النعي : وهو عدم قدرة الشخص الناعي على التأقلم والتعايش مع الوضع القائم والموجود . فا يلجأ إلى النعي . كـ وسيلة علاجية
أسبابه : تكمن بوجود هوة عميقة بين الأنا كـ أنا وعدم إستيعاب فكرة الضعف المتأصلة بـ سما ربو .

والنعي ياأصدئاء هو الشيئ الفريد و الوحيد المبدعين فيه . وحياتك . وو حيات غلاوتك عندي .
فا تعالو معنا ياأصدئائي في رحلة حول العالم لتشريح هذه الحالة وبكل موضوعية وتجرد . بركدن بنحس عـ دمنا . وبنصير خلئ وعالم .


انو هيك كم تساؤل عـ كم اشارات تعجب عـ كم كلاشينكوف موجه عـ خلئتك .. ليش ؟ لأنك تنح . أو يجوز يكون مركز الإحساس هادا يلي بتلائي . بلـ الفص الأيمن أو الأيسر . مافارئا . نقرض

مابعرف .. يعني هلأ لما بتنطج سؤال .. عن تخبيصاتك ياباشا ؟
ليش هون .. وهون بلذات بتصير مبندئ بـ اللوفكة والكزب وأكل الهوا .. ليش لـ تنزل كم تمساح عـ كم نمر من السما .

ليش لتتهرب من ئصة انك فاشل .. فكرت شي مرة بـ شي يسما التأقلم مع نفسك ولـ مصلحة نفسك بلآخر يا آفة .

ليش لـ حتى تحسسني انو كل الدنيي وائفة بوش أحلامك وطموحاتك . وحياتك مسال للإضهاد والتعذيب وغواتنامو وهلئتصص . وانتي ياحرام .. ئدام هلـ حرب الضروس فعلاً المشنة عـ ربك .. ما فيك تآتي بحركة .

ليش لـ تسردلي ئصة حياتك .. وو مع كل تخبيصة .. بتكون لحئتا بـ مية عزر و عزر .. وانو الخلايء ناطرتك عل دعسة . ياحرام

ليش لـ تنعي .. وتشلف زبالتك ونتانتك . عـ الزمن والدهر .. وانتي أبو الئرف وأبو الزبالة . وأبو أبوك على أبو لي عبدك .
لك ليش مابتتأقلم مع عيبك يانتن .

وشو كمان .. أي . آلـ ياأالله ماحدا عم يفهمني .
مين هاد لي بدو يفهمك . ولك مين فاضيلك أساسأ .


بعرفك كبير .. وحياة مرت عمي .. بس الـ مشكلة يانتن . انك لك تماشيت مع كزبك . بينك وبين حالك .. عمتحس انو هلمهاترات ليـ عم تطلع معك . مزبوطة


وبـ إعتبار انك كبير. والفهمنة متأصلي بـ دمك . و تئبر ئلبي ريتك . فا اجباري بدك تتفهمن وتعلك . وتحكي سياسة واقتصاد و هلم جرا .
وخود عاد .. تعا ئيمني ..


انا.. ومن هون يعني . مابدي حاسبك .. ولا بدي تئول انا غلطت هون وهون . بعمرك شفت حرامي بئول عن حالو حرامي .. هئ .
بس لاتنعي داخل ع نانتك . أنا .



وفتت بلحالة زيادة عن الزوم .. فا وجعني راسي



بسّ

انو انتي متصور شي بلبل .. طالع علجبل بعد الدعكة الوراثية .



فعلاً . متل ماقال قائل : كدر كدر . حزن عميق

وليك طلّع فيي
مو هلأ تروح تتأريف ... شنو . بعرفك . نفسك بتلعي رأساً .

سلام . اورفوار بونجور بنسوار اوكي . دونت كير

خرسنتنا :lol:

مو مشان شي.. بس مشان نص الحكي ما فهمتو :lol:

شو هاد عمي؟؟؟
مافهمت شي:cry: اول مرة بتصير معي بالعادة افهما عالطاير


يسلمو

حلوين الحكيات كتير يسلمو

وبرأي السبب بهدا ابو التخبيصات الكبيرة الي ممكن كون متلو انو نحنا ما تعودنا نتحمل مسؤولية افعالنا ودائما

الحئ عالاخرين و الناس فهمتنا غلط والدنيا ضدنا وحظنا بئرف ومنعرفو .....

خرسنتنا :lol:

مو مشان شي.. بس مشان نص الحكي ما فهمتو :lol:

بيني وبينك

أريحلك

شو هاد عمي؟؟؟
مافهمت شي:cry: اول مرة بتصير معي بالعادة افهما عالطاير


يسلمو


وبظنا آخر مرة .

ولكم فرناندا

كلام معبر و أفكار مترايطه.. لكن تم التعتيم على الناحية الإيجابية بالموضوع بالفقرة الثالثه.. فهل تمت هذه العملية بقصد صاحب الموضع أم دون قصده..
و ياهلا :larg:

حلوين الحكيات كتير يسلمو

وبرأي السبب بهدا ابو التخبيصات الكبيرة الي ممكن كون متلو انو نحنا ما تعودنا نتحمل مسؤولية افعالنا ودائما

الحئ عالاخرين و الناس فهمتنا غلط والدنيا ضدنا وحظنا بئرف ومنعرفو .....

بـ المفيد المختصر .. هيـ هيي ..

ولكم ياورد

:D

كلام معبر و أفكار مترايطه.. لكن تم التعتيم على الناحية الإيجابية بالموضوع بالفقرة الثالثه.. فهل تمت هذه العملية بقصد صاحب الموضع أم دون قصده..
و ياهلا :larg:

نعم

و انه اليوم الموعود .

تقرقبونا بـ العمليات القادمة .

:D

هلق هالتساؤلات المخبصة انا ما بشفلا غير سارتر يرد عليها :
بالنسبة للسخافات اللي منعتبرها احلام وقدر وقصص ومغامرات : بيقول سارتر برواية الغثيان:((كي يصبح الحدث الأكثر سخافة مغامرة , ما علينا إلا ان نرويه.هذا ما يخدم الناس الإنسان هو دوما راو للقصص يعيش محاطا بقصصه وبقصص الأخرين يرى كل ما يحصل له من خلالها ويسعى ليعيش حياته كلها كما لو انه يرويها لكن يجب الاختيار : ان يعيش او يروي ))

نعستوا ما هيك :p

النعي وما أدراك ما النعي
كلام كبير ومعبر منك أبو رصاصة
:D

هلق هالتساؤلات المخبصة انا ما بشفلا غير سارتر يرد عليها :
بالنسبة للسخافات اللي منعتبرها احلام وقدر وقصص ومغامرات : بيقول سارتر برواية الغثيان:((كي يصبح الحدث الأكثر سخافة مغامرة , ما علينا إلا ان نرويه.هذا ما يخدم الناس الإنسان هو دوما راو للقصص يعيش محاطا بقصصه وبقصص الأخرين يرى كل ما يحصل له من خلالها ويسعى ليعيش حياته كلها كما لو انه يرويها لكن يجب الاختيار : ان يعيش او يروي ))

نعستوا ما هيك :p

انا متبلور ومتقوقع على ذاتي .. تماشياً مع النظرية السابق شرحها وتفصيصها .

ومن عندي بئلك ..

مشّي

النعي وما أدراك ما النعي
كلام كبير ومعبر منك أبو رصاصة
:D


تؤبشيني ياام السوس . ومنلّو الكبر . هذه منغصات حياتية . استحليت أطرشها .

وشو لسا

وميرسي لـ طلتك .

:D

نحن شعب

عنا قدام اقل شغلة
منمسك الربابة و مننعي

نحن شعب

عنا قدام اقل شغلة
منمسك الربابة و مننعي

دكي ياربابة وخلّي الوتر يـــــعّــــن ... أحسن مايتناطحو فيوزاتنا ونــــــجّــــن

:o

:ss:

عالوتر شريك:D

اصلا نحنا هاد الي شاطرين فيه النعي ..والنعي والنعي
والسق والنق ...

الظروف ضدنا ..كل شي ضدنا .. الدنيا ضدنا ..
بنستسلم وبنقعد نضرب كف بكف وبنصفن بالهوا ...مو شاطرين بشي غير بالنعي ..

ومنيح الي طلعنا شاطرين بشي :fthink:

انا مشي شفت الكلاشينكوف ما عاد عرفت كمل قراية
:cry::cry::cry:

شو هالشوطة هي لك يا شوط يا قمر؟
فشيتلّي قلبي .. يسلم تمّك و هالئاف تبعك ..

النعي من أكره الأمور في العالم .. و خاصّة إذا كان الشخص مو لازمو غير كفّين لحتى يفيق و يبطّل أكل هوا

اصلا نحنا هاد الي شاطرين فيه النعي ..والنعي والنعي
والسق والنق ...

الظروف ضدنا ..كل شي ضدنا .. الدنيا ضدنا ..
بنستسلم وبنقعد نضرب كف بكف وبنصفن بالهوا ...مو شاطرين بشي غير بالنعي ..

ومنيح الي طلعنا شاطرين بشي :fthink:


هلأ بما انو .. حاسين بـ مساوئ . هذة الحالة . فا تمام . وبريفكت كمان .

بنكون عمـ نخطي خطوي جبارة لئدام .

ولكم رمرومتنا

:D

انا مشي شفت الكلاشينكوف ما عاد عرفت كمل قراية
:cry::cry::cry:


سقطت سهواً ..

بسيتا

:D

شو هالشوطة هي لك يا شوط يا قمر؟
فشيتلّي قلبي .. يسلم تمّك و هالئاف تبعك ..

النعي من أكره الأمور في العالم .. و خاصّة إذا كان الشخص مو لازمو غير كفّين لحتى يفيق و يبطّل أكل هوا

هي مني ئنا :D ئلك

اخ والله ياصديق
بفترة من الفترات انا كنت هيك ومكترة
كرهت حالي من كتر ما كنت حط اعذار لفشلي بكل شي
يعني اذا رسبت بشي مادة بيكون الدكتور مستقصدني مع انو بالمجمل ما في هيك شي
وبرجع بيني وبين حالي وبضحك وبقول لحالي يابنت لايمت رح تبقى عم تبرري فشلك وتزتي المسؤلية على غيرك
وضليت اسال حالي هالسؤال لحد ماوصلت لمرحلة صرت اعرف انو المشكلب عندي وانو لازم اشتغل على تحسين فكري ونفسيتي حتى اقدر اتحمل مسؤلياتي بشكل افضل
وصرت من فترة مانها بعيدة بطل اعمل حالي فهمانة وبدي ناقش واركض ودافع وعيط وصرخ واخبط
صرت اكتفي بالسمع والتفكير بما سمعت
وللصراحة هيدا قوى نفسيتي وشخصيتي كتير كتير
هالموضوع يلي نزلتو ضرب على قلبي من جوا لاني فعلا كنت فيه بفترة من الفترات
شكرا الك

بنفسجيتنا .

النفس البشرية . متلاي للي خلقا . زبالة وونشح ... وانو تلائي بني آدم .. هيك يعني .. علسراط المستقيم متل مابئولو .. فا دفكلت وو كتير كمان .
بس انك تلمسي و تحسي بـ هلغلط وتحاولي ئد مافيكي تتفادي وتكوعي عنو ... فا هنا تكمن قوة القوة

فا :D