/ قبل البدء /

(( حياة الشباب )) الموضوع هاد عبارة عن سلسلة مواضيع بتمسّ مشاكل بتخص مجتمعنا
كـ مجتمع عربي ..
كـ مجتمع شرقي ..
كـ مجتمع انساني: لأنو بالنهاية هي المشاكل مو مقتصرة عالمجتمع الشرقي او العربي... وموجودة بالمجتمع الغربي حتى... !!

قبل البداية استوجب التنويه إلى : المقصود بمصطلح شباب كـ جيل ... وليس كـ جنس ... يعني الموضوع بيمس الشباب والصبايا

هلئ هون مو بدنا بس نطرح المشكلة .. ونحدد وين العطل ... ونوقف !!

نحنا سلسلة هالمواضيع بتحدد 3 نقاط رئيسية :

1- نطرح المشكلة
2- نعرف انو الاصلاح بيبلش من انفسنا
3- نحدد وين العطل ونحاول نعالج هالعطل باقل الخسائر الممكنة لنصلح هالعطل والشرخ الناتج عن هالمشاكل ... بمجتمعنا

بدنا اول شي نبلش عملية الاصلاح من حالنا
بدنا نعرف أولاً انو نحنا عنا اغلاط .. عنّا اعطال .. عنّا مشاكل
منحدد وين هالاغلاط
بدنا نصلحها
يداً بيد

وبايدنا وايدكن ... منسعى لنكون تاريخ مشرّف اكتر من الي نحنا فيه

تنويه : مافي مانع بالموضوع تكون في نقاشات حول ردود الاعضاء .. لكن يفضل عدم الاسترسال بها ... للبقاء في سياق الموضوع الرئيسي !

اول موضوع ضمن السلسلة ... نحو علاقات عائلية افصل ...


يمكن اليوم كلمة عائلة صارت شكلية ... يمكن تحتاج الى إعادة تعريف بيننا ..
فعلا نحتاج فعلا الى تفعيل للمعنى من جديد ...



رح نفتح اربعة محاور متداخلة مع بعض ..

اولا . المسموح و الممنوع ...

ثانيا . اذا كان هناك تشدد او تقصير من الاهل

ثالثا . إن كان التقصير من الشاب

رابعا . التفاهم او التجاهل


يعني .. احنا ما ننسى ... دائما يكون التقصير الحاصل بسبب جميع افراد العائلة (يعني كل الاطراف) اضافة الى الظروف المحيطة ..

بس ممكن يكون التقصير بنسب متفاوتة قعلى طرف دون آخر ....


* نحكي على المسموح و الممنوع ... نريد نناقش ما هو المسموح و الممنوع للشاب او الشابة ...

يعني شلون ممكن الاهل يوظفوا خبرة حياتهم ... بانشاء و ادارة .. عائلة ناجحة من جميع النواحي ..



* تشدد الاهل قد يجلب خنوع او نتائج عكسية (تمرد) ... و الحالتين غلط

* و نفس الشي اذا كان التقصير من الشباب ... ممكن يجيب نتائج عكسية


اهم شي نرجع و نتذكر .. إن العائلة هي مؤسسة اجتماعية، لها قوانين و لها حقوق و واجبات يجب احترامها من كل الافراد على السواء ...


بالعربي .. احنا نريد .. نحدد شو هو طبيعي .. و شو سلبي من ناحية الاهل و من ناحية الشباب


و طبعا النقطة الاخيرة ... مهمة جدا ... هل في حال حصول المشكلة ... الحل المنطقي يكون بتجاهلها .. او بمواجهتها ؟؟ مع ذكر السبب




الموضوع مفتوح للكل ...

هل في حال حصول المشكلة ... الحل المنطقي يكون بتجاهلها .. او بمواجهتها ؟؟ مع ذكر السبب



معليشّي بلّش من الآخر وبعدين بحكي عن البداية..بما انو الآخر اسهلّي هلأ بسبب الوقت

النقطة يللي انذكرت بالاقتباس اعلاه..انا حكيت عنها سابقاً بموضوع..

عند ظلم القـُـربى يتوانى بعض المظلومين عن طلب الاستعانة من الآخرين لاعتقادهم ان هذا خطأ ، هذا الاعتقاد هو اعتقاد خاطئ ، لان من الضروري في هذه الحالات الاستعانة بـ اناس مختصين في هذا المجال حتى يرشدون المظلوم ، ويجب التنويه ان الاستمرار بعدم الاعتراض والاستمرار بالاحتمال فوق الطاقة قد يدمر حياة الشخص.


يعني لما تصير مشكلة لازم نواجهها..

السكوت عن المشكلة بيخليها تتفاقم
والاستمرار بالتحمل فوق الطاقة الممكنة للشخص ممكن يدمر حالة الشخص اللي عم يتعرض للمشكلة

في عدة طرق لمواجهة المشكلها وحلها..
احدى الطرق هي طلب المساعدة من اُناس مختصين بحل هالمشكلة

البعض يعتقد انو مواجهة المشكلة بطلب مساعدة اناس مختصين ( هو نشر غسيل ) فـ وجب التنويه انو هالاعتقاد خاطئ

اول موضوع ضمن السلسلة ... نحو علاقات عائلية افصل ...


يمكن اليوم كلمة عائلة صارت شكلية ... يمكن تحتاج الى إعادة تعريف بيننا ..
فعلا نحتاج فعلا الى تفعيل للمعنى من جديد ...



رح نفتح اربعة محاور متداخلة مع بعض ..

اولا . المسموح و الممنوع ...

ثانيا . اذا كان هناك تشدد او تقصير من الاهل

ثالثا . إن كان التقصير من الشاب

رابعا . التفاهم او التجاهل


يعني .. احنا ما ننسى ... دائما يكون التقصير الحاصل بسبب جميع افراد العائلة (يعني كل الاطراف) اضافة الى الظروف المحيطة ..

بس ممكن يكون التقصير بنسب متفاوتة قعلى طرف دون آخر ....


شكرا عطرح الموضوع ..
انا رح احكي عن حالي .. بجوز احكي بعدين بشكل عام ...:D





* نحكي على المسموح و الممنوع ... نريد نناقش ما هو المسموح و الممنوع للشاب او الشابة ...

يعني شلون ممكن الاهل يوظفوا خبرة حياتهم ... بانشاء و ادارة .. عائلة ناجحة من جميع النواحي ..


هللأ مشان المسموح والممنوع ...
بظن انا حاليا بعمر صرت بعرف فيه شو الصح وشو الغلط..
بس بجوز كنت مرقت بفترة ما اقدر ميز شو الصح وشو الغلط ( ما كتير واجهت مشاكل يعني :?) بس بهديك الفترة كان في حدا يوعيني ...لك حتى بهالوقت .. وقت اللي انا بدي اعمل شي وينهيني او تنهيني عنو ماما او بابا ما بناقش كتير .. لانو بعرف بالاخير انو هني عم يحكوا هالشي لمصلحتي ..ومن خوفن عليي






* تشدد الاهل قد يجلب خنوع او نتائج عكسية (تمرد) ... و الحالتين غلط


اهلي مانن من النوع المتشدد ..يعني عاطييني حرية وثقة ..وانا عرفاني وظّفن ..




* و نفس الشي اذا كان التقصير من الشباب ... ممكن يجيب نتائج عكسية


رح احكي بشكل عام هون لانو من عندي مافي شي هيك ..
ازا كان في تقصير من الشباب .. رح يسبب دمار للاهل .. لانو وقت اللي دي افني حالي واهلك وانا عم امن مستقبل لولادي . وهني دوبن حاسين ... اي هاي لحالا كافية لتقضي ع قلب الاهل (كمثال)








و طبعا النقطة الاخيرة ... مهمة جدا ... هل في حال حصول المشكلة ... الحل المنطقي يكون بتجاهلها .. او بمواجهتها ؟؟ مع ذكر السبب




اكيد مو بالتجاهل .. كيف رح تنحل المشكلة ازا تجاهلناها ...
بس اهم شي بالعيلة الحوار واسلوب الحوار ..يعني مو بالعياط والزعيق والضرب .. بالتفاهم بينحل كلشي .. وازا كانت العيلة متفاهمة .. المشكلة مهما كانت كبيرة بتنحل ..



الموضوع مفتوح للكل ...


شكرا كمان مرة:D

اول موضوع ضمن السلسلة ... نحو علاقات عائلية افصل ...
اولا . المسموح و الممنوع ...

ثانيا . اذا كان هناك تشدد او تقصير من الاهل

ثالثا . إن كان التقصير من الشاب

رابعا . التفاهم او التجاهل




العائله مفهوم صار كتير صعب هالايام ...
صعب تلاقي عيله , صعب تلاقي شخص مرتبط بالعيله ...

يمكن جيل هالايام كمان صعب تحددلون المسموح والممنوع لانو خيارتون صارت كتير كتير ومشاغل الاهل عم توقف حائل عن مراقبة الولاد وتوجيههن ..والمشكله كمان بفرق العمر والجيل الي بيكون احيانا الاهل او الاولاد ما بيقدرو يستوعبو انو احتياجات الاجيال بتختلف اهتماماتون بتختلف
الي عوده:D

عن جد ما بعرف اذا فعلا فينا نساوي علاقات عائلية افضل
لمى بفكر بهيك شي بفوت بحالة يأس كبيرة
يعني كيف بدك تصلح علاقة آب بابنو اذا الاب بيكون يا
مو دارس
او عايش حسب كيف تربى و على زمن جد جدو
او عم يعيش لعيون الناس و الخوف من عيون الناس و المجتمع
وليش في تشدد اصلا ؟ وليش في ممنوع ومسموح؟ مو المفروض انو الطفل عم يعيش طفولتو و عم يكبر من خلال ارشادات وتعاليم و اوامر اهلو.. وبس يكبر ويصير شب بيقلولو نحنا جربنا و منعرف الغلط من الصح.. طيب الشب امتى بدو يجرب يلي تعلمو من اهلو يعني يطبق الحكي والارشادات عملي؟
والمشكلة انو اهل متفتحين و عقلاتون كبيرة و بينحكى معهن بس لمى في مشكلة بالموضوع دغري بيقلك المجتمع و الناس والخ
يعني اكتر المشاكل تفكك العيلة و مشاكل الشباب مع الاهل عم بكون مشكلة اساسية يلي هي المجتمع و الخوف من حكم المجتمع و نظرتو

وماتيا حكت على مساعدة ناس مختصين .. بصراحة انا بشوف هيك شي فعلا نشر غسيل لانو
حتى لو في انسان بدو يساعدك اذا هلام او الاب مو قابل للحوار و عايش على زمن جدي صعب يستوعبك بدك انتي تحاولي تستوعبيه وخصوصي اذا كان الاب او الام كبار بالعمر

اسفة طولت بالحكي و مشكور كتير على الموضوع الحلو:D

رح نفتح اربعة محاور متداخلة مع بعض ..

اولا . المسموح و الممنوع ...

ثانيا . اذا كان هناك تشدد او تقصير من الاهل

ثالثا . إن كان التقصير من الشاب

رابعا . التفاهم او التجاهل





موضوع حلو ..... و يعطيكون العافية شباب
مع اني كنت بفضل تناقشوا كل محور لحالو .... لأنو الافكار كبيرة و بتتحمل نقاش

بالنسبة لمسموح والممنوع ...
للاسف انا بشوف انو الميزان يللي تقاس فيه هاي الامور مو الصح والغلط وانما نظرة المجتمع الو والتقاليد يللي سائدة....يعني لما الواحد يكون بدو يسوي شي وينمنع من قبل اهلو لمجرد انو هالشي مو مقبول من قبل المجتمع فهون كيف بدك علاقة عائلية افضل والعيلة بتنحي العقل تماما وبتستسلم وبتفرض علينا الاستسلام لغباء المجتمع؟

مشكور كتير كتير على الموضوع الرائع والهادف

بالنسبة للعائلة والمشاكل :x :hart: :pos:

المشاكل موجودة في كل بيت كبيرة كانت او صغيرة
لانو كل اوامر او نواهي بتعارض ارادة الشباب راح يعتبروها مشكلة

والحل :clap:

دائما راح يقع على عاتق المتعلم والمثقف لا نو قادر على استيعاب المشكلة

يعني اذا العائلة تتمتع بثقافة عالية راح تكون مشاكلهم بسيطة وقادرين على الحوار والتفاهم وحل المشاكل :hart: :hart:

اما اذا كان الستوى التعليمي والثقافي متفاوت راح يكون شوية صعوبات

ولازم

يتحملها المتعلم لانو يدرك انو لازم يتنازل عن بعض متطلباته او يتعامل بطريقة

نرضي الاهل وترضي نفسه عشان يحافظ على التماسك الاسري :sosweet: :deal:

رحم الله من اهدا الي عيوبي

معليشّي بلّش من الآخر وبعدين بحكي عن البداية..بما انو الآخر اسهلّي هلأ بسبب الوقت

النقطة يللي انذكرت بالاقتباس اعلاه..انا حكيت عنها سابقاً بموضوع..

عند ظلم القـُـربى يتوانى بعض المظلومين عن طلب الاستعانة من الآخرين لاعتقادهم ان هذا خطأ ، هذا الاعتقاد هو اعتقاد خاطئ ، لان من الضروري في هذه الحالات الاستعانة بـ اناس مختصين في هذا المجال حتى يرشدون المظلوم ، ويجب التنويه ان الاستمرار بعدم الاعتراض والاستمرار بالاحتمال فوق الطاقة قد يدمر حياة الشخص.


السكوت عن المشكلة بيخليها تتفاقم
والاستمرار بالتحمل فوق الطاقة الممكنة للشخص ممكن يدمر حالة الشخص اللي عم يتعرض للمشكلة


انا معك ... كبت المشاعر ... مو صحيح النوب ...

يعني لما تصير مشكلة لازم نواجهها .. و لكن بتعقل ...


ما ننسى النتائج العكسية مدمرة


يعني اذا كان الوالد متشدد مع ابنه .. و ابنه واجه المشكلة بتمرد ,,, الشغلة فيها احتمالين

اما الوالد يخضع للامر الواقع ...

او الوالد يزيد الضغط من كل النواحي ...


و هذا الخلل الكبير ... ما لازم يكون مستمر مهما حصل ....

شكرا عطرح الموضوع ..
انا رح احكي عن حالي .. بجوز احكي بعدين بشكل عام ...:D


اهلين فيكي و بكل طروحاتك :D





هللأ مشان المسموح والممنوع ...
بظن انا حاليا بعمر صرت بعرف فيه شو الصح وشو الغلط..
بس بجوز كنت مرقت بفترة ما اقدر ميز شو الصح وشو الغلط ( ما كتير واجهت مشاكل يعني :?) بس بهديك الفترة كان في حدا يوعيني ...لك حتى بهالوقت .. وقت اللي انا بدي اعمل شي وينهيني او تنهيني عنو ماما او بابا ما بناقش كتير .. لانو بعرف بالاخير انو هني عم يحكوا هالشي لمصلحتي ..ومن خوفن عليي

اهلي مانن من النوع المتشدد ..يعني عاطييني حرية وثقة ..وانا عرفاني وظّفن ..


يعني نقدر نقول ... انتي وصلتي لمرحلة بحيث تقدري تميزي الشي الصح و ما تتضايقي من نصايح اهلك


بس بالنهاية الرأي رأيك ... ..

و هذا شي حلو جدا ...و رائع




رح احكي بشكل عام هون لانو من عندي مافي شي هيك ..
ازا كان في تقصير من الشباب .. رح يسبب دمار للاهل .. لانو وقت اللي دي افني حالي واهلك وانا عم امن مستقبل لولادي . وهني دوبن حاسين ... اي هاي لحالا كافية لتقضي ع قلب الاهل (كمثال)


العائلة مبنية على العواطف بين الافراد .. و الا رح يصير البيت فندق ننام فيه .. و كل واحد يعيش وحدو ...






اكيد مو بالتجاهل .. كيف رح تنحل المشكلة ازا تجاهلناها ...
بس اهم شي بالعيلة الحوار واسلوب الحوار ..يعني مو بالعياط والزعيق والضرب .. بالتفاهم بينحل كلشي .. وازا كانت العيلة متفاهمة .. المشكلة مهما كانت كبيرة بتنحل ..

برأيك كشابة في ريعان العمر ..... اذا انفقد التفاهم و المشاكل يوما حاضرة ...


شلون ممكن يتصرف الولد / البنت في ظل تعنت الاهل المفرط على سبيل المثال ... ؟؟


صحيح كل حالة خاصة بذاتها ...
بس في خطوط عريضة ماشية للكل


[/quote]
شكرا كمان مرة:D
[/quote]


مية هلا فيكي و بمشاركاتك معنا :D

العائله مفهوم صار كتير صعب هالايام ...
صعب تلاقي عيله , صعب تلاقي شخص مرتبط بالعيله ...

يمكن جيل هالايام كمان صعب تحددلون المسموح والممنوع لانو خيارتون صارت كتير كتير ومشاغل الاهل عم توقف حائل عن مراقبة الولاد وتوجيههن ..والمشكله كمان بفرق العمر والجيل الي بيكون احيانا الاهل او الاولاد ما بيقدرو يستوعبو انو احتياجات الاجيال بتختلف اهتماماتون بتختلف
الي عوده:D


مرحبا ريم ...

ليش صعب نلاقي عائلة ... اكيد في عوائل ... بس يمكن مفهومنا عن العائلة تغير ...

صحيح كثير مشاكل بين افراد العائلة اليوم ... بس الكل يتمنى تنحل ... لان الكل يتمنى يعيش مرتاح البال و بلا مشاكل ...


تحديد المسموح و الممنوع ... شيئ نسبي بين مختلف الطبقات و بين مختلف المناطق ...

بس لازم مثلا ... احترام الاهل لرغبة الابناء و العكس

لازم يقدروا الاهل ... ان الولد أو البنت لازم يعيشوا حياتهم الشخصية حسب رغبتهم ... و لكن بتوجيه و ادارة الاهل للموقف .. حسب العمر و حسب الشخصية ...



و يا هلا :D

عن جد ما بعرف اذا فعلا فينا نساوي علاقات عائلية افضل
لمى بفكر بهيك شي بفوت بحالة يأس كبيرة
يعني كيف بدك تصلح علاقة آب بابنو اذا الاب بيكون يا مو دارس
او عايش حسب كيف تربى و على زمن جد جدو
او عم يعيش لعيون الناس و الخوف من عيون الناس و المجتمع
وليش في تشدد اصلا ؟ وليش في ممنوع ومسموح؟ مو المفروض انو الطفل عم يعيش طفولتو و عم يكبر من خلال ارشادات وتعاليم و اوامر اهلو.. وبس يكبر ويصير شب بيقلولو نحنا جربنا و منعرف الغلط من الصح.. طيب الشب امتى بدو يجرب يلي تعلمو من اهلو يعني يطبق الحكي والارشادات عملي؟
والمشكلة انو اهل متفتحين و عقلاتون كبيرة و بينحكى معهن بس لمى في مشكلة بالموضوع دغري بيقلك المجتمع و الناس والخ
يعني اكتر المشاكل تفكك العيلة و مشاكل الشباب مع الاهل عم بكون مشكلة اساسية يلي هي المجتمع و الخوف من حكم المجتمع و نظرتو

وماتيا حكت على مساعدة ناس مختصين .. بصراحة انا بشوف هيك شي فعلا نشر غسيل لانو
حتى لو في انسان بدو يساعدك اذا هلام او الاب مو قابل للحوار و عايش على زمن جدي صعب يستوعبك بدك انتي تحاولي تستوعبيه وخصوصي اذا كان الاب او الام كبار بالعمر

اسفة طولت بالحكي و مشكور كتير على الموضوع الحلو:D


هو موضوعنا حتى نناقش شلون ممكن الاهل يتغيروا تجاه اولادهم

شلون الشاب يخجّل الاهل اذا كانوا يتدخلون بكل شي ... يعني لازم يفرض شخصيته على الاهل ... حتى يحترموه و يحترمون القرارات اللي هو يتخذها ..

و بنفس الوقت شلون يقدروا الاهل يمنعوا الشاب من الوقوع من المشاكل ... لان اخطاء الابناء ترجع على الآباء ...


انا برايي ... ما في مشكلة من طرف واحد ... و الكل لازم تشتغل حتى تحسن العلاقات العائلية اذا كانت غلط ...


و اذا وصلت المرحلة للتمرد و المواجهات اليومية ... معناها وصلت الامور الى الهاوية و هذا رح يؤثر على كل شي ... و خصوصا على قرارات الشاب بالذات


و يا هلا :D

موضوع حلو ..... و يعطيكون العافية شباب
مع اني كنت بفضل تناقشوا كل محور لحالو .... لأنو الافكار كبيرة و بتتحمل نقاش


هو فعلا ... المحاور كبيرة ... و تحتاج الى نقاش منفصل ...

بس بكل الاحوال متداخلة ببعض ... و لا مانع يستمر النقاش على كل نقطة ..


و شكرا على مرورك :D

بالنسبة لمسموح والممنوع ...
للاسف انا بشوف انو الميزان يللي تقاس فيه هاي الامور مو الصح والغلط وانما نظرة المجتمع الو والتقاليد يللي سائدة....يعني لما الواحد يكون بدو يسوي شي وينمنع من قبل اهلو لمجرد انو هالشي مو مقبول من قبل المجتمع فهون كيف بدك علاقة عائلية افضل والعيلة بتنحي العقل تماما وبتستسلم وبتفرض علينا الاستسلام لغباء المجتمع؟

اذا ما نفع التفاهم ....

لا الاستسلام يصير حل مناسب ...... و لا المواجهة (المسلحة) هي الحل المناسب ...
. ما رح يمشي الحال


لازم نلاقي حل جديد ... حل يخلي الاهل يخجلوا من فرض امور معينة .. يخجلوا من انفسهم ... اذا فكروا في السيطرة على عقول الابناء ...


يمكن التمرد هو الحل الاخير و ممكن يجيب نتيجة .. !

والحل :clap:

دائما راح يقع على عاتق المتعلم والمثقف لا نو قادر على استيعاب المشكلة

يعني اذا العائلة تتمتع بثقافة عالية راح تكون مشاكلهم بسيطة وقادرين على الحوار والتفاهم وحل المشاكل :hart: :hart:

اما اذا كان الستوى التعليمي والثقافي متفاوت راح يكون شوية صعوبات


برأيي .. المشاكل ما تتعلق بمستوى تعليم الشخص ...


ممكن اشخاص يحملون اعلى الشهادات الجامعية ...
لكنهم متمسكين بعادات و امور غريبة و معتبريها قوانين ملزمة على البقية ... متمسكين بقشور ... !


الثقافة مصطلح و اسع و كبير .. . و اكبر من شهادة جامعية !


و يا هلا :D

اذا ما نفع التفاهم ....

لا الاستسلام يصير حل مناسب ...... و لا المواجهة (المسلحة) هي الحل المناسب ...
. ما رح يمشي الحال


لازم نلاقي حل جديد ... حل يخلي الاهل يخجلوا من فرض امور معينة .. يخجلوا من انفسهم ... اذا فكروا في السيطرة على عقول الابناء ...


يمكن التمرد هو الحل الاخير و ممكن يجيب نتيجة .. !

الاستسلام مو حل معك....المواجهة المسلحة مو حل كمان معك

بس انو يخجلوا من تصرفاتهم فهاد انا ابدا مو معك فيه لانو باللحظة يللي بيكون كلشي ممكن يسوه بحياتهم يفرضوا افكارهم ويحرموا ويحللوا بناء على افكارهم فهون انا بقلك ما في شي ممكن يجيب نتيجة معهم غير انو الواحد يتحمل ويسكت لتيجي اللحظة يللي بكون فيه انو يستقل عنهم..

كثير يعجبني هذا المثل الشعبي ... خجلني بأخلاقه ...


بما انه الانسان ما يحب يجيه شخص ثاني و ينبهو على الغلط (و خصوصا اذا كان الطرف الاخر من المشكلة) ... الانسان يحب يكتشف الغلط بنفسه ...... يعني المسألة متعلقة بتأنيب الضمير ...


و ممكن من خلال تصرفات معينة ... نخلي المقابل يصغي الى تأنيب ضميره من دون اي حساسيات


يعني لازم نقدر نخليه يصغي الى ضميره قبل ما ينظر الى الواقع من عينه الشخصية ...



لنا عودة

صديقي..انت هلق لما تحكي عن عائلة بموروث تقاليد كبير....ما في شي اسمو تأنيب ضمير بالعكس بتعرف شو بصير؟بيتأكدوا انو همو الصح وبيطمنو انو الطرف التاني خضع لافكارهم وكمل الطريق يللي همو رسموه الو...
يا ابني انا ممكن احكي عن تجربتي بس لو فيك تتعمق فيها شو بتحكي لما تكون البنت عورة وبس؟لما تكون مجرد انو البنت تضحك بالشارع بتكون عملت جريمة ولما تتصرف بعفوية بتكون عملت اكبر جريمة؟لما البنت تكون مجبورة تكون بنت المجتمع مو اكتر ساعتها بتحكيلي تخجيل؟؟؟غلطان باعتقادي وكتير كمان

يعني لازم نقدر نخليه يصغي الى ضميره قبل ما ينظر الى الواقع من عينه الشخصية ...

ع قولة جوليا بطرس قدس الله سرها

ما عم بفهم عربي منيح,فهمني شو يعني ضمير؟

مع الاسف يا صديق بهيك زمن وهيك وقت صعب جدا تعتمد ع شي اسمو ضمير

ع قولة جوليا بطرس قدس الله سرها

ما عم بفهم عربي منيح,فهمني شو يعني ضمير؟

مع الاسف يا صديق بهيك زمن وهيك وقت صعب جدا تعتمد ع شي اسمو ضمير

ريمي انا هون ما رح اعطي امثلة لانو امثلتي ممكن تكون خارجة عن نطاق العقل بالنسبة الكم بس خليكو واثقين انو نداء المجتمع المريض كتير اعلى من شي اسمو ضمير...

والضمير ليس الا خناس شيطان بنظرهم لذلك يؤثروا ان يقتلوه

نحكي على المسموح و الممنوع ... نريد نناقش ما هو المسموح و الممنوع للشاب او الشابة ...

يعني شلون ممكن الاهل يوظفوا خبرة حياتهم ... بانشاء و ادارة .. عائلة ناجحة من جميع النواحي ..

اكيد بكل بيت وبكل عيلة المفروض يكون في مجموعة مسموحات وممنوعات يلي هيي عبارة عن الحدود المفروضة على الاولاد ويلي عن طريقها بيقومو الاهل بغرس القيم والمبادئ باولادهن...
بس بهلموضوع بالذات في مشكلتين اساسيات انا بشوف انو معظم الاهل ما بيعرفو يتعاملو معاهن:
المشكلة الاولى
انو في نسبة كتير كبيرة من الاهل بيستعملو مع اولادهن اساليب الفرض والتخويف لحثهم على المسموح ونهيهم عن الممنوع... بدل من انو يوصلوهم لاكتساب هلاشيا عن طريق القناعة الذاتية يلي ممكن يوصلولها بهيك اجيال بس بمساعدة الاهل... يعني بامكان الاهل انو يشرحو الصورة للاولاد بطريقة غير سلطوية او انو يفتحو مع بعض حوار عقلاني خارج عن نطاق الاب والابن والكلمة الاخيرة لمين بتعود... لانو بهطريقة بيبطل الممنوع مرغوب وبيبطل الولد حب استطلاعو الرهيب لكل شي ممنوع ومخبى...
والمشكلة التانية
انو المسموح والممنوع مصطلاحات متفاوتة الحدود...
يعني بتختلف من جيل لجيل ومن مجتمع لمحتمع ومن عيلة لعيلة ومن شخص لشخص
فصعب كتير انو تجي تفرض على جيل يعد جديد نسبيا مجموعة من المسموحات والممنوعات يلي انت بتشوفها مناسبة الك ويلي بتشوف فيها الافضل للاولاد...
يعني كيف ممكن نقرر انو حدود الممنوع عند الاهل هيي الافضل؟ ما نحنا عايشين بواقع بيختلف عن يلي عاشو وبمجتمع كمان بيختلف عن يلي اختلطو معو ومختلفين بكل شي... كيف ممكن انو يكونو بكل بساطة افهم واوعى بس لانو تجربتهن اوسع؟
لهيك بكتير احيان الاولاد مستحيل يتقبلو حدود اهلهن لانو بكل بساطةما بتناسبهن... والمشكلة انو الاهل بحكم حبهن الاستبدادي النا وبحكم خوفهن علينا بيحاولو يحمونا عن طريق فرض هاي لحدود علينا....

هل في حال حصول المشكلة ... الحل المنطقي يكون بتجاهلها .. او بمواجهتها ؟؟ مع ذكر السبب

انا بشوف انو عادةً بأي مشكلة الحل الانسب بيكون انو نواجهها مش نهرب منها... لانو المواجهة بتفتح حوار صريح بين الطرفين وبالتالي ايجاد حل مناسب لمعالجة المشكلة من جذورها... واحيانا المواجهة بتكون لمجرد صب غضب معين مش لايجاد حل... بس برضو هون ما بتضر لانو تفريغ الطاقات دائما افضل من الكبت والكبت بيولد سخط وحقد...
بحالات مستعصية معينة... انا شخصيا بفضل انو اتجاهل شي مشكلة مع اهلي.. والسبب بيعود لانو ما في حل!!!
لما الطرفين بيكونو على قناعة تامة باشيا مختلفة وصعب حدا يقتنع برأي التاني بيصير الجدال والمواجهة بس لتوليد مشاكل اخرى ومش لحل المشكلة... وهيك بتصفي معي شجرة كل يوم عم تطلع فرع جديد ودوامة ما بتخلص... لهيك بفضل انو اتجاهل واسكت واحترم انو هجماعة بيكونو اهلي واتركهن يفرضو رايهن علي لبين ما تفرج....

لازم نلاقي حل جديد ... حل يخلي الاهل يخجلوا من فرض امور معينة .. يخجلوا من انفسهم ... اذا فكروا في السيطرة على عقول الابناء ...

انو يصير هيك شي بعتبرو من المستحيلات... لانو الاهل بغض النظر ازا كانو بيعترفو بهشي او لا وازا كانو بيعتقدو بهشي او بينكروة... بيضل العقل الباطني عندهم بدو يصمم الولد على هواة وبدو يشوف بابنو كل الاشيا يلي ما قدر هو يحققها...
يعني عمليا بس الاهل يقولو انهن بيشوفو حالهن باولادهن... المعنى بيكون مش بس انهن بيفتخرو فيهم وانما انهن كمان عم يشوفو حالهن فيهن وعم يشوفو الاشيا يلي ما قدرو يحققوها عم تتحقق ومن خلال قطعة منهم... يعني ما سمعت انو في اهل بيوم من الايام شافو حالهن بابنهن ازا ما عمل يلي بيرضيهم!!!!
بالاخير الاهل بيفضلو انو اولادهن يطلعو صورة طبق الاصل عن كيف هني كانو بيتمنو انو يطلعو ويكونو ويصيرو... وطموحهم دائما رح يكون حول دفع اولادهن ل"الافضل" (برأيهن هني) وهشي بيولد حب سيطرة مشان الامور ما تفلت من زمامهن...
هشي بعتبرو اعجوبة ممكن تتحقق بس ازا الاهل صارو يآمنو بانو
اولادهم ليسو لهم... اولادهم ابناء الحياة...

بعد ما ناقشنا المحور الاول من سلسلة ... حياة الشباب اللي كان ... نحو علاقات عائلية افضل

و بعد ما شفنا اغلب الآراء .. تنادي بتقويض تدخل الاباء في حياة الابناء ...



اليوم رح نفتح محور جديد عن التربية الجنسية ....


شاركونا .. فيه