مرحبا
مسلسل نور غزا البيوت العربية هوي ونظيره سنوات الضياع
رح حط قدامكون هالكم مشهد مو من المسلسل انما من المجتمع
1- فتوى انو المسلسل حرام
2- المسلسل عم يدعو للعلمانية منن انو هيدي رفيقتي وهاد رفيقي والعناق والتبويس وانو بتسافر معه لبلد تاني
وتتجوز دون علم ابوها وماب عرف شو
3- هيك مسلسلات ما بيصير تفوت لعنا
4- هيدي نهفة: جامع بحلب قال اللي بيحلف يمين انو ماشاف ولا قلطة من نور او سنوات الضياع بيروح عمرة ببلاش

شو رايكون بهالظاهرة الفايتة لعنا
وشو رايكون بطق الحنك
وشو رايكون انو معقول الممجتمع التركي هوي متل ما طلع بالمسلسل

يقطع عمرن كلياتن ..بكره المسلسلات ..

اخي هالمسلسل صلو شهرين عبينعرض هو وسنوات الضياع .. وماضل حدا الا انطبل فيه وحكالي عنو وكلو عبتابعو الا انا لهلأ ماصحلي كمل حلقة وحدة .. شو مشان انا صاير متخلف عن العالم ولا هو ماخرج يتابع


بس يازلمة كانو مكسيكي صار .. زكرني بكاسندا ايام :sosweet:
الله يرحم اياما كنت تنزل ع الشارع تلاقي الشارع مافيو الدومري .. كلو عبستنى ع نار
كاساندرا واغانسيو ومدري مين كمان
اخي هي المسلسلات اللي بتعبي الراس مو نور ومهند .. طنطات هدول يازلمة لساتن ولاد ع المصلحة

هلا سبقون مسلسل اكليل الورد بس هداك مسلسل انو كيف الحياة بتركيا بالسبعينات
بتحس هداك كان قصة حب

لك بيجيب الضغط والسكري...

واحلى شي فيه انو مو راضي يخلص

عرأي حسون ما في زي كاسندرا يقبرني الله اللي خلقها

اخي هالمسلسل صلو شهرين عبينعرض هو وسنوات الضياع .. وماضل حدا الا انطبل فيه وحكالي عنو وكلو عبتابعو الا انا لهلأ ماصحلي كمل حلقة وحدة .. شو مشان انا صاير متخلف عن العالم ولا هو ماخرج يتابع


بس يازلمة كانو مكسيكي صار .. زكرني بكاسندا ايام ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
الله يرحم اياما كنت تنزل ع الشارع تلاقي الشارع مافيو الدومري .. كلو عبستنى ع نار
كاساندرا واغانسيو ومدري مين كمان
اخي هي المسلسلات اللي بتعبي الراس مو نور ومهند .. طنطات هدول يازلمة لساتن ولاد ع المصلحة

يا ضرسان ...و لويس دافيد خيو التوم شو نسيتو؟؟..
كمان نور حلو بس ما تابعتوه مشان هيك عم تحكو ...و بالعكس فيو كتير اشيا حلوة منعتبر منا..
بدك مين يقدر..

مو لهدرجة يعني نور عن جد بينشاف و فيه قصة حلوة

بس نحنا العرب روح قلبنا المبالغة و العلاك

يا ضرسان ...و لويس دافيد خيو التوم شو نسيتو؟؟

والله مابعرف مالي متزكرو .. لانو كنت احضرو وانا صف اول .. يعني ماكتير زاكرتي بتساعدني من وقتا
بس كان مسلسل رهيب

والله مابعرف مالي متزكرو .. لانو كنت احضرو وانا صف اول .. يعني ماكتير زاكرتي بتساعدني من وقتا
بس كان مسلسل رهيب

صف او يعني ابتدائي؟؟؟
ما بتزكر انا بانو صف كنت ...
مدري بالتاني اعدادي مدري بالاتدائي بعدني كنت ...ما بتزكر...

القصة مو قصة انو المسلسل فيو قصة معينة شدت الناس لالها

القصة هي قصة التخلف انو كل ما الناس شافوا ممثل حلو بيصرلهون هيام فيه
وبيصيبهن ادمان يحضروا المسلسل ليشوفوه..
القصة قصة انحطاط فكر وقصة لا وعي..انو هالمسلسل فيو قصة

انا اخدت لمحة عنو .. ولا بتابع هيك سخافة..

بنسمع من يللي حضروه انو
القصة هي: زعلت منو زعل منها تصالحوا حملت طرحت رجعت زعلت وهكذا دواليك

اي شو هالقفزة النوعية!!!كأنو شي حدث كل هالقد مهم..شو هالتفاهات هيدي

يروحوا يتابعوا شي وثائقي..شي مسلسل بيعالج قضايا اجتماعية وواقعية بحتة
يروحوا يتثقفوا بشي كتاب .. بشي مصدر معلومات ثقافية بمختلف انواعها

اي يقطع عمر هيك مسلسل انا شفت كم حلقة منو بس هو كتير بايخ وبتركيا انا اصحابي قالولي لانن عايشين هنيك انو ما اخد اي ضجة وبعدين في اخطاء كتيرة بالراكورات


ناهيك انو مهند هادا الشب الساطل النات نجم مجلات ايباحية وبيروج للمثلية وزواج الذكور

ناهيك انو مهند هادا الشب الساطل النات نجم مجلات ايباحية وبيروج للمثلية وزواج الذكور

لك الشب بالمسلسل ما كان الو اي تصرف معيب بالعكس كانت شخصيتو حلوة كتير وتميز وحتى لو هاد الكلام صحيح فما بعني انو نحنا ناخد النظرة السلبية وما نحضرو ...ما لازم نشتغل بالناس ونلتهي فيهم:D

وبتركيا انا اصحابي قالولي لانن عايشين هنيك انو ما اخد اي ضجة وبعدين في اخطاء كتيرة بالراكورات

طيب بنلاحظ انو هون بالمنتدى والموضوع هيدا خصوصي كتار ضد هالمسلسل..
وحتى رفقاتي كانوا يحبوه بس هلأ الكل صاروا بيكرهوه او خلينا نقول الاغلب

وبتركيا ما لاقى نجاح..طيب في هون لازم يتواردلنا سؤال هوي:

ليش كل هالدعم والترويج بالاعلام لهالمسلسل بالرغم من بياختو
وبالرغم من عدم نجاحو ببلدو ومن تراجعو بالوسط العربي"على اعتبار انو بالاول لاقى ضجّة"..؟؟؟!

القصة هي: زعلت منو زعل منها تصالحوا حملت طرحت رجعت زعلت وهكذا دواليك

مزبوط انا هيك لاحظت من كم مقطع اللي شفتن ..


معالييييييييييييييييييييي ييييق :mrgreen:
وهالعرب امعلق منن :mrgreen::mrgreen:

مزبوط انا هيك لاحظت من كم مقطع اللي شفتن ..


اي بس بحب نوّه انو الزعل على شي تافه

شي فاضي..

اذا بتلاحظ انو الامور يللي عم ينزعل عليها هي ما الها خلفية بتعطيها احقية الزعل

يعني دليل ما في قصة معتمدة..هي مجرد قصة ما الها اي اساس

أنا ما تابعت كتير هالأعمال التركية يعني يا دوب كم حلقة من سنوات الضياع لأن ما عندي وقت بكل بساطة وما بتحمل الحبكة البايخة وما حبيت الشباب بالمسلسل :lol:
هلا ليش هالمسلسلات أخدت عقول الناس
بعتقد لانها شي جديد بكل بساطة
يعني أول مسلسل مكسيكي شفناه هو كساندرا أخد عقول الناس وصار في فساتين كساندرا ونظارة كساندا ومدري شو ... بس بعدين وهلا بالفضائيات في كتير مسلسلات مكسيكية عم تطلع بس ما أخذت هالضجة .... ليش ؟
مو لأنو كان كساندرا أحلى أو حبكة درامية أقوى ....لا ... لأن بكل بساطة كل شي جديد بيبهر الناس بعدين بيتحول لأمر عادي
وبعتقد نفس الشي مع مسلسل نور أو سنوات الضياع بكل بساطة شي جديد جذب العالم
يعني تعلق الناس فيه مو كتير مستغربتو بس مستغربة ردود الفعل ضدو متل تحريم الصلاة إذا كان الواحد لابس كنزة عليها صورة حدا من الأبطال

هي الظاهرة جديدة و الفترة معينة بعتقادي انو اي مسلسل تاني مالح ياخد هي الشهرة

بس متل ما حكيتو لانو شي جديد بس العالم بتمل بعد هيك

انا من متابعين سنوات الضياع بس احترء المسلسل لانو الحلقات صارت موجودة كلها على النت وانعرفت الئصة

انا مابعرف بسوريا شو صاير هلئ بس اكيد صار متل ايام كساندرا

يعني هلئ بتلائي صور نور ولميس ومهند بالشوارع وكنزات عليها صور الهم بس هاد شي مابيدوم

بالمناسبة سمعتو انو مهند طلع غاي ... يعني شاذ جنسيا ...

ييييييي علينا مهند مش غاي اول شي اذا كان غاي ما كان بخطب بنت مش متزكرة شو اسمها بس هيك قلتلي صاحبتي
المهم المسلسل حلو و انا حبيتو وما في داعي لكل هاد الهبل كل مسلسل بطلع بصير "ظاهرة" او بصير مسلسل سفطفائي يا هيك شي بعرفش شو هي الكلمة.......... المسلسلات للترفيه مش اكتر وما في داعي لكل هاد الحكي.......................................� �عدين على فكرة المسلسل حلو ومهند حلو لشو الكزب شب حليوة .....................هلق انا ما بفهم بهاي الاشياء بس كل مسلسل بصير الو فتاوى عنجد؟ ما قصدي اي شي بس انا بستغب يعني انا اذا ما كنت احضر نور بعد كل هاد الحكي بصير احضرو يعني قاعدين تناقشو مسلسل نور عنجد؟؟؟؟ :shock::shock: مع احترامي للجميع :D

وجريمة لو كان مثلي ؟

لك علمانية شو اللي عم يحكو عليها؟؟
هنن بينولنا انو في صداقة بين الرجال والمرا بس بحدود لانو بالاخير بينولنا انو مش كل تنين صديقين بتضل هالصداقة >> قصدي بين الرجل وامراة
خصوصا وقت بالاخير بينولنا نية عابدين الزفت



احسنلن يروحو يفتولن بشي اهم مو يفتو عالمسلسات

وما في داعي لكل هاد الهبل

برايك لما نتساءل حوالين نقطة تثير التساؤل بيكون اسمو هبل؟

بحب قلك اذا انتوا مش شايفين في مطرح للتساؤل ما بيعني انو هبل غيركن يشوف في داعي للتساؤل

لا انا مش هيك قصدي واذا هيك فهمتو انا بعتذر :D المسلسلات للترفيه بس وما في داعي لكل هاي الضجة ..................انا كل الي قصدتو انو مو معقول رجل دين يفتي على مسلسل وهاد الشي بالنسبة الي هبل :shock: مع احترامي لكل الاديان :D
يمكن انا غلطت لما استعملت كلمة هبل وبعتذر عن هاد الشي رح قلك رايي ببساطة انا ضد انو الناس تعطي كل هاي الضجة على مسلسل وفي قضايا اهم من هيك للنقاش بس هاد ما بيعني انو النقاش هاد مو مهم بس انو مستغربة للقصة :D

انا كل الي قصدتو انو مو معقول رجل دين يفتي على مسلسل وهاد الشي بالنسبة الي هبل :shock: مع احترامي لكل الاديان :D



ايون.. يعني الهبل عن هالنقطة

فكرت انو لانو صرنا نتساءل قلتي التساؤل هبل

هيك حريتك تقولي انو الافتاء على هيك شي هو هبل..

ما الي علاقة بهالشي..بس كنت مفكرة الحكي موجه الي

المسلسل لا باس به لكنه لا يستحق كل هذا الاهتمام والضجة ففي النهاية قصته عادية لم تات باي جديد ولم اكن اتصور المجتمع التركي هيك واعتقد ان سبب نجاح المسلسل هو كون الدراما التركية ظاهرة جديدة اظافة الى اعجاب البنات المبالغ فيه بالبطل مهند ويال السخرية ففي هذه اللحظة امي تشاهده في الغرفة المجاورة واسمع صوت نور تبكي ههههههه...

ايون.. يعني الهبل عن هالنقطة

فكرت انو لانو صرنا نتساءل قلتي التساؤل هبل

هيك حريتك تقولي انو الافتاء على هيك شي هو هبل..

ما الي علاقة بهالشي..بس كنت مفكرة الحكي موجه الي
لحظة بس فيك تكملي باقي الرد انا كملت وقلت اني يمكن غلطت في كلمةهبل :cry: شوفي منيح شو ناويةتبلينا ؟ :p الحكي ولا لحدا هاد مجرد راي وانا قلتو وانا متاكدة انو في كتار مش عجبهن بس هداك رايهن و انا لازم احترمو وبدي اقول بس انو انا ما قصدي اي شي بهاد الحكي انا بس عم بحكي عن المسلسل ما تفوتوني في 5000 موضوع انا ما دخلني فيهن وبعيد مرةتانية مع الاحترام للجميع :D

مو لهدرجة يعني نور عن جد بينشاف و فيه قصة حلوة

بس نحنا العرب روح قلبنا المبالغة و العلاك

اي بهاي معك حق :D

هو مسلسل ماشي حالو يعني بينشاف بس مو لهالدرجة يلي تخلي الناس مهووسين فيه


:larg:

مسلسل نور بلشت اتابعه من شي ثلات اسابيع وبالعكس ما شفتو انو نسخة عن المسلسلات المكسيكية
واللي عجبني فيه اكثر انك بتحس رغم الغنى اللي عايشين فيه لساتهم متمسكين بالعادات والتقاليد هالشي اللي مابشوفو ابدا ببعض المسلسلات متل اللبنانية اللي بكرهها عن جد .*بتجيبلي الضغط:pos:*
نور مسلسل اجتماعي حبيت كثير قصتو مع اني مو عارفة كيف كان الوضع بالحلقات اللي مرت .
الممثلين تاقنين ادوارهم مثلا مهند مع انو متل ماقالو gay ماحسيناه ابدا انو مثلي بالمسلسل.
وبالنسبة لحالات الهستريا اللي حصلت للبعض بسبب المسلسل هالشي راجع لعقليتهم اللي اتعودنا عليها من مسلسلات المكسيك .ومافي شي جديد بيظهر الا وبينتج عليه حالات بيتضحك وبنفس الوقت بتصدم.

بداية انا بتابع المسلسل فيكن تعتبروني بتابعو تسالي تقطيع وقت فضول اي شي

بس المهم في كلمتين بحلقي

المسلسل دراما خفيفه جدا يعني ما في قصه بتبعت رساله مهمه للمجتمع ...بالدراما السوريه بيكون في قصه بيكون في رساله مهم توصل بنشوف بمسلسلاتنا انون اكتر من مره جابولك العراقيين وفوتتون عالبلد جابولك قانون العقوبات جابو قانون الاحوال الشخصيه جابو انو كيف مسيحي تجوز مسلمه واضطر يغير دينو بيجيبو عن الفقر الفساد وعلاقات الحب وتحديات المجتمع انو ببساطه بيحكو شي عم بيمثلو مو بس لانون بدون يقبضوا مصاري او لانون بس هالمشهد ويالله لالا ابدا من كاتب النص للمخرج كلو بيصور مسلسل الو هدف ..(طبعا عم بحكي عن الدراما المهمه بس ما بيخلا الامر انو مرق كم مسلسل من الي بصوروهن الخمسه بليره بس ما وصلو لدرجة نور يعني)

بعدين اكتر شي بيفلجني بنور الحور ركييييييييييييييييييييك ركيك جدا يعني شي بيفلج ...

ببساطه مجتمعنا تعلق بنور لانو مسلسل سخيف ما فيو قصه وشعبنا بحب الشي الفاضي .. بنتفرج عالمسلسل بنشوف تيابون بيوتون المناظر الحلوه وهيك
بعدين لا تنسوا انو يا حرام في تعطش كبييييير للرومنسيه خطي :lol:

ببساطه مجتمعنا تعلق بنور لانو مسلسل سخيف ما فيو قصه وشعبنا بحب الشي الفاضي

كنت هيك عم قول :D

انو مابعرف ماهينا عم بنشوف افلام أمريكية وبريطانية وهندية وكل الاشيا اللي بنشوفها بعيدة تماما عن مجتمعنا وعن تقاليدنا انو ليش نور بالذات اللي علقتو عليه كل هالقد بعدين كأنو هاي عاشر مرة ينزل تعليق على هالمسلسل ياعيني

علامكم تتهاوشون ترى ماهي بمستاهلة
افا افا افا يعني اذا العالم ماهي بمشغولة شنو تشتغل بحك يلدها يعني..
ورايي بريايل ونساوين المسلسل ماهو بزين . وكلهم طكاكين:larg:

انا برأي

اللهجة السورية هي اللي عطتو حلاوة للمسلسل :lol:.....دخيل النباهة انا

هللق عن جد....

اول شغلة انو مهند جاي...طلعت كدب....لانو المجلة الفرنسية اللي طلع عا غلافها طلعت مجلة متخصصة بالموضة النسائية...ومن الطبيعي يكون عا غلافها صورة شب حلو....وليس لها علاقة بالمثلية واللواطة وهالعلاك
تاني شغلة....المسلسل انشهر لانو شعبنا ناقصو رومانسية ببيتو.....
تالت شغلة باعتبار انو اول مسلسل تركي مدبلج ...اخد هالضجة خاصة انو جمال احد ابطالو قدر يجذب شريحة الصبايا

من الناحية الفنية...المسلسل لا هدف له سوا تبادل الرومانسية.....بيجوز يكون الو تأثير عالعائلات والازواج...ويقوي العلاقات بيناتهون اذا تعلمو طرق جديدة من هالمسلسل

بس كمان ممكن يخرب بيوت عالم تانية.....حسب عقليات اللي عم بيتأثرو فيه

هلأ في كتير نقاط انحكت بهالمجال حابة احكي فيها

1- شغلة الفتاوي : وبغض النظر عن الدين وتحييده عن هالموضوع بتصور أنو أي مسلسل فيو مشاهد مخلة للآداب أو بيهدم العادات والتقاليد أو يدعو للانحراف والفساد بالمجتمع لازم ينمنع وبظن أنو مو غلط إذا طلع شي شيخ أو خوري وحرم شوفة هيك مسلسلات بايخة ، أما شغلة تحريم لبس القمصان يلي عليها صور لأبطال المسلسل ففهمكون كفاية أنو عم يكون مهند معانق نور أو عم يبوسها أو شي منو وبظن أنو هيك مناظر مفروض ما تدخل على دور العبادة ، ما بعرف كيف بتزبط أنو واحد عم يصلي للرب ومخه عم يشتغل بالفيلم أو بالمشهد الرومانسي يلي أدامه ، في كنائس بعرفها بالشام كانت بتمنع البنات من الفوتة عالكنيسة إذا ما كانوا لابسين أواعي محشومة أو حاطين ميك آب تقيل على وجهون لأنو المفروض الوحدة رايحة عالكنيسة لتصلي مو منشان تعمل عرض آزياء ، وبظن بالجامع نفس الشي

2- شغلة العلمانية هي ما فهمتها أنا ، بعرف أنو العلمانية شغلة إلها علاقة بالسياسة وفصل الدين عن الدولة فشو جابها للفيلم وشو علاقتهون ببعضهون

3- يلي حكوا عن الناحية الفنية للفيلم الحوار ، الحبكة ، القصة بشكل عام أنا ما تابعت الفيلم بس يلي فهمته متل ما قال البعض أنو حبوا بعضهون تركوا بعضهم ، زعلت وصالحها ، رجعت زعلت ودلال وشو بيعرفني وآخر شي كأنوا اعتقلوها لنور ما بعرف ليش ،
ما لقيت كتير اختلاف عن الأفلام المكسيكية بس أنو مدبلج باللهجة السورية ويا ريت الدبلجة حلوة بتلاقي حالك حتطقي من السخافة ببعض المشاهد

ييييييييييي هالمسلسل نازعلي مزاجي من كل التلفزيون:x

وين م بروح ما فيه سيرة إلا نور وشو صار معها ومع مهند
كل يوم بيوصلني كومة ايميلات بس مشان مهند ونور:frown:

لك دخيل الله ,, شو الحلوو اللي بالمسلسل بيخليهم هالأد متعلقين فيه
أنا شايفة انه ما اله قصة ولا هدف , هيك يعني بلا طعم

بس على رأي وحدة صاحبتي .. شعبنا يفتقر إلى الرومانسية ومصدق انه هاد رومانسية

امتى يخلص ونخلص من هالحكي الفاضي هاد:jakoush:

ya jama3a ! lesatko msh 3arfen shu il hadaf mn wra hay il mosalsalat ?
into shofo il damar ile 3m btsawe bl mojtama3at wbl atfal yle bystno il mosalsal abil il kbar ! bnat il mdrse il ibteda2ye by7lmo b 3rees mtl mohanad w shbab il tanwye bdhn rfe2a mtl lamees !!!
ES7OO YA 3ARAB !!! :@:@:@

مرحبا
مسلسل نور غزا البيوت العربية هوي ونظيره سنوات الضياع
رح حط قدامكون هالكم مشهد مو من المسلسل انما من المجتمع
1- فتوى انو المسلسل حرام
2- المسلسل عم يدعو للعلمانية منن انو هيدي رفيقتي وهاد رفيقي والعناق والتبويس وانو بتسافر معه لبلد تاني
وتتجوز دون علم ابوها وماب عرف شو
3- هيك مسلسلات ما بيصير تفوت لعنا
4- هيدي نهفة: جامع بحلب قال اللي بيحلف يمين انو ماشاف ولا قلطة من نور او سنوات الضياع بيروح عمرة ببلاش

شو رايكون بهالظاهرة الفايتة لعنا
وشو رايكون بطق الحنك
وشو رايكون انو معقول الممجتمع التركي هوي متل ما طلع بالمسلسل
مبالغات فتوى مافتوى علاك مصدي عم يستغله المهرطقون المشوهون لعقيدتنا
ومافي شي جديد المسلسل يمكن تكون شخصياته واللهجة الشامية البحتة هي يلي عم تخلي الناس تنشد للمتابعة
لاهي ظاهرة ولا شي والمجتمع التركي متله متل اي مجتمع طيف من الألوان متباعدة تارة ومتقاربة تارة

ليك هوه من ناحية فايت بيوتنا .. امبلى فايت ..
انا بالبداية ما كنت بدي اعلئو لهالمسلسل (سنوات الضياع) بس ما ائدرت من كتر الحكي عليه وكمان حلو ...
اما نور ... يععععععععع شو بئرف حاولت طيئو ما حسنت .. بالعربي ما طئتو يععععع ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
اما سنوات الضياع وابلن منو اكليل الورد . اي هدول بينشافو .. كتيييييييير حلوين ..

هاد رأيي .. ما خبصت .. ما ؟؟؟////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

أنا عني متابعة المسلسلين
بس و الله راسي وجعني من كثر الحكي عليهم
لا شو هالحكي كلو "نور" مثلو مثل بقية المسلسلات أو الأفلام (طويل شوي)
بس للأمانة سنوات الضياع أحسن منو
و لو انو مابيستاهل مثل مابيقول البعض ليه عليه كل الجلبة
كل واحد حر فالبرامج لي بيشوفها

لك الله يقرقن هنن وهيك مسلسلات بايخة أزبط مسلسل كان مسلسل اكليل الورد ازبط شي وهدول هلأ شي تافه ومافي اتفه منو لك يروحو يبلطو البحر هدول جماعة نور و سنوات الضياع مابشوف غير حلقة او تنين مابكتر من كتر مو تافه يعني متل ماقلتو بس شافو مهند انسطلو فيه وهو ماكتير يعني وانا كمان سمعت انو شاذ

جنسيا ....وما الى من هي القصص ..الله يقطع عمرن شو انن فاضيين وماعندن شغل ولا كلام يحكو لك وماكان يخلص وكل ماروح عند رفيقة من رفيقاتي تسألني شفتي شو صار ب نور!!! شفتي شو صار ب مهند!!! لك تضربو كلكن سوا ع هيك مسلسل حبيتو تعملوه ..:S

يسلمو ع طرح الموضوع كان لازم نناقش فيو من زمان ...:D:D

سوري أخدت راحتي بالكلام زيادة هاهاها

رأي متل ما البعض كاتب انو نحنا العرب اذا علقنا شغلة خلص منضل راكدين وراها واذا عجبنا ممثل وكان شكلو حلو شوي منصير منعبدو ومنحطو على راسنا.لك لعمى اكترية البنات اللي عم شوفون حاطين صورو لمهند على الموبايلات وطاير عقلهم بيحيى والشباب كل ماشافو وحدة فيها شبه للميس بطلة سنوات الضياع بيصيرو بسمعوها كم كلمة انو بتشهيا.
وكبار وصغار بيكون برات البيت وبيبقا عقلون بالمسلسل ليعروفو الجديد.............اي يعني زودوها كتير كتير مو شوي وتخنوها كتير فهمنا ,,,,........مابيلبقلنا نحنا مسلسلات طويلة هيك وهو بيعل القلب....اما بالنسبة انو مهند شاذ فهاد الشي احتمال كبير يكون اشاعة لانو مافي اشطر من الجمهور بتطليع الاشاعات......وانا متأملة انشاله انو يخلصو الجوز المسلسلين قبل نهاية 2009 انشاله

حاطين موضوع ظاهرة نور ولميس ويحي على قناة الجرس هلاء >>> مع ميرنا وحسين

حدا ينورني و يقلي شو الفرق بين مسلسل نور و باب الحارة ؟

لا ظاهرة ولا شي ما كان صاير متل هالفتاوي ايام المسلسلات المكسيكية .. بس يبدو الشيوخ مشغولين بتفتيق فتاوي جديدة من شان يعملو سمعة لحالون ( الشغل داقر هاليومين فخلينا بمهند ونور وابطال المسلسل التاني

ع فكرة انا ما شفت ولا حلقة من هالمسلسل بس يعني اخباروا كلها ع موقع العربية نت .. وانو هيدا مهند قديش صار خارب بيوت عالم .. يبدو القائمين على هيدا الموقع مسحورين ببطل المسلسل متل القراء والمشاهدين.
بس البحزن انو فعلا ما في دخان من دون نار يعني مستوى وعي الناس كل مانو عم ينحدر من ايام كاسندرا وجر