تـمّ افتتاح باب التصويت لمسابقه اخويه للرسم و التصوير و هون بهالموضوع رح يتم الادلاء بالاصوات مع ذكر السبب .
ترتيب الاعمال عتمادا على تاريخ التسليم كالتالي :

المشاركه # 1 - غابي
المشاركه # 2 - مايا*
المشاركه # 3 - Sarita
المشاركه # 4 - ميدو

بالتوفيق :D

مع اني طجيت توقيعي بالمسابقة بس بيني وبينكم انا بصنف حالي رسام درجة عاشرة " هاد بحسب تصنيفي ويعد من أفضل التصنيفات اللي حصلت عليها "
بس ما بعرف شو صار فيني بعد موضوع ياس تحمّست اني نزل رسمتي ...
حتى اني كنت حاطتها ضمن ملف اسمه " يمكن " يعني كنت عبشاور عقلي ..
ومشان التوقيع بتعرفوا يعني العمل جدا رائع فما حبيت اني حط اسمي على الزيق مشان ما يجي شي ابن حلال يلطشه .. بتعرفوا بيكاسوا وآنجلوا رفقاتي عانوا قبلي كتير من هي النقطة خوفا اني اوقع بنفس مشاكلهم استعرت قلم شمع من مقلمة التلوين اللي صار لها عندي من وقت ما كنت صف تاني وكتبت بالأصفر على الرسمة اول 3 احرف من اسمي " GAB " لان اسم GABRIEL كتير كبير وبده لوحة بحد ذاته ..
وطجينا بطريقة فوتوشوبية GK فوق بتعرفوا مشان التراث يعني :gem:

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


منجي على التحليل للوحة والمقطوعة تبع مرسيل خليفة ...
ما بعرف شو اللي صار معي
اول 15 ثانية حسستني ببداية شي اسمه حرب وشي اسمه آمر ومامور وشي اسمه خاضع ومُخضع ..
بس بعدين تغيرت القصة شوي ...
صار في شي انضج بالقصة وصار في شي بحبه كتير سواء من الموسيقى او من تناغم الأصوات المحبذ كتير بالنسبة ألي
حتى قريب الدقيقة التانية .. شي ضرب لي على عصبي .. حسيت شي مش ظابط على بعضه وما عبتتشكل صورة براسي تمام
واستمر هاد الوضع حتى الدقيقة التامنة تقريبا ورجع على الوتيرة اللي بفضلها وعلى الطبقة اللي بحبها ...
وطلعت معي هي الصورة ..
صورة الحمامة كانت جدا معبرة بالنسبة إلي لهيك مقطوعة ..
وكان في مشروع شيلّ الحمامة غصن زيتون على منقارها دلالة على اعلان السلام لأن اللوحة متل ما حسيت عبترمز للحرب ومن بعده السلام ..
بس عدّلت عن الفكرة لأن المنقار طلع معي صغير والحمام ما عنده مهارة الحمل على الضهر ..:lol:
والبنت اللي بالصورة اجت صورتها على بالي بآخر 30 ثانية بالفترة اللي بتروق فيها كتير ..
مع ان البنت بذات نفسها اذا شافت الصورة ما بدها تعرف حالها
بس على خبري اني كنت عبحاول ارسمها وهاد اللي طلع معي ..
شو بدي اعمل بحالي اذا ما زبطت الصورة معي ؟!
يمكن ما طابق البنت اللي عبرسمها غير بانفها .. اضافة لعيونها اللي دائما هال فترة للاسف .. مدمعين .." وبعدني مصرّ انه سبب فاضي وما اله طعمة ابدا "
يمكن ما طلعت الصورة متل ما كنت متخيلها .. بس الصورة اللي براسي .. انا شخصيا كتير راضي عنها
حتى لو ما كانت مطابقة للصورة اللي بين ايديكم .. بس المهم اني راضي على الشي اللي عملته ..
ليش يالازرق ...
كمان بعيف السبب لحالي ..

بنصح جميع المتبارين ينسحبوا لأن انحسمت المسابقة بجيمع اصداراتها لالي :ss:

بـتسمعي الغنيه و بناء عليها شو بيجيكي مخيلات ترسميها رسميها و بتشاركي فيها هون


بصراحة : مخيلاتي بإجازة طويلة ..

راحت و ماعادت رجعت , فبعرف أنو كلها مالها علاقة بالمعزوفة

بس أنو هيك طلع معي :cry:






////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

مرحبا كيفكون ان شاءلله بخير
اليوم جايبة لوحتي
<<<<<<<<<ما حدا يعلق هه لانو لعب عيال :frown:
بس اللي حسيتو من الغنيي بيت مهجور من ايام الحروب ...الخ ....الخ
بس الشي اللي كان بدي وصلو ما قدرت اني ارسمو ما بعرف شو صرلي كسل كتيير كبييير بس انا راضية على الصورة حاليا

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


هي صاير عليها تعديلات والاصلية هون :frown:
افقوش هووون (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
او هووون (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
يالله سلالالالام

هلئ هون المفترض بظن انو احكي انا شو شفت بهاللوحة

فصل هاللوحة شبر شبر وفسرها

بس رح اجلها شوي ...

لضعف الامكانيات المعنوية .. بالوقت الحالي

بكل حال بدي وضح شغلتين

اول شغلة .. انو هي اللوحة لسا ما خالصة بشكل نهائي ... يعني كانت احلامي فيها كبيرة ... واكبر من الي طلع معي هلئ ... بس الظروف ما سمحت اني كمل فيها للاخير .. بحكم انو اليوم اخر يوم .. قررت نزلها

تاني شغلة ... ما كان عندي ماكيت كبير كفاية .. لحتى ارسمها .. فاضطريت ارسمها على ماكيتين موصولين ببعض .. مشان ما تستغربو من الخط الي بالنص ... مانو خط الافق ما تخافو :lol:

هلئ رح ارجع اعطي وجهة نظري .. باللوحة .. بس لاصحى شوي ومخمخ عليها

وهي اللوحة

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

تم فتح باب التصويت بتمنى من الجميع يشارك بالتصويت :D ..
و برجع بزكّر بانو النتيجه رح بتكون اعتمادا على تقدير اللجنه و تصويت الاعضاء ..
لجنه التحكيم مؤلفه من خمسه ادارين : Madmax, The morning, yass, sezar, butterfly

الرسمة يللي راسمها ميدو شدتني بالرغم من اني ما فهمت جزء كبير منها....
بس حسيت انو فيها شي متل المجهول شي بعيد وقريب بذات الوقت...حسيت انو فيها رفقات ووحدة حسيت انو فيها أمل وسراب...ويمكن انو الشي يللي جذبني فيها انها غير مكتملة وانو خطوطها مو وااضحة وهاد خلاني عيش غموضها بالشكل يللي انا برسمو وكأنو ميدو حط الخطوط العريضة وانا عم كمل....

الرسمات التانية ناعمة كتير بس ممكن لانو انا عندي شغف بالشي يللي مو واضح وغامض صوتت لميدو:D

عالهامش..اللون الكحلي برسمتك ميدو حسيتو مالو داعي او لو بلاه افضل

خيارات الاستفتاء المـشاركه الافضل برأي هي :
المشاركه # 1 - gabrie



ما جبت شي من عندي :ss:

80 مشاهدة
3 اصوات
4 أيام باقية

للتذكير بس

:larg:

عفوًا يعني.. شو هيي الغنية يللي انسمعت ويللي على وقع مسامع الغنية انرسمت الرسومات؟

لنقرر مين عبّر اكتر عن معنى الغنية بالرسم .. بنظري يعني.. وكذا


اي وكـ رسومات انا كتير محتارة.. بقا بلكي ادا بتجاوبونا ع السؤال بنقدر نحسم لمين بصوت

الغنية كانت معزوفة لمرسيل خليفة باسم شروق ... فيكي تطالعيها بموضوع المسابقة

:D

عفوًا يعني.. شو هيي الغنية يللي انسمعت ويللي على وقع مسامع الغنية انرسمت الرسومات؟

لنقرر مين عبّر اكتر عن معنى الغنية بالرسم .. بنظري يعني.. وكذا


المعزوفه بتقدري تلاقيها هــوون (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)..
لكن الهدف مش كان التعبير عن المعزوفه برسمه انما استخدام المعزوفه لاثاره شي بهالفنان اللي بدو يرسم يعني كأداه بتخص الفنان فقط , فيكي تختاري مين تصوتيلو من ايّ اكتر لوحه عجبتك بشكل عام بدون ما نفوت بدراسه الغنيه و الحاله النفسيه للفنان و ترابطهم .. :D

للتـذكير انو ما رح يتم احتساب الاصـوات اللي ما بتزكر السبب اللي خلاها تصوّت لفلان مش لعلان . هالسبب مش بالضروره يكون تعمّق بالحاله الفنيه انما كلمه او تنين عن شو بميّز هاللوحه عن غيرها بيكفي - مثلاً متل ما شرحت وشم كيف قريبه الها اللوحه حستها -
:D

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////




رسـمة مــايــا حسيت فيها شي غريب وغامـض..يعني هاي ريشة للكتابة أعتقد..بس انو الطريقة اللي رسمت فيها الريشة والالوان اللي استخدمتها كتير حلوة..وبرجع بكرر فيها نوع من الغموض يعني حاولت استنتج بشو كانت تفكر لما رسمت هالرسمة وشو المغزى بس لاقيت اكتر من تفسير وولا تفسير قدرت اتأكد منو او اكتبو..وهاد شي كتير ممتـع :)

فيها لمسة إبداع وكمان الالوان بتضفي نوع من الحميمية والارتياح للمشهد اللي عم نشوفو ...

مــا بـعـرف بالمخـتصر حبيتها :D

الصراحة .. انا الللي صوتلو هوة ميدو .. واسطة ها .. ما اكتر :p


اي .. لا جد .. بس انو ميدو رسمتو طالعة مميزة عن الباقي هلا انا مالي بالفن وما بعرف شو يعني ما لح خبّص .. بس انو جد الرسمة طالعة معو حلوة .. حبيت كتير طريقة الرسم ..

حبيت فكرة النار الطالعة من المي .. من ورا الشخص .. ما بعرف ازا قدرت عبّر صح يكون هوة قاصد شي تاني .. بس انو حسيتا ممميزة ..

وثانكس للباقي .. في منن حلوين طالعين .. :D

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


حبيتها كتير .. تدرج الالوان فيها متقن .. ورغم طبيعة الوانها بتعطي شعور مريح
اي شو بعرفني ليش :lol:
حبيتها وخلص ..يعني نفسي اعرف شو كان خاطر ببالها لما رسمتها .. حلوه كتير

طيب انا رح قول شغلة.. كل اللوحات حلوين

بس انا عنجد كتير احترت بين لوحتين

لوحة مايا* & لوحة MiiiDO ...

كـ شكل عنجد اللوحتين كتير كتير حلوين...وما قدرت حدد لـ اي لوحة بصوّت
يعني كـ اعجاب ، انا معجبة باللوحتين كتير.. خاصة انو كل لوحة الها ميزة بتختلف عن التانية

لهيك قلت بدي اختار من حيث تدرج الالوان او ترتيبها وتناسقها... يعني بهالمعنى..

فـ مع اعجابي باللوحتين ( شكلاً ومضموناً ) الفكرة حلوة بكل لوحة من هاللوحتين ...

بس قررت صوّت لـ لوحة مايا*..
مع انو بقية اللوحات حلوين خاصة لوحة MiiiDO

بس لوحة مايا* اخترتها لانو عجبتني كـ شكل وكـ تدرج الوان كتير منظم ومرتب..

وخاصة انو ادّق التفاصيل باللوحة ملونتها بـ اسلوب كتير حلو..ومهتمة لكل نقطة..
يعني حتى بـ ابسط النقاط التدرج كتير منظم ومرتب ومتناسق عنجد..

بقى هيك..والاختيار كتير صعب

:D

حبيت لوحتين لوحة مايا* ولوحة ميدو .. حسيت التنتين كتير حلوين ومتقنيين عنجد .. بس صوتت ل ميدو لأن في رواء باللوحة شدني الها كتير يعني شغلة احساس هيك طلع معي :D

للأسف ما بدي اقدر كون موجود على النت خلال الاسبوع الجاي وبالتالي ما حأقدر شوف نتيجة المسابقة
فيا ريت تناولونا الورود مشان نتيسر ما جاي على بالي انتظر ل 1 بالشهر ( سمايلي متواضع وواثق بنفسه )

---------------------------------------------------------------------
شو بحياتكم ما شايفين مشاركة بتبدا بالهامش ؟!؟!!؟
خيو فوق الخط هوي الهاموش تبع المشاركة وتحت الخط هوي المو هاموش تبع المشاركة

بتشكر باسمي ادارة قسم الرسم والتصوير على الحركة الغريبة والحلوة بنفس الوقت والمميزة جدا ... ومتل ما تعودنا بالاخوية كل شي متميز وفريد من نوعه ....

ومشان مشروع الرسمات شخصيا كتير حبيت رسمة Sarita (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) وبتقديري الشخصي بتستاهل انها تفوز ...
ومشان مشروع ميدو ... سعدو يلاقي لك واحد يتبرع لك بعيون مشان تتعلم ترسم :larg:

يعني صح هي اول مشاركة لالي معكن;) ...........بس بدي احكي
الفرق كتير كبير بين الاعمال وبين عمل (ميدو).....
ليش؟؟؟؟
لانو:
العمل كتير ناضج و فيو حس نحتي والواضح انو محترف ... واللوحة كتير فيا ابعاد و فيا مساحات لونية بتسمحلنا نتنفس.......
ومنحس بضبابية الالوان و التقنية للحظة و بنفس الوقت كمان في اضاءات رائعة و ضربات لونية واضحة.....

شكرا عن جد .....كتير حلو:deal:

فيو حس نحتي والواضح انو محترف

:shock::shock::shock::shock::shock:

ليش حاسس انك ميدو نفسه :o

الشباب و الصبايا اللي مصوتين لغابي و Sarita يا ريت تقومو بزكر الاسباب كرمال يتم احتساب الاصوات .. نوهنا مسبقا الى انو التصويت بدون ذكر السبب لا يحتسب ..
:D

لوحة مايا عجبتني كتير يسلمو مايا:D
اولا الالوان تناسق رائع
فيها شي من الاسرار

أنا للأسف ضطرة غيب عن أخوية ..

يمكن مو منطقي هلا إشكر للي صوّتو ( للوحة ) الي رسمتها أنا .. بمــا أنو التصويت ما خلص بعدو ..
بس كمان مو منطقي أني روح و ما إشكرهون .. و خصوصاً بيجوز إرجع و تكون المسابقة كلها تأرشفت .. !

لهيك شكراً إلكون ..
Marwa
black_iris
matya
ooopss
ناصرشكري

:D


حبيت علّق على نقطة صغيرة :


الفرق كتير كبير بين الاعمال وبين عمل (ميدو)..

أكيد في فرق كتير كبير .. ميدو فنان و لوحتو ما معقول شو حلوة *,
بس كل مين على قد إمكاناتو .. فيعني بتقدري تحسبيهون شخبط شخابيط ..

* : لوحتك ميدو لوحة مرسومة بريشة فنان .. و كتير :cry: .. الزاوية اليمين منها / خوفتني / ..
ـــ

أنا صوتت لغابي : لوحتو كتير بسيطة و كتير حبيتها , يمكن أني ألفتها لأنها أول لوحة نزلت :p , ويمكن أني بحب التواصل البسيط بعيد عن الخطوط المعقدة و الكلام المو مفهوم .. فلقيتها أقرب إلي من غيرها ..
ــ
مبروك سلفاً للي بفوز باللوحة ..
و شكراً كتير لمون شيريتي , على هلـ الفكرة الحلوة ..

صوتت للوحة ميدو لأنها الوحيدة اللي مافهمت منا شي(:lol:) ..

بس مع هيك حبيتا بجوز مشان الالوان المستخدمة او بجوز لانها بتشدك وبتخليك تتمعن فيها اكتر ..
(:?)I really don't kno...المهم اني حبيتا..:gem:

آني وايز جود لاك للكل..:D

اللوحات الأربع مميّزة وتدلّ على براعة أصحابِها وحسّهم الفنّي.
شكراً لكم: جَبرييل، أحمد، مايا وساريتا.

أصوّت لجَبرييل صاحب اللوحة الأولى، لسببٍ بسيط يتعلّق بوجه مَن في اللوحة وبنظراتِها المرفقة بحركة الفم.
سلام.

هلأ عفوًا بدي اسأل سؤال..

ما فينا نعطي ملاحظة ع لوحة ما .. ؟
يعني ملاحظة عن شغلة لولاها كانت بتطلع اللوحة أجمل

فينا نعطي ملاحظة.. ولا لاء ممنوع ؟!

كل الرسمات حلوين وكتير احترت بالتصويت
لكن بالنهاية أخترت لوحة كابرييل
لوحة كابي رغم انها يمكن للبعض عبارة عن شخوطة وبلون واحد ... لكن حسيت فيها حياة وحسيت كأنها مليئة بالألوان وعم تنبض بالحياة
:D

الاصوات لحد الان بالترتيب :

خمسه اصوات لأحمد
اربع اصوات لمايا *
تلات اصوات لغابي - صوتين ما انحسبو لعدم ذكر السبب
ولا صوت ل Sarita - كل اللي صوتو ما ذكرو الاسباب + المتسابق ما بحقلو يصوّت لنفسه

موعد اغلاق التصويت , بكرا مساء ً :D

المشاركه # 2- مايا*

هآرد لك للبآقين :D

المشاركه # 2- مايا*

هآرد لك للبآقين :D

السبب ?
كي تنحسب الاصوات لازم ذكر السبب
:D

السبب ?
كي تنحسب الاصوات لازم ذكر السبب
:D
آسفة ماكنت بعرف لإنو وقت فتت عالموضوع كآن دايق خلقي :cry:

لي عودة مع ذكر السبب لإنو هلق مافيني, صرت متأخرة عن النوم 3 سآعآت ونصف

سوري :cry:

انا صوتت للدكتور غابي لانو بسيطة كتير

انا صوتت ل غابرييل ... جذبتني الشفافية .. و لفت نظري ضربة القلم ... نظرة الصبية باللوحة ..
مع العلم انو لوحة احمد كمان جميلة ...

يسلمو ايديكن جميعا :D

إنو حسيت المعزوفة بتعبر عن حرية
فكآنت هون الريشة بتعبر عن الحرية على اعتبار الحمامة رمز حرية فبتكون الريشة تابعة للمعنى
طبقاً للجزئية :)
وكمآن إنو هيك بالريشة متل رأس القلم والقلم كمآن بيعبر عن الحرية
وبالخصوص الحرية الفكرية
وألوآن اللوحة هيك إجت متل ألوان الغروب
وفيه هنيك من فوق لون بيشبه البحر
وعآدة الإنسان بيقضي على همومو بهالأجواء , يعني قرب البحر ومع الغروب
لحتى تظلم الدنيا

كمآن بحس باللوحة شي من الرومانسية .. وهآد أكتر شي جذبني :sosweet:


كمآن بحس حركة الريشة وميلانا بيتماشى مع ألحآن الموسيقى

.^^. وهي كانت اسبابي

<<< منيح هيك ؟

تسلم الديات يا مايا*

سلام يا معشر الرسامين,
اللوحات كلها حلوة
صوتت لرسمة كبرييل لاني حبيت ملامح وجه الصبية وبساطتها وعم شوف بالرسمة صبية عندا أحلام وحابة انن يتحققوا بس في عوائق امامها, ممكن يكون المجتمع وممكن الحروب.. كانها مستسلمة وعارفة انو الوضع ما رح يتغيير بس هادا ما بيعني انها ما ترفض الظلم (كتعبّر عن رأيها على الاقل) وهالشي مبين من حركة العيون مع وضعية الوجه/العنق/ الكتف (كانها عم تبعّد عن شي), وبالنهاية تتمنى السلام للناس يلي حواليها . كان فيك ترسم الحمامة بنفس البساطة يلي رسمت فيها الصبية + انك تلغي تدويرة الريشات (مجرد رأي)

وعجبني الغموض الي برسمة أحمد, عم شوف فيها هروب البشر من واقع سيء إلى واقع اسوأ (الغيوم السوداء يلي متوجهين نحوها) وبتعبر عن البشر يلي مصيرون غامض. لو اللوحة على ماكيت واحد ورسمت للزورقين "جهة إبحار" واحدة كانت رح تصير TOP

وعجبني البيت يلي برسمة ساريتا, وخصوصاً خصوصاً الواجهة تبعو.. كان ممكن تضيفي بعض التفاصيل للبحيرة لاني حاسس الصفاء الي فيها ما بيتناسب مع حالة البيت المهجور... يعني هيك شي جذع شجرة عم يطوف أو شي قارب مقلوب ونصو عالارض ونصو بالمي :lol:

ورسمة مايا كمان حلوة .. الريشة فيها تفاصيل اعجبتني ...

ولا صوت ل Sarita - كل اللي صوتو ما ذكرو الاسباب + المتسابق ما بحقلو يصوّت لنفسه

موعد اغلاق التصويت , بكرا مساء ً :D



هلا ما بعرف إذا كان ممكن كلام كابرييل يُحتسب بالتصويت لساريتا ولا لا
ومشان مشروع الرسمات شخصيا كتير حبيت رسمة Sarita (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) وبتقديري الشخصي بتستاهل انها تفوز ..

هلا ما بعرف إذا كان ممكن كلام كابرييل يُحتسب بالتصويت لساريتا ولا لا
ما صوّت يعني لينحسب التصويت بدو يقوم فعليا بالتصويت و ككبس زر صوّت مع ذكر السبب :D

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

بتعجبنى هذه بالاخص الجزء اللى فوق
لكن اللى تحت بحس الالوان مخربطة فيه شوى ,,اظاهر انك اجهدت فما ركزت بالجزء الاخير
حلوة حلوة :gem:

الأصوات اللي اعطوها الاعضاء للمتسابقين على التسلسل هيّ :

7 أصوات لأحمد - 1 صوت لم يتم حسبه لعدم ذكر السبب
6 أصوات لغابي - 2 صوت لم يتم حسبه لعدم ذكر السبب
5 أصوات لمايا*
0 أصوات لـ Sarita - تلات اصوات لم يتم حسبها -2 لعدم ذكر السبب 1 لعدم مقدره العضو على التصويت لنفسه

للتـذكير انو هالنتيجه ليست النهائيه و هي فقط 50% من النتيجه النهائيه .تقيّم لجنه التحكيم بياخد الـ 50% المتبقيين و للي رح بتم الاعلان عنهم قريبا.

شـكرا لكل ميـن شارك و صـوت حتّى و ان لم يحسب صـوته :D

نتائـج لجنه التحـكيم :

butterfly

9 ميدو
8 مايا
5 ساريتا
4 كابي

الأسباب
انا اعجبت جدا بالوان رسمة ميدو فيها شي بيشد جدا ً .. فيها شيء من الانعكاس اللي مميز .. انا ممكن احط هي اللوحة عندي .. فيها غموض فيها فن ..

رسمة مايا .. قوية ! وصافية .. بتحس فيها إتقان .

رسمة ساريتا .. حسيتا تقليدية جدا ً ..
رسمة كابي حسيت انو مشروع لوحة ! مانا لوحة .. جميلة جدا كشخص غير محترف عم يرسم .. بس وقت بدي قارنا مع رسمة احمد أو مايا حسيت أنو ظلم تاخد قدن

:D



MadMax

أحمد : 7
مايا : 6
غابرييل : 3
ساريتا : 3



عجبني تناغم الالوان و السريالية بالتعبير عند أحمد
و عجبتني الرمزية عند مايا


بس حسيت لوحة أحمد بتعبر بشكل واقعي أكتر عن المقطوعة الموسيقية ....و عن اسم المقطوعة




The morning

انا شـخصيا كتير احترت !
و عم حاول فكّر لو كنت بمعرض و هالاربع لوحات معروضين أيّ لوحه منهم رح بشتري ؟
طلع معي انو يمكن اشتري لوحه احمد لكن بنفس الوقت احمد مش مخلّص اللوحه بشكل نهائي و بشوف من غير العدل اعطاء المرتبه الاولى لاحمد و لوحته مش خالصه بالوقت اللي الباقي اخدو الوقت الكافي و المـُحتاج لانهاء العمل ..
تاني لوحه ممكن اشتريها هي لوحه غابي - فيها شي بيشد و لكن مع شويّه ترتيب زايد كانت بتطلع اجمل .. من الجدير ذكره انو غابي ما كان بدّو يشارك بالمسابقه و لكن بعد اخد و رد رضي يشارك لذلك بحس بـمشاعر خاصّه تجاه لوحته و لما بشوف انو قام بالمشاركه بعد التشجيع ..

ايضا تاني لوحه ممكن اشتريها هي لوحه مايا* - في شي بهاللوحه بخليني اوقف قدامها ساعه بدون ما اعرف وين رح وصّل الشي الوحيد الي ما تألفت معه باللوحه هي كثره الالوان الدافيه !

لوحه ساريتا - انا و اقلام الرصاص مش كتير خوش بوش , لذلك دائما ببعد عن محاوله تقييم شي انا ما كتير بحبه . لكن اللوحه جيده و يمكن اللي ما كتير لفت الانظار عامه الها كونو فكرتها استخدمت في كثر من اللوحات سابقا لكن هالشي ما بيمنع انها جيده ..


بتشكـّر الجميع عالمشاركه و توزيعي للعلامات عالـشكل التالي :

9 مايا* - كونو العمل منتهي و مرتب اكتر من الباقي مع اني مش من أنصار الالوان الدافئه
7 لغابي - شـويّه ترتيب زياده. يعني انا كـمتلقي ما بدّي حس انو للحظه ما داق خلقك من اللوحه و صار بدّك تخلصا بسرعه ..
7 لأحمد ايضا - تقريبا نفس السبب عن عدم اكمال العمل قبل تقديمه .. كنت بتمنى أقدر أعطي احمد المرتبه الاولى بتوزيع العلامات لكن للصراحه حسيت ظلم للاخرين اللي اشتغلو و كانو حريصين على تقديم العمل عالوقت ..
5 Sarita - انتبهي اكتر لأحجام الأجسام مقارنه مع بعضها و ايضا انتبهي للتظليل لانو بيعطي بعد ثالث للوحه و هالشي بخليها تبيّن اكثر واقعيّه ..

sezar

أحمد- 8
* بحب الزوارق :lol: و بحب الضربات اللونية غير المتوقعة "انو بنص الضبابية و السكون بتجي ضربة "

غابرييل - 4
* مشروع لوحة لم يكتمل لو كملا أو لو رسم بالزيتي بتطلع حلوة

مايا - 2


ساريتتا - 1



yass
علاماتي:


مايا*:9 .. اللوحة مافيني اشرح بشكل واضح شو فيها يعني... لكن عجبتني جدا و عجبني التناسق تبعا
غابرييا: 8 .. رغم بساطتها اللوحة كتير حلوة .. حبيتا كتير

أحمد: 7.. اللوحة كجمالية كتير منيحة و جميلة كتير... , لكن كونها غير منتهية خلاني اعطيها أقل من السابقتين


ساريتا: 6.. انو ما بعرف... .. يجوز لو ما عاملة الخطوط بالرصاص واضحة و محددة بهالشكل.. يعني لو عاملة التدريج تبع الظلال و هيك بشكل مختلف كان نجحت أكتر كان طلعت أحلى بكتير كون الفكرة على بساطتها مباشرة و واضحة... لكن وضوح خطوط التماس بين التدريجات خلتها تفقد عفوية

مجموع نتائج اللجنه :
احـمد 38
مايا* 34
غابي 23
ساريتا 20


الاعضاء :
7 أصوات لاحمد
6 أصوات لغابي
5 أصوات لمايا*
0 أصوات ل Sarita

بالتالي النتائج النهائيّه كالتالي :

المركز الاوّل أحمد = 36.54 %
المركز التاني مايا * = 31.45 %
المركز التالت غابي = 23.31 %
المركز الرّابع ساريتا =8.70 %

ألف مبروك للفائز الاوّل قد يتم الاعلان عن جوائز معنويّه قريبا فانتظرونا :D



** هـامش بتـشكّر يمان اللي ساعدني بحـساب النسب المئويّه :p