لماذا خلقت؟؟؟ [الأرشيـــــف]

غيديون

21/07/2008, 02:22

هل فكرت يوما في هذا السؤال؟؟
خلق الله الانسان لكي يعمر الارض....
كلام سمعناه كثييير
بس عمرك فكرت...
ليش الله سبحانه وتعالى خلقني انا فلان؟؟
او عمرك فكرت بعد ما تصير معك اي شغلة
ليش صار هيك؟؟؟
انا بعتقد انو اذا فكرت بكل شي على هذا النحو....
ممكن ما ضيع الفرص يللي بحطها الله سبحانه وتعالى قدامي....
هذا اعتقادي بس شو مشانكن؟؟؟؟
الموضوع مفتوح للنقاش....
تحياتي:D

MadMax

21/07/2008, 02:40

انا بعتقد انو اذا فكرت بكل شي على هذا النحو....
ممكن ما ضيع الفرص يللي بحطها الله سبحانه وتعالى قدامي....
هذا اعتقادي بس شو مشانكن؟؟؟؟
الموضوع مفتوح للنقاش....
تحياتي:D

طيب ...
و إذا ما اقتنعتي بالسبب يللي الله خلقك مشانو
شو رح تعملي ..؟؟

whiterose

21/07/2008, 02:47

طيب ...
و إذا ما اقتنعتي بالسبب يللي الله خلقك مشانو
شو رح تعملي ..؟؟

احتمال تكون قناعاتها غلط
مو دائماالشي يلي منرسمه بحياتنا ومنخططه لمستقبلنا بيكون صح

انا مشيت بطريق ماله علاقة بقناعاتي وملاقيته كتير صح

MadMax

21/07/2008, 02:56

احتمال تكون قناعاتها غلط
مو دائماالشي يلي منرسمه بحياتنا ومنخططه لمستقبلنا بيكون صح

انا مشيت بطريق ماله علاقة بقناعاتي وملاقيته كتير صح
بهنيكي
و على طول ضلي اعملي الاشيا يللي مانك مقتنعة فيها
و انشالله من أحسن لأحسن

whiterose

21/07/2008, 02:59

بهنيكي
و على طول ضلي اعملي الاشيا يللي مانك مقتنعة فيها
و انشالله من أحسن لأحسن

بفهم عليك

ياخسارة كلما منحاول نصلح الجو بتنزعه

MadMax

21/07/2008, 03:07

بفهم عليك

ياخسارة كلما منحاول نصلح الجو بتنزعه
القصد ............ انو المفروض ما تعملي غير قناعتك ..... شو ماكانت النتائج
الانسان لما بيتخلى عن قناعاتو ........ بيخسر ذاتو

sandy ahlawya

21/07/2008, 04:03

انا بحب جدا انى افكر فى كل حاجة عملتها او حصلت لى
بلاقى متعه فى كده
واكتشفت انى عمرى ما عملت حاجة ابدا او حصلت لى حاجة ابدا و خصوصا المصائب الا لما بيبقى فعلا لربنا حكمه فيها
هديكم مثال
مره بابا الصبح وهو بيوصلنى على المدرسه و كنا دايما انا و هو بنركب تاكسى
اليوم ده الطريق بقى زحمه اوى اوى اوى و روحت انا وهو مشى و مشيت فى طريق اول مره اشوفه و بعدها بسنه اتاخرت على الدرس بتاعى و هو كان فى نفس المكان بتاع المدرسه تقريبا و ملقتش حاجة اركبها و لو كنت مشيت من الطريق اللى متعوده عليه مكنتش هلحق اروح و سبحان الله افتكرت الطريق اللى مشيت فيه مره واحده مع بابا وو صلت فى الميعاد

و مره تانيه و دى بقى اكتر من الاولانيه و اقرب منها
السنه اللى فاتت جبت 94.6% و كنت علمى علوم و كلنا عارفين ان المجموع ده فى مصر من سنتين ميدخلش طب
قولت احول رياضه و كان ... و اكتشفت لما دخلت رياضه انى بحبها اوى و انى مكنتش هطيق الاحياء و لا هزيد فى المجموع و لا هلحق طب
و السنه دى رغم ان امتحانات علمى رياضه جت صعبه الا انى اكتشفت ان مجميع علمى رياضه قلت اوى اوى و ان مجموعى يدخلنى و لحمد لله هندسه و احتمال كمان اعلى هندسه فى مصر
و اكتشفت ان طلع حكم قضائى بانهم يقللوا عدد اللى داخلين طب و بالتالى هتزيد مجاميع اللازمه لدخول كليه طب
فمكنتش هلحقها

و من خلال كل اللى حصلى استنتجت اننا اتخلقنا فى الارض لنعبد ربنا اولا و ثانيا لتعمير الارض و ثالثا للتامل و الاخذ بالاسباب
و اننا كل ما تاملنا فى اللى بحصل لنا هيذيد ايمانا بالله اوى اوى اوى
سبحان الله

VivaSyria

21/07/2008, 04:22

و من خلال كل اللى حصلى استنتجت اننا اتخلقنا فى الارض لنعبد ربنا اولا و ثانيا لتعمير الارض و ثالثا للتامل و الاخذ بالاسباب
و اننا كل ما تاملنا فى اللى بحصل لنا هيذيد ايمانا بالله اوى اوى اوى
سبحان الله

الحقيقة بهنيكي على هالاستنتاج...

Marooshe

21/07/2008, 10:43

هل فكرت يوما في هذا السؤال؟؟
خلق الله الانسان لكي يعمر الارض....
كلام سمعناه كثييير
بس عمرك فكرت...
ليش الله سبحانه وتعالى خلقني انا فلان؟؟
او عمرك فكرت بعد ما تصير معك اي شغلة
ليش صار هيك؟؟؟
انا بعتقد انو اذا فكرت بكل شي على هذا النحو....
ممكن ما ضيع الفرص يللي بحطها الله سبحانه وتعالى قدامي....
هذا اعتقادي بس شو مشانكن؟؟؟؟
الموضوع مفتوح للنقاش....
تحياتي:D

انو ليش دايما مصرّين تعزمولي اللة على كل عرس... في اشيا بينفع الواحد ما يدخلو ل اللة فيها... يعني انا ما بظن انو اللة كان معو الوقت انو يفكر ليش بدو يخلق كل واحد فينا... ليش انت خلقتي هي تفكير وقناعة وايمان انت بتنمية عندك وعلى حسبو انت بتمشي... يعني لقلك مثلا ازا انت بتآمني انك وحدة ما بتنفع لشي.... فبتقضي حياتك كلها مو عاملة اي شي مفيد... وازا بتطلعي عحالك كانسانة مهمة او كحلقة مهمة من المجتمع بيصير عندك الدافع انك دايما تعطي وتنتجي... فكلو بالاخير بيتعلق فكيف انت بتقيمي حالك..... وبالنسبةللتفكير بليش هيك صار..... فبعتقد انو كمان هي ما دخلو ل اللة فيها... لانو كل شي بيصير ومعقول يصير معنا هو فعل وردة فعل او سبب ونتيجة... وبالنسبة للفرص يلي بيحطلك ياها اللة... لا تخافي لو انو بيحط شي كان ماحدا منا ضيع الفرصة...

Reemi

21/07/2008, 10:45

اكل هوا وخوزقا

wild_angel

21/07/2008, 10:53

القصد ............ انو المفروض ما تعملي غير قناعتك ..... شو ماكانت النتائج
الانسان لما بيتخلى عن قناعاتو ........ بيخسر ذاتو

تحية مني إلك

wild_angel

21/07/2008, 10:54

اكل هوا وخوزقا

ولسا عم ناكل ورح نضل ناكل هوا لنشبع

بلاك 1

21/07/2008, 11:11

و من خلال كل اللى حصلى استنتجت اننا اتخلقنا فى الارض لنعبد ربنا اولا و ثانيا لتعمير الارض و ثالثا للتامل و الاخذ بالاسباب
و اننا كل ما تاملنا فى اللى بحصل لنا هيذيد ايمانا بالله اوى اوى اوى
سبحان الله[/quote]

هو يعني الله ناقصو عبادة مشان هيك خلقنا اولا وأخيرا لنعبدوو

wild_angel

21/07/2008, 11:18

برأي أنا ...

الله صح خلقنا لعبادتوا لكن أنا ما بظن أنو قال اعبدوني ولا تعملوا اي شي بحياتكم ... الغلط غلط واحنا بنعرف شو هو الغلط من الصح .. بس هو ما قال ... حرام تنبسطوا .. حرام تغنوا ... حرام تقعدوا قعدات جماعية مختلطة ... حرام .. حرام .. حرام ...

كنا صرنا كلنا نساك وخلص ...

هي يا جماعة هو الكبت الي بيولد الانفجار والتمرد ... وانا مابظن انو تعاليم الدين هي هيك ... مجتمعنا والعقول النتحجرة هي هيك ...

sona78

21/07/2008, 12:19

انا بتوقع اني انخلقت انا واخواتي لانو ابي وامي قرروا يوما انو هني بدون ولاد...

وهي انو الله خلق الانسان من شان يعمر الارض شايفة انو في لخبطة لانو البني ادام صاير عم يخرب الارض بشكل استثنائي ... فوين ارادة الله ؟؟ صراحة انا كل ما فكرت بالدني وليش انخلقت بزداد الحاد مو ايمان لانو كلشي عم يصير حوالينا بيدفع للالحاد

wild_angel

21/07/2008, 12:50

انا بتوقع اني انخلقت انا واخواتي لانو ابي وامي قرروا يوما انو هني بدون ولاد...

وهي انو الله خلق الانسان من شان يعمر الارض شايفة انو في لخبطة لانو البني ادام صاير عم يخرب الارض بشكل استثنائي ... فوين ارادة الله ؟؟ صراحة انا كل ما فكرت بالدني وليش انخلقت بزداد الحاد مو ايمان لانو كلشي عم يصير حوالينا بيدفع للالحاد

عشان هيك طلعوا فتوى بتقول ...

الي بيفكر بالدنيا وكيفية الخلق يعتبر كافر ...

الظاهر هني فكروا قبلنا و ألحدوا كمان ....

sona78

21/07/2008, 14:12

الظاهر هني فكروا قبلنا و ألحدوا كمان ....

لا عرفوا انو حكيون ما الو لا منطق ولا عقل .. وما بيتصدق الا اذا لغو التفكير وكفروا المفكرين

whiterose

21/07/2008, 14:51

اكل هوا وخوزقا

مابتتخيلي انك هيك بتكوني اسأتي للعضوة كاتبة الموضوع وبيلزمك مخالفة
الاساءة المتعمدة لعضو
لما وصفتيها انها عم تاكل هوى وتخوزء اعضاء اخوية

خديها مني ا خوية بس انا مابقدر ما احكي :Dبتعرفيني

انو ليش دايما مصرّين تعزمولي اللة على كل عرس
يا آسفاه على زمن قالت فيه امرأه
وأســــــــــــــلاماه:cry:

كمان اخوية

whiterose

21/07/2008, 14:56

انا بتوقع اني انخلقت انا واخواتي لانو ابي وامي قرروا يوما انو هني بدون ولاد...

وهي انو الله خلق الانسان من شان يعمر الارض شايفة انو في لخبطة لانو البني ادام صاير عم يخرب الارض بشكل استثنائي ... فوين ارادة الله ؟؟ صراحة انا كل ما فكرت بالدني وليش انخلقت بزداد الحاد مو ايمان لانو كلشي عم يصير حوالينا بيدفع للالحاد

سبحان الله شو بتختلف طريقة التفكير
انا كل ما فكر بالدنيا وليش انخلقت
وكل مابفكر بحالي
وبالكون
بازداد ايمان
وسبحان الخلاق العظيم

wild_angel

21/07/2008, 15:03

سبحان الله شو بتختلف طريقة التفكير
انا كل ما فكر بالدنيا وليش انخلقت
وكل مابفكر بحالي
وبالكون
بازداد ايمان
وسبحان الخلاق العظيم

بيعتمد على كل وحدة والظروف الي عم تحيط فيها ...

sona78

21/07/2008, 15:09

بيعتمد على كل وحدة والظروف الي عم تحيط فيها ...

يمكن الظروف الها دور بس كان الدور الاساسي انو الواحد يراقب يللي عم يصير ويدور ع تفسير بنصدم بمقولة هيك بدو الله ...بعد فترة الواحد بيصير بفكر طيب الله شو بدو بيجي يقرا بالكتب الدينية بينتبه انو ارادة الله يلي بالكتب غير ارادة الله يلي عم تصير بحياتنا الواقعية ....شو هالخبطة ؟؟؟؟ ايا ارادة هيي ارادة الله الحقيقية ؟؟
لما بتسال هيك بتصير ملحد ..
لهيك مو بس الظروف

wild_angel

21/07/2008, 15:17

يمكن الظروف الها دور بس كان الدور الاساسي انو الواحد يراقب يللي عم يصير ويدور ع تفسير بنصدم بمقولة هيك بدو الله ...بعد فترة الواحد بيصير بفكر طيب الله شو بدو بيجي يقرا بالكتب الدينية بينتبه انو ارادة الله يلي بالكتب غير ارادة الله يلي عم تصير بحياتنا الواقعية ....شو هالخبطة ؟؟؟؟ ايا ارادة هيي ارادة الله الحقيقية ؟؟
لما بتسال هيك بتصير ملحد ..
لهيك مو بس الظروف

100% صحيح ... وهاد كلو بسبب الأشياء الي كل واحد بيألفها وفي النهاية بيحطوا على الدين والله مشان ماحدا يقدر يناقش ....:larg:

sandy ahlawya

21/07/2008, 17:23

و من خلال كل اللى حصلى استنتجت اننا اتخلقنا فى الارض لنعبد ربنا اولا و ثانيا لتعمير الارض و ثالثا للتامل و الاخذ بالاسباب
و اننا كل ما تاملنا فى اللى بحصل لنا هيذيد ايمانا بالله اوى اوى اوى
سبحان الله

هو يعني الله ناقصو عبادة مشان هيك خلقنا اولا وأخيرا لنعبدوو[/quote]
بسم الله الرحمن الرحيم (و ما خلقت الجن و الانس الا ليعبدون ) صدق الله العظيم
هو ده دليلى على اننا اتخلقنا لنعبد ربنا
بس سؤال يعنى
انت مفهوم العباده عندكم بنظركم ايه
العباده فى نظر كل من تامل فى القران و فى الاحكام التى و ضعها الله
ان كل شئ و عمل صحيح بيعتبر عباده و ليست الصلاه وحدها عباد
فالدعاء عباده ... و العمل عباده .... و التعليم عباده .... و التأمل فى الكون عباده .... و قراءة القران عباده .... و مساعده المحتاجين عباده ...... و تعمير الارض عباده .... و التسبيح لله عباده و الاستغفار عباده
اى ان كل شئ صواب يفعله الانسان هو عباده لله عز و جل

انا بتوقع اني انخلقت انا واخواتي لانو ابي وامي قرروا يوما انو هني بدون ولاد...

وهي انو الله خلق الانسان من شان يعمر الارض شايفة انو في لخبطة لانو البني ادام صاير عم يخرب الارض بشكل استثنائي ... فوين ارادة الله ؟؟ صراحة انا كل ما فكرت بالدني وليش انخلقت بزداد الحاد مو ايمان لانو كلشي عم يصير حوالينا بيدفع للالحاد
عمرك فكرت مره الكون ده قبل ما انت تتولد او بمعنى اصح من قبل الميلاد بكتير ايام الحضارات القديمه و قبلها كمان ايام الانسان البدائى كان شكله ايه
كانت الارض غير مستويه و كانت الطرق وعره و الحيوانات المتوحشه و المفترسه تهاجم الانسان فى اى وقت و كانت حياه الانسان غير مستقر
قارن الماضى بالحاضر هتلاقى اننا فعلا عمرنا الارض رغم اننا بدأنا نفسد فيها الا اننا برضه بنعمرها
زمان كانت الناس تسكن فى الكهوف و ها الايام بتسكن فى ناطحات سحاب و عمارات لها شكل جمالى رائع
زمان كان الناس تنتقل بالحيوانات من مكان لمكان دلوقتى بنتقل بالطائرات و كمان بيدرسوا التنقل الانى للاشياء
زمان كانت الناس ما بتعرفش تتصل ببعض عن طريق اى حاجة و دلوقتى بتعرف تتصل بيهم عن طريق التليفون و النت
مش ده كله تعمير للكون .... الاجهزه الطبيه و اجهزه الاتصالات و الرسيفرات اللى كل كام شهر يتطلع فيها حاجات جديده
متعتبرش تعمير للارض ؟
انا مش بتفق معاك فى ان التامل بيدفع الانسان للالحاد بالعكس ده بيخلى الانسان يامن بالله اكتر و اكتر
و ياما ناس الحدت من تفكيرها و رجعت مره اخرى احسن من الاول و اصبحوا ناس بتددل على قدرة الله فى خلقه للكون و من امثالهم الدكتور مصطفى محمود

عشان هيك طلعوا فتوى بتقول ...

الي بيفكر بالدنيا وكيفية الخلق يعتبر كافر ...

الظاهر هني فكروا قبلنا و ألحدوا كمان ....

عزيزتى مين طلع فتوى بتقول كده
ربنا دايما ما يذكر كلمه (لقوم يتفكرون )
عمرك ما فكرتى فى معنى الكلمه دى
التفسير للكلمه دى اننا لازم نفكر و نتامل مش العكس
و هذكر لك ايه اخرى
بسم الله الرحمن الرحيم (سنربهم اياتنا فى الافاق و فى انفسهم حتى يتبين لهم انه الحق )صدق الله العظيم
اليست هذه الايه تدعونا للتامل فى الكون
و المقصود هنا بالافاق هو الكون من حولنا بما فيه من طبيعه و ظواهر طبيعيه و غيرها
و المقصود بانفسهم اى التامل فى النفس البشريه و ما بها من اسرار يعرفها الفلاسفه
اليس هذا كله يدعوا للتامل
و يمحوا فكره ان التامل يدعوا للالحاد :D

sandy ahlawya

21/07/2008, 17:29

يمكن الظروف الها دور بس كان الدور الاساسي انو الواحد يراقب يللي عم يصير ويدور ع تفسير بنصدم بمقولة هيك بدو الله ...بعد فترة الواحد بيصير بفكر طيب الله شو بدو بيجي يقرا بالكتب الدينية بينتبه انو ارادة الله يلي بالكتب غير ارادة الله يلي عم تصير بحياتنا الواقعية ....شو هالخبطة ؟؟؟؟ ايا ارادة هيي ارادة الله الحقيقية ؟؟
لما بتسال هيك بتصير ملحد ..
لهيك مو بس الظروف

عمر ما ارادة ربنا بالكتب السماويه اختلف عن ارادته الظاهره فى الدنيا
ممكن حضرتك تدينى مثال لهذا الاختلاف

100% صحيح ... وهاد كلو بسبب الأشياء الي كل واحد بيألفها وفي النهاية بيحطوا على الدين والله مشان ماحدا يقدر يناقش ....:larg:

اللى بيعمل كده مبيبقاش فاهم دينه صح
ولا بيبقى ايمانه بالله قوى
و اللى يتهرب من النقاش فى اى راى ليه بيبقى هو نفسه مش مقتنع برايه

THE_unforgiven

21/07/2008, 23:48

في شغلات مش لازم الإنسان يعرفها لأان إذاا عرفها بيفقد انسانيتو وبيصير مانو بشري .. بيصير متل الملائكة .. وبتوقع بعدا رح يجن .. ما رح يتحمل عقلو هالشغلات .. ف منضل ما منعرف أحسن ,,

سوري محشش

22/07/2008, 00:16

السبب يلي عطاه الاسلام برأيي غير مقنع
انو الله يعني ناقصو حتى يعبدو
واذا ما كان ناقصو معناتا هادا اسمو غرور
وبالتالي الله مغرور بحالو
وهادا الشي بينكرو الاسلام
اذاً تناقض بس لما بفكر بالموضوع بقول لحالي الله عم يتسلا فينا
انو ما الو حاجة فينا ومارح نأثر عليه والزلمة عم يعزبنا ويخلينا ننهم وننغم
هلأ في ناس بتقلي انو الحياة بصير ما الا طعمة او لذة
طيب على هل حكي الجنة مالا لذة
من جهتي
انا بأمن انو في الله بس بشوف انو هل رب ظالم وسادي كبير
بالنسبة الي فكرت كتير كتير بس في شي ما بفهمو انو ليش كلشي بالاسلام الو حكمة
شو الحكمة من قتل الاطفال
شو الحكمة من انو واحد ينظلم
شو الحكمة من الحروب مثلاً
طبعاً ماعدا انو المشايخ بطالعولك الف مليون تفسير
مثلاً اذا واحد مالو مسلم ماتوفق بقولو الله هيك بدو عم يعزبو بأعمالو
بينما اذا توفق هل شخص يلي مالو مسلم بقولو انو الله عم يعملو هيك مشان اعمالو الخيرة يتكافئ عليا بسرعة
بينما اذا المسلم صرلو شي بقولو اختبار من الله
في حين اذا توفق بقولو الله بحبو وعم يساعدو
طبعاً ماعدا المسلمات يلي لازم نسلم فيا يلي بتطلعلا شي مليون ويلي مابجوز نفكر فيا
لزلك اناحالياً مأمن بالله بس هادا ايماني الله مالو كلو خير وحنان وعطف
بس برأيي بدال ما نسأل ليش انخلقنا لازم نشتغل لحتى نخلق الشي يلي بدنا ياه

المتشائل

22/07/2008, 00:28

))))) عبالي ابتسم كتير اليوم ...
اليوم بشكل عام من اولو حلو ... ورح يحلو الآن اكتر

بحب العملية والعلمية بالمواضيع ... هلا عنوان الموضوع بالشكل التالي ...
يعطي انطباع اننا توصلنا علميا ومنطقيا ... واجماع من في الارض جميعا ... خليني احكي من في المنتدى جميعا انو الله خلق او الله عمل ... الله بدو ... الله ما بدو ... وهكذا ...

طيب يا اخي .. فرضا في عالم من البشر ياللي هون بتشوف انو الله ما خلقها مثلا ؟

من منحى علمي ما في شي يثبت ان الله خلقك او خلقني او خلق القطة ياللي بالبيت عندي ... لهيك .. كان المفترض ان يكون السؤال ... لماذا نحن موجودون على هذه الأرض ... او شيء من هذا القبيل ...

وهالسؤال ... نسبي جدا ... بيختلف من فرد لفرد ... ومن ثقافة لثقافة ...

))) بس انا ما حدا خلقني ... لا الله ولا زيوس ... ولا غيرهم ...

انا خلقت حالي ... بعد إرادة الأهل ....

عطر البرتقال

22/07/2008, 00:42

يعني انا ما استغرب الا من يلي يفكرو انه ليش ندخل الله بقصة انو ليش الله خلقني
واستغرب كمان من يلي عنده هيك قناعات
يعني فكرو شوي بس....اجلسو مع حالكون واسهرو مع حالكون وفكرو بهالدنيا
هالتوازن الموجود والحركة والدقة بالعالم اذا يو حسيته فيها.....من وين يا ترى....هالقوة الخفية من وين؟؟قوة الطبيعة؟؟طيب قوة الطبيعة من وين؟؟
في حكي كتير ينحكى ومقنع للجميع وخلا كتير من الملحدين يؤمنو بوجود الله عز وجل بس الكل يعرفه ولو حكيناه ما حد رح يقتنع فيه.

لو يضل فلان يحكي انه ما في خالق وفلان يحكي الله ما دخله وفلان يحكي وفلان يحكي ستبقى :

((الكلاب تنبح....والقافلة تسير))

مع احترامي الشديد الكن ولا حد يفهم غلط

تحياتي الحارة وتصبحو على الف خير :D

yass

22/07/2008, 00:48

يعني انا ما استغرب الا من يلي يفكرو انه ليش ندخل الله بقصة انو ليش الله خلقني
واستغرب كمان من يلي عنده هيك قناعات
يعني فكرو شوي بس....اجلسو مع حالكون واسهرو مع حالكون وفكرو بهالدنيا
هالتوازن الموجود والحركة والدقة بالعالم اذا يو حسيته فيها.....من وين يا ترى....هالقوة الخفية من وين؟؟قوة الطبيعة؟؟طيب قوة الطبيعة من وين؟؟
في حكي كتير ينحكى ومقنع للجميع وخلا كتير من الملحدين يؤمنو بوجود الله عز وجل بس الكل يعرفه ولو حكيناه ما حد رح يقتنع فيه.

لو يضل فلان يحكي انه ما في خالق وفلان يحكي الله ما دخله وفلان يحكي وفلان يحكي ستبقى :

((الكلاب تنبح....والقافلة تسير))

مع احترامي الشديد الكن ولا حد يفهم غلط

تحياتي الحارة وتصبحو على الف خير :D

الكلاب تنبح و القافلة تسير...

لا تعليق

سوري محشش

22/07/2008, 00:52

((الكلاب تنبح....والقافلة تسير))

مع احترامي الشديد الكن ولا حد يفهم غلط
الله يعزك شو موجب
بس عم نحكي نقاش عادي هلأ انت توصلت انو الله موجود وكلو خير غيرك قال مافي الله وغيركن
بأمن بالله بس مابشوف صورتو متل ما انت بتشوفا فليش هل التسكيت والغاء الاخر عم نتناقش
يعني الموضوع اخد وعطا مافي داعي لهل جملة الحمرا يلي كتبتا اصلاً مابتقتنعو برأي الطرف التاني
والتاني دايماً غلط
هادا موضوع حواري اذا بدك تخلينا كلاب عم ننبح ياريت ماتدخل على موضوع من اساسو
بدك تناقش ناقش بس لاتكبر كلام وتقول كلاب ومدري شو
احكي بشي فكرة حكيتا انا مثلاً هيك بمشي الحال
بس لاتحاول تسكتني وتخليني كلب عم ينبح
لاني كل ما بسمع متل هل كلام بتشبث برايي اكتر وبتأكد انو اغلب المسلمين ماعندن ثقافة حوار

sandra

22/07/2008, 00:54

لو يضل فلان يحكي انه ما في خالق وفلان يحكي الله ما دخله وفلان يحكي وفلان يحكي ستبقى :

((الكلاب تنبح....والقافلة تسير))

مهما اختلفنا بوجهات النظر وبالأفكار
مو حلو استخدام هالاسلوب للدفاع عن آرائنا ومعتقداتنا
الدفاع بيصير بالحجة والمنطق والعقل مو بالشتائم

المتشائل

22/07/2008, 00:57

الله يعزك شو موجب
بس عم نحكي نقاش عادي هلأ انت توصلت انو الله موجود وكلو خير غيرك قال مافي الله وغيركن
بأمن بالله بس مابشوف صورتو متل ما انت بتشوفا فليش هل التسكيت والغاء الاخر عم نتناقش
يعني الموضوع اخد وعطا مافي داعي لهل جملة الحمرا يلي كتبتا اصلاً مابتقتنعو برأي الطرف التاني
والتاني دايماً غلط
هادا موضوع حواري اذا بدك تخلينا كلاب عم ننبح ياريت ماتدخل على موضوع من اساسو
بدك تناقش ناقش بس لاتكبر كلام وتقول كلاب ومدري شو
احكي بشي فكرة حكيتا انا مثلاً هيك بمشي الحال
بس لاتحاول تسكتني وتخليني كلب عم ينبح
لاني كل ما بسمع متل هل كلام بتشبث برايي اكتر وبتأكد انو اغلب المسلمين ماعندن ثقافة حوار

يسعدلي الله ....

انا معك بس تعديل بسيط ...

الشغلة مو مرتبطة بدين معين ... اي تعصب ناتج عن الايمان ... سواء كان الايمان بعقيدة .. او فكر .. او دين ... او حتى حجر ... هذا التعصب لن ينتج إلا جمل متل هاي الجملة ...

وبشوف انها وغيرها ما بتنتج غير عن ضعف وفراغ ....

الحوار اخلاق بالاخير ....

سوري محشش

22/07/2008, 01:00

يسعدلي الله ....

انا معك بس تعديل بسيط ...

الشغلة مو مرتبطة بدين معين ... اي تعصب ناتج عن الايمان ... سواء كان الايمان بعقيدة .. او فكر .. او دين ... او حتى حجر ... هذا التعصب لن ينتج إلا جمل متل هاي الجملة ...

وبشوف انها وغيرها ما بتنتج غير عن ضعف وفراغ ....

الحوار اخلاق بالاخير ....
انا أسف كان قصدي بكلمة المسلمين بالمسلمين المتشددين والمتحجرين عقلياً شكراً لانو لازم وضحا لجملتي

المتشائل

22/07/2008, 01:01

انا أسف كان قصدي بكلمة المسلمين بالمتشددين والمتحجرين عقلياً شكراً لانو لازم وضحا لجملتي

لك عمي بسيطة )))
فهمانك :larg: ومعك قلبا وقالبا

whiterose

22/07/2008, 01:06

بيعتمد على كل وحدة والظروف الي عم تحيط فيها ...

مو شرط
ايام بتلاقي ناس كتير من بيئة محافظة
وافكارهم لا علاقةلها ببيئتهم

whiterose

22/07/2008, 01:10

مهما اختلفنا بوجهات النظر وبالأفكار
مو حلو استخدام هالاسلوب للدفاع عن آرائنا ومعتقداتنا
الدفاع بيصير بالحجة والمنطق والعقل مو بالشتائم

ياريت الكل يفكر بها الطريقة
انا كان عندي كتير اشياء حابة علق عليها

بس بتخيل اني اعمل الغاء مشاركة افضل

jano.

22/07/2008, 01:21

انا بتوقع اني انخلقت انا واخواتي لانو ابي وامي قرروا يوما انو هني بدون ولاد...

وهي انو الله خلق الانسان من شان يعمر الارض شايفة انو في لخبطة لانو البني ادام صاير عم يخرب الارض بشكل استثنائي ... فوين ارادة الله ؟؟ صراحة انا كل ما فكرت بالدني وليش انخلقت بزداد الحاد مو ايمان لانو كلشي عم يصير حوالينا بيدفع للالحاد
عمرك فكرت مره الكون ده قبل ما انت تتولد او بمعنى اصح من قبل الميلاد بكتير ايام الحضارات القديمه و قبلها كمان ايام الانسان البدائى كان شكله ايه
كانت الارض غير مستويه و كانت الطرق وعره و الحيوانات المتوحشه و المفترسه تهاجم الانسان فى اى وقت و كانت حياه الانسان غير مستقر
قارن الماضى بالحاضر هتلاقى اننا فعلا عمرنا الارض رغم اننا بدأنا نفسد فيها الا اننا برضه بنعمرها
زمان كانت الناس تسكن فى الكهوف و ها الايام بتسكن فى ناطحات سحاب و عمارات لها شكل جمالى رائع
زمان كان الناس تنتقل بالحيوانات من مكان لمكان دلوقتى بنتقل بالطائرات و كمان بيدرسوا التنقل الانى للاشياء
زمان كانت الناس ما بتعرفش تتصل ببعض عن طريق اى حاجة و دلوقتى بتعرف تتصل بيهم عن طريق التليفون و النت
مش ده كله تعمير للكون .... الاجهزه الطبيه و اجهزه الاتصالات و الرسيفرات اللى كل كام شهر يتطلع فيها حاجات جديده
متعتبرش تعمير للارض ؟

وانا كمان برجع قول: اذا الله خلق الانسان مشان يعمر الارض, بس الانسان هلا عم يخرب الارض, فوين ارادة الله؟؟

جوابك (sandy ahlawya) مالو علاقة بارادة الله، لانو الانسان بالعصور القديمة صحيح ماكان يعرف وسائل الاتصال السريعة والبنايات العالية وكان معرض للخطر من قبل الحيوانات المفترسة... بس هو كمان كان يعتبر نفسو متطور عن قبل وكان تسهل حياتو مع اكتشاف كل أداة جديدة.. وماكان عندو المشاكل الي عند الانسان الحالي, متل ما نحنا كمان ما عنا مشاكل الانسان القديم... المهم وبلا طولة سيرة :

الانسان القديم كان يعمر الارض أيضاً ولكن الفرق الوحيد (عن الانسان الحالي)هو أنه لم يفسدها , وانتي قلتي (رغم اننا بدأنا نفسد فيها الا اننا برضه بنعمرها) واكدتي هالشي... واذا اخذنا بعين الاعتبار التلوثات والاضرار البيئية الي عم نشوفا ... معناها فعلا ارادة الله غير موجودة (!!)
يعني بشكل عام نحنا عم ندخل الله بامور مالاداعي ابدا وبالتالي عم نهينو بهالشكل... وننسى نعمة العقل الي اعطانا ياها..
مثال تاني: لما بنشوف ثمرة اووردة او نبتة غريبة عن صنفها من ناحية الالوان او الحجم بنقول (سبحان الله شو قادر على كل شيء) :o طيب الله قادر على كل شيء بس شو مخلاه يشغل حالو بالنباتات وما شابه؟
طيب الانسان بيقدر (كأبسط مثال) ينتج زنابق بألوان جديدة وبعدة ألوان ... معناها الانسان عندو قدرة الاهية؟
:shock:

حاصلو: مالازم ندخل الله بكل شغلة صغيرة لانو بعدين رح يزعل منّا :pos: ويقول: "نسبتولي اشياء تافهة بينما انتو فيكون تعملو اكبر منها , وخليتوني كون سبب تخلفكون لانكن استخدمتن العقل بطريقة خاطئة و انا عاطيكون ياه لتطورو انفسكن.. فيا حبابين بدل ما تفكرو ليش الله خلقنا فكرو ليش الله عطانا العقل"...:jakoush:

suryoyo

22/07/2008, 01:29

كل انسان له دور في الحياة مهما صغر حجم هذا الدور ...

عطر البرتقال

22/07/2008, 08:10

الله يعزك شو موجب
بس عم نحكي نقاش عادي هلأ انت توصلت انو الله موجود وكلو خير غيرك قال مافي الله وغيركن
بأمن بالله بس مابشوف صورتو متل ما انت بتشوفا فليش هل التسكيت والغاء الاخر عم نتناقش
يعني الموضوع اخد وعطا مافي داعي لهل جملة الحمرا يلي كتبتا اصلاً مابتقتنعو برأي الطرف التاني
والتاني دايماً غلط
هادا موضوع حواري اذا بدك تخلينا كلاب عم ننبح ياريت ماتدخل على موضوع من اساسو
بدك تناقش ناقش بس لاتكبر كلام وتقول كلاب ومدري شو
احكي بشي فكرة حكيتا انا مثلاً هيك بمشي الحال
بس لاتحاول تسكتني وتخليني كلب عم ينبح
لاني كل ما بسمع متل هل كلام بتشبث برايي اكتر وبتأكد انو اغلب المسلمين ماعندن ثقافة حوار

انا حكيت لا حد يفهمني غلط عشان تفهمو انو مو المقصود انه اعملكن كلاب
انا اسفة على هيك جملة بس انا احيانا اغلط شوي لما اتحاور مع حدا ثاني لاني تكون عندي ردة فعل قوية كتير واحكي يلي يطلع معي بسرعة.......واسفة من الجميع
بس برضه يا اخ صوري انا ما قصدت هيك...........وشو عرفك اني مسلمة.....وشو دخل المسلمين بالموضوع
انا الي احكي في هو وجود الله وبس.....وهاد يامنو فيه الاسلام والمسيحية واليهود
ومين حكالك انه اغلب المسلمين هيك....هي انت عم تناقض حالك....على اي اساس كمان تحكي انه اغلب المسلمين هيك وانت ما قابلت منهم حدا....واذا شفت غلط من حدا لا تعمم على الكل
وهلا رح احكي رايي بالموضوع من دون اي مهاجمة لحد:
اول شي انا مؤمنة بانه الله خلقني منشان اعبده وقمة العبادة انك تقوم باعمار واصلاح الارض
وثانيا كلنا نعرف انه الدنيا بما انها فانية ولا تدوم فيها الخير والشر والمحسن والمسيء والظالم والمظلوم.......الخ،والغرض من اسنان قوانين الله عز وجل في الارض هي تنظيم شؤون البشر لكن الحكمة من وجود النار والجنة هي ان يكون هناك جزاء ولاحقاق العدل.
هاي هيا الاشياء الي اامن فيها......ويمكن غيري يامن بشي ثاني زي انه لا وجود للخالق او هناك ظلم وانه احنا خلقنا تسليةو....و......"تعالى الله عما يقولون"....ابن تيمية والغزالي وكثير من العلماء الفوا كتب للرد عليهم واقناعهم.
وانا برايي الانسان العاقل لو بس يشوف فيلم وثائقي عن جسم الانسان وعن عمل الاجهزة والخلايا يقنع انه في خالق وانه الله سبحان وتعالى ما خلقني عبث بالهالدنيا.....والانسان متل ما قال سوريويو اله دور مهما كان صغير.

ملاحظة مهمة:انا هون عم احكي لاني اامن بوجود الله مش لاني مسلمة يعني كتبتون بس عشان وضح شو يلي بدي احكيه.

عطر البرتقال

22/07/2008, 08:31

يسعدلي الله ....

انا معك بس تعديل بسيط ...

الشغلة مو مرتبطة بدين معين ... اي تعصب ناتج عن الايمان ... سواء كان الايمان بعقيدة .. او فكر .. او دين ... او حتى حجر ... هذا التعصب لن ينتج إلا جمل متل هاي الجملة ...

وبشوف انها وغيرها ما بتنتج غير عن ضعف وفراغ ....

الحوار اخلاق بالاخير ....

بس يا سيد متشائل انا هون عم دير العقل شوي يعني انا ماني ضعيفة ولا فارغة وبالنسبة للجملة يلي حكيتا هي اسفة للجميع ولا تفهموني غلط......و شيلي التعصب الايماني شوي
الشغلات يلي الكل فكر فيها انا فكرت فيها....ليش انخلقت ومين خلقنا ولوين رايحين.....احيانا كنت فكر انه هي مجرد تسلية وهيك بس لما فكر فيا مرة ثانية ارجع اقتنع بلي امنت فيه.
كنت فكر انه هل هناك خالق؟؟وليش انخلقنا؟؟ولوين رايحين؟؟طيب مدامه الله بالاخير رح يجازينا كلنا وكل واحد رح ياخد حقه....ليش من البداية صار هيك وشو كان صار لو ما انخلقنا؟؟؟مدامه الله مو ناقصه عبادة ليش خلقنا؟؟وكمان كان يمر ببالي السؤال انه الله من وين وجد؟؟
بس ارجع اقتنع انه البشر هاي غاية خلقهن....عبادة الله واعمار الارض.....واعرف كمان انه العقل البشري في خطوط حمرا ما يقدر يستوعبها....الله خلق العقل البشري هيك...ولما الواحد تمو بباله هالاسئلة لازم ما يتعمق فيا لانه رح يوصل لدرجة الكفر وممكن لدرجة الجنون لانه العقل البشري مهما كبر في امور ما رح يقدر يستوعبها.

wild_angel

22/07/2008, 08:37

صحيح أنا بأمن بوجود الله ... بس سؤالي ...
إذا الله نفسوا بالقرأن بيقول لازم كلشي يكون عن اقتناع ...

طيب هل انتو حقيقة مقتنعين انو في النهاية في حقا جنة ونار ؟؟؟ لأنو هل الموضوع من المسلمات فوين الاقناع بالموضوع ؟؟؟ شو الدليل ؟؟؟

صحيح أنو كل شي في أله حكمة متل ما بيقولوا بس بنفس الوقت الدنيا ما فيها عدل بالمرة ... فشو الحكمة بهل الموضوع ؟؟؟

-----------------------------
على الهامش: غريبة yass فات على الموضوع ولسا ما قفلو مع انو ممنوع حوار الاديان بالصالون ؟؟

عطر البرتقال

22/07/2008, 08:41

انا بالنسبة الي مقتنعة في لدرجة كبيرة
والدنيا لانه ما فيا عدل في جنة ونار عشان يتحقق العدل
وهون مش حوار اديان...هون عم نناقش ليش انخلقنا؟؟وكل واحد يحكي الشي يلي مقتنع فيه.

wild_angel

22/07/2008, 08:46

بس يا سيد متشائل انا هون عم دير العقل شوي يعني انا ماني ضعيفة ولا فارغة وبالنسبة للجملة يلي حكيتا هي اسفة للجميع ولا تفهموني غلط......و شيلي التعصب الايماني شوي
الشغلات يلي الكل فكر فيها انا فكرت فيها....ليش انخلقت ومين خلقنا ولوين رايحين.....احيانا كنت فكر انه هي مجرد تسلية وهيك بس لما فكر فيا مرة ثانية ارجع اقتنع بلي امنت فيه.
كنت فكر انه هل هناك خالق؟؟وليش انخلقنا؟؟ولوين رايحين؟؟طيب مدامه الله بالاخير رح يجازينا كلنا وكل واحد رح ياخد حقه....ليش من البداية صار هيك وشو كان صار لو ما انخلقنا؟؟؟مدامه الله مو ناقصه عبادة ليش خلقنا؟؟وكمان كان يمر ببالي السؤال انه الله من وين وجد؟؟
بس ارجع اقتنع انه البشر هاي غاية خلقهن....عبادة الله واعمار الارض.....واعرف كمان انه العقل البشري في خطوط حمرا ما يقدر يستوعبها....الله خلق العقل البشري هيك...ولما الواحد تمو بباله هالاسئلة لازم ما يتعمق فيا لانه رح يوصل لدرجة الكفر وممكن لدرجة الجنون لانه العقل البشري مهما كبر في امور ما رح يقدر يستوعبها.

قلت انا من البداية انو التفكير بهل الأمور تؤدي الى الإلحاد والكفر وليس الى الإيمان كما يقول البعض ...

احنا واسفة على هل الكلمة عم نمشي على اشياء مكتوبة بكتب ان كان انجيل او توراة او قرأن وعم نمشي عليها لآنو الاجيال الي قبلنا كلها عملت هيك مو لأنو حقيقة مقتنعين بالموضوع ...
وهل الافلام والقصص الي عم تطلع عم تزيدنا تفكير والحاد ..

عفوا بس شو السر الإلاهي بالتناقض حتى بين الاديان؟؟ القرأن بيقول المسيح ما صلب مع انو هي اساس الدين المسيحي كلو ... والمسيحيين بيقولوا القرأن مو من عند الله وكتب عن طريق راهب مع انو هو معجزة الاسلام واساس الدين كمان .... واحنا الاتنين بنكره اليهود ...وكل دين فيو عشرين مذهب كل واحد بيختلف عن التاني ... حقيقة شي بيدعوا للتفكير ... طيب مو يمكن هي الكتب كلها في النهاية كتبت بأيادي بشرية وعاى مر الاجيال ترسخ بالعقل انها إلاهية ؟؟؟

أرجوا انو حقيقة نكمل النقاش بهل الموضوع يمكن نوصل لحالة اقتناع في النهاية ...

-------------------------------

على الهامش: اتمنى من كل قلبي من المشرفين ما يحزفوا الموضوع لأنو حقيقة مهم ... ورح نضل بحدود الحوار الحضاري ....

عطر البرتقال

22/07/2008, 08:48

مثال تاني: لما بنشوف ثمرة اووردة او نبتة غريبة عن صنفها من ناحية الالوان او الحجم بنقول (سبحان الله شو قادر على كل شيء) :o طيب الله قادر على كل شيء بس شو مخلاه يشغل حالو بالنباتات وما شابه؟
طيب الانسان بيقدر (كأبسط مثال) ينتج زنابق بألوان جديدة وبعدة ألوان ... معناها الانسان عندو قدرة الاهية؟
:shock:

كلما ازاددنا علم كلما ازددنا قربا من صفات الله

wild_angel

22/07/2008, 08:51

انا بالنسبة الي مقتنعة في لدرجة كبيرة
والدنيا لانه ما فيا عدل في جنة ونار عشان يتحقق العدل
وهون مش حوار اديان...هون عم نناقش ليش انخلقنا؟؟وكل واحد يحكي الشي يلي مقتنع فيه.

ليش الخلق ما بيعتبر حوار أديان ؟؟

عطر البرتقال

22/07/2008, 08:55

قلت انا من البداية انو التفكير بهل الأمور تؤدي الى الإلحاد والكفر وليس الى الإيمان كما يقول البعض ...

احنا واسفة على هل الكلمة عم نمشي على اشياء مكتوبة بكتب ان كان انجيل او توراة او قرأن وعم نمشي عليها لآنو الاجيال الي قبلنا كلها عملت هيك مو لأنو حقيقة مقتنعين بالموضوع ...
وهل الافلام والقصص الي عم تطلع عم تزيدنا تفكير والحاد ..

عفوا بس شو السر الإلاهي بالتناقض حتى بين الاديان؟؟ القرأن بيقول المسيح ما صلب مع انو هي اساس الدين المسيحي كلو ... والمسيحيين بيقولوا القرأن مو من عند الله وكتب عن طريق راهب مع انو هو معجزة الاسلام واساس الدين كمان .... واحنا الاتنين بنكره اليهود ...وكل دين فيو عشرين مذهب كل واحد بيختلف عن التاني ... حقيقة شي بيدعوا للتفكير ... طيب مو يمكن هي الكتب كلها في النهاية كتبت بأيادي بشرية وعاى مر الاجيال ترسخ بالعقل انها إلاهية ؟؟؟

أرجوا انو حقيقة نكمل النقاش بهل الموضوع يمكن نوصل لحالة اقتناع في النهاية ...

-------------------------------

على الهامش: اتمنى من كل قلبي من المشرفين ما يحزفوا الموضوع لأنو حقيقة مهم ... ورح نضل بحدود الحوار الحضاري ....

صديقتي....معك حق احنا اخدنا وامنا بهاي الاشياء لانه وجدنا اباءنا واجدادنا مامنين فيها....بس وين الغلط اذا بحثنا فيها وناخدها عن اقتناع بدل تبعية الاجداد.
الحياة ما فيا عدل اكيد....لكن بما انك تامني بالله فاكيد تامني بالاخرة...وتامني انه رح يجي يوم ونتحاسب وياخد كل واحد حقه وبالعدل.

عطر البرتقال

22/07/2008, 08:58

ليش الخلق ما بيعتبر حوار أديان ؟؟

لا انه قصدي هون كل واحد عم يحكي راييه بانه ليش انخلق
يعني بغض النظر شو ديانتك او ما عندك ديانة.....شو حاس سبب وجودك بالحياة
هل انه لهدف زي ما يعتقد البعض....ولا هيك ما الك اهمية ووجودك كان غلط ومحض الصدفة كما يعتقد البعض الاخر

sandra

22/07/2008, 12:05

-----------------------------
على الهامش: غريبة yass فات على الموضوع ولسا ما قفلو مع انو ممنوع حوار الاديان بالصالون ؟؟
رد عالهامش
هاد السؤال لماذا خلقت ولما وجدت وشو دوري بالحياة مو ضروري يكون متصل بالدين
كل الفلاسفة والمفكرين حتى الملحدين منهم اهتموا بهالسؤال وحاولوا يوجدوا الو إجابة بغض النظر عن الدين شو بيقول
يعني بعتقد شي حلو أنو الواحد يفكر بالأشياء ومسبباتها وغايتها بالاعتماد عالعقل والمنطق والتفكير ومو بالاعتماد فقط على الإيمان

مايسترو

22/07/2008, 12:36

يعني اذا في الله

فالجواب عنده مو عندي

غيديون

03/11/2008, 14:33

لا حول ولا قوة الا بالله
عملت هالموضوع قبل فترة ونسيتو لأني ما عدت فتت عالمنتدى
اليوم لما فتت خطرلي انو شوف شو صار ويا ريتني ما فتت ولا شفت هالشوفة
يا لطيف!!!!!!!!!!
يعني نيتي من البداية اني اعطي مفهوم جديد يخلينا نعيش بمتعة اكبر
بس سامحني يارب بسبب موضوعي اتعرضت ل...ما بعرف شو بدي اوصف هالكلام يللي انقال
يعني لو كان في ملحدين وما بيعترفوا بالله على الاقل يحترموا المؤمنين
ولو كان في غير مسلمين على الاقل يحترموا المسلمين لك المنتدى اسمو اخوية

يعني كمثال: اذا بعرف حدى بحب وبيحترم انسان معين ما بيجي انا وبسب هالانسان قدامو يعني هي اسمها قلة زووووووق
يعني وما بالك اذا كانت هالمسبات اجت في ماهو اهم من نفسي بالنسبة لي

ما عندي شي ضيفو سوى حسبي الله ونعم الوكيل
ويلي مانو مؤمن بالله فأنا متأكدة انو بيؤمن بالاخلاق فبقلو انو الاخلاق ما بيرضيها هالشي
مع احترامي للجميع
واعتذاري لكل من تعرض للاهانة بسبب موضوعي