و اللهي يا عزيزي .. لما بنطلّك شي واحد فهمان بقلّك إذا جامعت زوجتك يوم الإثنين بيجي الولد أشوص , و إذا عملت سكس مع صاحبتك يوم الخميس ما رح تشوف الرزق بعمرك .. فا أعذرني من حق أي ملحد هون يقعد يتضحك و بملء فمه عا كل شي أسمو أديان و كل شي أسمو ألله ..

الخط الأحمر اللي عم تحكي عنوّه من الممكن الملحد يحترمو لما المتدين بيحترم عقل الملحد و ما بيحكي خزعبلات و خرافات و قصص شغل علي بابا و الأربعين حرامي ..

أما بخصوص الفلسفة الإلحادية التي ترتبط دائما ً بسب الإله .. ف بصفتي لا ديني ما عندي أدنى فكرة عن أنو فلسفة الإلحاد تكمن في سب الذات المسماة إله ..

و عودة للمووضوع التعايش بين لاديني أو ملحد و بين أي متدين ( بمجتمعاتنا ) أمر مستحيل , المتدين من المستحيل يحترم عقل أو تفكير الملحد .. و الملحد من غير المعقول يآمن بخرافات المتدينين .. و هيك قصة طويلة .. ما في أمل من الآخر يعني ..

تحية



يعني انت عم تقدم امثلة معينة موغلة بالتطرف لتبرر تصرفات بعض الملحدين
مو كل المتدينين يؤمنوا بهيك خزعبلات و لا كل الملحدين بيحبو على الطالعة والنازلة يتمسخروا من معتقدات المؤمنين ليثبتوا لنفسن دايما انو هني متقدمين عنن فكريا بمراحل

التدين اساسا مرتبط بشخصية الفرد وفهمو الصحيح لجوهر الدين, يعني في ناس بتفهموا صح وهالشي بينعكس على سلوكن وعلاقتن مع الاخرين وناس ما تفهم منو الا الخزعبلات اللي اصلا مو موجودة بالدين

بس القصة هي انو الملحد فقط في دولنا العربية مصر على الغاء الاخر وهو المتدين واعتبارو مخلوق متخلف غير قابل للتطور, وانا خالطت ملحدين غير عرب بتلاقي بيحترم عقيدتك حتى لو كنت بتامن بالصرصور وبيحاول يثبتلك وجهة نظرو من دون ما يهين معتقدك

والمحصلة يعني انو بعض الملحدين بيضلوا ياخدو على المتدينين انن اقصائيين وما بيحترموا الاخر بالوقت اللي هني نفسن بيكونوا متطرفين اكتر من المتدينين , بتلاقي واحد كان متطرف ديينا وفجاة صار ملحد وحمل معو التطرف من فكر للفكر المضاد تماما

المحبه .....والتسامح ...وتقبل الاخر شو ما يكون .....هو مانادت به الاديان ...وماينادي به اللامتدينين..

(كلمه ملحد ماعجبتني بالموضوع وماحبيت قولها لان مو منحقي نادي بها اي انسان)

ليش ما منحترم هدا الشي ...ومنتحرم الشخص لشخصه ......

بعدين مين انا او انت ..اواي حدا لاحكم انت ملحد او انت مؤمن .....

وليش ما منتعايش ...هي صعبه كتير ...

مع احترامي لصاحبه الموضوع ..الي عم تحاول بشي كتير صعب ...:D

نحنا شوي شوي بدل ما نخلي أخوية ملاذ إلنا عم نخليها أمر من الواقع أحيانا . ونحنا فينا نصل لحل يرضي جميع الأطراف ..
كيف ؟ لازم كلنا نتعاون
انا مالي بموقف هجوم ولا متدايق من وجود الحاد او ديانات اخرى
انا بس بدافع عن مقدساتي والقرأن الكريم
انا مواقف عالفكرة بس بشرط ما حدا يحكي عالمقدساتنا
وانا بحترم الحرية الشخصية :D وبحب التسامح والاخوة
وما بحب احكي على حدا ولا اذي حدا
شكرا للموضوع

بتكبرو الخط بتصغرو الخط بتلونو بأي ألوان بدكن ياها ما بتزبط معكن.. حارتنا ضيقة ومنعرف بعض ومنعرف كل واحد شو قصتو وشو ترتيبو..

باختصار: التعايش مستحيل أضل شي ممكن نوصله هو هدنة.. بمعنى انتو من عندكون ونحن من عنا..

والسلام

شو يعني تعايش؟

أنا بفهم تعايش يعني وجود شخصين بمكان واحد.. ما حدا حكى انو التعايش يقتضي انو الناس تصير متل بيت فستق تتبادل السلامات و التحيات و المحبات...

الاتفاق الفكري بين اللادين و الدين مستحيل.. هذا يعني انو صيغة الأرضية المشتركة مستحيل.. مما يؤدي الى وجود صيغة ثانية ممكنة و هي التطنيش الفكري..

شو سبب المشاكل؟ فرط حب الاستفزاز من طرف و فرط الحساسية من طرف تاني (و كلا الطرفين يتخذ أحد الموقفين حسب الحالة)..

هلأ أنا بفهم انو اللاديني أو الملحد هو شخص لا يؤمن بوجود ذات الهية.. و القصد من الفكر اللاديني هو ملئ الفراغ الفكري الناتج عن انعدام هذه الفكرة بأفكار من طراز ديالكتيكي آخر.. يعني اللي معتبر انو هالشغلة خلقة ألله انت بدك تدورلها على مغزى ثاني أو معنى ثاني.. ما حدا قال انك ملحد مشان تقعد تسب ألله أو مشان تقعد تتمسخر أو تتفزلك ع ألله (أي هاد معنى الحكي.. و مو دفاعا عن ألله.. لأنو أنا ملحد و لا ديني مقتنع بلادينيتي.. لكن بعتقد انو اذا مافي دببة قطبية بسورية فمافي معنى أو مغزى انو اظل جايبب سيرة الدب القطبي السوري ع لساني ليل نهار.. مالو معنى و لا منطق.. و يدخل ضمن منطق الخبل حتى)..

بالزمانات بمناقرة مع واحد نزّل موضوع الحادي من النمط الاستفزازي .. عم قلو انو في زوايا لادينية بالانترنت فيك تنشر هيك أمور و أماكن مخصصة يعني متل منتدى اللادينيين و هيك.. قام شو رد علي.. قاللي اي هنيك كلو ملحدين.. شو استفدنا اذا ما فات متدين قراها؟؟ يعني انت تلذذك مو بكتابة هالمقالة.. انما باستفزاز المتدين


هون خلصنا من النقد تبع الجانب الأول ... و هو نوع اعتب عليه لأنو يبتذل معتقدي اللاديني و يحوله الى زعبرة..


الجانب الآخر... انو ما بعرف...

شو بيضر ايمانك ازا فلان حكى؟ و ليش ما تفكر انو في نسبة مئوية من حكي فلان قصدها استفزازك و لما عم ترد عليه عم تحقق مرادو؟ هاي بالنسبة للحكي اللي واضح استفزاز.. (مافيني حاكم نيات كجهة ادارية.. يعني لما ينبعتلي تقرير برد شخص يحكيلي انو استفزاز.. طيب أنا مافيني حاكم نياتو و احذفلو الرد.. لكن انت يا متدين اذا معتبرو استفزاز فيك ساعتا تطنشو و ما تفوت بلعبو و لا تخليه يحقق مرادو)..


بعدين في جانب و هو موضوع فرط الحساسية, أو موضوع حمل سيف الاهانة.. يا حبيبي القدسية لألك لا تعني فرض قدسيتك على الجميع.. و خصوصا بالأمور الدنيوية اللي يدخل فيها الدين بشكل ما.. من أمور حياتية و اجتماعية ... هاي هيي الأمور اللي يستحيل ما يصير فيها صدام لأنو هاي أمور تمس جوانبنا الحياتية.. لكن السخيف بالأمر انو الصدام ما عم يصير بهالأمور انما عم تعلق بقصص واهية و سخيفة...

الدين الو مكانو و مكانتو.. و استخدام الدين و كلمة الله في كل شاردة و ورادة ابتذال للدين.. انت اللي عم تدحشو بكل شي عم تسيء الو قبل اللي يجي يعيب عليك هالأمر...


فلذلك... طنّشو بعض يا أخوان... و البطاطا غذاء الروح :gem:

التعايش ممكن جدا جدا....
بين اي فئة من الفئات المذكورة,,,(المسلمة أو المسيحة أو الغير مؤمنة بوجد الله سبحانه و تعالى) و أي موضوع ممكن جميعا نتناقش فية و كل واحد منا من منطلق دينه و اعتقاداته و تربايته و مجتمعه,,,مابعرف ليش عاملينها مشكلة,,,
مجال عملي فرض علي التعامل مع جميع الفئات ,,, كوني اعمل بمستشفي كان يحضر بغرفة العمليات مختلف الطوائف المسلمة(شيعة , سنة و دروز) و غلبا معنا مسيحين و بعض العلمانين و أحيانا غير مؤمنين و كثيرا مافتحنا مواضيع و نوقشت بقمة الذوق بدون تجريح و لا إهانات و بهذا اعتدت على تقبل الأخرين مهما كانوا,,,و الأصل بالنقاش تبادل الآراء و المعارف مو التهجم على بعض,,,,
المجمتع الذي أعيش فيه فرض علي أحياناالتعايش مع ناس مو بس متدينين لا أكتر ,,,,ولم أجد الموضوع صعب,,,صحي أنو أي موضوع حتى لو طبي بيدخل الدين فيه و دائما نضع وجهة نظر رجال الدين فيه إلا أنه لا يفسد للود قضية ,,,,
حتى أبناء الدين الواحد و الطائفة الواحدة مو سهل انهم يتعايشوا مع بعض,,,
القدرة على التعايش مع الناس بعض النظر عن دينن و عمرهن و مجتعن بترجع ل شخصيتنا و تطوير ذاتنا حتى نقدر نتعايش مع اللي حولنا ,,,,
كل واحد منا عندو وجهة نظر اللي بتعبر عن حالوا مو اكتر,,,,,,
شكرا لصاحبة الموضوع :D

و اللهي يا عزيزي .. لما بنطلّك شي واحد فهمان بقلّك إذا جامعت زوجتك يوم الإثنين بيجي الولد أشوص , و إذا عملت سكس مع صاحبتك يوم الخميس ما رح تشوف الرزق بعمرك .. فا أعذرني من حق أي ملحد هون يقعد يتضحك و بملء فمه عا كل شي أسمو أديان و كل شي أسمو ألله ..

الخط الأحمر اللي عم تحكي عنوّه من الممكن الملحد يحترمو لما المتدين بيحترم عقل الملحد و ما بيحكي خزعبلات و خرافات و قصص شغل علي بابا و الأربعين حرامي ..

أما بخصوص الفلسفة الإلحادية التي ترتبط دائما ً بسب الإله .. ف بصفتي لا ديني ما عندي أدنى فكرة عن أنو فلسفة الإلحاد تكمن في سب الذات المسماة إله ..

و عودة للمووضوع التعايش بين لاديني أو ملحد و بين أي متدين ( بمجتمعاتنا ) أمر مستحيل , المتدين من المستحيل يحترم عقل أو تفكير الملحد .. و الملحد من غير المعقول يآمن بخرافات المتدينين .. و هيك قصة طويلة .. ما في أمل من الآخر يعني ..

تحية بالاساس مين قالك ان الي يقول هالكلام متدين ؟ هذا كله كلام فاضي لا اساس له..
انت لما تسمع حاجة زي كذا لا تسب الدين !..سب الحمار الي عاملي فيها متدين !
يعني على سبيل المثال فتوى ارضاع الكبير !..هذي ثلاثة ارباع المسلمين عارضوها لو لم يكونوا كلهم !
انت هنا راح تسب ( المخ الزبالة ) الي يفكر بهالشكل , ويلصقه باسم الدين !

شو بيضر ايمانك ازا فلان حكى؟ و ليش ما تفكر انو في نسبة مئوية من حكي فلان قصدها استفزازك و لما عم ترد عليه عم تحقق مرادو؟ هاي بالنسبة للحكي اللي واضح استفزاز.. (مافيني حاكم نيات كجهة ادارية.. يعني لما ينبعتلي تقرير برد شخص يحكيلي انو استفزاز.. طيب أنا مافيني حاكم نياتو و احذفلو الرد.. لكن انت يا متدين اذا معتبرو استفزاز فيك ساعتا تطنشو و ما تفوت بلعبو و لا تخليه يحقق مرادو)..

طيب,اسألك سؤال ( ليش المتدين ما يحترم عقل الملحد ) :

انت تحب ابوك وامك جداً..اوكي؟
جا واحد وقام سب ابوك وامك بافظع الشتائم , واتهم ابوك ( بالجهل والغرور والتكبر ) واتهم امك باوصاف لا تليق !
ماذا ستفعل ؟

هل ستسكت له وتقول : ( سبه لأبوي ما حيأثر على محبتي لأبي ) ؟!

ما بالك ان المتدين , يحب الله اكثر من حبه لامه وابوه ..ويحب نبيه ( محمد للمسلم وعيسى للمسيحي ) اكثر من امه وابوه واخوانه !..وتجي وتتهم الانبياء هذول بالكذب,وتتهم الله بالغرور..

يومها ماذا سيفعل المتدين .؟.يصمت ؟

هذا هو الخط الاحمر الذي لابد لكل ملحد ان يتجاوزه حتى يسمى بـ"ملحد " ..فاما يسب الاله , واما يرفض فكرة الاله بالاساس !..

والمتدين يسكت منعاً للـ"فتنة" ..الفتنة ممكن تؤدي الى احتراق المجتمع في حروب اهلية ونزاعات..لذلك,مو بالضرورة انه يكون مستحيل التعايش..الاحترام قد يكون مستحيل,ولكن التعايش ممكن ..يعني على سبيل المثال,نتخيل ان هناك عمل خير بالمجتمع..رواد هذا العمل مسيحيون مثلاً..فهنا , مالذي يمنع مشاركة ( المسلم والملحد ) ؟؟ طالما المجتمع متكاتف بعمل الخير لبعض , ما اتوقع ان بيكون في حقد على الغير..اما الانزواء الي احنا شايفينه من الملحدين عن المجتمع , ونبذ بعض المسلمين لعمل الخير حقهم , فهذا يدلك على جهل بعض الناس..

طالما ان الجميع يساعد في اي عمل خير يفيد الناس,بغض النظر عن الديانة او المعتقد , المجتمع بيكون بألف خير..لكن اول ما الانسان يوقف التفكير بان البقية ( بشر ) , وانهم يحملون معتقد لا غير,بيكون التعايش مستحيل ^_^

جا واحد وقام سب ابوك وامك بافظع الشتائم , واتهم ابوك ( بالجهل والغرور والتكبر ) واتهم امك باوصاف لا تليق !
ماذا ستفعل ؟أنا واحد من الناس المسبات ما تأثر فيني قيد شعرة... بعرف أبوي و بعرف أمي... و التافه اللي يسبهون ما بيغبر على صباطهون متل ما بيقولو... لذلك خليه ينبح ليشبع.. حرام مشان صحتو... يجوز اذا يكبتها بصدرو يصير معو شي.. حرام خليه ينفّس


والمتدين يسكت منعاً للـ"فتنة" ..الفتنة ممكن تؤدي الى احتراق المجتمع في حروب اهلية ونزاعات..لذلك,مو بالضرورة انه يكون مستحيل التعايش..الاحترام قد يكون مستحيل,ولكن التعايش ممكن ..يعني على سبيل المثال,نتخيل ان هناك عمل خير بالمجتمع..رواد هذا العمل مسيحيون مثلاً..فهنا , مالذي يمنع مشاركة ( المسلم والملحد ) ؟؟ طالما المجتمع متكاتف بعمل الخير لبعض , ما اتوقع ان بيكون في حقد على الغير..اما الانزواء الي احنا شايفينه من الملحدين عن المجتمع , ونبذ بعض المسلمين لعمل الخير حقهم , فهذا يدلك على جهل بعض الناس..

طالما ان الجميع يساعد في اي عمل خير يفيد الناس,بغض النظر عن الديانة او المعتقد , المجتمع بيكون بألف خير..لكن اول ما الانسان يوقف التفكير بان البقية ( بشر ) , وانهم يحملون معتقد لا غير,بيكون التعايش مستحيل ^_^

في صايرة عندي مؤخرا مشكلة عم عاني منها... انو كلامي ما عم ينفهم.. عم احكي جد ما عم امزح..

انا قلت التعايش ممكن .. حسب مفهوم التعايش عندي.. و مشان تتعايش بدك تطنّش بعض الأمور اللي مستحيل يطبق فيها المود.. طالما طريقة التفكير الاحادي الايماني تختلف عن طريقة التفكير الديالكتيكية فساعتها في أمور الناس ما بتحكي نفس اللغة.. و لما شخصين ما بيحكو بنفس اللغة ثبتت الدراسات انو صعب يتفاهمو..

أما عن "انزواء الملحدين" .. فبقلك كل عام و انت بخير... راح تسألني ع شو؟ رح قلك ما بعرف... بس ع اعتبار ما عرفت عن شو عم تحكي فجاوبت بأول شي خطر ع بالك.. بس كل عام و انت بخير خيو أبتفرق...


ها أي و شغلة أخيرة...

المتدين يسكت منعاً للـ"فتنة" . الانزواء الي احنا شايفينه من الملحدين عن المجتمعانو أنا من اللي بيآمنو بانو كل انسان هو عالم قائم بحد ذاته... لذلك ما بشوف ملائم الاتيكيتات تبع المتدين يعمل هيك و الملحد يعمل هيك... مو منيح يعني..

بعدين الحالات اللي عم نحكي عنها -ختاما- و اللي عنيت فيها فرط الحساسية تبع بعض المتدينين اعني فيها مثلا أخبار: اسم الله في بطن سمكة, لم تقرأ القرآن و فضلت مدري شو و ألله عملها خنزير براس حمار... الخ... لما هالأخبار يتم انتقادها و انتقاد التزوير اللي يصير فيها للعب في عقول العوام هناك البعض يعتبر انو انت عم تتمسخر على الاسلام.. و لو ينط و ما يحط أنا ما عم اتمسخر على الاسلام لما عم انتقد هالخزعبلات... وصلت الفكرة؟؟





و سلامات

أنا واحد من الناس المسبات ما تأثر فيني قيد شعرة... بعرف أبوي و بعرف أمي... و التافه اللي يسبهون ما بيغبر على صباطهون متل ما بيقولو... لذلك خليه ينبح ليشبع.. حرام مشان صحتو... يجوز اذا يكبتها بصدرو يصير معو شي.. حرام خليه ينفّس


امرك غريب حقاً , فما عمري عرفت انسان " يهان ابوه " امامه ويصمت !..ولكن هذا رأيك وانا احترمه جداً , ولكن اغلبية ساحقة ما توافقه ^^

في صايرة عندي مؤخرا مشكلة عم عاني منها... انو كلامي ما عم ينفهم.. عم احكي جد ما عم امزح..

انا قلت التعايش ممكن .. حسب مفهوم التعايش عندي.. و مشان تتعايش بدك تطنّش بعض الأمور اللي مستحيل يطبق فيها المود.. طالما طريقة التفكير الاحادي الايماني تختلف عن طريقة التفكير الديالكتيكية فساعتها في أمور الناس ما بتحكي نفس اللغة.. و لما شخصين ما بيحكو بنفس اللغة ثبتت الدراسات انو صعب يتفاهمو..

أما عن "انزواء الملحدين" .. فبقلك كل عام و انت بخير... راح تسألني ع شو؟ رح قلك ما بعرف... بس ع اعتبار ما عرفت عن شو عم تحكي فجاوبت بأول شي خطر ع بالك.. بس كل عام و انت بخير خيو أبتفرق...


ها أي و شغلة أخيرة..


تصدق ؟ نفس المشكلة حصلت عندي !..

الآن انت لم تفرق بين " الاسترسال بالكلام والخروج من المناقشة " وبين " اكمال المناقشة نفسها "..
سياق كلامي السابق " ليس له دخل بك " ..

يومها ماذا سيفعل المتدين .؟.يصمت ؟

الى هنا ينتهي الكلام الموجه لك , ويبدأ " استرسال واكمال بالموضوع الاساسي ذاته "..

بالنسبة لانزواء الملحدين..طوال عمرنا ما شفنا الملحدين عملوا حاجة غير الانقلابات السياسية والاحزاب المعارضة الي كانت تقاتل وتحارب اي دولة دينية تقوم بمنطقتها..
غير هذا , فلا دخل لهم بالدولة ,لانه بالماضي " لم يكن هناك قومية " ..

هالزمن هناك قومية ,ولكنها تسير الى الانحلال..واتساءل لو قامت دولة دينية باحكام دينية ماذا سيفعل الملحدون ؟ هل تتوقع انهم سيعملون مع الدولة لتطبيق احكام هم ينكرونها بالاساس ؟!

ما اتوقع اني " اتحدث باللغة الهندية " , فكلامي واضح كلياً..وهو في سياق الموضوع 100%,طالما اننا نتحدث عن التعايش بالمقام الاول..
بعدين الحالات اللي عم نحكي عنها -ختاما- و اللي عنيت فيها فرط الحساسية تبع بعض المتدينين اعني فيها مثلا أخبار: اسم الله في بطن سمكة, لم تقرأ القرآن و فضلت مدري شو و ألله عملها خنزير براس حمار... الخ... لما هالأخبار يتم انتقادها و انتقاد التزوير اللي يصير فيها للعب في عقول العوام هناك البعض يعتبر انو انت عم تتمسخر على الاسلام.. و لو ينط و ما يحط أنا ما عم اتمسخر على الاسلام لما عم انتقد هالخزعبلات... وصلت الفكرة؟؟




انا ذكرت برد سابق هذا الشي,وانه " لو تريد ان تتمسخر فاتمسخر على التشدد وتوظيف الدين في غير محله " وليس على " الدين بحد ذاته " ..ولكن لا تذكر سيرة الدين " بكلمة " ..

الآن بتقول لي: صباح الخير..بقولك : مساء الخير,انا ما اقصدك انت بالذات !.
لو انت كنت من الصنف الي يتمسخر على الخزعبلات , فالرد غير موجه لك ..
لو انت كنت من الصنف الي يتمسخر على الدين بذاته بسبب الخزعبلات , فالرد موجه لك بنسبة 600%..

الله يسلمك

بالنسبة لانزواء الملحدين..طوال عمرنا ما شفنا الملحدين عملوا حاجة غير الانقلابات السياسية والاحزاب المعارضة الي كانت تقاتل وتحارب اي دولة دينية تقوم بمنطقتها..
كيف طلع معك هيك؟.... على كلن اي عملو كتير اشياء تانية...
حاسس عم تخلط الملحدين واللادينيين والعلمانيين والليبراليين كلن سوا وتعتبرهم بعبع مخيف..
هدول الي عم تحكي عنون الدولة الدينية بتحارب فكرهم، لكن اذا هنّي حكموك مارح يحاربو دينك ولا رح يجبروك تتركو... لذلك ياريت تمطر السما منون ويزيدو ...هادا الي بدنا ياه...
غير هذا , فلا دخل لهم بالدولة ,لانه بالماضي " لم يكن هناك قومية " ..
هالزمن هناك قومية ,ولكنها تسير الى الانحلال..واتساءل لو قامت دولة دينية باحكام دينية ماذا سيفعل الملحدون ؟ هل تتوقع انهم سيعملون مع الدولة لتطبيق احكام هم ينكرونها بالاساس ؟!
ماهيي دولنا كلها دينية....!
بعدين شو جاب القومية عالنص؟

انا عندي سؤال :
هل التعرض و سب المقدسات امر مشروع ؟؟
هل انسانية الانسان تسمح بالتعرض لمقدسات اخوه الانسان اللي بيحترمو ؟؟

انا جاري يهودي...هل اذهب و اسب ديانته و معتقده و في نفس الوقت اقول اني احترمه و لست ابالي بما يعتقد؟؟

كيف طلع معك هيك؟.... على كلن اي عملو كتير اشياء تانية...
حاسس عم تخلط الملحدين واللادينيين والعلمانيين والليبراليين كلن سوا وتعتبرهم بعبع مخيف..
هدول الي عم تحكي عنون الدولة الدينية بتحارب فكرهم، لكن اذا هنّي حكموك مارح يحاربو دينك ولا رح يجبروك تتركو... لذلك ياريت تمطر السما منون ويزيدو ...هادا الي بدنا ياه..

وهؤلاء امتداد لمن ؟ امتداد للملحد !..فالإنسان كيف بيحكم بلد بدون نظام ومنهج ؟ مافي منهج اسمه " منهج الحادي " ..لا بد من انه يتبع له فكر سياسي " الحادي " معين حتى يسود..

الصين انقلبت واصبحت شيوعية " تاركة كل دياناتها خلفها " , واذاقت المسلمين الصينيين شتى انواع العذاب..
حكومة تركيا " علمانية ملحدة " , ورأينا فعائلهم بالمحجبات , واحتقارهم للعنصر الاسلامي بالبلاد..

لا بد من الإلحاد قبل اتباع احد هذه المذاهب..ولا تقولي ان احد اتباعها كان " متدين " , لأن مافي انسان يتبع ديانة معينة , ولكنه يفصلها عن حياته..

ماهيي دولنا كلها دينية....!
بعدين شو جاب القومية عالنص؟

بالطبع ليست دينية !..لو دينية كان " انقطعت يد السارق بدل السجن " - كان " قطعت رقبة القاتل " - كان " جلد شارب الخمر "..

بالنسبة للقومية , القومية " قد " تجمع المتدين والملحد تحت لواء واحد لعمل عمل مشترك , لفترة بسيطة على الاقل..ظننت هذا واضحاً !

موضوع ........كان حلو

انا عندي سؤال :
هل التعرض و سب المقدسات امر مشروع ؟؟
هل انسانية الانسان تسمح بالتعرض لمقدسات اخوه الانسان اللي بيحترمو ؟؟

انا جاري يهودي...هل اذهب و اسب ديانته و معتقده و في نفس الوقت اقول اني احترمه و لست ابالي بما يعتقد؟؟



من ذكر شيئاً عن السب ؟ السب ذكرته " كمثال " لا غير..واتوقع ان موضوع " من هو الله " كان يثبت ان هناك سب لا يجوز بالمرة قد ذكر عن الله..فالمثال الذي ذكرتيه ينطبق بالضبط على الموقف !..

بالاساس , في الاسلام لا يجوز السب لاي سبب من الاسباب..والرسول لم يكن فاحشاً ولا متفحشاً !.
لذلك ليس هناك سبب لسب المسلم للملحد..

ولكنه ينعتني بـ"تابع للخزعبلات " ..وانا انعته بنفس الوصف ايضاً " تابع لخزعبلات والاعيب الشيطان " !..
الى هنا وضعنا عادي ( مع انه نعت كلام نبيي ونبي المسيحيين ونبي اليهود بـ"الخزعبلات " ) , وبهذا اتهم ( محمد عليه الصلاة والسلام-عيسى عليه السلام-موسى عليه السلام ) بالكذب..ومع هذا سكتنا..

ولكن انه يسب الله ؟!..فكيف تريديني ان اسكت ؟ هنا لن احترمه بالمرة !..ينعت الله بالنقص,هنا سأحاول اقناعه "..ولكن السب يكون خارج الموضوع..

يريد ان يصف الله " كما يراه هو " ؟ ليس لدي مشكلة طالما لم " يتعدى " بالسب والمسخرة على الله , او على نبي من الانبياء !

يعني انت عم تقدم امثلة معينة موغلة بالتطرف لتبرر تصرفات بعض الملحدين
مو كل المتدينين يؤمنوا بهيك خزعبلات و لا كل الملحدين بيحبو على الطالعة والنازلة يتمسخروا من معتقدات المؤمنين ليثبتوا لنفسن دايما انو هني متقدمين عنن فكريا بمراحل

لأ سيدي ماني عم قدم أمثلة موغلة في التطرّف هاي حالة المجتمع بشكل عام ما بتقبل وجود أي إنسان غير مؤمن بوجود قوة عظمة تدعى "إله" . الأمثلة المتطرّفة أو النادرة الوجود وجود ناس بتحترم رأي الملحد مشان حطك بالصورة . لأني أنا أحد المعانين من هالقصة ..




بس القصة هي انو الملحد فقط في دولنا العربية مصر على الغاء الاخر وهو المتدين واعتبارو مخلوق متخلف غير قابل للتطور, وانا خالطت ملحدين غير عرب بتلاقي بيحترم عقيدتك حتى لو كنت بتامن بالصرصور وبيحاول يثبتلك وجهة نظرو من دون ما يهين معتقدك

برضاي عليك سياسة التباكي هاي إنو و الله الملحد همّو إلغاء الآخر .. المتدين أولا ً رافض فكرة وجود إنسان لا يؤمن بإله و رافض يحترم هالشخص .. هالشيء اللي عم تحكي عنو نتج من الرفض القاطع لوجود الملحد أنو و الله ..

الملحد في الدول العربيّة عمّا نطالب أنو يتعامل كإنسان متلك متلو ما كإنسان واجب إهدار دموه .. ماني بصدد أحكيلك عن القصيمي و المهدر دمهم .. من مرسيل خليفة إنتهاء ً ب جدي ..

هالتطرّف في الإلحاد ناتج من الضغط الجم على صدر الملحد بحيث الملحد ما بيملك أقل حقوق الإنسان بوجهة نظر الغالبيّة العظمى عند شعبك .. ف هاي قصة المقارنة بين الملحد غير العربي و العربي غير جائزة حكما ً كون المتدين غير العربي بيعاملك عا أساس كونك إنسان ما عا أساس دينك ..




والمحصلة يعني انو بعض الملحدين بيضلوا ياخدو على المتدينين انن اقصائيين وما بيحترموا الاخر بالوقت اللي هني نفسن بيكونوا متطرفين اكتر من المتدينين , بتلاقي واحد كان متطرف ديينا وفجاة صار ملحد وحمل معو التطرف من فكر للفكر المضاد تماما


المحصلة الغلط متبادل .. بس قصة هدر دم الملحد و عدم إعطائو أبسط حقوقو الإنسانية بتخلي كفة الغلط تميل ناح المتدينين

و بس هيك ..

موضوع ........كان حلو


عزيزتي في إختراع كتير مناسب لهيك حالات أو هيك ردود أسمو التقييم فيكي تقيمي الموضوع من دون ما تطحي مشاركة متل هاي و تعتبر سبام ..

أو بتقدري تعطي رأيك لصاحبة الموضوع ب ر.خ ..

كنت حاطط ردين طوال لكن قررت امحيهون بعد ما نزلو... مشان ما أحوّل موضوع ooopss .. و كمان بصراحة ما بحب ناقش هيك أمور... لأنو ازدواجية المعايير و التقسيم و التنظير شبه الغوغائي قد يصل أحيانا لحد الوقاحة السافرة.. و مانو أمر مستحب تحمّل هيك أمور

لكن بس بدي احكي كلمة مشان يفهمها اللي بدو يفهمها: اذا بتعتقد يطلعلك توزع تعليمات احترام للناس... ابدأ بنفسك...

ها أي... بس بدي رد ع هاي النقطة.. هيك عالهامش

امرك غريب حقاً , فما عمري عرفت انسان " يهان ابوه " امامه ويصمت !..ولكن هذا رأيك وانا احترمه جداً , ولكن اغلبية ساحقة ما توافقه ^^

لأ مو غريب... الغريب أمور أخرى لسنا بصددها

لا يهين من يريد بل من يستطيع.. و كون واحد سب أبوي و هو قاصد اهانتي لا يعني انو هو نجح بهالشي.. على الأغلب هالشخص بيكون أحقر بكتير من انو يقرّب و لو من بعيد على هالمراد ... و لما واحد واثق من نفسو ما بيحتاج يرد عالسفهاء...

"آذان طرشاء... لكلمات تافهة".. هاد مثل اسباني ينفعني كمان... و مو بس لقصة السباب

رح رد بالدور

لشو ليتعايشو يعني .....انو هو الالحاد مأثر ع الدين يعني ؟؟

اذا الالحاد بدو يأثر ع الدين ...اي شو هالدين هاد ولا !!
شو هالدين اللي ما بيلقى ملحدين !!!

و الالحاد كمان اذا بدو يتأثر بالدين لشو هو الحاد يعني ...ما هو الحاد لانو ما بيتأثر بالدين ...على ما اذكر يعني !!

بقى لشو هالحركات !!.....

احلا شي يتعايش الدين و الالحاد :?
غريب الاعتراض عالتعايش !يمكن فهمت قصدي من كلمة تعايش غلط
بقتبس من حكي ياس :
أنا بفهم تعايش يعني وجود شخصين بمكان واحد.. ما حدا حكى انو التعايش يقتضي انو الناس تصير متل بيت فستق تتبادل السلامات و التحيات و المحبات...

الاتفاق الفكري بين اللادين و الدين مستحيل.. هذا يعني انو صيغة الأرضية المشتركة مستحيل.. مما يؤدي الى وجود صيغة ثانية ممكنة و هي التطنيش الفكري
فشو المانع من هالتعايش يعني انو ما يكون كل نقاش بالنهاية اهانات وخلافات كل واحد حر بأفكارو يلي مالازم نهينها تمام هيك ؟

كنت حاطط ردين طوال لكن قررت امحيهون بعد ما نزلو... مشان ما أحوّل موضوع ooopss .. و كمان بصراحة ما بحب ناقش هيك أمور... لأنو ازدواجية المعايير و التقسيم و التنظير شبه الغوغائي قد يصل أحيانا لحد الوقاحة السافرة.. و مانو أمر مستحب تحمّل هيك أمور

لكن بس بدي احكي كلمة مشان يفهمها اللي بدو يفهمها: اذا بتعتقد يطلعلك توزع تعليمات احترام للناس... ابدأ بنفسك...


ياريت لو تنزلهن .. مابدي يكون الحكي مجرد " أحلام وردية "متل ما بيقولو
أو انو بس نصل لنقطة الخلاف نوقف . مشان ما ينتزع الموضوع .. ما انو اذا انا انزعجت من هيك ردود مشان يضل الموضوع من الواجهة مافي أحلى منو بكون عم نظر عليكن ..
طبعا هي راجعة لرغبتك كمان وبفهم انو النقاش بهالامور غير مريح بس بلكي بنصل يعني:D


موضوع ........كان حلو

لساتو حلو لو صار غير مريح
معلش بنختلف شوي لنحسن نتفاهم :D

وهؤلاء امتداد لمن ؟ امتداد للملحد !..فالإنسان كيف بيحكم بلد بدون نظام ومنهج ؟ مافي منهج اسمه " منهج الحادي " ..لا بد من انه يتبع له فكر سياسي " الحادي " معين حتى يسود..

!
أخي الكريم .. بما انو الموضوع عن الدين والالحاد فشي طبيعي يتم التطرق للحديث عن الاله والديانات وأنو نرد على بعضنا بوجهات نظرنا .. بس الموضوع الاساسي ليس بجوهره عن الدين ووجود الاله أو عدمه ووجود المنهج الالحادي أو عدم وجوده
بس لاحظ هالجملة المقتبسة .. كيف عم تدلني انك ما فهمت جوهر الموضوع ..
نحنا هون ما لنا أنبيا لنهدي حدا سبق وقلت هالشي أنا ..
انت اذا شايف انو ما في منهج الحادي وانو هنن غلطانيين .. هاد رأيك ..
ولازم تحترم رأيهن وما تسفه أفكارن بكلامك بعدم وجود منهج وبأنهم منزويين و و و الخ
مما سبق وقلتو انت
نحنا هاد يلي بدنا نصلو .. تقبل الآخر كما هو .. بدون ما نهدي حدا وبدون ما ننتقد حدا
بتمنى تكون وصلت الفكرة :D

نحنا هاد يلي بدنا نصلو .. تقبل الآخر كما هو .. بدون ما نهدي حدا وبدون ما ننتقد حدا
بتمنى تكون وصلت الفكرة

كيف يعني !!!

انو انا مثلا مضطر اتقبل اي واحد تلقائيا ..و من تلقاء نفسي!!

او انو هو مثلا لازم يتقبلني متل ما انا !!

عفوا ..بس ما حدا مضطر لهالشي ....اللي ماني متقبلو ماني مستعد اتقبلو متل ما هو ...ما بتزبط معي

اللي بيزبط انو يكون في ضوابط للعلاقة ...للتعانل...و انا بتقبل هي الضوابط....و هو بيتقبل هي الضوابط ......في حال ما مشينا مع الضوابط تلقائيا بكون في رادع .

بالمنتدى على سبيل المثال ....بكون في مخالفة لاي واحد بيطلع برا الحدود بردودو او مواضيعو .

هيك بيمشي الحال ....غير هيك ما بيمشي .

اي مانا طايقين حالنا ....لحتى نطيق غيرنا :lol:

مشان هيك ...بلا تعايش ...خلو ايدكن و الكف ....اللي بيرفع راسو قصولو ياه ....راسو يعني :frown:

و ما بينفع ابدا نعتمد ع انو الناس من تلقاء نفسها هيك تكون متقبلة الاخر و ع كلام حلو ....

وصل !

مين جاب سيرة الكلام الحلو ؟ انا ما قلت انو نحب الآخر وندللو ..
بس ما نتهجم على معتقداتو لو ما لنا مقتنعين فيها من باب " حرية الاعتقاد يعني
.. وبالنسبة لهالحكي ..
بالمنتدى على سبيل المثال ....بكون في مخالفة لاي واحد بيطلع برا الحدود بردودو او مواضيعو .

هيك بيمشي الحال ....غير هيك ما بيمشي .


إذا كل الناس استنت القوانين لتردعها مصيبة
يعني أنا ما بسرق بس لأن اذا سرقت بيحطوني بالسجن ..ما بقتل بس لأن فيها اعدام ..والخ الخ
مزبوط ؟

عزيزتي في إختراع كتير مناسب لهيك حالات أو هيك ردود أسمو التقييم فيكي تقيمي الموضوع من دون ما تطحي مشاركة متل هاي و تعتبر سبام ..

أو بتقدري تعطي رأيك لصاحبة الموضوع ب ر.خ ..

أول شي هاد مو تقييم تاني شي كمان هاد مو سبام ...لماقرات الموضوع لقيتهه فعلا حلو جدا لكن بعض الردود خلته يبطل هيك

شو يعني تعايش ديني؟يعني انا احترم وجهة نظر الآخر بما يحمله من افكار واتقبل اي فكرة يمكن طرحها...او على القليل ما يكون في طرح من الاساس يعني مرحبا...نقطة على السطر... انت عيني......................رح احكي عن تجربة شخصية عندي صديقة مسيحية بتقدروا تقولوا انو نحنا كشلة متعايشين معها دينيا...كمان مثال جو الشغل معنا مسيحيين ودروز ومشكّل عين الله علينا متفقين ومنشتغل سوى ونحنا تيم كتير حلو مناكل سوى منضحك منزعل سوى يعني منفهم من ها الحكي انه التعايش ممكن في نظام حياتي وسطي او نظام معين اما اني قرر اتخذ صديق او صديقة ملحدة لاء وابدا.....اما بالنسبة لدين آخر فهاد شي مابقدر قرره ابدا لاني ماجربت ها الشي وبتخيل اني ماجربه مو لشيء شخصي ذاتي معي او مع الشخص المسيحي لاء....لشيء اكبر من هيك وهو عدم تقبل فكر الآخر وعدم تقبل دين الآخر الذي يكّفر دين التاني هاد رأيي شو رأيك في ooops

اما اني قرر اتخذ صديق او صديقة ملحدة لاء وابدا....

طيب شو الأسباب الي بتمنع من صداقتهن ؟؟ ..

انوو بما انو الشخص التاني من اي دين كان او اي مله .. بأي تفكير ملحد سني شيعي يهودي شو

ماكان

بما انو ما عم يدايقني فأنو خلص ...

مو معقول كل العقليات بهالكون تكون عقليه وحده ..

بالعكس حلو انو الواحد يكون صداقات من عقليات مختلفه .. بكفي تخلف وكل واحد عايشلي بأسلوب

فلان مو على ديني ما بحاكيه او علاقتي فيه سطحيه .. \\ كل مين على دينوو الله بعينو والي مالو دين بعين

حالو بحالوو \\


:D

إذا كل الناس استنت القوانين لتردعها مصيبة
يعني أنا ما بسرق بس لأن اذا سرقت بيحطوني بالسجن ..ما بقتل بس لأن فيها اعدام ..والخ الخ
مزبوط ؟

اي مزبوط !!!
ما هو الناس ما بتسرق لانو بخافو من السجن ...و ما بيقتلو لانو بخافو من الاعدام .....الله وكيلك يعني هاد الواقع .
انشالله مفكرة العالم ملايكة و ما نقصها غير جناحين و رنديلة !!!

ما اساساً الدين اجا مشان هاي الامور.....يعني انو مشان الواحد ما يسرق مثلاً
لانو اذا سرق و كان كتير حربوق ونفد من اشرطة في مين يحاسبو بعدين ...و شايفو ع طول و كاشفو ع الاخر يعني ,.....و شو ما عمل ما رح ينفد منو

ترهيب و ترغيب القصة ..و بس , انا انو ننطر الشباب و الصبايا ليصيرو هيك اوتوماتيك يعني بيتقبلو الاخر ...اي عفوا يعني ..من ط*** بيمشي الحال :lol:

ايدكن و الكف اخواتي ...ايدكن و الكف

انوو بما انو الشخص التاني من اي دين كان او اي مله .. بأي تفكير ملحد سني شيعي يهودي شو

ماكان

بما انو ما عم يدايقني فأنو خلص ...

مو معقول كل العقليات بهالكون تكون عقليه وحده ..

بالعكس حلو انو الواحد يكون صداقات من عقليات مختلفه .. بكفي تخلف وكل واحد عايشلي بأسلوب

فلان مو على ديني ما بحاكيه او علاقتي فيه سطحيه .. \\ كل مين على دينوو الله بعينو والي مالو دين بعين

حالو بحالوو \\


////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


لازملك نجمة على جبينك على هالحكي .. ومرحى كمان ..
:D

اما اني قرر اتخذ صديق او صديقة ملحدة لاء وابدا.....اما بالنسبة لدين آخر فهاد شي مابقدر قرره ابدا لاني ماجربت ها الشي وبتخيل اني ماجربه مو لشيء شخصي ذاتي معي او مع الشخص المسيحي لاء....لشيء اكبر من هيك وهو عدم تقبل فكر الآخر وعدم تقبل دين الآخر الذي يكّفر دين التاني هاد رأيي شو رأيك في ooops

طيب فيني افهم شغلة ..

يعني بهالحالة .. انتي عم تلغي كل العالم وتخلي دينك ..

وهي شغلة ما فينك تعمليها ..

يعني لو كنتي شب .. ورحتي عالعسكرية .. كنتي تعلمتي اكل البرغل ..

وتعلمتي شغلة تانية اهم .. هيي التعايش ..

ان كان على مستوى المحافظات .. على مستوى الاديان ..

بدك تتعايشي ..

متل ما حكيتي انتي انو الشغل تبعك في كل الاطياف ..

طيب بما انو بتاكلو وبتمزحو وكزا ..

شو المانع انو يصير حدا منون صديقك ..

طيب ممكن سؤال بالآخر ..

ازا خيروكي بين تنين ..

شخص من دينك .. وشخص من دين تاني ..

الشخص اللي من دينك عقلو ما بيطبق على عقلك بنوب .. وتفكيرو سطحي نوعا ما وما بتتقبليه ..

واللي من دين تاني او حتى من دون دين .. عندو نفس المستوى الثقافي تبعك ونفس التفكير تبعك .. etc

مين بتختاري . وليش؟

شو يعني تعايش ديني؟يعني انا احترم وجهة نظر الآخر بما يحمله من افكار واتقبل اي فكرة يمكن طرحها...او على القليل ما يكون في طرح من الاساس يعني مرحبا...نقطة على السطر... انت عيني......................رح احكي عن تجربة شخصية عندي صديقة مسيحية بتقدروا تقولوا انو نحنا كشلة متعايشين معها دينيا...كمان مثال جو الشغل معنا مسيحيين ودروز ومشكّل عين الله علينا متفقين ومنشتغل سوى ونحنا تيم كتير حلو مناكل سوى منضحك منزعل سوى يعني منفهم من ها الحكي انه التعايش ممكن في نظام حياتي وسطي او نظام معين اما اني قرر اتخذ صديق او صديقة ملحدة لاء وابدا.....اما بالنسبة لدين آخر فهاد شي مابقدر قرره ابدا لاني ماجربت ها الشي وبتخيل اني ماجربه مو لشيء شخصي ذاتي معي او مع الشخص المسيحي لاء....لشيء اكبر من هيك وهو عدم تقبل فكر الآخر وعدم تقبل دين الآخر الذي يكّفر دين التاني هاد رأيي شو رأيك في ooops
هوي صحيح بيضل اختيارك للاصدقاء المقرّبين بحسب دينون امر شخصي, بس تخيلي شو رح يصير بالدنية لو كل البشر بكل مكان بتعمل هيك! يعني اختيار الصديق حسب اذا دينو ما بيخالف ديني..

اذا أخدنا (كمثال) أي مدينة سوريّة فيها مسلمين ومسيحيين وملحدين ودروز وعلمانيين إلخ وكان فيها التعامل مع الناس بحسب دينهم هو قاعدة..: اي هون رح تكون نصّ مصيبة لما تقتصر الشغلة بس على تحديد مين(من أي دين) بيصلح كصديق ومين لأ!.. لكن بوجود هالتفكير احتمال كبير إني "أنا" اتجنب التعامل مع الغير بكل مجالات الحياة, ابعّد عنون في المدرسة والشغل والشارع, وما اشتري وابيع إلّا مِن-ولأبناء ديني وما وظف غيرون بشركتي وما اعزم غيرون ع عرسي ويمكن اذا وقعت بالشارع ارفض المساعدة من شخص منتمي لهديك الشلّة (حتى لو كان هو الوحيد المتواجد بالشارع) واذا طفلين تخانقو بالمدرسة ممكن تصير حرب بين دينين, كل واحد بيجيب أهلو وعشيرتو وتشتغل السواطير والعصي ....!!
أكيد رح تقولي اني كبرت القصة كتير.... ما كبرتا لانو اولاً إذا ضل التعامل مع الناس حسب الدين فمتل ما بتعرفي انو الناس اجناس, يعني إذا عندك كانت الشغلة مقتصرة عالصداقات ف في كتير ناس مخّون سميك وبياخدو السلّم بالعرض.
وتانياً, في هيك حالات عنا بالبلد ولو أقل من غير بلدان, لكن تزداد وتنقص حسب الموضة.
فليش ما بنترك الدين عجنب بتعاملنا مع الناس, على مبدا انسان مع انسان ونخلص من هالمشكلة من اساسا ونفضى لغير مشاكل(ما اكترها!) ... وما ضروري نرضى بالإسائة لمقدساتنا لنوصل لهالشي. المسيء مين من كان(حتى لو من ديننا) لازم نرفضو ونوقف بوشو لكن مالازم نشمل مجموعة كاملة معو... والانسان المحترم فينا نتعامل معو من دون الدخول في امور الدين (لانو هون رح يبلش الخلاف).... اذا (:sick:) عملنا كلياتنا هيك فرح يضلو السيئين لحالون ويا إما يعقلو او ينقرضو شي يوم (بكرا بنستفاد منون كبترول)...

المشكلة جدلية ...

يعني نحنا الملاحدة ما عندنا مشكلة ... يكون الانسان مؤمن ... يكون .. ملحد ... يكون زنديق ... يكون مثلي ... ما بتفرق معنا ... طالما هالشغلة امر بيخص سين من الناس بذاتو وما عم يزعجنا فيه ...

بس المشكلة كالتالي ...
عندك مجموعة من البني آدمين عم تعتبر انو معها الحق او الحقيقة المطلقة ... بمعنى انها اصلا ما عم تحترم الاختلاف الطبيعي ... وبالتالي بالنسبة الهن نحنا مجرد مجموعة من المساكين ... واليتامى وعابري السبيل ... بالاضشافة لان الفكر الديني متقوقع واسمحولي احكي هالكلمة " متحجر " ... ما في مرونة ليقبل اي نقاش ... سواء مبني على منطق او علم ... لهيك في كتير مواضيع كان المفترض بها انها تكون علمية ... كمواضيع بتمس الداروينية ونظرية النشوء ... تحولت لانو شغلة بتخص الله ونفي قاطع للنشوء بدون ادلة علمية وصار الموضوع موضوع ديني بحت ... نفس الشي لانعكاس الاقطاب المغناطيسية للارض ... بمعنى ان الدين في كتير احيان عم يتدخل بامور ما عم تمت له بصلة ...

ما رح ناقش كتير ... بس شغلة بتصرع .. كل يوم "اسم الجلالة طلع على الشجرة ... اسم الجلالة نزل عن الشجرة" ...

برأيي الحل للتعايش ... انو ما للآلهة للآلهة وما لقيصر لقيصر ... يعني ما يدخل الله بكل موضوع عم نحكي فيه ...


عيني ربك ع هيك رد هيدا كلام بوافق عليه 100؟% :clap:
المهم عندي ما حدا يقول ليك هي الملحدة المسكينة نصيبها جهنم الحمرا ولازم نهديها

ابشع شي لما بيسألني حدا عربي لما بيعرف اني سورية انو ليش ما محجبة ؟؟ لك حتى قبل ما بسال اذا مسيحية او مسلمة او يهودية !!!!! ولما بقول اني ملحدة ما بعرف ليش بتشتغل ماكينة الهداية .. مع اني ولا يوم دعيت واحد ما بعرفو للالحاد هيك من الباب للطاقة

بعدين من الملاحظ تماما سواء بموقع اخوية او يا موقع اخر انو بس تنجاب سيرة الدين بيصير عدد الردود شي مليون رد .. وما صار ولا مرة براي سياسي انو وصل عدد الردود للخمسين مثلا الا لما بيحمل بطياتو شي يا ديني يا طائفي ..... حدا قادر يفسر هالشي ؟؟؟
الدين اولا واخيرا متغلل فينا من دون ما نفكر ليش وكيف .....والاديان بين بعضها وعفوا على الكلام بتكره بعضها ليش ؟؟؟؟ كمان بسبب الدين ... الموضع برايي عبارة عن دائرة مفرغة

طيب شو الأسباب الي بتمنع من صداقتهن ؟؟ ..

توقعت اني انسأل ها السؤال....كل انسان بها الحياة عنده افكار ومعتقدات ومبادئ ومستحيل تكون ها الاشياء هي مجردة عن الدين يلي بيتبعه الشخص اما الملحد فافكاره ومعتقداته ومبادئه رح تكون كمان مستمدة من الحاده طبعا عدا الأخلاق البشرية فهي واحدة عند كل البشر مؤمنين ملحدين ...............انا كانسانة مؤمنة مستحيل اتفق مع انسان ملحد وابدا رح نكون متل الزيت والمي مستحيل افكارهم تجتمع الصداقة يعني انو انتي تكوني داخل انسان وبالنهاية موضوع الصداقات موضوع شخصي بحت ولكل انسان وجه نظر بها الحياة

طيب فيني افهم شغلة ..

يعني بهالحالة .. انتي عم تلغي كل العالم وتخلي دينك ..

وهي شغلة ما فينك تعمليها ..

يعني لو كنتي شب .. ورحتي عالعسكرية .. كنتي تعلمتي اكل البرغل ..

وتعلمتي شغلة تانية اهم .. هيي التعايش ..

ان كان على مستوى المحافظات .. على مستوى الاديان ..

بدك تتعايشي ..

متل ما حكيتي انتي انو الشغل تبعك في كل الاطياف ..

طيب بما انو بتاكلو وبتمزحو وكزا ..

شو المانع انو يصير حدا منون صديقك ..

طيب ممكن سؤال بالآخر ..

ازا خيروكي بين تنين ..

شخص من دينك .. وشخص من دين تاني ..

الشخص اللي من دينك عقلو ما بيطبق على عقلك بنوب .. وتفكيرو سطحي نوعا ما وما بتتقبليه ..

واللي من دين تاني او حتى من دون دين .. عندو نفس المستوى الثقافي تبعك ونفس التفكير تبعك .. etc

مين بتختاري . وليش؟

اول شي لرد عليك لازم قلك شو يعني او تعريف الصداقة:هي انك تتآخى مع شخص يصير متل اخوك تعيشو ببيت واحد تقريبا ....تاكلو سوى.. همك همو.. هو بئر الأسرار تبعك هو على سبيل المثال روح واحدة .....انا برأيي بهيك حالات لازم الأنسان يخلي صداقته مع شخص مشترك معه بكل شيءحتى الدين يلي هو من اولويات الشخص المؤمن..................ثم انا ماقلت انو انا الغي الدين الآخر كرمال ديني انا قلت انه ممكن كون صديقة لشخص مسيحي بس بتخيل مو زابطة لأنو كل دين بكّفر الدين التاني انا ما لغيته ولا بقدر الغيه ولو لغيته انا شخص واحد مابقدر اعمل شي واذا عم تحكي عن العسكرية لا تنسى انه العسكرية امر مفروض على كل شباب العالم مو شيء اختياري كمان اكل البرغل امر مفروض وانك تعاشر من جميع المحافظات والاديان والطوائف كمان امر مفروض مو اختياري وكمان شغلة اهم انه العسكرية هية لوقت محدد سنتين ونصف اما انا مابقدر اتخذ صديق لمدة محددة.....................والمانع من اني اتخذ صديق من الشغل انا برايي مفهوم الصداقة ضخم متل مفهوم الحب فهاد بدل على انه الصداقة ممكن تكون التغيت بها الزمن والعصر انا عن نفسي صعب اتخذ صديق ضمن نطاق الشغل هي شغلة وعن شغلة انو من ديني ومابتفق معو ويلي من دين تاني بتفق معو اكيد بعامل الأتنين ضمن حدود الأدب والاحترام وهنن الاتنين بالنسبة الي زملاء فقط

هوي صحيح بيضل اختيارك للاصدقاء المقرّبين بحسب دينون امر شخصي, بس تخيلي شو رح يصير بالدنية لو كل البشر بكل مكان بتعمل هيك! يعني اختيار الصديق حسب اذا دينو ما بيخالف ديني..

اذا أخدنا (كمثال) أي مدينة سوريّة فيها مسلمين ومسيحيين وملحدين ودروز وعلمانيين إلخ وكان فيها التعامل مع الناس بحسب دينهم هو قاعدة..: اي هون رح تكون نصّ مصيبة لما تقتصر الشغلة بس على تحديد مين(من أي دين) بيصلح كصديق ومين لأ!.. لكن بوجود هالتفكير احتمال كبير إني "أنا" اتجنب التعامل مع الغير بكل مجالات الحياة, ابعّد عنون في المدرسة والشغل والشارع, وما اشتري وابيع إلّا مِن-ولأبناء ديني وما وظف غيرون بشركتي وما اعزم غيرون ع عرسي ويمكن اذا وقعت بالشارع ارفض المساعدة من شخص منتمي لهديك الشلّة (حتى لو كان هو الوحيد المتواجد بالشارع) واذا طفلين تخانقو بالمدرسة ممكن تصير حرب بين دينين, كل واحد بيجيب أهلو وعشيرتو وتشتغل السواطير والعصي ....!!
أكيد رح تقولي اني كبرت القصة كتير.... ما كبرتا لانو اولاً إذا ضل التعامل مع الناس حسب الدين فمتل ما بتعرفي انو الناس اجناس, يعني إذا عندك كانت الشغلة مقتصرة عالصداقات ف في كتير ناس مخّون سميك وبياخدو السلّم بالعرض.
وتانياً, في هيك حالات عنا بالبلد ولو أقل من غير بلدان, لكن تزداد وتنقص حسب الموضة.
فليش ما بنترك الدين عجنب بتعاملنا مع الناس, على مبدا انسان مع انسان ونخلص من هالمشكلة من اساسا ونفضى لغير مشاكل(ما اكترها!) ... وما ضروري نرضى بالإسائة لمقدساتنا لنوصل لهالشي. المسيء مين من كان(حتى لو من ديننا) لازم نرفضو ونوقف بوشو لكن مالازم نشمل مجموعة كاملة معو... والانسان المحترم فينا نتعامل معو من دون الدخول في امور الدين (لانو هون رح يبلش الخلاف).... اذا (:sick:) عملنا كلياتنا هيك فرح يضلو السيئين لحالون ويا إما يعقلو او ينقرضو شي يوم (بكرا بنستفاد منون كبترول)...

كلامك حلو كتير ولاغبار عليه....بس يعني مو زابطة علما انه ممكن يكون الشخص الملحد والمسيحي احسن مني بس للأسف مو زابطة ,الصداقة انك تتشارك مع صديقك بكل شيء هلىء شهر رمضان الكريم مقرب كيف ممكن اعزم صديقي المسيحي على الفطور,لو عزمته بس اديش حلو لو كان مسلم متلي وصايمين وعلى صفرى وحدة واحساسه احساسي, المشاركة حلو تكون بكل شيء حتى الدين يلي هو سبق وقلت اولويات الشخص المؤمن

هو كل واحد يكون ع راحتو و يمشي مع اللي بدو ياه.. أكيد هالحكي..

بس انو اذا مسموحلي بهالمداخلة... منيح انو مو كل الناس تفكر متلك.. لأنو ساعتها بنصير نعيش بغيتوهات.. المسلم مع المسلم و المسيحي مع المسيحي و الملحد مع الملحد..

و هيك بس تعقيب بدون أي قصد استفزازي.. بس اللي عم تشرحيه حضرتك حول امكانية العلاقة مع شخص من غير دين من عدمها, الخ من هالحكي.. بعتقد هاد نوع من أنواع الطائفية... طبعا هاد مجرد رأي

....لشيء اكبر من هيك وهو عدم تقبل فكر الآخر وعدم تقبل دين الآخر الذي يكّفر دين التاني هاد رأيي شو رأيك في ooops
بما انك طلبتي رأيي ..
أنتي فصلتي بين انو مؤمن مع ملحد .. وبين انو مسلم مع مسيحي
طيب رح اجي معك ..
أول نقطة
خلينا نحكي بين دينين مختلفين .. اذا بدك تجي للدين الصحيح مافي دين بيكفّر دين .. بالنهاية كل الأديان هدفها واحد وهاد نقاش طويل مابدنا ندخل فيه لأنو مو مكانو
اما اني قرر اتخذ صديق او صديقة ملحدة لاء وابدا.....اما بالنسبة لدين آخر فهاد شي مابقدر قرره ابدا لاني ماجربت ها الشي وبتخيل اني ماجربه مو لشيء شخصي ذاتي معي او مع الشخص المسيحي لاء
طيب هالحكي مو منطقي ابدا برأيي لعدة أسباب ..
أنك لما تتعرفي عحدا شو بدك تقليلو " لو سمحت قبل ما اعرفك قلي .أنت مسلم ولا مسيحي شيعي ولا سني ...الخ مشان اعرف حاكيك أولا ؟" قصدي من هالحكي انك ممكن تتعرفي عشخص يحترمك ويعاملك بأخلاق منيحة قبل ماتعرفي شو دينو وبعد ما تعرفي دينو رح يصير مو منيح ؟
انت تنتقي الناس يلي بدك ياها حسب دينك هاد تقسيم طائفي للبشر ..هاد رأيي
يمكن يكون في شي من صعوبة التأقلم بسبب اختلاف البيئات نوعا ما .وهاد شي طبيعي
بس مالازم هالشي يخلينا نقسم كيف بدنا نختار الناس يلي بنتعامل معها.
وبرجع بقول انا ما احكي نحب الآخر ونقتنع بأفكارو بس ما نتهجم على آراؤا:D

اي مزبوط !!!
ما هو الناس ما بتسرق لانو بخافو من السجن ...و ما بيقتلو لانو بخافو من الاعدام .....الله وكيلك يعني هاد الواقع .
انشالله مفكرة العالم ملايكة و ما نقصها غير جناحين و رنديلة !!!

هلأ أنا ماعم قول كل الناس ملايكة بجناحين ورنديلة " شو يعني رنديلة ؟:lol:"
بس كماان مو كل الناس متل بعضها يعني مو كل الناس ما بتقتل لأن بيخافو من السجن والاعدام..ألخ
في ناس اخلاقها بتمنعها ...
وانو هيك تصير الناس تتقبل بعضها .. ماعم قول تلقائيا- هي نحنا عم نحكي هون لان الشغلة ما بتصير تلقائيا عند كل الناس .:D
* عالهامش : أنت ليش مو داعم الفكرة ؟

هو كل واحد يكون ع راحتو و يمشي مع اللي بدو ياه.. أكيد هالحكي..

بس انو اذا مسموحلي بهالمداخلة... منيح انو مو كل الناس تفكر متلك.. لأنو ساعتها بنصير نعيش بغيتوهات.. المسلم مع المسلم و المسيحي مع المسيحي و الملحد مع الملحد..

و هيك بس تعقيب بدون أي قصد استفزازي.. بس اللي عم تشرحيه حضرتك حول امكانية العلاقة مع شخص من غير دين من عدمها, الخ من هالحكي.. بعتقد هاد نوع من أنواع الطائفية... طبعا هاد مجرد رأي

رأيك بهمني ورأي كل شخص بها المنتدى, حلو الشخص يسمع آراء الناس ويشوف الصح من الغلط ويقارن, مصالح...........وبالنسبة لموضوع الطائفية انا والحمدلله بعيدة كتير عن ها النقطة وبعامل الناس متل مابدي الناس تعاملني لازم احترم لــ أُحترم..........هي الجملة بتخيلها كافية لتشرحلك اذا انا طائفية بس بالنهاية انا معي كأنسانة بلاقيها صعبة اتخذ لحالي صديق ملحد وجدا بس اكيد بعترف بانسانيته وانه هو بالنهاية انسان يعني بيحس ,,وبالنسبة للصديق المسيحي ماعندي مشكلة بس انا بفضل يكون مسلم مو لاني طائفية بس بدي شخص يفهم عليي لانو ممكن تكون مشكلتي الها علاقة بديني فصديقي المسيحي اكيد مارح ينصحني لشي بديني اول شي لجهله بها الدين وتاني شي لعدم ايمانه فيه وهلا...

بما انك طلبتي رأيي ..
أنتي فصلتي بين انو مؤمن مع ملحد .. وبين انو مسلم مع مسيحي
طيب رح اجي معك ..
أول نقطة
خلينا نحكي بين دينين مختلفين .. اذا بدك تجي للدين الصحيح مافي دين بيكفّر دين .. بالنهاية كل الأديان هدفها واحد وهاد نقاش طويل مابدنا ندخل فيه لأنو مو مكانو

طيب هالحكي مو منطقي ابدا برأيي لعدة أسباب ..
أنك لما تتعرفي عحدا شو بدك تقليلو " لو سمحت قبل ما اعرفك قلي .أنت مسلم ولا مسيحي شيعي ولا سني ...الخ مشان اعرف حاكيك أولا ؟" قصدي من هالحكي انك ممكن تتعرفي عشخص يحترمك ويعاملك بأخلاق منيحة قبل ماتعرفي شو دينو وبعد ما تعرفي دينو رح يصير مو منيح ؟
انت تنتقي الناس يلي بدك ياها حسب دينك هاد تقسيم طائفي للبشر ..هاد رأيي
يمكن يكون في شي من صعوبة التأقلم بسبب اختلاف البيئات نوعا ما .وهاد شي طبيعي
بس مالازم هالشي يخلينا نقسم كيف بدنا نختار الناس يلي بنتعامل معها.
وبرجع بقول انا ما احكي نحب الآخر ونقتنع بأفكارو بس ما نتهجم على آراؤا:D


هلا...اول شي صح الأديان هدفها واحد....لكن تقولي مافي حدا بيكّفر التاني اسمحيلي قلك انو ها الشي غلط .....لان الملحد بيكّفر المؤمنين...والمؤمن المسيحي بيكفر المؤمن المسلم والعكس صحيح .........ولقلك شغلة انا لما التقي بشخص ما في الطريق مابعامله غير على انه انسان متلي بتحكمني اخلاقي وتربيتي اني ماسيء لشخصه مهما كان ....لكن بالنهاية الصداقة مفهوم كبيبر كتير يعني اختيار الصديق مو شيء سهل والمفروض يكون متل ما انا بفكر لنتفق على القليل ونسمي علاقتنا بالصداقة............واذا حابة اشياء كتيرة بقلك ياها عن صعوبة العلاقة بين دينين مختلفين بتحبي نحكي فيها هون ولابموضوع تاني ولا بمكان آخر اكيد ماعندي مشكلة وهلا وسمايلي ابو وردة

هلا...اول شي صح الأديان هدفها واحد....لكن تقولي مافي حدا بيكّفر التاني اسمحيلي قلك انو ها الشي غلط .....لان الملحد بيكّفر المؤمنين...والمؤمن المسيحي بيكفر المؤمن المسلم والعكس صحيح
هلأ أنا ما قلت انو يلي صاير حاليا انو حدا ما عم يكفّر حدا .. أنا قلت انو الدين الصحيح مو هيك كتعقيب على حكيك .. وبعرف انو هالشي موجود لكان نحنا ليش فتحنا هالموضوع!
ولقلك شغلة انا لما التقي بشخص ما في الطريق مابعامله غير على انه انسان متلي بتحكمني اخلاقي وتربيتي اني ماسيء لشخصه مهما كان
هالشي بيكفينا بهالموضوع :D
....لكن بالنهاية الصداقة مفهوم كبيبر كتير يعني اختيار الصديق مو شيء سهل والمفروض يكون متل ما انا بفكر لنتفق على القليل ونسمي علاقتنا بالصداقة.........
طبعا هي شغلة راجعة لتفكيرك ورغبتك .. بس بالحياة ممكن شخص منفتح من غير دينك يفهمك أكتر من شخص متزمت من نفس دينك ..
....واذا حابة اشياء كتيرة بقلك ياها عن صعوبة العلاقة بين دينين مختلفين بتحبي نحكي فيها هون ولابموضوع تاني ولا بمكان آخر اكيد ماعندي مشكلة وهلا وسمايلي ابو وردة
بيجوز يجمعنا نقاش بهالموضوع .. أنا ما عم قول مافي صعوبات تأقلم سبق وقلتلك هالشي
وأنا عن نفسي ربيت ببيئة من دينين وبعرف الصعوبات وبعرف كمان انو الانسجام مو مستحيل :D

موضوع كتير حلو وطرح رائع بتمنى الكل يتقيد بشو انطرح