أحسن ؟ .. ولماذا .. !!
ويرجى عرض الآراء بشكل موضوعي وبعيدا عن التعصب الديني ..
بعرف انو الموضوع معقد كتير .. بس ياريت نتناقش فيه شوي .. ,,,THE PUNISHER "

موضوع يستحق الطرح .. كنا متل ما قلت رح نناقشو بالاستبيان أولا وأخيرا .. مو مشكلة هلأ بنتوسع بالحكي هون بما انك طرحتو... بس عندي أكتر من نقطة بحكيك مو مزبوطين ! ........... أول الشي ;اشك في صحة زواج مسلمة من مسيحي أو كتابي كيف يعني يشك ؟ يا أي يا لأ .. وأكيد هالحكي مو مزبوط ؟؟ لأن زواج مسلمة من مسيحي أو كتابي هو زواج صحيح شرعا وقانونا ! بعد ما يغير دينو قصدي ..وكيف ويقال ;;ان المسلم الذي يتزوج من غير دينه يزني ؟ مافينا ناخد المقولات الغلط .المسلم فيه يتزوج مسيحية . وفي نقطة مالي متأكدة منها بس لما تتزوج مسيحية من مسلم كمان ما شرط تعميد الأولاد وماشرط يتم الزواج امام السلطة الكنسية أنا هيك بعرف .في نقطة تانية انو مافينا نحصر السلبيات بهيك بس يشجع عالطائفية !..كمان هاد موصحيح برأيي.. أنت يمكن قصدك تحكي شو بينقال وكيف العالم بيحللو ..مزبوط ؟ بس انا حابة وضح أنوبعض الحكي يلي عم تقولو هون مو مزبوط هو عبارة عن المقولات او الأفكار الخاطئة بالمجتمع مشان ماحدا يفهمك غلط ...شكرا الك للموضوع يعطيك العافية وتحية

طبعا الزوراج المدني هو حل لكتير امراض بالمجتمعات متعددةة الاديان ....حاليا يقف امام الزواج المدني ك تشريع عوائق كبيرة ....و مستحيل يكون الزواج المدني مطبق في بلد متل سوريا ع المستوى المنظور....التجربة بلبنان فشات متل ما منعرف بتحالف رجال الدين و الاحزاب الطائفية .... و ما بتخيل انو سوريا مهيئة لهيك تشريع بالوقت الحالي و المستقبل المنظور .

قبل ما نوصل لتشريع زواج مدني لازم كتير امور تتغير ...على الصعيد الفردي و المجتمعي ....و اهمها مستوى التعليم للنساء ...و تحسن الظروف المعيشية و توفر فرص عمل لكلا الجنسين . و بعدين بتجي الامور اللي بتتعلق بقضايا اقليمية بتأثر ع الحياة اليومية .....
بالوضع الراهن انا ضد الزواج المختلط...مانو شي منيح ابدا ..بالعكس تماما ......( قصدي الزواج المختلط اللي بتم عن طريق تغيير الدين ...خطيفة يعني )

وقت بتم تشريع زواج مدني ما بفرق بين الازواج من حيث الدين بكون الزواج المختلط هو تحصيل حاصل و تجسيد لامر واقع ما اكتر .
اسف للرد على عجالة ..و تحياتي

بحب قللك شغلة إلك وللكل... النقاط اللي ذكرتها ما بتعبر عن وجهة نظري .. انا جبتلكن شو عم ينقال ..
وبدي تخبرونا شو اللي صحيح وشو اللي مانو صحيح .. ما هيدا هوي سبب طرح الموضوع للمناقشة لأنو في كتير أمور فهمانينها غلط .,. .. وشكرا إلك

موضوع كتير حلو ضربلي على الوتر الحساس ....
أنا مسيحية وزوجي مسلم يعني هاد مو وجهة نظر أو رأي هاد واقع وتجربة عايشتها ... للأسف احنا الاجيال الجديدة عقليتنا متفتحة لموضوع الزواج من دين اخر لكن للأسف أهالينا لسا بيعتبروا عار كبير وهاد عم يأدي لكتير مشاكل بعدين...
الزواج من دين تاني بينجح بحالة وحدة بس أنو يكون الزوجين متفاهمين ومتفقين أنو كل واحد إله دينوا وعدم التدخل بالحدود الدينية للأخر أما اذا الزوج بعد ما بتصير المرأة بإدوا هيمارس عليها تعصب ديني حسب معتقداتو فهون هيفشل هل الزواج بسرعة ...
كل شي بيعتمد على تفاهم الشخصين مو اي شي تاني ...

بحب قللك شغلة إلك وللكل... النقاط اللي ذكرتها ما بتعبر عن وجهة نظري .. انا جبتلكن شو عم ينقال ..
وبدي تخبرونا شو اللي صحيح وشو اللي مانو صحيح .. ما هيدا هوي سبب طرح الموضوع للمناقشة لأنو في كتير أمور فهمانينها غلط .,. .. وشكرا إلك


بالنسبة للأشياء الصح والغلط ...

المسلمة حرام تاخد اي حدا من غير دينها لكن المسلم ممكن ياخد مسيحية او يهودية بس ... لأنو من المعروف انو المرأة بتتطبع على أطباع زوجها ....

بس بالنسبة للمسيحية فصراحة مو متأكدة بس ما بعتقد أنو الكلام صحيح ...

أخ hashtnasht....قلت "وقت بتم تشريع زواج مدني ما بفرق بين الازواج من حيث الدين بكون الزواج المختلط هو تحصيل حاصل و تجسيد لامر واقع ما اكتر ." عفوا بس مافهمت قصدك هون... قصدك كل واحد يبقى عدينو بكلمة تحصيل حاصل ؟

أخت wild angelطيب حضرتك مسيحية .. وضحيلنا النقط مشان تعميد الاولاد والزواج أمام الكنيسة هالشي مزبوط ؟

أخت wild angelطيب حضرتك مسيحية .. وضحيلنا النقط مشان تعميد الاولاد والزواج أمام الكنيسة هالشي مزبوط ؟


لأ مو مظبوط بالمرة لأنو معروف قانونيا وعالميا أنو الأولاد بيتبعوا للأب ان كان بالإسم أو الدين ...
تانيا ... حتى الزواج في هي الحالات بيتم عن طريق المحكمة لأنو بالعادة حتى الزواج بيتبع للرجال ...
لو صار أنو تزوجوا بالكنيسة فهاد الزواج غير معترف فيه أمام الدولة خاصة انو نحنا في دولة اسلامية ..
تالتا على افتراض انو قرروا يتزوجوا بالكنيسة فهون الكنيسة بتفرض تعميد الزوج كمان يعني مو مسموح إلو ان يضل على دينو ... أما لو تزوجوا بالمحكمة فكل واحد حر ...

بالنسبة لزواج المسيحي من مسلمة .. هاد بيتم بشرط واحد انو تتنازل عن دينها لأنو هاد يعتبر ارتداد ومافي اي محكمة هتوافق على هاد الزواج الا اذا وافق الزوج يصير على دين الزوجة ...

أما اذا قرروا يتزوجوا بالكنيسة وما غيرت دينها فهاد الزواج غير معترف فيه ... وبكل الحالتين تغيير دينها في البلاد العربية ما يعتبر حرية لأنو يعتبر ارتداد وهاد فيه هدر دم .. بالمعنى المجازي ....

أخ hashtnasht....قلت "وقت بتم تشريع زواج مدني ما بفرق بين الازواج من حيث الدين بكون الزواج المختلط هو تحصيل حاصل و تجسيد لامر واقع ما اكتر ." عفوا بس مافهمت قصدك هون... قصدك كل واحد يبقى عدينو بكلمة تحصيل حاصل ؟

طبعا ...ما هو زرواج مدني ..يعني خلي الدين ع جنب بمعنى تاني .

انا ما بوافق الاخت wild_angel بانو يكون الزوجين متفاهمين .....الاسرة هي وجدة البناء الرئيسية للمجتمع ...و بحالة الاخت wild_angel عم تكون الاسرة اساسا فيها خلل مع المجتمع ..من حيث انو متل ما قالت انو الاهل يعتبرو هالموضوع عار كبير ....

طبعا الاهل معن حق ....100 % .. الاهل مانن غلطانين ابدا ً ... لانو الزواج مبني ع اسس غير متكافئة و حتى لو الطرفين ( الزوج و الزوجة متفقين و متفاهمين و حاطين كلشي ع جنب )

انا شخص غير متدين ...و ما كتير بيعنيلي الدين يعني ...بس انا ما حدا رادد عليي اصلاً ...و وقت بدي طلع اخراج قيد بدو ينكتب ديني و مذهبي...بقدر قول لجماعة التفوس انو ما تحطولي الدين و المذهب ع اخراج القيد !!! ع كيفي الشغلة يعني !!
اذا بدي اتزوج باهالمجتمع و باهالتشريعات لازم اتزوج عند طايفتي ...حصرا يعني ....و على فرض انا غير مسلم ...و بدي اتزوج من مسلمة ...شو عندي حلول !! ترى ما عندي غير اني غير ديني ...حتى لو ما كان عندي دين يعني :lol:

طبعا الموضوع مانو بهالبساطة ...الموضوع كتير معقد .... و الزواج المختلط بصيغتو الحالية هو خروج عن ضوابط المجتمع ...بغض النظر اذا كانت هالضوابط منيحة او لاء ....
الحل انو نغير ضوابط المجتمع ...ما انو نخرج عنها ...
تغيير الضوابط بكون عن طريق اقرار الزواج المدني ...اللي هو زواج بتم بالمحكمة بعيدا عن الطقوس الدينية و بدون اصلا ما يضطر البني ادم يقول شو دينو ....عقد بين طرفين ...و انتهى .

برايي هي هيي الصيغة الوحيدة المقبولة لهالموضوع و الصيغ الحالية هي سيئة اكتر من الواقع اللي عم انتقدو ....وهي خطأ الو عواقب بيتحملوها الاولاد و الازواج مع بعض ...

هاد اللي عندي حاليا

يعني أنا بدي إفهم شغلة ... إذا الله بنفسوا حلل الزواج من الأديان .... فليش المجتمع كل مرة بينط بالنص وبيعتبروا عار ؟؟؟؟
يعني اذا مسلم اخد مسيحية .. الله تبعوا غير الله تبعها .. كلياتنا بالنهاية بنعبد نفس الرب ... وأسفة على كلامي بس هاد اسمو تخلف الأهل وهني الي عم يعملوا عدم التوازن مو حدا تاني ....
انا وزوجي عم نعلم اولادنا على دين الله وانبياءه جميعا مو نحببهم بدين ونكرهم بدين ...

حقيقتا متمنية انو احنا العرب نطلع من هل التفاهة لأنو احنا الي مخربين على حالنا ... انا ما شفت الاجانب عملوا حرب ليش واحد تزوج من غير دين بالعكس بيعتبروا هاد حريتوا وقراروا ...

وعلى فكرة زواج المحكمة فيو دين وطائفة مو بس عقد لآنك حتى لما بتروح لتعقد بتروح اما على المحكمة الشرعية السنية او الشيعية واجراءات العقد نفس الي عند الشيخ عالضبط .. فهو مو عقد ورقة وبس ...

يعني أنا بدي إفهم شغلة ... إذا الله بنفسوا حلل الزواج من الأديان .... فليش المجتمع كل مرة بينط بالنص وبيعتبروا عار ؟؟؟؟
يعني اذا مسلم اخد مسيحية .. الله تبعوا غير الله تبعها .. كلياتنا بالنهاية بنعبد نفس الرب ... وأسفة على كلامي بس هاد اسمو تخلف الأهل وهني الي عم يعملوا عدم التوازن مو حدا تاني ....
انا وزوجي عم نعلم اولادنا على دين الله وانبياءه جميعا مو نحببهم بدين ونكرهم بدين ...

حقيقتا متمنية انو احنا العرب نطلع من هل التفاهة لأنو احنا الي مخربين على حالنا ... انا ما شفت الاجانب عملوا حرب ليش واحد تزوج من غير دين بالعكس بيعتبروا هاد حريتوا وقراروا ...

وعلى فكرة زواج المحكمة فيو دين وطائفة مو بس عقد لآنك حتى لما بتروح لتعقد بتروح اما على المحكمة الشرعية السنية او الشيعية واجراءات العقد نفس الي عند الشيخ عالضبط .. فهو مو عقد ورقة وبس ...


بخصوص انو الله بنفسو حلل الزواج من الاديان ...هاد الشي اول مرة بسمعو بالعكس انا سمعان خلافو يعني !!!

المجتمع بيعتبر اي شي عار اذا كان في شي عار يعني ...
وقت منحكي عن زواج ...الزواج هو علاقة لازم تكون متكافئئة بين الطرفين ....لازم يعني في لزوم ...و اللازم لازم لاغني عنو ...

اذا بدنا نبتدي الزواج بطقس ...مجرد طقس يعني...شي رمزي بينتقص من هالتكافؤ....ف شو رح يصير يعدين !!!

الاجانب اللي عم تحكي عنهن ...كبو الدين مع جنب و عملو شي اسمو زواج مدني ..شي قانوني يعني ..متل وقت بتعملي عقد شركة او بتبيعي بيت ...بتعملي كمان عقد زواج ..بيكفلو القانون و بحطلو ضوابط...محدد و واضحة .


اما زواج المحكمة اللي عم تحكي عنو ...فهو زواج ديني ...بس بحكم انو الزواج بالاسلام الو صيغة مدنية فبكون بالمحكمة ( القصد انو الزواج داخل و حطولي خطين تحت داخل هو زواج مدني ..و لكن ضمن حدود معينة ) بقى وقت بتروحي ع المحكمة الشيعية او السنية هاد ما بكون زواج مدني ...شو مدنو !!!!

بغض النظر عن تفاهمك مع زوجك....اولادك مسلمين اولاء ؟
اذا لا سمح الله صار طلاق ...بتقدري تاخدي حضانة الاولاد و انتي مسيحية .....اي السما اقربلك

اذا بعد عمر طويل لاسمح الله توفى زوجك و انت على مسيحيتك...بتورثي نظامي يعني ولافي ان !!!!

حاج نضحك عل بعض و نلف و ندور ....زواجكن مانو متكافئ...بتحبو بعض ما اختلفنا ..متفاهمين على عيني و راسي من فوق.بجوز تكونو احلى كوبل بالعالم...بس بالصدفة صدقيني

و اذا انتي امورك ماشي حالا في كتير غيرك فايتين بالحيط ...لانو هني قبلو يتزوجو منتقصي الحقوق

و رح كرر

الزواج المندي يا شباب هو الحل الوحدي للزواج المختلط ....و بدون صيغة زواج مدني هو عار ...و هو مشكلة و هو عبئ و بلا احسن .

:D

المشكلة بعدم تقبل المجتمع لهذه الحالات ... اضافة الى الناحية الدينية اللي تقوض هذه الشغلات

و كثير مشاكل ممكن تنتج عنه ..... و مو ناجح دائما .. بسب كثير شغلات دينية و اجتماعية ...



ما حبيت احكي من الناحية الدينية ... بس رح اوضح شغلات بسيطة

بالاسلام ... الزوجة اذا ظلت على دينها ما تنشمل بالورث اذا مات الزوج ...

... يعني بس يموت الزوج ..... رح تطلع بدون اي شي .. اضافة هي غالبا تكون متزوجة بدون رضاة اهلها و تخيلوا حالتها في حال حدوث اي كارثة على زوجها ...

و ما ننسى هي طلعت من المسيحية في هذه الحالة .. الا اذا ترجع !
اما في المسيحية رفض زواج المسيحي بغير المسيحي (لكلا الجنسين) ... (و لكن طائفة واحدة اجازت الزواج على شرط ان يكون السر في الكنيسة)


بس ما ننسى وجود ناس غير متدينة ... ناس تريد تتزوج مدنيا ...



القوانين الحالية غير صالحة للارتباط على اساس مدني بشكل يضمن الحقوق و الواجبات ..


اتمنى نبقى على الجانب الاجتماعي ... لان الجانب الديني ممنوع مناقشته من قبل رجال الدين !



مرة طلع قاضي لبناني .. يقول اللبنانيين اذا حبوا يتزوجوا مدنيا ... يروحوا الى قبرص و يعقدوا عقد مدني و يرجعوا يسجلوا العقد في لبنان كزواج أجنبي ...
و هو يقول للمقبلين على هذه الخطوة... لا تروحوا الى قبرص ........ روحوا اتزوجوا في سفارة دولة اجنبية تقبل الزواج المدني ...


المشكلة شائكة من كل النواحي ...




الزواج المندي يا شباب هو الحل الوحدي للزواج المختلط ....و بدون صيغة زواج مدني هو عار ...و هو مشكلة و هو عبئ و بلا احسن .

:D

اي انا معك .....

لو تتعدل القوانين لو بلاه ...... لان على هذه القوانين زواج فاشل

يعني أنا بدي إفهم شغلة ... إذا الله بنفسوا حلل الزواج من الأديان .... فليش المجتمع كل مرة بينط بالنص وبيعتبروا عار ؟؟؟؟
ليش ما نحكي بالمفتوح و بصراحة ؟؟؟


في الاسلام يختلف الحكي عن المسيحية في هذا الموضوع ....

المجتمع يرفض لان الدين يرفض ... و حتى احيانا المجتمع ما يتقبل المرأة المسيحية من تبقى على دينها ... بعد ارتباطها بالمسلم ... او حتى بعد الارتباط و هي تظل بين النارين و ما تقدر تحكي

انو انا اكيد مع الفكرة
وما عندي مشكلة اتزوج مدني
وما عندي مشكلة مع شي
الحاجز الوحيد يلي ممكن يكون بيني وبين هيك خطوة
هيي اهلي والمجتمع
لهيك الشغلة بصير بدها دراسة
وميزان
لحتى شوف انو كفة بترجح....

انا صوتت للاحتمال التاني
مع اني قلبا وقالبا مع الخيار الأول كون الجميع بدون استثناء بشر من الدرجة الأولى وبتجي صفة الدين متل صفة فرعية بالانسان

لكن لازم نطلع اكتر من هيك شوي

التزاوج من دينين مختلفين يعتبر جريمة بحق الاطفال ... جريمة من الدرجة الأولى ..

انو انا اكيد مع الفكرة
وما عندي مشكلة اتزوج مدني
وما عندي مشكلة مع شي
الحاجز الوحيد يلي ممكن يكون بيني وبين هيك خطوة
هيي اهلي والمجتمع
لهيك الشغلة بصير بدها دراسة
وميزان
لحتى شوف انو كفة بترجح....
بظن إنو أغلبية النساء إّذا مو كلن من رأيك.."الكفة"..هون مربط الفرس;)
أما بالنسبة للشباب.. فالزواج المدني بحللون المشكلة!
بس متل ماقال غابرييل ممكن يوقعون بكتيير مشاكل بعدين..أثرها حتما سلبي عالولاد..-وهدا غير موضوع-
إلا في حال كانوا على درجة من الوعي والثقافة والشو أسمو.. بتخليهم متفاهمين متل ما قالت wild angle
برأيي غالبا بيكونوا علمانيين.. أو موضوعيين إذا حبيتوا..ماهو الزواج المدني بالنهاية جزء من النظام العلماني
اللي أنا ما بعتقد إنو ضد الدين أبدا..:D
بالعكس..أنظف للدين..لأنو بيفصلو عن السياسة
:D
التوقيع مسلم علماني////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

انا مع قلبا وقالبا ..صعب كتير احصر حالي بشي انا ما الي فيو ايد..ما ذنبي ابدا اني اجيت عند اب من هالدين وحبيت واحد كمان اجا عند اهل من غير دين... بالنهاية ما انا ولا هوي الي اختارنا هالدين ما ضروري انضل متمسكين فيه ...

مشان الولاد.. وهني صغار ما بتوقع كتير بتكون فارقه معون شو ما اتسجلو -وبتوقع بيكون اخر همون للاهل- وبس يكبرو الاولاد بيكون الون كامل الخيار باي دين بدون يلتحقو.. ويمكن ما يلتحقو من الاساس

إذا كنا منآمن باحترام حقوق الانسان ، فلابد من سن قانون الزواج المدني وإلا مارح يكون لمبدأ المساواة بين البشر أية قيمة .
وببلادنا مافي هالمساواة وأعني المساواة بين الأديان بقانون الزواج
يعني أنا بدي إفهم شغلة ... إذا الله بنفسوا حلل الزواج من الأديان .... فليش المجتمع كل مرة بينط بالنص وبيعتبروا عار ؟؟؟؟
يعني اذا مسلم اخد مسيحية .. الله تبعوا غير الله تبعها .. كلياتنا بالنهاية بنعبد نفس الرب ... وأسفة على كلامي بس هاد اسمو تخلف الأهل وهني الي عم يعملوا عدم التوازن مو حدا تاني ....

خلينا نعكس أديانكم وعلى فرض أنو أنتي مسلمة وهو مسيحي ... يا ترى بتقدري تاخديه وتتزوجيه بمجتمعك بدون ما يغير من دينو حتى ولو تزوجتو مدني .
وهيك ما استفدنا شي من الزواج المدني


قضية الزواج المدني المنبثقة عن مبدأ فصل الدين عن الدولة ، مانا قضية ارتجالية فردية بتم بين يوم وليلة، هي جزء من نظام متكامل .
الأفراد ما بيقدرو ياخدو هالقرار اللي بيرضيهم، إذا ما كان هالنظام قائم
على سبيل المثال تزوجت مدني وكل شي ... بيطلع مشكلة الأحوال الشخصي
كيف رح يتم الزواج المدني إذا ما كان فيه مؤسسة أو قوانين للأحوال الشخصية محايدة لادينية

ولهالشي رح اختار الاحتمال التالت
مو لأني ضد الزواج المدني بالعكس تماماً لكن حسب المجتمع والظروف بقول شعب "بهالعقلية الدينية" الحالية والتشدد الديني مارح يتقبل فكرة الزواج المدني
يعني إذا تزوجت بسوريا من واحد من دين تاني مية مشكلة رح تطلعلنا ومن ضمنها دين الأولاد
ولا حدا يقول ممكن تصير تربية لا دينية ... هالشي صعب وصعب كتير
بيكفي أنو الدولة رح تطالب بأنو ينحط دين الوالدين الأشرف ديناً للطفل وهيك وقعنا بنفس الدوامة
أو أنو بالمدرسة رح يجبروه على تلقي دروس دين معين والجيران والرفقا وال .... الخ

يعني الزواج المدني بالمختصر ماهو نص قانوني وحيد مجرد اقرارو كافي لحل مشكلة الزواج المختلط ... لازم يتبعو جملة تغييرات كبيرة بالقوانين ومن ضمنها قانون الأحوال الشخصية ..ما بعرف إذا مجتمعنا بيقبل هيك تغييرات

ولا حدا يقول ممكن تصير تربية لا دينية ... هالشي صعب وصعب كت

ليش صعب؟؟

انا تربيت هيك واختي هلا عم تتربى هيك ...

ما في شي صعب اذا كانو الاهل ع قدر من السؤوليه بتحمل القرار الي اتخذوه

الزواج من ديانة مختلفة صعبة كثير ..

لانو بجوز فيها .. يكون في تناقد مع الدين ..

واذا على المجتمع .. ما بعرف اذا في رفض لهالفكرة اساسا ..

وكمان في عدة مشاكل بتواجة الزواج من ديانة ثانية ..

واهمها الاطفال ..

بس كل اشي في اله ظروفة ..

يعني بجوز احب وحدة من ديانة ثانية .. وما اقدر استغني عنها .. وبجوز اتزوجها ..

بس من المفضل عدم الزواج من ديانة ثانية ..

ريمي لما بدنا نحكي عن مجتمع بدنا نحكي بالعموم
بعرف أنو في أهل حاولوا يربوا أولادهم تربية لا دينية ومشي الحال
بس أديش يا ترى نسبة اللي بينجحوا بهالشي بظل هالمجتمع المتمسك بقصة أنو يدخل الدين بكل نواحي حياتو
لاتنسي كمان اختلاف البيئات والمدن بيلعب دور ... بس الفكرة عم نحكي بالعموم
ما في شي صعب اذا كانو الاهل ع قدر من السؤوليه بتحمل القرار الي اتخذوه
إي ما في شي صعب بس لما القانون بيجبر الأهل أنو أولادهم لازم يتبعوا هالدين ولو حتى ما كان في اقتناع هون الصعوبة
لهالشي بقول وبرجع بقول لازم يكون في تغيير كبير كتير بالقوانين المدنية لتتناسب مع فكرة الزواج المدني
وهلا أم الريم :D

هوي اذا بدنا ننطر القانون وتغيير وصلاح المجتمع بعمرو ما واحد بيتزوج :p

الزواج المندي يا شباب هو الحل الوحدي للزواج المختلط ....و بدون صيغة زواج مدني هو عار ...و هو مشكلة و هو عبئ و بلا احسن .

مزبوط.. هاد الصح...

و مشان يكون في زواج مدني.. لازم يكون في قانون مدني.. و لازم يكون في مدنية على الأقل...

لازم يكون في تغيير كبير كتير بالقوانين المدنية لتتناسب مع فكرة الزواج المدني

اي مزبوط...
بس بلا ما ننسى انو القوانين بكتير احيان بتتوافق مع حاجات ورغبات المجتمع
يعني ازا صار بالمجتمع في وعي للزواج المدني
وكترو متبعينو وكترو مطالبينو
اكيد رح يبقى ينسن قانون بيدعم هيك نوع من الزواج
بس ازا الشي من اساسو
مرفوض اجتماعيا ودينيا
فما حدا رح يطالب فية ولا يأيدو...

اي مزبوط...
بس بلا ما ننسى انو القوانين بكتير احيان بتتوافق مع حاجات ورغبات المجتمع
يعني ازا صار بالمجتمع في وعي للزواج المدني
وكترو متبعينو وكترو مطالبينو
اكيد رح يبقى ينسن قانون بيدعم هيك نوع من الزواج
بس ازا الشي من اساسو
مرفوض اجتماعيا ودينيا
فما حدا رح يطالب فية ولا يأيدو...
مين بدو يتبعو دخلك.. ذكرتيني بـ 80 و80-من مسرحية فيلم أمريكي طويل لزياد الرحباني-;)

أنا شايفة انو المجتمع بلش يتغير وبلشت عقول الناس تتفتح لهل المواضيع ومو بعيدة بالمستقبل يصير الموضوع عادي ومقبول

أنا شايفة انو المجتمع بلش يتغير وبلشت عقول الناس تتفتح لهل المواضيع ومو بعيدة بالمستقبل يصير الموضوع عادي ومقبول
مع الاسف جدا ...المجتمع عم يرجع ما عم يتقدم

ومو بعيدة بالمستقبل يصير الموضوع عادي ومقبول

اي مو بعيدة
بالمستقبل البعيد...

مع الاسف جدا ...المجتمع عم يرجع ما عم يتقدم


المجتمع بيتقدم لأنو احنا بدنا ياه نتقدم مفروض احنا الي عم نعلم الاجيال القادمة ....

باعتبار مبارح جاوبت على نفس السؤال بالصالون حبيت ارجع عيد رأيي هون :
بداية بدولنا العربية وباعتبار غالبية السكان من الإسلام من الطبيعي كون القوانين تتماشى مع العقيدة والفكر السائد وتفضيلها عن باقي الديانات بغض النظر عن صحته أو خطأه لذلك مابدي فوت بموضوع القوانين الناظمه لعمليات الزواج باعتبار في حلول بديلة للزواج من غير أديان وقانونية 100%...

الزواج من منطلق إنساني هو ارتباط شخصين متفقين وبيناتهن مشاعر المحبة برباط شرعي أمام المجتمع بغض النظر شو دين هدول الشخصين... لأنو ببساطه الزواج بداية مشاعر الحب "منطقياً" والمشاعر والأحاسيس موضوع انساني بحت مافينا نقيدها بدين ولا بقانون.. وتقييدها هو قمة الإرهاب للإنسانية...

كمثال على ماسبق:
مسيحي متعصب.. تقدم للزواج من ابنته مسلم "كامل الصفات Full option " لايقبل بزاجها منه كونه مسلم.. تمر الأيام تكبر البنت.. يزوجها بعريس مسيحي قد يكون سيئ جداً ... شو استفاد؟؟ دمر حياة ابنته ومستقبلها... وأدخلها بمعمه طويلة من أجل الطلاق "الصعب جداً في الدين المسيحي"

مثال أخر: مسلم متعصب.. تقدم للزواج من ابنته شاب مسيحي " كمان فول أوبشن" لم يقبل به وتكررت حكايته مع الإختيار السيئ.. شو استفاد؟؟ دمر حياة ابنته وأعادها إلى منزله "مطلقة" وشتت أولادها "إن وجدوا" دون ذنب..

المهم بالحالتين السابقتين لم يكن لأصحاب العلاقة "البنت والشب" دور في تقرير مصير حياتهن وقرر هالمصير الأهل وهيك دمروا هالأشخاص بدون ذنب.. مما سبق نستنتج ضرورة انو الأطراف المعنية هنن يلي يقرروا حتى لوكان قرارهن غلط بس بيبق أفضل لأنو بيبقى قرارهن يلي لازم يتحملو مسؤوليته ومابيكون أطراف أخرين المسؤولين عن هالقرار حتى لو كانو الأهل أو المجتمع...

بالنهاية الزواج مؤسسة عمادها الرجل والمرأة ونجاحها وفشلها بيتعلق فيهن مو بدينهن ولا بأهلن ولا بشي تاني.. أنا أؤيد الزواج المدني وبقوة

باعتبار مبارح جاوبت على نفس السؤال بالصالون حبيت ارجع عيد رأيي هون :
بداية بدولنا العربية وباعتبار غالبية السكان من الإسلام من الطبيعي كون القوانين تتماشى مع العقيدة والفكر السائد وتفضيلها عن باقي الديانات بغض النظر عن صحته أو خطأه لذلك مابدي فوت بموضوع القوانين الناظمه لعمليات الزواج باعتبار في حلول بديلة للزواج من غير أديان وقانونية 100%...

الزواج من منطلق إنساني هو ارتباط شخصين متفقين وبيناتهن مشاعر المحبة برباط شرعي أمام المجتمع بغض النظر شو دين هدول الشخصين... لأنو ببساطه الزواج بداية مشاعر الحب "منطقياً" والمشاعر والأحاسيس موضوع انساني بحت مافينا نقيدها بدين ولا بقانون.. وتقييدها هو قمة الإرهاب للإنسانية...

كمثال على ماسبق:
مسيحي متعصب.. تقدم للزواج من ابنته مسلم "كامل الصفات Full option " لايقبل بزاجها منه كونه مسلم.. تمر الأيام تكبر البنت.. يزوجها بعريس مسيحي قد يكون سيئ جداً ... شو استفاد؟؟ دمر حياة ابنته ومستقبلها... وأدخلها بمعمه طويلة من أجل الطلاق "الصعب جداً في الدين المسيحي"

مثال أخر: مسلم متعصب.. تقدم للزواج من ابنته شاب مسيحي " كمان فول أوبشن" لم يقبل به وتكررت حكايته مع الإختيار السيئ.. شو استفاد؟؟ دمر حياة ابنته وأعادها إلى منزله "مطلقة" وشتت أولادها "إن وجدوا" دون ذنب..

المهم بالحالتين السابقتين لم يكن لأصحاب العلاقة "البنت والشب" دور في تقرير مصير حياتهن وقرر هالمصير الأهل وهيك دمروا هالأشخاص بدون ذنب.. مما سبق نستنتج ضرورة انو الأطراف المعنية هنن يلي يقرروا حتى لوكان قرارهن غلط بس بيبق أفضل لأنو بيبقى قرارهن يلي لازم يتحملو مسؤوليته ومابيكون أطراف أخرين المسؤولين عن هالقرار حتى لو كانو الأهل أو المجتمع...

بالنهاية الزواج مؤسسة عمادها الرجل والمرأة ونجاحها وفشلها بيتعلق فيهن مو بدينهن ولا بأهلن ولا بشي تاني.. أنا أؤيد الزواج المدني وبقوة



أنا معك .. رأيك سليم 100% :D

انا صوتت للاحتمال التاني
مع اني قلبا وقالبا مع الخيار الأول كون الجميع بدون استثناء بشر من الدرجة الأولى وبتجي صفة الدين متل صفة فرعية بالانسان

لكن لازم نطلع اكتر من هيك شوي

التزاوج من دينين مختلفين يعتبر جريمة بحق الاطفال ... جريمة من الدرجة الأولى ..


وانا معك بالتصويت على الخيار التاني
نحنا من هاد المجتمع و مهما صرنا رح تبقى جذورنا علقانة بهالمجتمع
و دائما في ناس رح يدفعوا تمن الغلطة الناتجة عن عدم التماثل الديني في اي زواج
و هي المرة هني الاطفال رح يبقوا كل عمرهم اولاد الغريب او اولاد الغريبة بالنسبة لاقرب الناس لهم

التزاوج من دينين مختلفين يعتبر جريمة بحق الاطفال ... جريمة من الدرجة الأولى ..
مو شرط... و بحكي عن تجربة ذاتية...

هو صحيح ببلادنا مصيبة.. كون الدين علامة أو "دمغة" انتمائية أكثر من ما هو فكر ... لكن اذا الأب و الأم واعيين لهالمسألة و قادرين يحمو الأطفال ما شرط تكون مشكلة (أكيد ممكن تتضايق كتير أحيان من بعض الملاحظات و التدخلات الحشرية بتفاصيل حياتك و خصوصا من الأقارب... لكن تتعوّد.. و خصوصي اذا اهلك يحموك لحتى تكبر)

لازم احكي كمان انو في حالات شبيهة بحالتي عايشتها و كان ناقص وعي الأباء أو حمايتهم.. و فعلا النتائج كانت كارثية.. بدها شغل كتير لحتى تنجح. و اذا نجحت ممكن تكون ذات نتائج رائعة جدا

كون الدين علامة أو "دمغة" انتمائية أكثر من ما هو فكر ...

بتعرف شو أول سؤال بينطرح من شعبك لما بينطرح عليهن مسألة زواج بين تنيين من دينين مختلفين وقبل أي سؤال تاني... الولاد شو بدهون يطلعو إسلام ولا مسيحية؟؟ وكأنهن هنن مسؤولين عن زيادة الاسلام أوالمسيحية بالأرض.. وكأنو الهدف الوحيد من الزواج هو زيادة عدد دين معين على حساب دين تاني..

بتعرف شو أول سؤال بينطرح من شعبك لما بينطرح عليهن مسألة زواج بين تنيين من دينين مختلفين وقبل أي سؤال تاني... الولاد شو بدهون يطلعو إسلام ولا مسيحية؟؟ وكأنهن هنن مسؤولين عن زيادة الاسلام أوالمسيحية بالأرض.. وكأنو الهدف الوحيد من الزواج هو زيادة عدد دين معين على حساب دين تاني..


مشان هيك عم قول دمغة انتمائية.. مو ايمان

طيب شخصيا و انا بحكي عن حالي انو لما بدي حب شو بنت بدي اتجوزها شو ما كان و ما رح يوقف الدين بوجهي لأنو اللي بدو يلحق الدين ما بيخلص شي بيقلك المسلم معلش يتجوز مسيحية بيجي شيخ بينط بقول لا تنكحو المشركات ( المسيحيات ) طيب المسيحية مو مشركة و هات لاقيلها حل اذا بيلتقى

بتعرف شو أول سؤال بينطرح من شعبك لما بينطرح عليهن مسألة زواج بين تنيين من دينين مختلفين وقبل أي سؤال تاني... الولاد شو بدهون يطلعو إسلام ولا مسيحية؟؟ وكأنهن هنن مسؤولين عن زيادة الاسلام أوالمسيحية بالأرض.. وكأنو الهدف الوحيد من الزواج هو زيادة عدد دين معين على حساب دين تاني..
يا ريت بس هون المشكلة
المشكلة بالقوانين يلي بتجبر الأولاد يتبعوا أشرف الوالدين ديناً
يعني حتى بهي الأهل ما فيهم يقرروا

مشـان نحكي عن هيك موضوع ومشان أقدر أؤيد الزواج المدني مية بالمية..انا بحاجة لمجتمع تاني تماما وافكار تانية ومبادىء غير..لكن هون حتى لو فرضنا انو الطرفين بمعادلة الزواج ما همهن الدين وشالوه ع جنب المجتمع ما رح يرحمهن..او يمكن يغفر لطرف من الاطراف والطرف التاني رح يعيش كل حياتو بمعاناة (وع الاغلب بتكون الانثى)
بعدين ما حدا بضمن انو هالزواج ما رح تكون نتيجته مأساوية ع الاولاد..صحيح في تجارب بتنجح بس في كمان تجارب بتفشل..

يعني لما يتغير المجتمع وتتغير المبادىء ولما نطلع بنتيجة انو ما رح يكون طرف منبوذ ومضطهد بهالمعادلة..ورح يكون في عدل كافي للـ 2 ساعتها ممكن أؤيد هالزواج..لكن الى الان انا ضد الزواج المختلط (بغض النظر شو دين الذكر وشو دين الانثى.. بالنسبة الي ما في فرق يعني متل ما المسلمة ما بطلعلها تتزوج من غير ديانة نفس الشي انا بشوف للمسلم)..

وشـكرا ع الطـرح :D

يا ريت بس هون المشكلة
المشكلة بالقوانين يلي بتجبر الأولاد يتبعوا أشرف الوالدين ديناً
يعني حتى بهي الأهل ما فيهم يقرروا


انا معك 100 % بهي يعني هالقوانين الظالمة تحل عن هالناس المفروض الولد يختار اما دين الاب او الام بس اذا الولد ما بيفهم بالدين لسه شو الحل معناها قليلي ؟

بالوضع الراهن انا ضد الزواج المختلط...مانو شي منيح ابدا ..بالعكس تماما ......



هلأ كمان الوضع الحالي مو صحي أبداً

يعني في عنا كتير حالات ..بتكون برضى الاهل ( من الطرفين ) و برضى المجتمع ( يللي هني عايشين فيه )
و مع هيك بيصتدموا بالمانع القانوني
و أغلب الناس عم تضطر تسافر لتتزوج مدنياً و ترجع لهون ..
يعني المنع عملياً ما عمل شي بهالحالة .... غير زاد مصاريف الزواج ....مع العلم أنو أغلب العرسان عنا بيبدوا حياتون منتوفين خلقة ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

رح ارجع احكي تفصيلا أكتر ... بس أكتر فكرة ممكن تزعجني بالزواج المختلط لما شخص بيغير دينو ليسير معاملات رسمية وهو مانو مقتنع ... يعني شو الفائدة يحمل اسم دين مانو مقتنع فيه ؟ هي ثغرة كبيرة ..برأيي ...

بالنسبة للزواج المختلط..
فينا نحكي قد ما بدنا عن آرائنا الشخصية أو تجاربنا الشخصية, ياريت يكون الواقع متل ما نحنا بدنا نتصورو أو متل ما البعض منّا عاشوه..
لكن المشكلة الاساية رح بتضلها موجودة ببلدنا ورح نضل نسمع بحالات فشل هالزواج و ظلم احد اطرافه او ظلم الاولاد...
اذا قانون الدولة ما انفصل كلياً عن الدين فمارح يكون في زواج مدني, وطالما هالشي ما موجود--> فرح نضل نشوف تناقضات معيبة بين ما يدّعي به رجال الدين والدولة من إنصاف و عدل, وبين قوانين البلد. وافضل مثال هو القانون يلي مضمونو :الطفل يتبّع دين أشرف الابوين ديناً!.
لذلك, التغيير يلي رح يصير لازم يكون تغيير جذري (فصل الدين كلياً عن الدولة )....
ولو اني بآمن أن تبادل المشاعر بين إنسانين ما بيحتاج لقوانين أصلاً, لكن إذا ماصار زواج مدني رح ضل شخصياً معارض للزواج المختلط.

انا معك 100 % بهي يعني هالقوانين الظالمة تحل عن هالناس المفروض الولد يختار اما دين الاب او الام بس اذا الولد ما بيفهم بالدين لسه شو الحل معناها قليلي ؟
الفكرة يا بوي فريند أنو القانون عم يفرض على الأهل بأنو ولادهم يتبعو دين معين
ومتل ما انقال سابقاً لازم يكون في قانون مدني بالدولة بيساعد على إحلال الزواج المدني
بتعبير أدق فصل الدين عن الدولة


اذا قانون الدولة ما انفصل كلياً عن الدين فمارح يكون في زواج مدني, وطالما هالشي ما موجود--> فرح نضل نشوف تناقضات معيبة بين ما يدّعي به رجال الدين والدولة من إنصاف و عدل, وبين قوانين البلد. وافضل مثال هو القانون يلي مضمونو :الطفل يتبّع دين أشرف الابوين ديناً!.
لذلك, التغيير يلي رح يصير لازم يكون تغيير جذري (فصل الدين كلياً عن الدولة )....
ولو اني بآمن أن تبادل المشاعر بين إنسانين ما بيحتاج لقوانين أصلاً, لكن إذا ماصار زواج مدني رح ضل شخصياً معارض للزواج المختلط.

:deal:

و نرجع للنقطة الاساسية .....

مجتمعنا و وضعنا غير مهيئين للقوانين المدنية ... و لا للزواج المدني


بس اذا صار تعديل شامل على قوانين الاحوال الشخصية ....... ممكن يصير تغيير ...


و بالنهاية انا اشوف ... مشاكل الزواج المختلط ... كثيرة و ما تنتهي ....

انا بعارض و بشدة الزواج من عقائد مختلفة لانو مستحيل يضاين الا وواحد فيهون بدو يضحي تضحيات جسيمة..
لانو عواقبو كبيري...
هلق نحنا بالطائفة المسلمة و في عنا مشاكل بالمذاهب فكيف من ملة تانية و شريعة تانية ؟؟؟
المدني انا برايي انو زواج مو ناجح حتى ما فيني اطلق عليه صفة زواج لانو الزواج مو وثيقة تجمع تنين لاء هوي ترابط و تزواج و قران بمعنى الكلمة ...
شكرا ...انا قلت رايي و و رح صوت للخيار التاني

مو شرط... و بحكي عن تجربة ذاتية...

هو صحيح ببلادنا مصيبة.. كون الدين علامة أو "دمغة" انتمائية أكثر من ما هو فكر ... لكن اذا الأب و الأم واعيين لهالمسألة و قادرين يحمو الأطفال ما شرط تكون مشكلة (أكيد ممكن تتضايق كتير أحيان من بعض الملاحظات و التدخلات الحشرية بتفاصيل حياتك و خصوصا من الأقارب... لكن تتعوّد.. و خصوصي اذا اهلك يحموك لحتى تكبر)

لازم احكي كمان انو في حالات شبيهة بحالتي عايشتها و كان ناقص وعي الأباء أو حمايتهم.. و فعلا النتائج كانت كارثية.. بدها شغل كتير لحتى تنجح. و اذا نجحت ممكن تكون ذات نتائج رائعة جدا
مبدا القاعدة والستثناء شو بقول لك ؟!؟!
بقول حيطلع الولد ضايع بين الدينيين خصوصا مع المشاحنات العلنية واللي بعضرنا عبتتمثل بقنوات فضائية كاملة همها الوحيد المحاربة + شخصية ضعيفة متأثرة بمجتمعين مختلفني انتجوا انسان غير متوازن + خجل وتذلل اجتماعي ناتج عن المدايقات اللي ممكن يواجهها .. يمكن ما تكون بشكل مباشر بس على الأغلب حتتمثل بالنبذ من المجموعات الدينية المختلفة ...

وبالتالي جريمة بحق الطفل لأن الطفل هوي اللي عبيدفع ثمن العمل اللي ارتكبوه والدينه

النتيجة السابقة شبه معممة وبعتقد الكل بيشترك معي ان صديقنا ياس اكبر مثال لنظرية " لكل قاعدة استثناء "

مبدا القاعدة والستثناء شو بقول لك ؟!؟!
بقول حيطلع الولد ضايع بين الدينيين خصوصا مع المشاحنات العلنية واللي بعضرنا عبتتمثل بقنوات فضائية كاملة همها الوحيد المحاربة + شخصية ضعيفة متأثرة بمجتمعين مختلفني انتجوا انسان غير متوازن + خجل وتذلل اجتماعي ناتج عن المدايقات اللي ممكن يواجهها .. يمكن ما تكون بشكل مباشر بس على الأغلب حتتمثل بالنبذ من المجموعات الدينية المختلفة ...

وبالتالي جريمة بحق الطفل لأن الطفل هوي اللي عبيدفع ثمن العمل اللي ارتكبوه والدينه

النتيجة السابقة شبه معممة وبعتقد الكل بيشترك معي ان صديقنا ياس اكبر مثال لنظرية " لكل قاعدة استثناء "

الولد ما حيطلع ضايع بين الدينين اذا الأهل ما ضيّعوه..

ع كل حكيت أنا انو مشان ينجح -بمجتمعنا- لازم تتوفر شروط هامة كتير.. و اذا توفرت هالشروط فراح يكون دون أي مشكلة

طبعا الكلام ينطبق على مجتمعنا.. و خاصية هالزواج أو مشاكل هالزواج بمجتمعنا سببو المجتمع و ليس طبيعة الزواج

الزواج هو للحقيقية أقرب لمشاركة مصالح شخصين لأدارة شركة كبيرة تعود للطرفين بأرباح كبيرة
هي تعريف مثقف


تعريف سوقي
الزواج متل البطيخة يا بتكون حمرا وحلوة يا صفرا ومرة

اكثر شباب ها الأيام بيتخيلو انو الزواج هو حياة هانئة مليئة بالحب والتضحيات
وتقبريني وبحبك وانا بعشقك


المهم من خلال تجربتي بها الحياة لما اتنين بيخطبو من نفس الدين ومن غير ملة مو زابطة وابدا
علوي يتزوج سنية او العكس مازابطة
كيف بقا مسيحي ومسلمة او العكس

السبب مو تعصب ديني ابدا
السبب واضح كل انسان عنده عاداته وتقاليدة وطبيعة حياة اجتماعية ممكن الشخص يقول انا مستعد اتخلص منها
لكن للأسف بعد الزواج رح يرجع يرجعها
وغالبا المبادر بكون الرجل بها الاشياء هي

الزواج المدني هو عبارة عن رخصة جديدة لصك زواج غير معترف فيه بالبلد
يعني زواج عرفي لكن علني غير مخفي

مهما حاولنا نحن الشعب العربي بكافه اطيافه فرض المجتمع المدني بكل احتوائاته وبكل مجتمعاته
رح يضل عنا نزعه شرقية مستحيل تروح

الولد ما حيطلع ضايع بين الدينين اذا الأهل ما ضيّعوه..

ع كل حكيت أنا انو مشان ينجح -بمجتمعنا- لازم تتوفر شروط هامة كتير.. و اذا توفرت هالشروط فراح يكون دون أي مشكلة

طبعا الكلام ينطبق على مجتمعنا.. و خاصية هالزواج أو مشاكل هالزواج بمجتمعنا سببو المجتمع و ليس طبيعة الزواج

بهيك حالات مابتخيل انو الاهل مارح يضيعوه او على القليلة يفلجوه
يعني فرضا مسيحي ومسلم
رح يجن الصبي المسكين لما يقعد المسيحي يحكيلو عن دينه ويقعد المسلم يحكيلو عن دينه
:shock::?
بالاخير بقول اهلي مجنيّن احسن شي صير ملحد او شوف سعدو او السطل