انتصر لبنان

مابقدر احكي اكتر من هيك ومو بس هيك مو بس لبنان اللي انتصر كلنا انتصرنا

كل الناس اللي لسا عندون امل انو بيوم رح نكون شي وانو قادرين نعمل شي انتصروا

لا هنن ما انتصروا هنن اكدوا انتصارون

اكدنا انتصارنا وسمير القنطار والاسرى طلعوا

مبارح اشعر بدني وعيوني دمعوا لما كنت عم اتفرج

شكرا سماحة السيد حسن نصرالله لانك اثبتت انو قادرين نغمل المستحيل وانو قادرين ننتصر

شكرا سيد حسن

مبروك للبنان ولكل شرفاء العالم تاكيد الانتصار

ـــــــــــــــــــــــــ ـ


من لوث ارضي بدمائه قد رحل الان

وفر كذليل تائه كاي جبان

قد ايقن ان ببقائه

لن يسطع نجم بسمائه

لن يلقى ابدا بحياته الا الاحزان

قد رحل الان قد رحل
قد رحل الان قد رحل

انتصر لبنان

انتصرت الحرية ...وانتصر الشرفاء...

ومرة تانية مبروك للبنان ومبروك لحزب الله ومبروك لسمير ورفقاتو

مبروك لكل الاسرى المحررين ...
و هي بداية جديدي للبنان و للصالح العام ...
و منحيي الشعوب الصامدة بكل من لبنان و العراق و فلسطين والله يكون معون و يوفقون
بدنا كتير من حسن نصر الله لنرجع امة عربية بمعنى الكلمة
تحياتي الكون و لكل الشباب المقاووم...

سعادتي بالنصر يلي صار ما بوازيه الا الشعور بالذل للاسرى السوريين باسرائيل وبسورية .... شي كتير مخجل

مزبوط...

الحقيقة استرجاع الأسرى أمر كتير هام وضروري وما حدا بيقدر ما يعتبروا انتصار

لكن نبش القبور لمئتين شهيد ميتين من شي ثلاثين سنة وبعضهم شقف ونتف وأشلاء متل سناء محيدلي ولا يحيى سكاف ولا دلال المغربي إهانة للشهداء وإقلاق لراحتهم خاصة دلال المغربي يلي أوصت بدفنها بفلسطين وعائلتها تعيش في الناصرة مدري ببيت لحم

يعني شو عم نقلد إسرائيل أنو بيهتمو بجثث قتلاهم

بظن أنو الشهداء المسلمين ما لازمهم تغسيل ولا تكفين ولا بيتصلى عليهم وبيندفنوا بثيابهم يلي ماتوا فيها هيك بعرف حسب العقيدة الإسلامية
وبعدين في كلمة بتقول إنو إكرام الميت ترحيله مو نبش قبره من جديد وعمل زيطة واحتفال على حادثة صارت قبل 20 و30 سنة

أحلى شي أنو حركة فتح يلي حالياً على الأرض بتصريحاتها وإداناتها المتكررة لكلشي عمليات مقاومة ووصف محمود عباس لعملية استشهادية بالعملية الحقيرة ، بتحاول تلمع صورتها وتسترد امجادها وتبيض وش أدام الناس لتحتفل بدلال المغربي وتعملها مسيرة ونصب تذكاري وقبر غير شكل وشو بيعرفني
ولك على مين عم تضحكوا

والله عم نضحك على حالنا ، وقال حزب ولاية الفقيه !!!!!!!!!!!!!!!!!!!!!!!

ايه بس هاد الش يبيخلينا انو نتركهم هيك بايدين اسرائيل مثلا؟

لا يا ستي بدنا نسترجعهم حتى لو كانو اشلاء

لانو ياما طالبنا فيون وما حدا رد خبر وما وافقو

الموضوع اجا انو نحنا اخدناهن بالغصب وهاد لحالو انتصار بغض النظر عن ولاية فقيه او اي شي تاني

الأخت لوليانا33

إن استرجاع أجساد الشهداء من (مقابر الأرقام) وأشدد على مقابر الارقام هي انتصار بحد ذاته

إن العملية هي انتصار معنوي وجزء من سياسة كسر العظم التي كسرت ظهر الكيان الصهيوني

عائلة دلال المغربي في مخيم فلسطيني في لبنان
وللوفاء بوصية دلال المغربي يتوجب علينا التحرير والعودة لندفنها في قريتها لا في مقبرة أرقام

وهناك تداول اعلامي حديث يشير إلى ان الكيان الصهيوني قد لا يكون سلم رفات القائدة دلال المغربي ولكن هذه التسريبات لم أجدها على مواقع موثوقة حتى الآن


ونعود لرمزية الانتصار

إن عودة الشهداء أشعل من جديد فتيل الروح الوطنية والقومية

أنا كفلسطيني مقيم في سورية وعندما وصلت أجساد شهداء مدينة حلب إلى ساحة سعد الله الجابري
وشاهدت شبابنا الفلسطيني وشبابنا السوري يحملون نعوش الشهداء الفلسطينيين والسوريين ويجددون العهد

أحسست بأن البوصلة توجهت من جديد بالاتجاه الصحيح


نعم لأي عمل يزعج الكان الصهيوين ويقلق راحته

نعم للحزب المقاتل في جنوب لبنان



وأرجو أن نتخلص من عقد الطائفية الدينية والمذهبية
التي تبدت في العبارة الأخيرة

والله عم نضحك على حالنا ، وقال حزب ولاية الفقيه !!!!!!!!!!!!!!!!!!!!!!!


فهذا الحزب داس على الطائفية عندما أصر على اخراج عميد الأسرى وهو درزي الطائفة
وعندما أصر على شمل أسرانا الفلسطينيين في المعتقلات


نعم تحية له فهو حزب الدفاع عن القضية