the moment of truth هل ستكون هناك نسخة عربية [الأرشيـــــف]

عرض كامل الموضوع : the moment of truth هل ستكون هناك نسخة عربية

Ichigo

09/07/2008, 22:58

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

منذ اسابيع بدات قناة ام بي سي 4 عرض برنامج لحظة الحقيقة the moment of truth البرنامج الاكثر جدلا في امريكا والذي فضح اسرار الناس ودمر حياة البعض ومن المتوقع ان يعرضو النسخة العربية فهل تعتقدون ان هناك شخص عربي قادر فضح اسراره امام العالم من اجل المال هل تعتقدون ان البرنامج سينجح بالنسخة العربية ماهو رايكم

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

MaTyA

09/07/2008, 23:00

غيديون

09/07/2008, 23:05

اي ولو .. يعني فضحوا حالهن بالستار اكاديمي من خلال تصرفاتهن يللي اخدت لمحة مبسطة عنها..

بقى مو بعيدة يفضحو اسرارهن كرمال المصاري

بعدين بيقولوا هونيك افهم منهن.. يعني رح يقولوا انو اذا هونيك عملوا هيك فـ هيك الصح!!!

والله معك حق
يعني بناخد افعال واقوال الغرب وكأنها فرض
ولازم نقوم فيه وإلا بنروح عالنار!!!!!!!
هي سببها عدم ثقة بالنفس وشعور بالنقص كبييييييير

اللامنتمي

09/07/2008, 23:16

بـِ اعتقادي أنَ البرنامج ناجح جداً كـَ فكرة جديدة

لكن ما أستغربه مِن أؤلئكَ الرجال أو النسوة اللواتي يخفينَ أسراراً عن أزواجهنَ

وَ كشفهنَ عنهم بغاية الحصول على المال

فعلاً " الطمع " صفة قبيحة وَ الأقبح هوَ إفشاء تلكَ الأسرار دون مراعاة شعور الزوج أو الزوجة

" المال أساس كُل شَر "

سينجح هذا البرنامج بالنسخة العربية وَ سيلقى أصداءً لا مثيلَ لها

لكن هل سنشاهد جرائم شرف في مُجتمعاتنا العربية بسبب ذلكَ البرنامج .؟

أم سنشاهد أناساً لا يتكلمونَ الحَقيقة مُراعاة ً لشعور ِ الآخر القريب .؟

سننتظر وَ نرى ,.

رأيُك .؟!

yass

09/07/2008, 23:27

هاد النوع من البرامج (هالصيغة بالتحديد) دخلت على احدى قنوات التلفزيون الاسباني من فترة ست شهور أو هيك شي..

أنا ولا مرة حضرتو ... شفت منو مقاطع ببرنامج تاني بيحكي عنو

بصراحة ماني مقتنع كتير انو عن جد بيروحو ناس يشرشحو بعض بهالطريقة.. بعتقد انو هدول يا أما ممثلين يا أما متفقين بين بعض يعملو هيك كرمال المصاري...

هون كمان في شغلة و هيي انو بيقلولك انو هالبرنامج موجود بالغرب و بالتالي هاد منيح... أول شي هيك برامج حتى بالغرب غير محبوبة و لا عندها هالجمهور الكبير (بأوربا على الأقل.. ما بعرف بأميركا) و هالبرنامج بالذات باسبانيا بيعرضوه آخر الليل (يمكن عالوحدة و نص أو هيك شي) و حاطين اشارة منع حضوره لأقل من 18 سنة... فالمشكلة انو اذا نقلتو شي محطة عربية راح ينقلوه عالـ prime time أي الشريحة الوقتية اللي أكتر شي فيها ناس عم يتفرجو عالتلفزيون و ما رح يحطو ضوابط للمشاهدة... و يكونو مقتنعين انو عم يجيبو شي من الغرب.. مالقو غير هالأمور يجيبوها؟ ما بيجيبو أفلام عليها القيمة او برامج وثائقية أو حتى مسابقات علمية...

و كمان في عامل مش ممكن ننساه و هو انو "الجمهور عايز كدا".. يعني لو ما عاملين دراسات جدوى تثبت انو هيك برنامج ممكن يتقبلوه العالم كان ما نقلوه... و بالتالي كمان فينا نحط الحق شوي عالجمهور

Gazita

09/07/2008, 23:40

برنامج مثل هادا بالنسخة العربية راح ينجح بالاستعانة باشخاص عندهم موهبة التمثيل, مثل ماعملت هالة سرحان ببرنامج روتانا.. اللي استعانت فيه ببنات الليل, مشان تنجح الحلقات.ومابظن ابدا انو الجرأة راح توصل بالعرب انو يفضحو اسرارهم.انو اعتدنا على برامج مشابهة نوعا ما لهالبروكرام مثل افتح قلبك بس مو لدرجة الفضايح.
بتمنى هيك برنامج ما يوصل بالنسخة العربية.

MaTyA

09/07/2008, 23:42

عفواً اني رح شذ شوي عن الموضوع بشكل وبآخر..بس بحب احكي نقطة على شي انورد:

اللي استعانت فيه ببنات الليل,.

للمعلومة فقط.. حكيوا انو الفتيات اللاتي طلعوا على روتانا بهالبرنامج على اساس فتيات الهوى
هنّي في حقيقة الامر مش بالضرورة يكونوا فعلاً فتيات هوى .. يعني القصة تمثيلية لغاية ما

حتى تلاحقت هالة على هالحلقة نتيجة اتهامات وُجِّهَت لها من قـِـبـَـل البعض

Gazita

10/07/2008, 00:29

عفواً اني رح شذ شوي عن الموضوع بشكل وبآخر..بس بحب احكي نقطة على شي انورد:

للمعلومة فقط.. حكيوا انو الفتيات اللاتي طلعوا على روتانا بهالبرنامج على اساس فتيات الهوى
هنّي في حقيقة الامر مش بالضرورة يكونوا فعلاً فتيات هوى .. يعني القصة تمثيلية لغاية ما

حتى تلاحقت هالة على هالحلقة نتيجة اتهامات وُجِّهَت لها من قـِـبـَـل البعض
ماتيا ..انا يمكن ما احسنت التعبير بس ذكرت انو عندن موهبة التمثيل ومتل ماقلتي مو ضرورة يكونو فعلا بنات الليل.بس شو كان مصيرهم غير خراب بيوتهم وقت ازواجهم حضرو الحلقة.المهم.. قولك هيك راح يحصل وقت هالبرنامج يدخل للبيوت العربية:sick:

MaTyA

10/07/2008, 00:31

قولك هيك راح يحصل وقت هالبرنامج يدخل للبيوت العربية:sick:

بقلك الجملة المعتادة اني قولها واللي هي :

( ما رح يصير اكتر من اللي صار واللي عم بيصير )

:D الك..واحسنتِ التعبير :D

Gazita

10/07/2008, 01:08

بقلك الجملة المعتادة اني قولها واللي هي :

( ما رح يصير اكتر من اللي صار واللي عم بيصير )

:D الك..واحسنتِ التعبير :D
الله يستر من اللي جاي
الك احلى ماتيا:D مع سمايلي ميمو

MadMax

10/07/2008, 01:15

بصراحة ماني مقتنع كتير انو عن جد بيروحو ناس يشرشحو بعض بهالطريقة.. بعتقد انو هدول يا أما ممثلين

تماماً
هالنوعية من البرامج عادةً بتكون مفبركة .....و أحيان كتير بشكل مفضوح

الباحثة عن الحرية

10/07/2008, 01:35

لكان شو رايك اذا بقلك اني هاد البنامج تم الغائه في كوبا يمكن يا دولة تانية مش متزكرة لما وحدة اعترفت انها استاجرت قاتل محترف عشان يقتل جوزها السابق بس قبل بدقائق تخلت عن الفكرة :shock: يعني اذا هذا الشي ما بخليك تقتنع انو هاد البرنامج كلو تمثيل ما بعرف شو رح يقنعكو ...................بعدين انا ما بفهم هاي الناس الي بتفضح حالها عشان المصاري والشهرة يعني عنجد مفكرين انو بغدرو يضحكو على الجمهور وغير انو في ناس اعترفوا بتاخيانة والسرقة وغير شغلات يعني اتخلة عن شرفهم عشان المصاري واذا صار في نسخة بالعربي انا اكيد مش رح تابعو لانو رح يكون شي تافه وحتى اتفه من النسة الغربية لانو هاد بس الي شاطرين فيو العرب :pos:

Roaa

10/07/2008, 09:28

لو يعطينو مليون بس شارك .. :?.. مستحيييييل ..

وليي وأدام العيله ..:lol:.. بس انو جد شي بضحك والي بشاركو بس بدي افهم عقلهن وين :lol:..

ياريت يطبقو هالبرنامج عالسياسين العرب :sly:

يمان Rooooonaldo

10/07/2008, 09:37

ههههههه انو حكيت كتير بهالموضوع انو ! وين رايحين ايا عرب بدن يتقبلو فكرة انو تنسال هيك اسئلة علين ؟

او بالاحرى لنحكي .. قعدنا هيك عم نحكي مرة
انو شو ممكن يجيبو اسئلة .. ازا ممنوع تقرب على .. الكلام بالجنس .. وومنوع تقرب على الكلام عن ما بعرف شو .. يعني ما لح يتقبلها المشترك العربي ولا بشكل ..

لزلك .. الشي الوحيد اللي خطر عبالنا اسئلة متل .. :

شي مرة جبتي اكل لزوجك من السوق .. وانتي قلتيلو انو هاد طبخك! :o

شي مرّة .. حطيتي حجاب لزوجك تحت الفرشة .

كم مرّة شكيتي بزوجك انو عم يخونك ..

وهاكزا ما بتوقع يكون اكتر .. هلا بالنسبة الي انو ما عندي مانع يطلع هيك برنامج لانو تسالي .. يعني عود واضحاك بس ..

وازا طلع نسخة عربية .. عقد ما حتكون الاسئلة فيو سخيفة .. حيكون حلو البرنامج لزلك بفضلو :p

:D

Reemi

10/07/2008, 09:40

اذا بصير في منو نسخه عربيه فبحب بشركن انو جرائم الشرف رح تزداااااااااااااااااااااا اااااااااد

Government

10/07/2008, 09:45

انا مافهمت شلون فكرة البرنامج يعني ؟؟
انو بيعطو للواحد مصاري وبيكشف كل اسرارو قدام العالم ?

طفوله

10/07/2008, 09:47

اذا بتــقــارنــي اجــوبــة الشخــص كلــها ببــعضــها .. بيــطلــع بــرنــامج استهبال ... ع استبــياخ

بــعديــن .. شــعبنا بــدفــع مشــان التــئســيم والالبنضــه .. مو بــحـاجـه .. مــو بــحــاجــه

Roaa

10/07/2008, 10:04

انا مافهمت شلون فكرة البرنامج يعني ؟؟
انو بيعطو للواحد مصاري وبيكشف كل اسرارو قدام العالم ?
نوو ..

فكرتوو انو بجيبو حدا بيسالوه كم سؤال بالكواليس .. وبكونو موصلينو بجهاز كاشف للكذب ..

هلأ وقت عرض الحلقه لايف .. بينسال هالاسئله ولازم يجاوب عليها بصدق حتى يترفع ويربح اكتر ..

وطبعا بكون معو 3 من ناس مقربين من الضيف \\ اخ .. زوج ام .. وهيك ..

ولازم يحكي الصدق ومايكذب بالاسئله ..

وصلت ؟

x52

10/07/2008, 10:09

انا بقول انو ازا صار منو نسخة عربية وهاد الاشي تم الاعلان عنو

رح يكون مكشوف وبشكل كبير انو كذب وتمثيل او انو محور الاسئلة رح يتغير

لأنو احنا كمجتمع شرقي بندور عالسترة فمين اللي بدو يفضح حالو ااه

Government

10/07/2008, 10:09

نوو ..

فكرتوو انو بجيبو حدا بيسالوه كم سؤال بالكواليس .. وبكونو موصلينو بجهاز كاشف للكذب ..

هلأ وقت عرض الحلقه لايف .. بينسال هالاسئله ولازم يجاوب عليها بصدق حتى يترفع ويربح اكتر ..

وطبعا بكون معو 3 من ناس مقربين من الضيف \\ اخ .. زوج ام .. وهيك ..

ولازم يحكي الصدق ومايكذب بالاسئله ..

وصلت ؟

شو مشان ؟؟
باخد المصاري وبعد بأفلم وبسحب عليه سحبات ميكنة .. مابكزب مشان مايلقطني جهاز الكزب ..بس انو بسحب عليه (ولا جهاز الكزب بكشف السحبات كمان) وبالف عليه قصص من الخيال
بتصير ولا مابتصير ؟؟

Roaa

10/07/2008, 10:16

شو مشان ؟؟
باخد المصاري وبعد بأفلم وبسحب عليه سحبات ميكنة .. مابكزب مشان مايلقطني جهاز الكزب ..بس انو بسحب عليه (ولا جهاز الكزب بكشف السحبات كمان) وبالف عليه قصص من الخيال
بتصير ولا مابتصير ؟؟
ماخرجك تأفلم يا فالح .. :lol:.. شو مخك افهم من الاجهزة :p

يمان Rooooonaldo

10/07/2008, 10:21

wild_angel

10/07/2008, 11:22

انا صراحة بظن انو النسخة العربية لايمكن يوصل مستوا الاسئلة فيها نفس النسخة الاجنبية .. وما بظن انو الفضايح فيها رح توصل لحد العلاقات خاصة انو احنا العرب ما عنا تفاهم ... يعني اذا البرنامج دمر علاقات بعد البرنامج فالنسخة العربية رح يقتلوا بعض مباشر على الهوى

بلاك 1

10/07/2008, 13:43

اذا بصير في منو نسخه عربيه فبحب بشركن انو جرائم الشرف رح تزداااااااااااااااااااااا اااااااااد
:D:p:o
أروع رد شفتو

دؤدء

10/07/2008, 14:05

Sarita

10/07/2008, 14:29

يعني هالبرنامج رح يخرب بيوت كتييرة
امبارح شفت الحلقة الاخيرة
تضرب هديك المرة جرحت جوزها المسكين وهوي بعدو بيوقل رح ضلني معها لاخر العمر :cry: