حالة أ :

باعونا خط الموبايل بـ 60 ألف ليرة "سرقونا" عملو شبكة الموبايل على حسابنا رخصوا الخط للعشرين ألف "ما رجعولنا شي سرقونا كمان مره" كملو شبكة الموبايل من حق الخطوط بس والفواتير والبطاقات كانت وفر صافي رجعو رخصو الخط لوصل للألف ليرة "كمان مرة نسرقنا" وصلت مبيعات الخطوط للـ 30 مليار ليرة سوري !!!
قرروا يبيعونا أسهم الشركة "يلي تساوت من مصارينا بالأصل" صدقنا واشترينا أسهم "انسرقنا" اتفاجئنا انو باعونا بس 49 % من الأسهم وضلت الادارة لإلهن وهنن أصحاب القرار وهنن يلي بيطلعوا الميزانيات على كيفهن"انسرقنا مره تانيه".. قالولنا السهم بـ50 ليرة بس باعونا ياه بـ500 ليرة "كمان مرة انسرقنا"..
هلأ قرروا يبيعو الشركة "يلي هي إلنا واشتريناها ودفعنا حقا كذا مرة" لشركة أجنبية .. قلنا ماشي ونحنا شو بيطلعلنا؟؟ قالو انتو مابيطلعلكن شي انتو بتاخدو بس ارباح على اسهمكن ومادخلكن بتصرفات الادارة (أصلاً انتو مو شركاء بشبكة الموبايل نحنا منبيعا وبعدين منفكر نعمل مشروع تاني بمصاريكن ومنرجعلكون الأسهم) باختصار "سرقونا من جديد"...

حالة ب :

اشترينا السيارة جمارك 150% "سرقونا" رفاهية وفراغ ونمر شي 50% "كمان مرة انسرقنا" دغعونا تأمين الزامي 40 الف قام طلع هاد التأمين مو تأمين يعني اذا عملت حادث مابيصلحولك بس اذا حدا مات بيعوضوه (كمان ماني واثق انو بيعوضوه) "فيكن تقولو انو تالت مره مننسرق بهالحالة" فرجعنا أمنا تأمين شامل بـ 80 ألف (باعتبار ماني ناوي موت بالحادث).. رجعوا قالو انو لازم تدفع كل سنة خمسين ألف ترسيم "نسرق من جديد" المهم رحنا بدنا نبدل السيارة قامت خسرت السيارة من حقها مليون ليرة الفراغ والرفاهية(البلد الوحيد يلي بيعتبر السيارة رفاهية) والتأمينات وهالقصص واشترينا سيارة جديدة فرجعنا دفعناهن من أول وجديد واذا بدنا نبيعها بدنا نرجع نخسرهن باختصار "سرقونا من جديد"...

حالة ج :

طول عمرنا ما منعرف وين النفط ولا بينزل بالميزانية ولا حدا بيعرف عنو شي "سرقونا" فجأه بيقولو نزل انتاج النفط من 600 ألف برميل للـ 350 ألف برميل (معناها نحنا كان انتاجنا "المعلن "600 ألف برميل" قبل ماينقص) متل العادة إجا "المستثمر العظيم والوحيد نفسو تبع الحالة أ " جاب شركات عطاهون استثمارات النفط بسوريا مقابل 20% لإلو شخصياً و30% للشركة الأجنبية و 50% للدولة "كمان مرة انسرقنا"... المهم انخفض الانتاج غلولنا المحروقات 100% "مرقولنا الخازوق على 3 مراحل" وكملوها رفعو بعض أنواع مشتقات النفط 400% "متل المازوت"...قال ليش مشان منع التهريب غريبة هالبلد يعني مو معقول بدال مايحاسبو المهربين بيغلوا الأسعار ...طيب والشعب؟ والأحلى قال لأنو هي المواد مدعومة لك وما أحلاها وماتكون مدعومه ونحنا عنا واحد من أقل متوسطات دخل الفرد بالعالم.... باختصار "سرقونا من جديد"


من وحي الموضوع: (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
وبتسألني ليش مغرب... وعايش وحيد (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
بأرض بلادي عشت معذب ...وشوطالع بالإيد (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
سرقونا ماحكينا ... شردونا بكينا (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
قالو رجعوا جينا... سرقونا من جديد (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

هلأ رح ضيف فقرة اسمها (ضحكو علينا من جديد)
من وقت ماكانت اظافري ناعمة كانو يقولولي اسرائيل عدوتنا اسرائيل هية الرب الشرير
اسرائيل عاهرة زانية وما اخذ بالقوة لايسترد الا بالقوة ولن نقبل بالتنازل ولن نطبع علاقاتنا مع اعداء العروبة
"اضحكو علينا" وبلشت المفاوضات بالتسعينات استبشر العالم بالخير من ورا هل مفاوضات وصار
التطبيع مع اسرائيل امر وارد
(اضحكو علينا) من جديد لما مامشي الحال ورجعو يفتقو بنفص القصة انو التفاوض مع العدو لايجوز
وما اخذ بالقوة لن يسترد الا بالقوة
"اضحكو علينا" بهل سنة وبلشو مفاوضات جديدة من تحت الطاولة ومن فوقا
هلأ الضحكة الكبرى يلي بدي اضحكا هية الكلام يلي انقال على الجزيرة لما نسأل الزلمة عن التطبيع
رد وجاوب
أننا لانسمي هذه العلاقات بالتطبيع هذه العلاقات اسمها علاقات عادية
هلأ حسب علمي التطبيع يعني تصير العلاقات عادية بدون مشاكل
انو شو فرقت هي غن هي
وهي ضحكة ها ها ها ها
الاهم من زلك ان نحافظ على ثاوبتنا القومية والوطنية والدولية والمدري شولية
لن نطبع بأي شكلٍ من الاشكال
لكن لا مانع من التعييد (جعل العلاقات عادية)
عوجة وياما حنشوف
عوجة والطابق مكشوف

هلق في شغلة بعرف انو مالها علاقة بالموضوع بس انو لازم تنذكر

مرة كنت بساحة من ساحات الشام اجت بنت عم تشحد

سايرتها شوي انا ورفيقي وسالتها انت لمين بتعطي المصاري؟

قام اشرت باصبعها الصغير عالمخفر وقالت لعمو اللي جوا:?

هلق في شغلة بعرف انو مالها علاقة بالموضوع بس انو لازم تنذكر

مرة كنت بساحة من ساحات الشام اجت بنت عم تشحد

سايرتها شوي انا ورفيقي وسالتها انت لمين بتعطي المصاري؟

قام اشرت باصبعها الصغير عالمخفر وقالت لعمو اللي جوا:?
واااااااااااااخ ليكون قصدا على الزلمة يلي حاطين صورتو ومبروظينا بالصدر

الموضوع رائع جداً جداً .... تقبل تحياتي ياغالية

أما الردود !!!!

فيفيا عم تتحفنا يعني الله يعطيك العافية وخيو بيجي يوم بنضحك عليهن نحنا بس ما بنسرق حدا بنرجع كامل حقوقنا

ياريت ..وقفت على السرقه بس ....؟؟؟؟؟

شو مشان الحرمان من الحياه ...بكل مافيها .من الكلمه وانت ماشي ...

سرقونا اوكي ما اختلفنا ...فينا نعيش بلا موبايل وبلا نفط وبلا سياره ...بس فينا نعيش بامان وبدون الخوف ...

وموضوعك رائع

بل سرقونا من قديم وعم يساوه بالقديم شوية مشاريع للوطن

جديداً قديماً من مسلسلات السرقة , الزعرنة ، النهب ، استعباد ، الخ..

الجيش العربي السوري ومأدراك ما الجيش العربي السوري

يقال أن المؤسسة العسكرية حامية حما الوطن و ينطبق عليها المقولة الشعبية حاميها حرميها ،

انته مدعوم ؟ ولا

معك تفت عملة ولا ؟

مفيش ولا ؟

الكلام الي بالأزرق هوي الكلام الشعبي الدارج عنا يعني عادي ديموقراطية
في شباب راحت وخدمت جيش وشباب عنا هون لسا والكلام يلي ممكن احكيي يلي خادم بيعرف ويلي مالو خادم أذا خدم لح يتعرف

المؤسسة العسكرية بتستنذف من ثلث الى ثلثي الميزانية الارقام الحقيقية ماحدى بيعرفها

ومن المعروف أن الجندي يذهب لخدم الوطن أما في الحقيقة هوه يذهب ليخدم الضابط واساليب الخدمة متعددة وعلى حسب الضابط يلي أنتة تحت أمرتو وحسب الاسعار العالمية

الضابط المدعوم بيكون عندو بلاوي حاططلو كذا عسكري حجاب بينزلهم 15 بـــ15 او 10بـــ10 طبعاً نزلة بيكون متفق عليها براتب شهري و أذا كان قنوع هل الضابط مابياخود كاش فا بوصية على كم غرض شي طقم رسمي على كم غرض للمدام على خلاط على كمبوتر الخ... القناعة كنز لايفنى

ضباط امتلكو فلل ومزارع ويأخذو العساكر للعمل بمزارعهم وعلى راسك ياتاجر ، لا محاسب ولا رقيب

يبنو مايشأو من مخصصات الجيش ويأخذو كل عازتهم اسمنت , حديد , الخ..

سرقة مخصصات العسكري من طعام وشراب وقادة المؤسسة الافاضل الى اليوم لم يفكرو أن يحولو هذة المخصصات الى الدفع العيني وضمها مع الراتب

من أحب أن يرى اسواء البشر وبل اقذرهم فل يخدم في جيشنا العظيم


كلو بكفة وأن يسرقوا منك سنتين من عمرك بكفة ، ويسرقو مدخرات العسكري البسيطة (( سرقونا )) والمسلسل مستمر
=======

اسف لم وعدتة وتأخرت بوعدي واسف على هذة المشاركة المقتضبة

واترك لم أحب أن يتبحر فيها

وشكراً فيفا على الموضوع

"سرقوانا " ورح يضلوا "يسرقونا " اذا نحنا قاعدين وساكتين ...:pos:
مع اننا عم نحكي ... بس يا حبيبي شو نفع الحكي شو الو معنى بعد البكي ... ما دامها قصص كبيرة .... ليالي سجن تقيلة:cry: !!!!!!

مشكلتنا انو منضل منحكي ومنحكي ومنحكي ومنحكـ...................................... .

بس لا حدا بيرد .... "عم نبعبع عالفاضي ... خلينا هيك عم نبعبع لنشبع "
ولا نحنا منساوي شي عالواقع كلو حكي بحكي:frown:
والحكي ما عليه جمرك ولا بيفيد بشي ... متل قلتو .....:pos:

خليهن "يسرقونا" وخلينا " عم نبوسهن من بين عيونهن " ونقوللهن "ع راسي والله مفضلين على نافوخنا من فوق "

شكراً فادي ...:D

الشكر لكل من مر بالموضوع ولي عودة للنقاش...

هي كلا مو سرقة :?
القصة وما فيها أنو أنتو عم تعطون تبرعات إجبارية و يعني هي كل الشغلة وإذا بعبعت وسألت واحد ليش بتعرف شو بيصير فيك :willi:
بس الشغلة كلها عيني عينك يعني أنت عم تعطيون بإرادتك + غصب عنك :abo3aen:
وبيضل حكيي من الماضي وسيستمر إلى ؟ ؟ ؟ ؟ ؟ ؟
و شكرا VIVA ومنتظر نقاشك بس تعود :deal:

واااااااااااااخ ليكون قصدا على الزلمة يلي حاطين صورتو ومبروظينا بالصدر
هي و نـيهايتو ;)
اخي من باب التغير وحياة الرب بس من باب التغيير أبداً مو أكتر .. بدلولنا هل صور .. يعني ولله نحنا منحبك كومايات .. بس اخي ولله كل شي بيزيد عن حدو بينقلب ضدو


المهم .. يعني نحنا شعب أدمننا على أنو ننسرق ..