انقطعت الكهربا [الأرشيـــــف]

phoenixbird

20/07/2008, 20:22

معالي وزير الكهربا
فيك تخبرنا شو عم يصير بالضبط
معقول مدينة حرارة فيها اقسم بالرب 48 درجة وفوق هالشي صحرا
تقطع الكهربا فيها بين الساعة 12 الظهر للساعة 2 وترجع تقطع من الساعة 4 لقبل شوي
صرلنا اسبوع وقبله سنة
فيك تعطيني تفسير مقنع لهالشي
وحطلي خط تحت كلمة مقنع يعني لا تقلي الضغوط الاميركية ولا تقلي عطل بالمحطة
بللا الشركة الاسبانية اللي عم تظبط الكهربا من سنة 2006 شو عم تعمل
والفرنسية والايطالية والصينية
رفعت سعر كيلو واط الكهربا ولعنت رب الناس بالفواتير و قلنا خف الضغط عالناس بترجع بتقطع الكهربا من جديد

معالي الوزير بدي تفسير مقنع للموضوع وجدول زمني واضح للحل

او

قدم استقالتك

مواطن سوري

VivaSyria

20/07/2008, 20:30

قدم استقالتك

طول بالك طارق.. مو معقول هلئ يروح الزلمة هلئ عالوزراة.. يعني بدي مون عليك بس تطول بالك لبكرة الصبح :larg:

i m sam

20/07/2008, 20:31

اي هو عم يقرا رسالتك هلق والمكتب الصحفي عم يكتب الرد...........؟؟؟؟؟
يا استاذ الكهربا عندو مقطوعة شلون بدو يرد عليك

phoenixbird

20/07/2008, 20:34

اللي بيجلطني
انو مشفى بتنقطع فيها الكهربا
وبيوت الوزير وزملائه ما بتنقطع عندون ؟
اي شو هالمسخرة

i m sam

20/07/2008, 20:36

اي المشفى فيها مولدات كهربا.....
بس هنن ما عندون

phoenixbird

20/07/2008, 20:39

رجااااااااااااااااااااااا ااااااااااااااااااااااااا ااااء
الموضوع انكتب هون يعني بدي افهم شو وضع الكهربا ولايمتى هالمسلسل ؟
وبس

000محمد000

20/07/2008, 21:11

والله ينعل ابو ابوهن على قطعة الجهربا

يازلمة بدهن يطالعوني عن ديني

لك

لك

تصور قطعو الكهربا عند بيت حماتي وقت مسلسل نور وال .... دبقت عندي لبين مايخلص المسلسل

ينعل ** اختو لمهند ع ** نور ع اخت الكهربا

zen

20/07/2008, 21:18

لك له يا طاااااااااااارق معقول ما بتعرف سو السبب
هي محنة دولية وأزمة عالمية شيت الكهرباا
اذا نحنا ما وقفنا جنب الحكومة بالمحنة تبعون
مين بدو يوقف
:lol::lol::lol:
لك طارق حط بالخرج
حلنا نتعود
:cry::cry:

المحارب العتيق

20/07/2008, 21:24

yass

20/07/2008, 21:40

يلا هانت بوكرة بيشرولنا كهربا من معمل شركة شام القابضة وبيبيعونا ياه
بس أغلى شوي بدنا نجهز حالنا
هو أغلى شوي من المعمل الحكومة مادخلها . والحكومة ماراح ترفع سعر الكهربا يلي هية بتنتجها . لأنو رفع الدعم خط احمر :lol: :sly:

و الله هالعقد ضحك على اللحى.. راح احكيلك ليش..

فيني أفهم الى حدا ما انو الدولة ما تقدر هلأ تموّل محطات جديدة.. طيب أوكي طيب ليش ما بترخّص لشركات جديدة .. معليه تكون خاصة.. مو بس تخليهون يعملو محطة و يشترو منها ... و راح اشرح الفرق..

بسوريا في نسبة فاقد من انتاج الكهربا رهيب (يمكن في دراسة انو حوالي 30%) و هالفاقد سببو قدم الخطوط الموجودة و اهتراءها, الفساد, المحسوبية, السرقة (و صدقو انو اللي عم يلعب بالساعة أو مفوّت خط براني ع بيتو -غلط ما اختلفنا- بس مو هو أكبر سبب للهدر.. الله عليم كم معمل لأبو فلان و أبو علتان عم يشتغلو بدون ساعات و بدون شي) .. طيب هلأ ازا مثلا الحكومة اشترت 100 ميغا واط (الرقم كمثال بس) من شام القابضة.. اللي خلقة ما رح تكون بسعر الكلفة طبعا لأنو الجماعة فاتحين المحطة كمشروع ربحي.. بالوضع الحالي للشبكة من هالـ 100 ميغا واط في 30 ميغا واط راح يطيرو بسبب الفاقد .. هدول رح تدفعهون مؤسسة الكهربا اجباري رغم انو ما عم تستفاد منهون.. لكن هالشي مالهون علاقة فيه الشام القابضة.. و و مؤسسة الكهربا منوين رح تجيب حق الفاقد لتدفعو للشركة القابضة؟ من جيوب المواطنين طبعا.. لذلك فاتورة الكهربا راح ترتفع كمان و كمان

رغم رأيي انو بأي دولة بالعالم في قطاعات استراتيجية يفضل انو تكون بايد الدولة أو على الأقل القطاع الخاص يكون محلي و باشراف الدولة... خلينا نقول أوكي .. معليه القطاع الخاص يدخل.. لكن مو هيك!! خليهون يأسسو شركة كهربا رديفة.. و يعملو تمديداتهون الجديدة و ساعاتهون الجديدة و يكونو مسؤولين عن شبكتهون و عن الفاقد من شبكتهون .... العقد بالطريقة الحالية مشروع نهب جديد..

عدا انو قال الدولة تتكفل الوقود البترولي للمحطة.. طيب كيف صيغة العقد؟ و بناءا ع أي سعر بترول صار هالعقد؟ ما بينفع ازا متفقين ع سعر الليتر اذا بكرا صار الضعف.. لأنو الفرق راح يدفعوه العالم من ضرايبهون.. هالعالم اللي خلقة راح ياكلو صواب بارتفاع سعر الكهربا.. عوجا خيو عوجا.. كيف ما تطلعت عليها عوجا

LiOnHeArT.3LA2

20/07/2008, 21:41

اييييييييييييييه ..

طريقك مسدود مسدود مسدود

سوري محشش

20/07/2008, 21:42

لاتشكيلي ابكيلك الكهربا انقطعت اليوم منل 3 لل5 وامبارح منل 2 لل5 الضهر بعز دين رب الشمس
ومحسوبك طابق خامس يعني شغل الشباب
من شي كم شهر انقطعت الكهربا بمشفى الجامعة بحلب تخيلو مات بني ادم من ورا قطعت الكهربا
لانو الزلمة كان تحت الانعاش ولبين ما وصلو المولد(بعد نص ساعة) ماضل حدا لحدا والزلمة عطاكن عمرو
سعدو يرحمك شو كنت طيب وحباب وبتحب وطنك وماصار الا ضحيت في سبيلو

مالي خايف

20/07/2008, 21:44

طب خيو بدون يقطعو الكهربا ولا بد يقطعوها محدا ماسكون بس يقطعوها بالليل ليش عم يقطعوها بعز دين الشوب

سوري محشش

20/07/2008, 21:51

طب خيو بدون يقطعو الكهربا ولا بد يقطعوها محدا ماسكون بس يقطعوها بالليل ليش عم يقطعوها بعز دين الشوب
هنة عم يعملو هيك مشان تحس بنعمة الكهربا لانو بالليل مارح تأثر فيك او عم يعملو هيك ساعات الذروة مشان يسرقو اكبر كمية ممكنة من الكهربا او يجوز الوجهان

Reemi

20/07/2008, 22:08

لانو الكهربا عم تروح للاردن :lol:وعنا بالاردن ما بتقطع ربع دقيقه

المحارب العتيق

20/07/2008, 22:10

ياترى اذا بتصير حرب . لا سمح الله . شو بيصير وضع الكهربا ؟

ابو عمير السوري

20/07/2008, 22:11

هلئ لحد الأن مستورة ماقطعوا الكهرباء بس الله يستر من الأيام الجاية بس الواضح انو الوضع متحسن عن السنة الماضية يظهر في ناس كتير تلوعت بفواتير الكهرباء فما عاد شغلت مكيفاتها
وبشرى سارة بدءا من الأسبوع القادم ستزودنا الأردن ببعض الفائض من عندها من الكهرباء........فاالله لايبلينا ويجعل النسمات العليلة تلفحنا حتى مانحتاج ابو زبلة عفوا قصدي مستر كهربرب

VivaSyria

20/07/2008, 22:12

وعنا بالاردن ما بتقطع ربع دقيقه

هيك صار الحكي ريم خانم؟؟ صار عندكن بالاردن :? الله يرحم أيام ماكنتي محسوبه علينا نخنا السوريين المقطوعيين :larg:

ابو عمير السوري

20/07/2008, 22:14

ياترى اذا بتصير حرب . لا سمح الله . شو بيصير وضع الكهربا ؟
لاتخاف الشعب السوري بيتأقلم بسرعة مع نكبات الدهر وبيخترع شغلة تخفف عنه يمكن مراوح القش مخبيتها ستي عا السقيفة منزلها شو عليه

sona78

20/07/2008, 22:42

ع الحرارة دابو السلاك ... ليش مستغرب:shock: ؟؟ بعدين ليش هيك طالع كتير بالعالي ؟؟؟ فرد مرة استقالة:? !!!!!!!

phoenixbird

20/07/2008, 23:57

قال الاردن عم تعبتلنا كهربا

barcawi

21/07/2008, 00:44

ولك حبيبي هي خطة الدولة ب أنزال أوزان المواطنين
لانو في تقرير امريكي بقول انو في بسوريا زيادة لعدد البدينين
بقى ما تزعل

مالي خايف

21/07/2008, 00:52

ولك حبيبي هي خطة الدولة ب أنزال أوزان المواطنين
لانو في تقرير امريكي بقول انو في بسوريا زيادة لعدد البدينين
بقى ما تزعل

اي مزبوط عالشوب بتعرق كتير بيقوم بينزل الوزن وزير الكهربا قلبو عالعباد بعدين ما بظن الوزير دريان بهيك شغلة أنا بظن الهاوس تبع منطقتكون نزل من الضغط والموظف المسؤول عن هاد الهاوس كان بالغدا أو نايم نومة بعد الضهر لحتى فاق أو خلص غدا شاف الهاوس نازل رجع رفعو بسيطة أخي طارق أجد لأخيك عذرا ;)

L.A.

21/07/2008, 05:22

أنا وصلني الرد من الوزارة و جاء فيه :
إنو السنة الماضية بـ2007 الوزير بزات نفسو قال إزا انقطعت الكهربا أكتر من 4 ساعات باليوم....فيك تروووح تشتكيلو بمكتبو و غير هيك ما بحقلك تحكي ولا كلمة...يعني الشغلة مو محرزة كللا أربــــــــــــــع ساعـــــــــــــــــات و انت بتعرف انو موارد مائية مافي و وقود مافي و الحرارة فوق فوق و الأسلاك دابت و الحق عالمواطن اللي نازل شفط بهالكهربا....

أما بسنة 2006 قال الوزير إنو في فائض كهربا بسوريا بعد سنوات من التقنين الناجح و صارت الكهربا عم تتوزع بالكيلو و الميغا للأردن و الفيول متوفر و محطات الكهربا كل مالها بتتوسع و بتزيد..... والشعب مريّش لدرجة إنو البعض صار يفصل القاطع لعدة ساعات بالليل ليشعر بالظلام بعد ما صار الليل متل النهار و أصبح بالإمكان رؤية أنوار دمشق تسطع و تبرق في وضح النهار من جميع أنحاء العالم و من قبل رواد الفضاء كمان

الوضع منجطع...:jakoush:

sandy ahlawya

21/07/2008, 05:43

احنا كل ما الكهربا تقطع عندنا ونتصل بالطوارئ يقولوا لنا مناوره :lol:

بمكن هنحارب :larg:

الكلام ده فى مصر مش عندكم

The morning

21/07/2008, 05:51

شبكون محملين القصّه زياده نحنا بيشيكاغو نهار الاربعا انقطعت عنا الكهربا :lol: ..

sandra

21/07/2008, 14:57

هاد أهم سبب خلاني ما أنزل عالبلد بالصيف رغم اشتياقي للأهل والأصدقاء
بس كلما بتذكر شوبات الصيفية الماضية بقول دخيلكم بلاها
الله يعين العالم ... من دون شي شوب الصيف ما بينحمل فبلا مكيف وبلا مروحة ...وضع الساونا تمام
يعني إيمتى رح يلاقو حل لهالمشكلة الغريبة والفريدة من نوعها

وشم الجمال

21/07/2008, 15:03

قال الاردن عم تعبتلنا كهربا
جد ضحكتني...
تبعت لحالها المعترة قال بتبعت لسوريا كهربا

مالي خايف

21/07/2008, 15:26

جد ضحكتني...
تبعت لحالها المعترة قال بتبعت لسوريا كهربا

ليش السنة الماضية ما كنا كمان معترين بالكهربا كانت تنقطع عنا الكهربا ونعطي لبنان كهربا

barcawi

23/07/2008, 21:15

بس المشكلة مو بس بالكهربا
بدك كمان تسأل وزير المياه
وزير الطاقة
ووزير التموين
الله يعزهم متل ما عم يعزو هل الشعب

بلاك 1

10/08/2008, 12:00

:oتعو عغزة شهر زمان مشان تتعود عالعيشة بلا كهربا

احنا عم نعمل بمبدأ اخشوشنوا فان النعم في زوال

hamodeh_caesar

10/08/2008, 12:06

ليش شهر اسبوع واحد بكفي هدول عم يتدلعو

القلب الدافئ

10/08/2008, 12:10

بظن السبب هوي الحريق يلي صار من فترة بمحطة توليد الكهربا ضخمة جداا وسبب بخروجها من الخدمة

فصار ضغط على المحطات البقية وهيك القصة حسب ما صرح الوزير

القلب الدافئ

10/08/2008, 12:15

وهي معلومات يمكن تفيدكم

ولفت ماهر إلى أن "سورية بحاجة للطاقة الكهربائية في هذه الفترة بسبب خروج عدد من المحطات توليد من الخدمة كالمحطتين المائيتين على سد الثورة بسبب حريق أصابهما منذ فترة وهما خارج الخدمة حاليا",
مضيفا أن "هناك العديد من محطات التوليد الموجودة بحاجة إلى الوقود لكي تعمل, خاصة وان كميات الغاز المصري القادمة إلى سورية مازلت قليلة".
وبدأ رسمياً أوائل تموز الجاري تدفق الغاز المصري إلى سورية عبر خط الغاز العربي تنفيذاً لاتفاقية بيع الغاز المصري لسورية المبرمة بين البلدين.
وحول احتياجات سورية سنويا من الطاقة الكهربائية, قال المهندس مطانيوس ماهر إن "احتياجات سورية من الطاقة الكهربائية في عام 2008 تتراوح بين 42 إلى 44 مليار كيلو واط ساعي", مشيرا إلى أن "هذه الاحتياجات بازدياد من عام إلى آخر".
وتشير دراسات إلى أن سورية ستحتاج إلى 1700 ميغاواط عام 2010 وهذا يعني الحاجة إلى مشاريع ضخمة لتوليد الطاقة الكهربائية تحتاج إلى استثمارات خاصة بما يتجاوز 1.4 مليار دولار ( 70 مليار ليرة سورية) لمواجهة الطلب المتزايد على الطاقة الكهربائية.

المصدر
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

فسحة أمل

14/08/2008, 18:19

شكراً لوزارة الكهربا كهربتو أيامنا ....
دمتم تقنيناً:cry: مو عقبال المي :shock:

Government

19/08/2008, 00:23

هلأ بس بالله سؤال .. انو لساتا عمنصدر كهربا للبنان من اتفاقية السنة الماضية ولا وقف هالشي ؟؟

مالي خايف

19/08/2008, 00:34

هلأ ما معنا نمشي بعدين قولتك بنستورد كهربا من الأردن وبنبعت للبنان مابظن راكبة

طفوله

19/08/2008, 00:44

فــي مــولــدات كــهـربــا .. تــم ادخــالهــا للـبـلد ( لضــروره .. او لــعــدمهــا .. بــدهــا تــدخــل يعــني بــدهــا تــدخــل )

لذلــك منــئطــع الكــهــربـا كــل يــوم كــم ســاعــه .. مشــان نحــسس الشــعب بالحــاجــه والضـروره الـها

وصــرنــا نلاحــظ بجــانب كــل محــل كــل مكــان .. مــولـد

.. وكــل مــادخــلنـا مـولـدات .. منكــرر نفــس العمــليــه

وشكــرا لأســتجـابـة الشــعب ..

حيفاويه

19/08/2008, 01:03

شو يعني
لسه الكهربا عم تقطع متل السنه الماضيه؟
والله بدي انزل عالشام
بس ماكله هم هالكهربا :cry:

اممي

19/08/2008, 01:36

لالالالالالا حاجة طارق لك لما كنت بالسويد انقطعت الكهربا لفترة 4 ساعات ...هلق صحيح كانت صايرة عاصفة طيرت كل الاشجار وكم سيارة انشحطو من اماكنهن بس يعني انقطعت ولا ما انقطعت ؟؟
هلق صحيح فيما بعد اجا تعويض من الحكومة بمقدار 100 يورو عن كل ساعة انقطعت بس يعني شو الفايدة العالم نصها راحت علي دكاترة نفسيين بسبب هالحادث المولم ...صار بدك شي دكتور نفسي دكتور :lol:

Government

19/08/2008, 20:50

يعني شو الفايدة العالم نصها راحت علي دكاترة نفسيين بسبب هالحادث المولم ...صار بدك شي دكتور نفسي دكتور ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

ينعن سعدو معقول نحن وصلنا لهالدرجة من هالتمسحة صرنا نشوف شغلة غريبة ازا مانقطعت الكهربا .!!