هذا المجتمع المُتخلف وَ الذي يتخلف كل يوم بسببِ بدع ٍ وعاداتٍ وتقاليد لاتمت للحضارة أو الإنسانيةبصله


هذا الشباب الصاعد والذي تتصاعدُ رغبتهُ في التغيير وَ الانفتحاح على العالم مازال يُعاني


في هذهِ الصفحات سنناقشُ هذه المشاكل بموضوعية بحته

محاولين مناقشة كل قضايا المرآه في مجتعنا


حتى لو اضطررنا للتطرق لبعض وجهات نظر رجال الدين من بابِ التحليل والتدقيق لا انتقاصاً من الأديان ولا مساساً بها..


وكما نعلم " لا أحدٌ مَعصومٌ عن الخطأ " وَ إن أخطئنا فعلمونا ما غفلنا عنه


غايتنا أنْ نرتقي إلى مجتمعٍ إنساني ٍ أفضل لا تفرقة به على أساس الجنس

ولا أفضلية به إلا على أساس العطاء لهذا المجتمع


فلا نقيد المرأه ولا نحظر عليها مانبيح لأنفسنا إلا وفق أسس موضوعية إنسانية


هي نصف المجتمع وحقها علينا أن نناقش همومها ومشاكلها التي هي هموم المجتمع ومشاكله في نهاية المطاف


سنناقش وضع المرأة في دولنا محاولة منا لتشخيص العلل و مدواتها عَلّنا نفلح


سيكون النقاش مقسماً إلى محاور سيطرح كل محور قضية من قضايا المرأه التي من الممكن أن تكون قد طرحت من قبل لكننا سنحاول شمل كافة القضايا في هذال الموضوع


وسيكون كل محور مفتوحاً للنقاش لمدة يومان من تاريخ طرحه ثم ننتقل للمحور الذي يليه

المحور الأول: الإضطهاد الذكوري للمرأه

لا يوجد مجتمع حضاري متمدن يعامل المرأه كما تعامل في مجتماعاتنا.. من العنف الجسدي إلى قوامة الرجال على النساء بالمعنى الهمجي المتخلف إلى إلى...

العنف الجسدي:
من سمح للرجل أن يضرب المرأه "زوجة أخت قريبة..."؟؟؟ ألا يعتبر هذا نوع من أنواع الإعتداء؟؟ ألا يستوجب هذا الإعتداء الشكوى القانونية؟؟ متى كانت طريقة التواصل هي العنف؟؟ ما المبررات لهكذا تصرف؟؟

قوامة الرجال على النساء:
كيف يحق للذكر"لمجرد كونه ذكر" أن يتحكم بحياة الأنثى كيفما شاء؟؟ مع العلم أن هذه الأنثى بكثير من الأحيان قد تكون أصلح منه!!! كيف يجبر الأخ أخته التي قد تكون "ثقافياً وعلمياً ومهنياً" أقوى منه على فعل أشياء ومنعها من أشياء أخرى؟؟

· عند طرح هكذا موضوع ...

نسمع المثل الذي حفظناه من كثرة التكرار ! .. لا يمكن ان يكون للسفينة ربانين ...

و الرجل يجب ان يقود العائلة ... و لكن ماذا لو كان يقود العائلة للتهلكة ؟!!

انا برأيي ... ان المرأة شريكة في القيادة شريكة في كل شيئ لانها عضو مؤسس للعائلة ...

مسألة اولوية الرجل ليست خطأ ... و لكن لكل شيئ حدود

الرجل يتخذ قرارات مصيرية بمشاركة المرأة ..


و عليه ان لا يقيّد حركة المراة تحت أي مسمى ... و يمنعها من العمل و من ممارسة الحياة الاجتماعية ...هذا خطأ كبير يساهم في اقعاد نصف الجيل القادم في البيت بلا شهادة او بلا عمل و بلا مستقبل سوى بيت الزوج ... !



شكرا فادي على الطرح و لنا عودة .. للنكملة !

طبعا خيي فيفا ... القصة ما بتتعلق بكل الذكور ... القصة إلها علاقة بالتربية , ببعض العائلات المتخلفة اللي بتربي ولادها على أساس التفرقة , بالشعب , بالعرق , بالبلد ... وبكتير شغلات .. ,
بتلاقي ببلاد برا ,.. إذا الأب صرخ على أبنو .. هيدا شي كافي بإحالتو للقضاء .. ف كيف إذا ذكر ضرب امرأة .. شو رأيك العقوبة ..
أنا برأيي المرأة .. مضطهدة من قبل المجتمع أكتر من اضطهاد الذكر بشكل خاص لها .. ف لازم نبدا من المجتمع والقوانين الي فيه ..
على كل ... رح كمل لسا ما خلصت .. ولي عودة ..

مع اني احيي بيك طرحك للموضوع..:D
بس اني احب اعمم الفكرة اكثر حتى تكون..
1/العنف الجسدي..
كل العنف الجسدي..يجب ان يكون مرفوض في المجتمع الذي يتوجه نحو التقدم والحضارة..لانه جريمة تؤدي الى تشويهالنفس البشرية...
لانو مثل ماهو ملاحظ انو اغلبية النساء يصنفن ضمن فئة (الرعية) ..وغالبية من يعتبر نفسه المسؤول عن هذه الرعية يسمح لنفسه وللاسف ان يضرب ويعاقب ويهين كيفما شاء دون اي وازع..ودون اي مبرر...

2/ان يستلم الرجل دفة القيادة امر ممكن وطبيعي..،لكن ان يتفرد في اطلاق الاوامر..ولا يسمح بمناقشتها(كما يحدث غالبا)...فهو الخطأ الفادح الذي يبقدر ما هو يسلب المرأة حرية فكرها..ويمنعها من ممارسة حقها الطبيعي في التفاعل مع الحياة...فهو يمنح للرجل مساحة لايملكها لممارسة نفوذه ويترك رغباته لتتضخم حجمها بشكل غير طبيعي..حتى يفقد القدرة على التمييز بين ما يملكه وما لايملكه...وبين ما يمكنه الحصول عليه..وبين ما لايمكن..
اي ان تلك الصلاحيات غير المشروعة التي يمنحها الرجل لنفسه بحكم انه الاقوى والاقدر..تسبب الاختلال له وللاخرين..

حلوة هالنقطة وموجودة بمجتمعنا كتير بس فينا نلاقيها بمجتمع ظاهرة اكتر من مجتمع وهاد كلو بيعتمد على مدى انغلاق العائلة وقديش عندها موروث عادات وتقاليد من هالمجتمع...
يعني بالبداية انا بدي نوه انو وصول المرأة لهالمرحلة بيكون ولو انو مو كليا بسببها بيكون الها دور كبير بوصولها لههالمرحلة ...يعني لما المرأة تكون معطية نفسها دور هامشي بالحياة ومالها اي رأي ولا مبدأ ولا حتى مشورة وكلو متل ما بدكم وماشية متل ال.... بتتبع كلشي عم ينحكالها لمجرد انو هم ذكور وهمو يللي بقررو هاد الشي بحد ذاتو بيقيدهم لانو يستخدموا مع المرأة العنف الجسدي لمجرد ارضاء شهوة السلطة يللي الهم عليها بس بدي احكي انو مو كتير هالظاهرة هالفترة موجودة لانو انفتاح المرأة خلاها اكثر قدرة على التعبير وعلى الدخول والنخراط بالمجتمع وتقرير المصير بس مع هيك بيبقى دور الرجل كتير مسيطر وبيبقى في نقطة خلل بتحيط حياتنا وهالنقطة اعطت الرجل مجال للتمادي في السيطرة.
وطبعا القوامة انا مو ضدها بشرط تكون بحدود معقولة وبدون تهميش للمرأة واعتبارها ولا شي

مشكور فادي عالطرح:D

حسب رأي انا .. انو المرأة بتختلف عن الرجل ..

وكل واحد منهم اله اهميتة في الحياة .. وكل واحد اله وظائف وحقوق احيانا بتختلف عن الثاني ..

صعب نساوي المرأة بالرجل والرجل بالمرأة ..

طبعا الرجل بوخذ حقوق معينة ما بتحصل عليها المرأة والمرأة بتوخذ حقوق ما بحصل عليها الرجل ..

في عادات وتقاليد بتظلم المرأة وفي عادات وتقاليد .. بتقدس المرأة ..

وفي عادات وتقاليد لازم نغيرها وفي عادات وتقاليد لازم نحافظ عليها ..

حبيبي ... الموضوع مو عن المساواة بين الرجل و المرأة ...


الموضوع مفتوح عن ظواهر موجودة بمحتمعنا و ضحاياه صامتات ...


ضحايا الاستبداد و التفرد بالقرارات ... و ضحايا العنف الجسدي ...

و الكل ضحايا مجتمع مغلق بسبب التقاليد !


هامش ... ما رأيك بمساواة التعرض للعنف .... بين الرجل و المرأة

هامش ... ما رأيك بمساواة التعرض للعنف .... بين الرجل و المرأة


واو كتير حلو شكلي وانا هيك بعضلات مفتولة وعم اضرب شي رجال...فخامة والله

لقلك المساواة يللي حكى انو مو مطلوبة هيي عبارة عن المساواة يللي مو مقبولة لا فسيولوجيا ولا نفسيا لانو طبيعة الرجل والمرأة تختلف بس النقطة يللي هوي مو متنبهلها انو المرأة تعتبر بكثير من المجتمعات صفر وكائن لا اخلاقي متل ما كان ايام العصور الوسطى بفرنسا وغيرا حتى فيك تقول انو أسوأ من هدوليك اليام بس بيبقى السؤال القائم ...شو فيها المرأة تساوي لمواجهة هيك وضع وهيك ظروف وانا مصرة انو هيي وضعت حالها فيها او على اقل تقدير قبلت فيها؟؟؟؟

غايتنا أنْ نرتقي إلى مجتمعٍ إنساني ٍ أفضل لا تفرقة به على أساس الجنس






ولا أفضلية به إلا على أساس العطاء لهذا المجتمع







فلا نقيد المرأه ولا نحظر عليها مانبيح لأنفسنا إلا وفق أسس موضوعية إنسانية










اقرا هالاقتباس بس .. :D

حسب رأي انا .. انو المرأة بتختلف عن الرجل ..
..

يبدولي انو فكرة الموضوع مو واضحتلك.. وللأسف عم تكرر نفسك بكل الردود نحنا هون طارحين مشكله عندك رأي بيتعلق بصلب الموضوع أهلا وسهلا.. ما عندك منعمل موضوع مستقل عن الفروقات بين الرجل والمرأه..

بس هاد الاقتنباس اخلاقي وانساني وميزان كتير عادل يعني وين الشي يللي مو عاجبك بالموضوع ؟؟؟او الغير مقبول بالاقتباس؟

مجتمعنا العربي العزيز والذي شعارة في الحياة غالبا ما يكون:
"الرجال قوامون على النساء"
و "ايتها النساء اطعن رجالكن"

مجتمع ما زال يعامل المرأة بهذة الطريقة,
مجتمع فية الاجحاف بحق المرأة جزء لا يتجزأ من عاداتة وتقاليدة وموروثاتة البالية
مجتمع يتفاخر بتخلفة وتقوقعة بحجة الحفاظ على عادات اجدادة
هكذا مجتمع....
من الطبيعي جداً ان يستخدم اقصى انواع الاضطهاد ضد المرأة
مسمياً اياها بما احب وما طاب وما يطيب لة من اسماء تليق ب"مستواة" الفكري والثقافي والاجتماعي...

بالنسبة للعنف الجسدي:
لطالما كان طريقة تواصل الضعفاء
وطريقة استعراض الرجولة الناقصة
وفرض السلطة بالقوة الجسدية وبالعنف عندما يعجز العقل واللسان عن ذلك...
لا يوجد مبررات يمكن ان تنسب لهكذا تصرفات وحشية
غير ضعف المعتدي وشعورة بالنقص امام الضحية
وعندها, في هذة الحالات وفي حالات اخرى عديدة... يستخدم المعتدي العنف مضطراً او هاوياً

وكذلك بالنسبة لقوامة الرجال على النساء:
فاسبابها تعود الى المعتقدات التي تسيّر مجتمعنا الذكوري
والتي تنظر للذكر على انة الة وللانثى على آثمة
والي تبيح للذكر جميع ما تنهي عن المرأة
وتعود الى التخلف
والى الرجعية
والى التقوقع
والى حب التملك
والاستبداد
والتسلط
والضعف
وفرض الذكورة
والى ما لا نهاية من الاسباب التي تشمئز لسماعها الآذان
والتي ستبقى بقعة سوداء مسجلة في تاريخ عروبتنا
تجلب لنا العار اينما ذهبنا...

مستعجلة وما في وقت
تسجيل متابعة وبعدين برجع

واو كتير حلو شكلي وانا هيك بعضلات مفتولة وعم اضرب شي رجال...فخامة والله

لقلك المساواة يللي حكى انو مو مطلوبة هيي عبارة عن المساواة يللي مو مقبولة لا فسيولوجيا ولا نفسيا لانو طبيعة الرجل والمرأة تختلف بس النقطة يللي هوي مو متنبهلها انو المرأة تعتبر بكثير من المجتمعات صفر وكائن لا اخلاقي متل ما كان ايام العصور الوسطى بفرنسا وغيرا حتى فيك تقول انو أسوأ من هدوليك اليام بس بيبقى السؤال القائم ...شو فيها المرأة تساوي لمواجهة هيك وضع وهيك ظروف وانا مصرة انو هيي وضعت حالها فيها او على اقل تقدير قبلت فيها؟؟؟؟


يا اختي .. قصدي ما كان حرفيا ....

انا كان قصدي من خلال اسلوب ناقد . .. . "خلي نجرب الشعور بالظلم " ....

ما ننسى ... مجتمعنا ما يخلو من بعض حالات استبداد المرأة على الرجل في حالات خاصة جدا ...



اهم شي نصل الى مرحلة انسانية اعلى بالتعامل .. مرحلة قيادة على اساس الشراكة .... مرحلة تخلينا نحارم الزوجة و نحترم الاولاد على انهم بشر مثلنا تماما ...

واو كتير حلو شكلي وانا هيك بعضلات مفتولة وعم اضرب شي رجال...فخامة والله

سراب...
ليكون فكرك انو مظهر الرجال وهو عم يعنف المرأة اذا كان مستخدم العنف الجسدي او الجنسي او الكلامي او النفسي او الاجتماعي او الاقتصادي او غيرو.... بيكون مظهرو اجمل من المرأة العنيفة مثلا؟؟؟
شكل العنف كتير مقرف بغض النظر عن مستخدمو اذا كان ذكر او انثى...

موضوع كتيييير مهم اخى ..
و كتير اسعدنى انو الفكرة اجت من شاب وليس من فتاة..
فى كتير ذكور بيستغلوا هاى الفكرة و بيستغلوا تفضيل المجتمع لالهم و يعملوا مثل ما بدهم

اكتر اشى بيضايقنى التفرقة فى الحكم ان كان الفاعل رجل او امرأة..
يعنى اذا رجل ما فى مشاكل عادى ،لكن لو مرأة نضع لها المشنقة

فى انتظار تكملة موضوعك اخى ..

المحور الأول: الإضطهاد الذكوري للمرأه

لا يوجد مجتمع حضاري متمدن يعامل المرأه كما تعامل في مجتماعاتنا.. من العنف الجسدي إلى قوامة الرجال على النساء بالمعنى الهمجي المتخلف إلى إلى...

العنف الجسدي:
من سمح للرجل أن يضرب المرأه "زوجة أخت قريبة..."؟؟؟ ألا يعتبر هذا نوع من أنواع الإعتداء؟؟ ألا يستوجب هذا الإعتداء الشكوى القانونية؟؟ متى كانت طريقة التواصل هي العنف؟؟ ما المبررات لهكذا تصرف؟؟

قوامة الرجال على النساء:
كيف يحق للذكر"لمجرد كونه ذكر" أن يتحكم بحياة الأنثى كيفما شاء؟؟ مع العلم أن هذه الأنثى بكثير من الأحيان قد تكون أصلح منه!!! كيف يجبر الأخ أخته التي قد تكون "ثقافياً وعلمياً ومهنياً" أقوى منه على فعل أشياء ومنعها من أشياء أخرى؟؟
غالباً الرجل بفكر المرأة شي شغلة ملكو وبيعمل فيا شو مابدو
يعني المرأة بمجتمعنا بشكل عام هي فقط اداة للتفريغ الجنسي بالليل
واداة لفش القهر واثبات قوة شخصية الرجل باستقوائو على المرأة
واكيد من اسباب هل شي التقاليد الغبية الجاهلة يلي في شريحة منيحة من المجتمع متمسكين فيا
مع احترامي للدين الاسلامي بس انا بشوف انو في كتير تعاليم فيو بتزرع فكرة انو الرجل احسن من المرأة
وانو الرجل قوام على المرأة
وبالنسبة للضرب انا ضد الضرب بأي شكل من الاشكال لانو انتقاص من كرامة الانسان
حتى لو كان هل انسان سيء في مليون طريقة لحل المشكلة غير الضرب
الضرب عبارة عن فرض وجهة نظر بالقوة وبالترهيب وهل شي مالازم يكون موجود بالعقل والمنطق

تختلف مفاهيم الحرية بين بيئة وثانية

العنف مرفوض في كل الاحوال

فهو لايمارس الا للحيوانات

حتى الحيوان صار في لجنة تدافع عنه




الرجل ليس كاملا الابرجولته وحزمه وتحمله لمسؤولية بيته

وان يشعر اهل بيته بالامان

وذلك لايعني انو تكون يده طويلة

اصلا الرجل اللي يمد يده على امرأة يسقط من نظرها اولا


كما ان المرأة يجب ان تحافظ على انوثتها الفطرية اللي خلقها الله بها

ولكن لايعني ذلك خضوعها لكل ماهي مجبرة عليه والقيام بامور تكرهها غصبا

<< لكن ضمن حدود ، بحيث لاتفقد انوثتها وهي تبحث عن حريتها

فتضيع ذاتها وتخسر شعورها بنفسها كانثى





شكرا فيفا لطرح الموضوع

يبدولي انو فكرة الموضوع مو واضحتلك.. وللأسف عم تكرر نفسك بكل الردود نحنا هون طارحين مشكله عندك رأي بيتعلق بصلب الموضوع أهلا وسهلا.. ما عندك منعمل موضوع مستقل عن الفروقات بين الرجل والمرأه..


شوي شوي علينا بس ..

يعني فهمني فكرة الموضوع الي انت طرحتها ..

يعني العنوان بحكي .. " بين مطرقة العادات وسندان المحرمات " ..

ووانا كمان اقتبست من مقالك ..

عدم التفريق بين جنس واخر ..

وانا على هالشي كان تعليقي ..

فممكن توضحلي بشو غلطت .. !!

المحور الأول: الإضطهاد الذكوري للمرأه

لا يوجد مجتمع حضاري متمدن يعامل المرأه كما تعامل في مجتماعاتنا.. من العنف الجسدي إلى قوامة الرجال على النساء بالمعنى الهمجي المتخلف إلى إلى...

العنف الجسدي:
من سمح للرجل أن يضرب المرأه "زوجة أخت قريبة..."؟؟؟ ألا يعتبر هذا نوع من أنواع الإعتداء؟؟ ألا يستوجب هذا الإعتداء الشكوى القانونية؟؟ متى كانت طريقة التواصل هي العنف؟؟ ما المبررات لهكذا تصرف؟؟

قوامة الرجال على النساء:
كيف يحق للذكر"لمجرد كونه ذكر" أن يتحكم بحياة الأنثى كيفما شاء؟؟ مع العلم أن هذه الأنثى بكثير من الأحيان قد تكون أصلح منه!!! كيف يجبر الأخ أخته التي قد تكون "ثقافياً وعلمياً ومهنياً" أقوى منه على فعل أشياء ومنعها من أشياء أخرى؟؟


متأسف يعني .. ما انتبهت لهالرد .. :p

يا اختي .. قصدي ما كان حرفيا ....

انا كان قصدي من خلال اسلوب ناقد . .. . "خلي نجرب الشعور بالظلم " ....

ما ننسى ... مجتمعنا ما يخلو من بعض حالات استبداد المرأة على الرجل في حالات خاصة جدا ...



اهم شي نصل الى مرحلة انسانية اعلى بالتعامل .. مرحلة قيادة على اساس الشراكة .... مرحلة تخلينا نحارم الزوجة و نحترم الاولاد على انهم بشر مثلنا تماما ...

له له له يا زيد :shock:يعني ما بتعرف اني عم اتمسخر عالوضع مو اكتر وما بتعرف اني فاهمة قصدك؟؟مو لهالدرجة انا جدبة يعني

بس صدقا انا بحاجة لانو المجتمع يصير يتطلع عالمرأة بنفس نظرتو للرجل لانو ما عاد في شي متل هيك بالعكس المرأة دائما وبعتذر عالكلمة مدعوس عليها

متأسف يعني .. ما انتبهت لهالرد .. :p

ولا يهمك المهم انك انتبهت..

بس صدقا انا بحاجة لانو المجتمع يصير يتطلع عالمرأة بنفس نظرتو للرجل لانو ما عاد في شي متل هيك بالعكس المرأة دائما وبعتذؤ عالكلمة مدعوس عليها


وثت بتسمحي .. انتي بهيك شي .. ممكن يصير .. خليكي قوية وقد حالك .. وبتشوفي كيف

معك .. في ظلم بالمجتمع .. بس ما تسكتي .. لانو لو سكتي انتي وغيرك وغيرك .. لح تزيد عليكم

:D

وثت بتسمحي .. انتي بهيك شي .. ممكن يصير .. خليكي قوية وقد حالك .. وبتشوفي كيف

معك .. في ظلم بالمجتمع .. بس ما تسكتي .. لانو لو سكتي انتي وغيرك وغيرك .. لح تزيد عليكم

:D

انا قلت قبل برد الي يمان انو المرأة هيي يللي بيكون الها اكبر الدور بانو تتعرض لهيك شي بسبب سكوتها وخنوعها وقبولها اللي عم يصير..بس انا بقصد انو المجتمع بشكل عام ما بعامل المرأة كمخلوق الو روح وكرامة وحياة...يعني وقت ينحكى انو المرأة لازم وهيي ماشية بالشارع تتطلع بالارض وما تضحك وما يطلع صوتها وما تيجي عينها بعين حدا ووقت الناس لولا شي وبلا سبب بتبشع بسيرة المخلوقة ليش..لانو مجتمعها وسخ ومو اخلاقي...وبيصير اهلها يعاقبوها نفسيا وممكن جسديا بدون ذنب ساعتها شو فيك تحكي؟ ولانو ما في ادنى درجة من الفهم والخروج من القوقعة يللي عايشين فيها بدعوى انو صوت المجتمع اقوى ساعتها شو فينا نسوي بالله؟جاوبني.

العنف مرفوض بكل انواعة ..

حتى لو كانت المرأة مخطأة .. في طريقة لتفهبمها وتوعيتها ..

وهل يحق للرجل التحكم بالامرأة ..

على ما أظن انو لازم يكون في تفاهم بالعائلة ..

يعني الاب بنصح بنته .. والاخ بنصح اختة .. والاخت بتنصح اخوها ..

عائلة متكاملة .. بدون التحكم بالثاني واخذ القرارات ..

والي للاسف موجودة بمجتمعنا ..

في كثير ناس ما بوخذوا رأي البنت في امور عديدة ..

ومهمة كمان .. مثل امور الزواج .. وغيرها من امور .. الاهل همي الي بقرروا ..

العنف الجسدي:
من سمح للرجل أن يضرب المرأه "زوجة أخت قريبة..."؟؟؟ ألا يعتبر هذا نوع من أنواع الإعتداء؟؟ ألا يستوجب هذا الإعتداء الشكوى القانونية؟؟ متى كانت طريقة التواصل هي العنف؟؟ ما المبررات لهكذا تصرف؟؟

اكيد ما في شي سمح للرجل ان يضرب المرأة ,,,وبالنسبة للشكوى القانوينة فهاد اللي حاصل يعني تمام في ناس بتمشي عليه وكتييييييييير يعني كتير صرت ستامع من هالقضايا,,,

وبعدين اكيد العنف مش طريقة حل لاي شي بالدنيا,,,,لانو بتجيب نتائج عكسية ,,,
وبالنسبة للمبررات انا بنظي مافي مبررات غير التخلف والجهل ,,,,,



قوامة الرجال على النساء:
كيف يحق للذكر"لمجرد كونه ذكر" أن يتحكم بحياة الأنثى كيفما شاء؟؟ مع العلم أن هذه الأنثى بكثير من الأحيان قد تكون أصلح منه!!! كيف يجبر الأخ أخته التي قد تكون "ثقافياً وعلمياً ومهنياً" أقوى منه على فعل أشياء ومنعها من أشياء أخرى؟؟

بالنسبة لهالنقطة يعني بتفرق انو الرجل يتحكم بمرتو مثلا او بيتحكم باختو يعني مرتو اكيد سلطتو عليها اقوى وهاي ربنا اعطاه هالقوامة مو لسبب انو يتحكم فيها متل مابدو لأ ,,,با لانو المرأة عاطفية وما بتتصرف بعقلانية ,,,

اما انو يتحكم باختو ما بعتقد هاد مسموح الا يمكن بأشياء بسيطة ,,,,

انا قلت قبل برد الي يمان انو المرأة هيي يللي بيكون الها اكبر الدور بانو تتعرض لهيك شي بسبب سكوتها وخنوعها وقبولها اللي عم يصير..بس انا بقصد انو المجتمع بشكل عام ما بعامل المرأة كمخلوق الو روح وكرامة وحياة...يعني وقت ينحكى انو المرأة لازم وهيي ماشية بالشارع تتطلع بالارض وما تضحك وما يطلع صوتها وما تيجي عينها بعين حدا ووقت الناس لولا شي وبلا سبب بتبشع بسيرة المخلوقة ليش..لانو مجتمعها وسخ ومو اخلاقي...وبيصير اهلها يعاقبوها نفسيا وممكن جسديا بدون ذنب ساعتها شو فيك تحكي؟ ولانو ما في ادنى درجة من الفهم والخروج من القوقعة يللي عايشين فيها بدعوى انو صوت المجتمع اقوى ساعتها شو فينا نسوي بالله؟جاوبني.

معك حق... بس نسيتي تذكري انو النساء يلي بتسكت وبتخضع وبتاكل هوا... بتكون ارادتها منزوعة منها بكل الاحوال... يعني عفوا بس المسؤولية ما بتقع عليها بانها تتعرض لهيك اشيا متل ما انت عم تقولي... مزبوط انو سكوتها حيدعم الاشي ويزيدو بس الضحية هيي آخر حدا ممكن نلومو.... لانو لو كان باستطاعتها انو توقف الاشي صدقيني ما كانت سمحت باستمراريتو.... المسؤولية هيي مسؤولية المجتمع ومسؤولية كل انسان واعي بيشوف هشي وبيسكت علية....

بالنسبة لهالنقطة يعني بتفرق انو الرجل يتحكم بمرتو مثلا او بيتحكم باختو يعني مرتو اكيد سلطتو عليها اقوى وهاي ربنا اعطاه هالقوامة مو لسبب انو يتحكم فيها متل مابدو لأ ,,,با لانو المرأة عاطفية وما بتتصرف بعقلانية ,,,

اما انو يتحكم باختو ما بعتقد هاد مسموح الا يمكن بأشياء بسيطة ,,,,


يا سيدنا الكريم ... بلكي اول مرة تشرحلنا المعنى اللغوي و العملي لمصطلح "القوامة" ...

بعدين ... قصة انو المرأة عاطفية ... فيها وجهة نظر ...

لكن ما تتصرف بعقلانية .... صعب شوي .... يعني من وين استنتجت هذا ؟؟


ما تقدر تعمم كل شي ... على كل مرأة و كل رجل ....



و ثانيا مبدأ قيادة الرجل للعائلة .. لا يعني التفرد بالقرارات ... ابدا ....

القيادة الناجحة ... ما تعني ابدا التفرد بالقرارات ... بل الاشتراك في صنع القرار بما يضمن الاولوية المعنوية ...


و ممكن تشوف الدول من تكون القيادة مشتركة ... و من تكون القيادة متفردة ... و لاحظ النتائج و الفروقات على الصعيد العملي



برأيي .. مبدا القوامة اسيئ استخدامه جدا بما يعزز مكانة الرجل الاستبدادية في المنزل ..

يا سيدنا الكريم ... بلكي اول مرة تشرحلنا المعنى اللغوي و العملي لمصطلح "القوامة" ...

هلأ انا برأيي القوامة يعني المسؤولية الاولى يعني المسؤولية الكبرى بتقع على عاتق الرجل اولا وبعدين بتشترك فيها المرأة يعني اكيد بدون المرأة ما بتزبط وبدون الرجل كمان ما بتزبط ,,,

لكن ما تتصرف بعقلانية .... صعب شوي .... يعني من وين استنتجت هذا ؟؟

هلأ المرأة امام خيارين بمعظم الحالات(طبعا مش الكل ) يعني المرأة بمجرد انو حكمت عاطفتها فبتتجاهل العقل او ما بتحكمو بالقدر المطلوب,,,اما ازا العكس يعني ازا حكمت العقل فهون بنظري بتكون احسن من الرجل بكتير مواقف,,,

ما تقدر تعمم كل شي ... على كل مرأة و كل رجل ....

هاي انا معك فيها انا لما قلت اكيد ما كان قصدي الكل بس بنسبة كبيرة,,,

و ثانيا مبدأ قيادة الرجل للعائلة .. لا يعني التفرد بالقرارات ... ابدا ....

برضو هون اكيد انا معك التفرد سيئاتو اكتر من حسانتو للطرفين يعني كلا الطرفين لو انفرد برأييو اكيد مش منيح ,,,

القيادة الناجحة ... ما تعني ابدا التفرد بالقرارات ... بل الاشتراك في صنع القرار بما يضمن الاولوية المعنوية ...

انا هون كمان معك 100%


برأيي .. مبدا القوامة اسيئ استخدامه جدا بما يعزز مكانة الرجل الاستبدادية في المنزل ..

للاسف نعم استخدامو اصبح بينربط مع العنف داخل المنزل ,,,,

بالنسبة لهالنقطة يعني بتفرق انو الرجل يتحكم بمرتو مثلا او بيتحكم باختو يعني مرتو اكيد سلطتو عليها اقوى وهاي ربنا اعطاه هالقوامة مو لسبب انو يتحكم فيها متل مابدو لأ ,,,با لانو المرأة عاطفية وما بتتصرف بعقلانية ,,,

اما انو يتحكم باختو ما بعتقد هاد مسموح الا يمكن بأشياء بسيطة ,,,,


ممممممممممممممم .. دخيل ربك انا .. هي نمبر ون

نمبر تو يا حبيب القلب .. يعني الشباب ما عندن عاطفة بفهم من ردك؟

طيب ممكن كويستشن مارك؟

ازا عملت شي غلط ؟
وسألت اختك قلتلا انا هيك هيك عملت .. وقالتلك انو لا يا حبيبي يا اخي هدا الشي غلط ..

بهالنقطة هي .. هيي بتكون قوامة عليك .. صح او لاء؟

يعني في شغلة اسما الخبرة او التجربة ..

وهي الشغلة مانا حكر عالشباب بس ..

خيو مثال زغنوت :

انتي متجوز وبعد شهرين بلشت تعلق مع مرتك ..

في عندك اخت .. متجوزة صرلا اربع سنين .. ازا رحت سألتا ؟

بهالحالة هيي بتكون قوامة عليك ..

لك يا اخوان ما في شي اسمو قوامة .. في اسمو تقويم .. ومستحيل
ينحصر هادا الشي بجنس واحد ..

لي عودة

يلي ماعم افهمو كيف الرجل قوام على المرأه اذا ما كان عندو المقومات الكاملة ليكون هو الطرف المسيطر؟؟ يعني ماعم افهم كيف اذا رجال تافه أو غبي أو حرامي أو سيئ بدو يكون قوام على مرأه؟؟ يعني شو هالحكي الفاضي؟؟

نمبر تو يا حبيب القلب .. يعني الشباب ما عندن عاطفة بفهم من

لا طبعا مش المقصود انو الشباب ما عندهم عاطفو بس القصد انو المرأة بتحكم العاطفة اكتر من العقل,,,بينما الرجل قليل ما بيستخدم بشغلو او بمسؤولياتو العاطفة ,,,,


طيب ممكن كويستشن مارك؟

ازا عملت شي غلط ؟
وسألت اختك قلتلا انا هيك هيك عملت .. وقالتلك انو لا يا حبيبي يا اخي هدا الشي غلط ..

بهالنقطة هي .. هيي بتكون قوامة عليك .. صح او لاء؟

لا طبعا ما بتكون قوامة علي ,,بس هي شافت انو هالشي اللي انا عملتو غلط وحبت تصلحلي اياه مشان ما اغلط مرة تانية ,,,بعدين انا رح اتصرف معها نفس الشي ,,,




خيو مثال زغنوت :

انتي متجوز وبعد شهرين بلشت تعلق مع مرتك ..

في عندك اخت .. متجوزة صرلا اربع سنين .. ازا رحت سألتا ؟

بهالحالة هيي بتكون قوامة عليك ..

لا كمان مرة ما بتكون قوامة بس في فرق كبير باللي عم تحكيه انت يعني فرق كبير لما انا كون شب وهي بنت اكيد انا علاقتي معغ مرتي رح تكون بتختلف عن علاقتها مع زوجها يعني يا سيدي هلأ هي بنت يعني رح تحكيلي عن تجربتها بصفتها بنت مش بصفتها شب,,,وهون فرق كبييييير ,,,,

الحرية....

اول شي نبحث عنه الحرية ...

بصراحة يا اخواني انا شايف انه حتى الرجال عنا بالمجتمع العربي محرومين من شغلات كتيرة مقارنة بالرجال اللي بالمجتمعات الاخرى واسمحولي اقول المتطورة اكتر منا...

باختصار انا حابب انه هدفنا كشباب يكون الوصول للحريات بغض النظر انه انت شب او بنت المهم نوصل لمستوى حياة مشرف ...

انا مع انه المراة مظلومة عنا ... ومع انه الرجل ( داعس عليها )
بس انا شايف انه حتى الرجل فاقد لكثير من الحقوق والحريات ....
لذلك رايي انه نبحث عن حرياتنا اولا واخراج المجتمع بشكل عام من العادات الرجعيةوالمتخلفة من ثم سنلحظ انفتاح بطريقة التفكير عند الرجال وبذلك ننتهي من موضوع انه الرجل افضل من المراة بس اول اشي نخلص من الكبت اللي عايشين فيه وبعدين بنصير نقدر نعطي المراة حقوقها

:D

كلمتين أحسن من عشرة الامرأة ببلادنا غير معتادة بعد على أن تقود نفسها يجب تنمية شخصيتها وتعليمها الاعتماد على نفسها ثم لها ماتريد

كلمتين أحسن من عشرة الامرأة ببلادنا غير معتادة بعد على أن تقود نفسها يجب تنمية شخصيتها وتعليمها الاعتماد على نفسها ثم لها ماتريد

ياعيني عليك...

مافهمت يعني مبدئياً ببلادنا بس الرجال يلي معتادين على قيادة أنفسهن؟؟؟!!! مين عطاك الحق لتقيم مين شخصيته ناميه ومين لاء؟؟ على فكرة في كتير نساء ببلادنا مثبتين وجودهن أكتر مني ومنك... بعدين مافهمتا هي جملة تعليمها الاعتماد على نفسها ثم لها ماتريد.. مين بدو يعلمها بلا زغرة وكيف وايمتى حضرتك بتحدد انك تعطيها ماتريد؟؟ ليش أصلاً مين قلك انو انت الك حق تعطي وتمنع؟؟!!! !!!

مما لاشَكَ فيهِ أنَ العُنف بـِ شَتى أشكاله ظاهرة مُتفشية وَ تصرف لا إنساني

وَ مما لاشَكَ فيهِ أيضاً أنَ جَميع الأديان السَماوية حَثت على إعطاء المَرأة حُريتها

وَ في الإسلام أعطيت المَرأة حُريتها " لكن " بحيث لا تخرج عن طاعة زوجها أو أهلها

تلكَ الطاعة وَ الأحكام الإلهية وَ القانونية وَ الإجتماعية جعلت مِنَ الزوج أو الأب مُمثل الرب في المنزل

وَ الآمر الناهي فيه وَ المالك لذلك الجَسد الأنثوي اللطيف وله حق التصرف فيه كما يشتهي وَ يشاء

وَ إن اعترضت المرأة قانونياً على تلكَ الاعتداءات المُتوالية من قبل الرجل

قد يتحجج بأي حجة وَ يهرب من قضبان العدالة أي أغلب حالات العنف لا يُعاقب عليها القانون

العنف الجسدي ليسَ ظاهرة شرقية تسود مُجتمعاتنا بل تسود العالم بأكمله

هناكَ عُنف أشد وطأة وَ قهراً للمرأة " العنف المَعنوي " وَ لا يترك آثار للكدمات نهائياً

بل يحرمها من حقوقها الأساسية بالتعليم وَ العمل وَ الاستقلال الاقتصادي حتى في حق الإنتخاب

هذا النوع منَ العنف يؤثر سلباً على شخصية المرأة مما يؤثرُ على نفسيتها

إن العنف الجسدي وَ المعنوي ضد المرأة أمرٌ مستمر وَ سَـيستمر

ما لم يتصدى له المُجتمع المُتمدن بمزيدٍ مِنَ الوعي وَ الحزم

و ما دامَ هذا المجتمع يُخفيه وَ يَتستر عليه وَ ما دامَ أؤلئِكَ الجُناة لا يلقونَ العقاب عما اقترفوه

المرأة كائنٌ إنسانيٌ لطيف سِمَتهُ الرقة .. فعاملوهُ بـِ رقة ,.

تحياتي :D

حاجبلك مقاربة الانسان المكبوت اذا فجأة وفرتله كل ماكان مكبوت عليه شو بيصير ألا يفقد توازنه
بعدين الامرأة المسؤولة منك لك الحق في تنمية شخصيتها ومساعدتها بالاعتماد على نفسها ثم تركها تختار بنفسها بعدين الامرأة اذا لم لها استقلالية اقتصادية فعبث

حاجبلك مقاربة الانسان المكبوت اذا فجأة وفرتله كل ماكان مكبوت عليه شو بيصير ألا يفقد توازنه
بعدين الامرأة المسؤولة منك لك الحق في تنمية شخصيتها ومساعدتها بالاعتماد على نفسها ثم تركها تختار بنفسها بعدين الامرأة اذا لم لها استقلالية اقتصادية فعبث
شي طبيعي انو الانسان يحس حالو بخربطة بالتوازن لما بيحصل على شي جديد بس هل شي مو سبب ابداً لحتى مانعطيا حريتا لأنو هل عدم التوازن كتير مؤقت وبكل سهولة رح تتأقلم معو صدقني خصوصاً انو لمصحلتا

بعدين الامرأة المسؤولة منك لك الحق في تنمية شخصيتها ومساعدتها بالاعتماد على نفسها ثم تركها تختار بنفسها بعدين الامرأة اذا لم لها استقلالية اقتصادية فعبث



تنمية شخصية المرأة أو الطفل لا تأتي بالعنف الجسدي

أنتَ معي أم معهم ؟ ولماذا ؟

العنف الجسدي:
من سمح للرجل أن يضرب المرأه "زوجة أخت قريبة..."؟؟؟ ألا يعتبر هذا نوع من أنواع الإعتداء؟؟ ألا يستوجب هذا الإعتداء الشكوى القانونية؟؟ متى كانت طريقة التواصل هي العنف؟؟ ما المبررات لهكذا تصرف؟؟


في كتير رجال بيضربو نسوانون عالطالعة والنازلة بدون سبب وحجة ... هدول مابحكي عنون، يعني حالة موجودة بكتير مجتمعات طبعاً مع اختلاف واضح بالنسبة واختلاف طريقة تعامل القانون والقيم الاجتماعية معها..

بس المشكلة الكبيرة الي بمجتمعنا والي هيي المصيبة، انو الرجل العربي لما بتغلط مرتو معو (مخالفة بالرأي أو اهمال الواجبات الاسرية) بيلجأ فوراً للضرب وبعدين بيفكر انو مرتو رح تنسى الضرب والذل بمجرد بوسة او ضحكة وما بيعرف شي اسمو تفاهم بالحوار والنقاش = الشي بيميز "الانسان" عن غير كائنات..
وهالشي صار قاعدة أسرية، انو كون منيح مع مرتك بس فيك تضربها لما بتخالفك,,, والمراة كمان قبل ما تفوت لبيت الزوجية لازم تعرف انو في آمر ومأمور واذا ما عرفت هالشي فرح تتعلمو قريباً جداً!!! لأ وبتصير بعدين مقتنعة بهالشي وأنو صار من البديهيات، يعني طالما الزوج "بيستر عليها" وبيطعميها ويلبسها --> فَـ فيه يضربها اذا غلطت وخالفت أوامرو!.
يعني الجريمة بجتمعنا هي انو الرجل بيتعدى على حقوق المراة وهي مقتنعة، وانا بصراحة بسميها عبودية، لولاها كانت المرأة رح بتبني بالمجتمع مو بس متل الرجل، ويمكن اكتر منو.. والعبودية هيي لما يقول "الذكر" انو طالما المرأة راضية ومستورة وما بتشتكي....الخ معناها مافي تعدي على حقوقا.


قوامة الرجال على النساء:
كيف يحق للذكر"لمجرد كونه ذكر" أن يتحكم بحياة الأنثى كيفما شاء؟؟ مع العلم أن هذه الأنثى بكثير من الأحيان قد تكون أصلح منه!!! كيف يجبر الأخ أخته التي قد تكون "ثقافياً وعلمياً ومهنياً" أقوى منه على فعل أشياء ومنعها من أشياء أخرى؟؟
يعني فيني قول نفس الحكي الي حكيتو فوق تقريباً ..
المشكلة انو الحلول لهيك مسائل مانا سهلة بمجتمعنا:
يعني نحنا بنعرف الصح وممكن نتفلسف على غيرنا، بس ما فينا نطبقو
ما عنا قدرة على كسر القيود الخاطئة -يلي صارت عادة اجتماعية-لأننا بنخاف من حكي الناس
ما عنا القدرة على الاجتهاد والاستقلال بالتفكير لانو في ناس اخدت هالمهمة عنّا

أكيد لازم يكون الواحد واقعي وخصوصا انو بمجتمعاتنا الشرقية في قيم وتقاليد حلوة بنفتخر فيها، بس الي بحكي عنو هني الشوائب الي لا العقل ولا المنطق ولا الشرائع بتقبلها...

شكراً فادي

حاجبلك مقاربة الانسان المكبوت اذا فجأة وفرتله كل ماكان مكبوت عليه شو بيصير ألا يفقد توازنه
بعدين الامرأة المسؤولة منك لك الحق في تنمية شخصيتها ومساعدتها بالاعتماد على نفسها ثم تركها تختار بنفسها بعدين الامرأة اذا لم لها استقلالية اقتصادية فعبث


يا عزيزي .. كلشي بالتريج و اهم شي البداية الصح

يعني اذا البنت تربت في عائلة متحررة و تحترم المرأة ... اكيد مع تقدم العمر تزيد الامتيازات .. و بالتدريج ...


سؤال اذا كان الرجل انسان غير جيد ... تعتقد ممكن زوجته تربيه من جديد ؟؟

لكن ما تتصرف بعقلانية .... صعب شوي .... يعني من وين استنتجت هذا ؟؟ هلأ المرأة امام خيارين بمعظم الحالات(طبعا مش الكل ) يعني المرأة بمجرد انو حكمت عاطفتها فبتتجاهل العقل او ما بتحكمو بالقدر المطلوب,,,اما ازا العكس يعني ازا حكمت العقل فهون بنظري بتكون احسن من الرجل بكتير مواقف,,,

هالحكي(الملون بالاحمر) كأنو مأخود من أحد مشاهد مسلسل باب الحارة ..

طيب الرجل كمان اذا مشي على عواطفو بيبعد عن كلشي اسمو عقل.. فليش ما نقتصر هالشي عالمراة فقط.
يعني ،مع احترامي الك، بس هالافكار هيي الي بتخلي المراة عنّا أقل قيمة من الرجل..

حاجبلك مقاربة الانسان المكبوت اذا فجأة وفرتله كل ماكان مكبوت عليه شو بيصير ألا يفقد توازنه
بعدين الامرأة المسؤولة منك لك الحق في تنمية شخصيتها ومساعدتها بالاعتماد على نفسها ثم تركها تختار بنفسها بعدين الامرأة اذا لم لها استقلالية اقتصادية فعبث

يعني الطفل ذكر كان او انثى فهو مكبوت وما بحقلو انو يختار طريقو وقراراتو والسبب انو غير بالغ ولسا ما رح يقدر يفكر صح مية بالمية بس هلق بعد ما يكبر شوي بيصير الو الحق بانو يختار ويقرر يللي بدو ياه بدون تدخل اي طرف..الهم الحق يشاركوا ينصحوا غير هيك لا ما بحق لاي حدا.

انا مش فاهمة قصة انو ينمو قدراتها لانو انا بشوف انو المرأة قدراتها اكبر من قدرات الرجل بس شو بدي قول على مجتمع متل....

حاجبلك مقاربة الانسان المكبوت اذا فجأة وفرتله كل ماكان مكبوت عليه شو بيصير ألا يفقد توازنه
بعدين الامرأة المسؤولة منك لك الحق في تنمية شخصيتها ومساعدتها بالاعتماد على نفسها ثم تركها تختار بنفسها بعدين الامرأة اذا لم لها استقلالية اقتصادية فعبث

دخلك شو يعني الامرأة المسؤولة منك؟؟ مين يعني مثلا امك, اختك, مرتك, عمتك, ستك؟؟؟ ليش مين عينك مسؤول عليها ومين اعطاك الحق (غير ابوك طبعاً) انو تكون مسؤول عنها وتتحكم فيها كيف بدك؟؟؟ مين شرعلك هاد الحق يلي عم تحكي عنو؟؟؟ ومين عيّنك وكيل لتنمية شخصيتها ومساعدتها بالاعتماد على نفسها؟؟ حدا قلك انك فهمان اكتر منها مثلا؟ او وظيفتك هيي تنمية الشخصيات الضعيفة والقلوب الضعيفة؟ طيب وبلكي هلمرأة طلعت بتفهم قد 20 متلك؟؟؟ شو بتعمل... برضو ما بتتخلى عن مسؤولياتك السامية؟!!

المرأة مخلوق عاطفي وضعيف (( بسبب المجتمع )) دائما الناس بتوقف مع الرجال ضد المرأة ... وللأسف حقيقة مجتمعنا أنو المرأة لايمكن تحقق شخصيتها وذاتها وتاخد حريتها واسقلاليتها وكرامتها إلا تحت موافقة ورعاية الرجل ... لو بدا تعمل شي وهو مو موافق بكفيين بخليها تعمل الي بدو ياه .. هو صحيح فكرة العنف مرفوضة لكن مين بيسمع ... والمرأة احيانا في سبيل انو تعيش حياة من غير اهانات ممكن تتنازل عن كتير من حقوقها وفي النهاية بتوصل لمرحلة من التهميش لحد ماتقدر تدافع عن نفسها وتفقد شخصيتها وتصير مسيرة ...

المرأة الاجنبية لما بتكبر وبتقرر تستقل المجتمع بيتقبلها لكن مجتمعنا العربي بيرفض استقلالية المرأة ولو وحدة عايشة لحالها معناتها هي من هداك النوع ..... للأسف ....

المرأة مخلوق عاطفي وضعيف (( بسبب المجتمع )) دائما الناس بتوقف مع الرجال ضد المرأة ...

المرأة الاجنبية لما بتكبر وبتقرر تستقل المجتمع بيتقبلها لكن مجتمعنا العربي بيرفض استقلالية المرأة ولو وحدة عايشة لحالها معناتها هي من هداك النوع ..... للأسف ....

يعني تسلميلي على هيك حكي متل الدرر...... يعني انت مرأة وعم تحكي هيك فبقى ما رح نعتب ع الرجال.... لك شو هي المخلوق عاطفي وضعيف... كمان هي رضعوكي ياها؟؟؟ حتى عهي ربوكي؟؟؟ لازم نتعلم نفرق بين كائن مستضعف وكائن ضعيف.... على فكرة انا بشوف انو المرأة العربية بالذات اقوى من الرجل لانو عندها قدرة تحمل خيالية.... والشي الاخير يلي ذكرتية مع الاسف الشديد موجود بس سنة عن سنة عم نشوف انو وقعو عم يخف (حتى لو كان بنسب قليلة) بس هشي بيعطينا امل انو نكمل وبورجينا انو هي الطريقة الوحيدة للوصول...

يعني تسلميلي على هيك حكي متل الدرر...... يعني انت مرأة وعم تحكي هيك فبقى ما رح نعتب ع الرجال.... لك شو هي المخلوق عاطفي وضعيف... كمان هي رضعوكي ياها؟؟؟ حتى عهي ربوكي؟؟؟ لازم نتعلم نفرق بين كائن مستضعف وكائن ضعيف.... على فكرة انا بشوف انو المرأة العربية بالذات اقوى من الرجل لانو عندها قدرة تحمل خيالية.... والشي الاخير يلي ذكرتية مع الاسف الشديد موجود بس سنة عن سنة عم نشوف انو وقعو عم يخف (حتى لو كان بنسب قليلة) بس هشي بيعطينا امل انو نكمل وبورجينا انو هي الطريقة الوحيدة للوصول...

أنا حكيت عن واقع شخصي مو اي شي تاني ... انا في مجتمعي اعتبر مرأة قوية بس في الأخير صرت مستضعفة خاصة لما اررجال بيمسكها من الأيد الي بتوجعها (( وهي كان قصدي بالضعيفة )) لا تصدقي انو في مجتمعنا العربي في حقيقة شي اسمو مرأة مخيرة... بتلف بتلف وبتلاقي انو في الاخر هي الي بتتنازل لتمشي الحياة ... هاتي لنشوف ..

أنا عايشة بغربة ... وطول حياتي مبهورة بإستقلالية المرأة ونفسي عيش لوحدي نفس الحياة الأميركية وتكون الي حريتي وحياتي الخاصة من دون تدخل ..

حبيت واحد وهربت من بيت أهلي لأتزوجوا وانا عمري 20...

أربع سنين زواج وبنت عمرها 3 سنين وبعدين خنقني بحبوا ولازم ولازم ولازم ... لحتى انفجرت وتولدت عندي حالة تمرد وقررت اعمل الي براسي .. وطلعت اطلقت اخدت شقة وهي انا عايشة لوحدي ..

أخدت حريتي ؟؟؟؟ لأ وستين ألف لأ ... رفض يجدد الفيزا والدولة بتوقف بصفوا ولقيت حالي انا ضايعة ...

والأمل الوحيد الي كان موجود زميلي الي بيحبني والي عرض علي الزواج بس ليحل مشكلتي على اساس كل واحد بحالو وهي خدمة انسانية ... وبما انو ما كان في حل وافقت ..

أي حرية وأي بطيخ .. بشوي تهديدات وكفين خلاني انسى كل حريتي واستقلاليتي وخسرت ذاتي وكل شي تاني وبعد كل شي عملتوا رجعت مرأة من عصر سي السيد وفرض علي قيود لاتحتمل .. وانا هلآ انسانة ماشية حسب قناعاتوا بغض النظر عن قناعاتي حتى ما إخسر كل شي باقيلي ...

حاربت وتمردت وفي النهاية شو استفدت !!!!!!!!!!!!!!!

للأسف اذا كان هاد مجتمعنا ومابيوقف مع المرأة بسبب العادات والتقاليد ... فما تتأملي كتير ....
صح المرأة عندها قوة تحمل بس انت حبيبتي مو عايشة بأمريكا ...

اول شي كان كتير صعب عليي اني اسمع قصتك... قلبي معك... وتاني شي انا كمان مرة بعارضك في قولك كلمة ضعيفة... واكبر مثال على هشي هو انت... بشوف فيكي مرأة كتيرقوية, الظلم خلاها تكون مستضعفة من قبل حالات سلطوية ما بينقال عنها بني آدمين, عملت كل شي بحسب ارادتها وبحسب قناعاتها, ودفعت تمن حريتها كتير غالي... بس بالاخير بشوف انو اكتر شي ظاهر فيكي وبيميزك هو القوة وشيء من الجبروت.... وافظع غلطة ممكن تقترفيها بحق حالك انو هلأ وبهي المرحلة تختاري الضعف والاستسلام... بس بكل الاحوال انا بفهمك وبفهم اختيارك.... وبدي قلك انو بعد هيك تجربة انت بالذات ما لازم تحكي هلحكي ولاوم تدفعي وتحثي كل مرأة بهدنيا انها تطلق صرختها وترخي العنان لحريتها....

برايي سببين اساسيين لهي الحالة.... الاولى نابعة من اساس ديني باعتبار انو الرجال قوامون ع النساء وانو الضرب مباح دينيا وانو حواء التي اغوت ادام الها مكانة منخفضة بالترتيب الاجتماعي .... هي بتوقع معظم الاديان بتاخد فيها وما فيها خلاف كبير
بس الحالة التانية يلي بلاقيها مشكلة حقيقية هي التربية الاجتماعية .. وباعتبار انو الام هيي المربية الاولى فالمشكلة بتتعلق المرأة بحد ذاتها وبكيفية تربيتها لاولادها .. المراة الام بتعلم ابنها انو هوي شغلة مميزة وبتحرض في بعض الحالات انو يضرب وانو يستبد كاثبات لرجوليتو .. حتى المرأة يلي بتعاني من استبداد زوجها او ابوها لاسف بتساهم جدا بانو ابنها يعامل زوجتو او اختو او بنتو بنفس الاستبداد يلي عانت منو ..
يعني المراة بتساهم كمان بشكل مباشر وغير مباشر بظلم المرأة الاخرى ( وخاصة زوجة الابن او ابنته ) احيانا منعايش حالات متناقضة ضمن مجتمع النساء .. مثلا وحدة بتعمل مشاكل هائلة لزوج بنتها ع اساس انو عم يسيء معاملتها وبتكون هيي بذات الوقت محرض اساسي لابنها من شان الاساءة لزوجتو..
اكيد في حالات استثنائية موجودة بس غالبا ما بتترافق بكلمات متل ( خروق ) و ( مو رجال ) ( متل البنات ما خرجو شي ) الى اخر هالكلمات التافهة يلي غالبا كمان بتطلع من النساء الاخريات

صح المجتمع ما بيساعدها لانو بيرفض الرجل يلي بتربيه من دون هالفوقية وهيي ما بترغب انها تدفع الضريبة لتغير عادات التربية .بس بتوقع انو اول خطوة تقع ع عاتق المرأة ذاتها المراة لازم تنزع حالها من هي التربية ومن تداعياتها عليها كامراة ..
. صايرة الشغلة نوع من الدائرة المغلقة يلي منضل عم ندور فيها