هاد يا جماعة انا مبارح كنت كاتبة موضوع بدي اخد رأيكم فيه بس الظاهر انو انحذف لآنو كان فيه طابع ديني ... وانا هلآ زعلانة لأني ما لحقت إقرا ولا شي من الردود ...

موضوعي هو : في الحياة الزوجية شو هي الاشياء الي بتنحط تحت اطار الحرية الشخصية ؟ ولا بعد الزواج ما بيصير عند الوحدة اي حرية ؟

بمعنى تاني.... لو كان عند الزوج معتقدات او قناعات معينة فهل لازم المرأة تنجبر انو تمشي على الاشياء الي بدو ياها حتى لو مو مقتنعة فيها ؟

وبعدين حتى لو بدنا نقول انو لازم المرأة تصبر .. بس حدود الصبر لوين ؟؟؟

يا ناس انا متزوجة من 6 شهور بس وحاسة كأنون 6 سنين وأغلظ شي لما بيكون الرجال أيام الخطبة عندو بعض الاشياء عادية وبعد الزواج كلشي بيصير بدو يغيرو حتى الاشياء الي ممكن بالنسبة الي تكون حرية شخصية (( اللبس والمكياج فهمناها وقلنا يلا بس لاتسمعي اغاني !!!! ))

وحاسة كأنو حاطط ايدوا على رقبتي وكل مرة بيضغط شوي لغاية ما يجي يوم واختنق ...

هل طلبات الزوج تعتبر أوامر وفرض ولازم تتنفذ من غير تفكير ... أو لازم الدبلوماسية والاقناع ؟؟


شو رأيكم انتو ؟

لا طبعا ما بيسير هالحكي الحياة الزوحية هي اشتراك كامل بين اتنين جسديا ونفسيا وماديا بس مو معناها انو الرجل هو الي يكون مسيطر شو هاد هاي شغلات سطحية جدا وتافهة يعني (انا آسفة كتير عالتعابير) بس اذا كان تدخلو بهالشغلات البسيطة بعد 6 شهور شو رح يكون الوضع بعد 6 سنين يعني حيسير يحرمك تطلعي تزوري اهلك لالالالال مابيسير هيك بصراحة لازم تاخدي موقف وتفهمي انو انتي كائن حي كامل الك عقل والك حرية لتعملي الاشيا الي بدك ياها والي ما بتتنافى مع الأخلاق العامة
انا ماجربت الحياة الزوجية بس هي الي لازم يصير

يا ناس انا متزوجة من 6 شهور بس وحاسة كأنون 6 سنين وأغلظ شي لما بيكون الرجال أيام الخطبة عندو بعض الاشياء عادية وبعد الزواج كلشي بيصير بدو يغيرو حتى الاشياء الي ممكن بالنسبة الي تكون حرية شخصية (( اللبس والمكياج فهمناها وقلنا يلا بس لاتسمعي اغاني !!!! ))



يمكن الرجال الواثق من نفسو ومن مرتو بيحكي بكل هل قصص قبل الزواج ويتم الاتفاق عليها

بس اني كل ما يسمع كلمة من حدا يروح يطبقها على مرتو هاد انسان ضعيف الشحصية
مع احترامي لزوجة


ولي عودة ...........



هلق

لا طبعا ما بيسير هالحكي الحياة الزوحية هي اشتراك كامل بين اتنين جسديا ونفسيا وماديا بس مو معناها انو الرجل هو الي يكون مسيطر شو هاد هاي شغلات سطحية جدا وتافهة يعني (انا آسفة كتير عالتعابير) بس اذا كان تدخلو بهالشغلات البسيطة بعد 6 شهور شو رح يكون الوضع بعد 6 سنين يعني حيسير يحرمك تطلعي تزوري اهلك لالالالال مابيسير هيك بصراحة لازم تاخدي موقف وتفهمي انو انتي كائن حي كامل الك عقل والك حرية لتعملي الاشيا الي بدك ياها والي ما بتتنافى مع الأخلاق العامة
انا ماجربت الحياة الزوجية بس هي الي لازم يصير


المشكلة الاساسية انو كل مرة بتحكي والرجال بيوعد انو رح يتغير وبعد يومين بس بنرجع متل الاول ... يعني اذا كان الرجا جاي من بيئة وعقلية قديمة وانتي من عقلية وبيئة متفتحة لدرجة انو بتحسي انو الاشياء الي عم يعملها تافهة وسخيفة ومو موضوعية... هاد شو الحل تبعو ؟؟


لك تصوروا كل مشكلة بيزعل باليومين والأربعة وبيبطل حتى يحاكيك وبيكون هو الغلطان ومع هيك لازم تضل تترجى لينزل من على عرشوا ويمشي الموضوع ... بس ما بينسى وكل ما تصير مشكلة بيطلعلكون كل أرشيف المشاكل السابقة ...:jakoush:

يمكن الرجال الواثق من نفسو ومن مرتو بيحكي بكل هل قصص قبل الزواج ويتم الاتفاق عليها

بس اني كل ما يسمع كلمة من حدا يروح يطبقها على مرتو هاد انسان ضعيف الشحصية
مع احترامي لزوجة


ولي عودة ...........



هلق


أنا معك بموضوع ضعف الشخصية ...

لك فرضا فجأة بطل يسمع أغاني ... صار لازم انا كمان وقف اسمع اغاني ... لك وين العدل ؟؟؟

يا جماعة لو كنت انا غلطانة قولولي ... يمكن انا غلطانة وشايفة انو أرائي صحيحة وهي في الحقيقة لأ !!!!

واضح انو هو ما بتنازل ومصّر على آرائو..مشان هيك ما بيجي الشغل مهو الا بالمسايرة والنقاش الهادىء..وحاولي تليّني موقفو وتحكي معو بلغتو وخلفيته الثقافية..يعني متلا هو بحكي بالدين انتي كمان احكي بالدين وعرّفيه على الدين بصورته المتسامحة الجميلة :)

وكمان انتي نوعا ما لازم يكون الك موقف محدد وتعرضي عليه مبادئك ومعتقداتك..وحريتك..طبعا بطريقة هادية وبدون ما تحسسيه انو عم تفرضي حالك فرض..بس لازم كمان يعرف انو انتي عندك شخصية تختلف عن شخصيته!!


هامش زغير: شو برجك؟ وهو شو برجه؟..والله بحكي جد!

Reemi قالتلك جملة..فعلاً لقيتها فيها وجهة نظر..انو مو الاعضاء يللي بيقرروا بشأن زواجك (بهيك معنى)

وانا بوافق على هالجملة.. من مبدأ انو انتي ادرى بوضعك.. وبـ خلفية معيشتك.. وزواجك

وادا انحكى هون رأي او نصيحة وعملتي حسبها..يمكن ما تكون مناسبة لحياتك الزوجية..وممكن تفسدها

لهيك..انا بس بحب قلك قبل ما تاخدي اي قرار..فكري منيح..لانو بهيك حالات القرارات حاسمة ومصيرية..ما في مزح

والمفروض قبل الزواج..يكون في مدى كافٍ من التعارف .. المتبادل..

واضح انو هو ما بتنازل ومصّر على آرائو..مشان هيك ما بيجي الشغل مهو الا بالمسايرة والنقاش الهادىء..وحاولي تليّني موقفو وتحكي معو بلغتو وخلفيته الثقافية..يعني متلا هو بحكي بالدين انتي كمان احكي بالدين وعرّفيه على الدين بصورته المتسامحة الجميلة :)

وكمان انتي نوعا ما لازم يكون الك موقف محدد وتعرضي عليه مبادئك ومعتقداتك..وحريتك..طبعا بطريقة هادية وبدون ما تحسسيه انو عم تفرضي حالك فرض..بس لازم كمان يعرف انو انتي عندك شخصية تختلف عن شخصيته!!


هامش زغير: شو برجك؟ وهو شو برجه؟..والله بحكي جد!


انتي متلي بتحبي الابراج .. انا كتير متعمقة بالفلك ...

أنا عقرب وهو أسد ...

Reemi قالتلك جملة..فعلاً لقيتها فيها وجهة نظر..انو مو الاعضاء يللي بيقرروا بشأن زواجك (بهيك معنى)


وانا بوافق على هالجملة.. من مبدأ انو انتي ادرى بوضعك.. وبـ خلفية معيشتك.. وزواجك

وادا انحكى هون رأي او نصيحة وعملتي حسبها..يمكن ما تكون مناسبة لحياتك الزوجية..وممكن تفسدها

لهيك..انا بس بحب قلك قبل ما تاخدي اي قرار..فكري منيح..لانو بهيك حالات القرارات حاسمة ومصيرية..ما في مزح


والمفروض قبل الزواج..يكون في مدى كافٍ من التعارف .. المتبادل..



انا هدفي مو أخد برأي واعمل فيه انا انسانة مثقفة وبعرف كيف اتصرف ..
ومتل ما قلت ل reemi انا انسانة مغتربة ومالي حدا هون وأخوية هي حياتي .. وأخدي لأرائكم بعتبرة كفشة خلق وكلامكم ممكن ينزلي ضغطي المرتفع ...

وشكرا كتير لنصيحتك :D

انا بس بحب قلك قبل ما تاخدي اي قرار..فكري منيح..لانو بهيك حالات القرارات حاسمة ومصيرية..ما في مزح




هو من هل ناحية هو أعقل مني لآنو اكتر من مرة انفجرت وقلتلوا بدي لنفصل وهو يطنشني فيخليني إغلي بزيادة ولما اهدا اندم لأني صراحة بحبو كتير وهاد الي عم يخليني مشيها كل مرة

حبيبتي انتي عم تحكي عن زواج يعني مشاركة بكل شي

يعني متل ماقالتلك ريم مو انا او اي حدا بقرر
انتي ادرى الناس بزوجك انتي يلي اخترتيه وهو يلي اختارك

المفروض تكونوا متفقين على كلشي

ونصيحة باعتبار طلبتيها حاولي تاخدي الجانب الإيجابي
وتقولي انو زوجي مابدو ياني شوف اغاني مثلا لأنو بحبني كرمال ماشوف احلى من او او او
وانتي كمان بلا مايشوف زوجك ها الشوفات يلي بطفش الحية من وكرها:p
لساتك عروس وهو عريسك حاولي تستغلي ها الأيام وحاولي لا تخلقي جو مشحون بينك وبينه كرمال الأغاني وياريت شي بينسمع او بينشاف

وهي شغلة الأبراج نسيلي ياها مع احترامي الشديد الك
ولازم تعرفي شغلة سمعتها من اصدقاء الي متزوجين ومن اقرب شخص الي اختي
انه الزوج بس يتزوج بحس انك انتي صرتي ملكه بكلشي بينظرلك على انك اغلى شي بيملكو
وفعلا بينسى انك انسانه الك حياتك الخاصة
وبصير بعاملك على انك اغلى شي بيملكه وبيحافظ عليكي بقا على كيفه
انتي وشطارتك ولاتنسي انوه مفتاح اي رجل الكلمة الحلوة
وموفقة بحياتك والله يديم المحبة يارب

ان كان تعذيبى يسرك ويرضيك عطنى عذاب وخذ بدالة سعادة
اهجر على كيفك وزد تحديك وانا بدال الهجر احبك زيادة
لك منى ابكى كل ما حل طاريك لين البكا يصبح مع الوقت عادة
مهما حصل يازين مانى بناسيك اسمك نقشتة دمع فوق الوسادة

لا عمرك ... لا عمرك ... لا عمرك

تلغي حالك كرمال حد تاني :cry:

ان كان تعذيبى يسرك ويرضيك عطنى عذاب وخذ بدالة سعادة

اهجر على كيفك وزد تحديك وانا بدال الهجر احبك زيادة
لك منى ابكى كل ما حل طاريك لين البكا يصبح مع الوقت عادة
مهما حصل يازين مانى بناسيك اسمك نقشتة دمع فوق الوسادة

لاتزعلي ولا تنقهري فكري بالشي يلي قلتلك ياه
وفكري انو مفتاح الرجل الكلمة الحلوة

بعدين وين سلاحك الأنثوي استعمليه استعمليه:zen::fhair:

سؤال هو حكى شي بالخطبة وبالزواج اتصرف شي تاني؟

لا عمرك ... لا عمرك ... لا عمرك

تلغي حالك كرمال حد تاني :cry:


أأأأأأأأأأأأأأأأخ Reemi ضربتي عالجرح ... طول حياتي عايشة على مبدأ أولا من انا وشو هو كياني وماذا أريد أن أكون وبعدين الاخرين ومن كتر حبي لهل الانسان كل مرة بتنازل وبمشي على يلي بدو ياه وكل ما بقلوا حاضر بحس جزء مني عم يلتغي وكأني عم اخسر كل ذاتي الي بنيتوا لغاية ما أخلص ووقتها ما عد رح إقدر وقف لقلوا حاج لحد هون وبس ووقتها هكون انتهت كل ذرة من نفسي وقلبي وحريتي وانثويتي وهصير كجواري ايام زمان في عصر سي السيد كفراشة مقصوصة الجناح ... هاد خوفي اذا ما وقفتوا عند حدوا من هلأ

لاتزعلي ولا تنقهري فكري بالشي يلي قلتلك ياه
وفكري انو مفتاح الرجل الكلمة الحلوة

بعدين وين سلاحك الأنثوي استعمليه استعمليه:zen::fhair:

سؤال هو حكى شي بالخطبة وبالزواج اتصرف شي تاني؟


لك لا حكى بالخطبة ولا شي كان غير وهلأ صار شي تاني انو مابعرف شو بيصير للرجال بعد الزواج بيستقووا ؟؟

وبعدين تعبت من الكلام الحلو وحتى السلاح الأنثوي ماعد يفيد ... لمعلوماتكم هو كل ما بيزعل بيطلع من البيت وبيصير بيرفض حتى انو يرد على التلفون وبصير انا مافي غير ببعت بمسجات هل الاعتذار والترجي مع انو برأي مو غلطانة .. اي واستنوا يوم يومين حتى يهدا ويرجع ... لأ والي بيجنن انو بيرجع حتى ما بيحكي بالموضوع وبيتصرف ولا كأنو شي صاير وانا القهر كل مرة بيتراكم لغاية ما إنفجر ... لا عندوا اسلوب تفاهم ولا حوار ..

في ناس نصحوني قال مافي شي بيربي الرجال وبيمشي على كيفك قد التطنيش وما نسأل فيون حتى هني يحكوا معنا .... في حدا مجرب هل الموضوع ؟؟

لك لا حكى بالخطبة ولا شي كان غير وهلأ صار شي تاني انو مابعرف شو بيصير للرجال بعد الزواج بيستقووا ؟؟

وبعدين تعبت من الكلام الحلو وحتى السلاح الأنثوي ماعد يفيد ... لمعلوماتكم هو كل ما بيزعل بيطلع من البيت وبيصير بيرفض حتى انو يرد على التلفون وبصير انا مافي غير ببعت بمسجات هل الاعتذار والترجي مع انو برأي مو غلطانة .. اي واستنوا يوم يومين حتى يهدا ويرجع ... لأ والي بيجنن انو بيرجع حتى ما بيحكي بالموضوع وبيتصرف ولا كأنو شي صاير وانا القهر كل مرة بيتراكم لغاية ما إنفجر ... لا عندوا اسلوب تفاهم ولا حوار ..

في ناس نصحوني قال مافي شي بيربي الرجال وبيمشي على كيفك قد التطنيش وما نسأل فيون حتى هني يحكوا معنا .... في حدا مجرب هل الموضوع ؟؟

انا مجربته لما كنت مخطوبةونفع وكتيييييييييير
وفي ناس متزوجين جربو ومشي الحال وناسمامشي الحال لكل انسان حاله

انتي غلطتك انك عم تصالحيه وهو الغلطان المفروض ماتصالحيه المفروض يحس بغلطه
بهيك حاله بقلك طنشيه وان شاء الله خير

سألت عنك بحور الشوق...سألت عنك عذاب القلبأقف كل يوم بين اطياف الآه أناجيأشباح وحدتي...

أتمناك بقربي تواسي بالدمع وحشتي....

أردتك حاميا فلمأجدك بقربي وقت حاجتي....

و قد قلت لي يوما بأن دموعي مقدسة....فلم تركتالدمع فوق الوجنتين يسري...؟؟؟و قلت لي بين ذراعيك أماني و مأمني...فلم لمتكن هنا عندما عصفت ريح الوحدة بأيامي...؟؟؟اليوم ابكي لوحدتي...و القدربكل قسوة مزق كل الأماني لقربك...

اليوم أراك حلما لم يعد لي...و حكم الزمانبألا تكون ملكي...

كم أشتاق إليك و انا أتلحف بغطائي لوحدي....

كماتمناك بالقرب مني....تلمس بحنان اناملي...

و تضم جسدي البارد إلى جسدكالدافئ و تناجي قلبي...

كم أشتاق لقبلاتك الرقيقة تنثرها بخجل علىشفاهي...

و لكل همسة تنادي فيها بشوق نفسي...

ليتك تدرك كم كان منالصعب علي أن اراك تعاني....

و كم تأوهت روحي مع كل دمعة من عيونكتقاسي....

أدركت للحظة بأن اللقاء بيننا كان الأخير...و أن ليس لنا بعدهلقاء ثاني...

و بعد أن تشابكت بالآلم أيادينا...حملت بين يديكقلبي...

و أريدك أن تعلم اليوم بأن الحب الذي أحمله لك لن يكون لغيركيوما....

و القلب الذي أخذه يوم الفراق حملت فيه كل مشاعري...

انتهىمن بعدك كل حلم جميل و أمل بريء بنيته لأجل عينيك....

انتهى بعدك كل شيء فيحياتي...

و رغم البعد الذي فرق أجسادنا إلا أن روحك لا تزال تسبح في بحرغرام روحي...

و قلبك لا زال معلقا بحبال قلبي...

و كل لحظة...كلهمسة..كل لمسة....لا يزال حافظا لذكراها عقلي...

و اليوم و كل يوم في محرابحبك المقدس....

أصلي أن تكون بخير و أن يظل وجه السعادة باديا في محياك حتىمن بعد حبي...

لأن حبي لك يسمح لي أن أموت لتحيا منبعدي...

أحبك...

ولازم تعرفي شغلة سمعتها من اصدقاء الي متزوجين ومن اقرب شخص الي اختي
انه الزوج بس يتزوج بحس انك انتي صرتي ملكه بكلشي بينظرلك على انك اغلى شي بيملكو
وفعلا بينسى انك انسانه الك حياتك الخاصة
وبصير بعاملك على انك اغلى شي بيملكه وبيحافظ عليكي بقا على كيفه


هاي الشغلة بترجع للزوج و 5 بالمية من الازواج العرب بيساوو هيك
بس في 95 بالمية بيعتبرو المرا خادمة عندهن انو جابو مرا عالبيت مشان تلبيلهن متطلباتهن من طبخ وغسل وترتيب وتنضيف بالاضافة للمتطلبات الجنسية وغير هيك ولا شي

هو من هل ناحية هو أعقل مني لآنو اكتر من مرة انفجرت وقلتلوا بدي لنفصل وهو يطنشني فيخليني إغلي بزيادة ولما اهدا اندم لأني صراحة بحبو كتير وهاد الي عم يخليني مشيها كل مرة

يا اختي هلق مين قلك انو هوي اعقل منك ؟؟ ولا انت مقتنعة بهاللت والعجن:frown: بعدين ععن جد رح اخوت يعني بدي تعريف للحب واحد مطنشك وما قايملك مكانة وبيدخل باقل تفصيلات حياتك وبعدين بتسموه حب :shock: شو هالحب يلي مقتل بعضو مني وعليي والله كنت طلقتو واساسا واضح انك لما اتزوجتيه ماكنت بتعرفي عنو شي وضلي مشيها لتخبطي شي مرة ع راسك ويا بتفوقي يا بتبطلي تتطلبي مساعدة عن طريق اخوية :sick:.

الصبر جمييييييييييييييييل ياجميييييييييييييييل ......... وحافظي عالراجل لايطير منك

بس شي واحد اوعك تحبلي منو هلق عدي للمية قبل ما تعملي هالشي ..
بس تضمني انو صار منيح و فيا م تكملو بقي فكري قبل هيك لا تعملي ...
و بالنسبة لسؤالك ما بعرف بيجوز رفقاتو عم بياثرو عليه...او عجز عن شي عم يفش خلقو فيكي ما بعرف بس حاولي تحكيه و تفهمي منو شو القصة

شوفي حبيبتي .. أنا ما بدي أنظرلك حكي ممكن يفيدك وممكن لا .. لأنو انتي الوحيدة القادرة انك تحلي مشكلتك بايدك وخصوصاً انك بتعرفي طباع زوجك وتصرفاته

بس اللي بعرفو أنو في شي اسمو حقوق الطرف التاني واحترامه .. يعني باختصار لما بيكون في أي شي بيريدو منك فمن المفروض أنو يحكي معك فيه ويناقشك فيه وعلى هالأساس بتتفقو عليه .. مو يجي خبط لزق يعطيكي أمر فيه وبس

بعدين لما بيكون غلطان ليش لحتى تصالحيه انتي !!! المنطق بيقول أنو هوي نفسو اللي لازم يصالحك .. وأي رجل مكانو سواء كان شرقي أو غربي لما راح تتصرف أي امرأة معو متلك أكيد راح يشوف حالو عليها ويطنشها طالما هيي نفسها بتصالحو على طول سواء كان غلطان أو لا

سوري منك إذا أزعجك رأيي .. بس تأكدي أنو لازم تحددي موقفك لأنو هيدي عيشة عمر .. مو يوم أو يومين .. بعدين لما بيصير أي موقف حاولي انك تطنشي وصدقيني أنو هالشي كتير بينفع بهيك مواقف مع الرجل (محسوبتك متزوجة وعندها خبرة بهيك مواقف :p) وتأكدي أنو لو غلطان معك راح يحكي معك بالموضوع ويصالحك ..

حاولي تفهمي زوجك وجهة نظرك لحتى يستوعبك .. ومرة على مرة راح يحاول يتقبل أنو انتي الك رأيك وشخصيتك .. وان شاء الله بنسمع منك الأخبار الطيبة ..

:D :D

هاد يا جماعة انا مبارح كنت كاتبة موضوع بدي اخد رأيكم فيه بس الظاهر انو انحذف لآنو كان فيه طابع ديني ... وانا هلآ زعلانة لأني ما لحقت إقرا ولا شي من الردود ...

موضوعي هو : في الحياة الزوجية شو هي الاشياء الي بتنحط تحت اطار الحرية الشخصية ؟ ولا بعد الزواج ما بيصير عند الوحدة اي حرية ؟

بمعنى تاني.... لو كان عند الزوج معتقدات او قناعات معينة فهل لازم المرأة تنجبر انو تمشي على الاشياء الي بدو ياها حتى لو مو مقتنعة فيها ؟

وبعدين حتى لو بدنا نقول انو لازم المرأة تصبر .. بس حدود الصبر لوين ؟؟؟

يا ناس انا متزوجة من 6 شهور بس وحاسة كأنون 6 سنين وأغلظ شي لما بيكون الرجال أيام الخطبة عندو بعض الاشياء عادية وبعد الزواج كلشي بيصير بدو يغيرو حتى الاشياء الي ممكن بالنسبة الي تكون حرية شخصية (( اللبس والمكياج فهمناها وقلنا يلا بس لاتسمعي اغاني !!!! ))

وحاسة كأنو حاطط ايدوا على رقبتي وكل مرة بيضغط شوي لغاية ما يجي يوم واختنق ...

هل طلبات الزوج تعتبر أوامر وفرض ولازم تتنفذ من غير تفكير ... أو لازم الدبلوماسية والاقناع ؟؟


شو رأيكم انتو ؟
..مشكلتك عويصة!.. يعني وقعتي بمطب النفاق..
يا بتصيري انت كمان منافقة .. وبتمشي حياتك.. متل مو ماشية حياة أكتر من تلت رباع البشر
ياأما بتكوني يتختاري الرجعة!.. :jakoush:
لازم تاخدي قرارك انت لأنها حياتك انت.. وكتر الحكي والشكوى ما بفيد
بدك تحسبي النتائج وتكوني على استعداد لتحملها.. أيا كان الاختيار..

نصيحة: خدي قرارك قبل ما تتورطي وتجيبي ولاد.. لأنو الموضوع بصير أصعب.
-اعذري صراحتي -

هاي الشغلة بترجع للزوج و 5 بالمية من الازواج العرب بيساوو هيك
بس في 95 بالمية بيعتبرو المرا خادمة عندهن انو جابو مرا عالبيت مشان تلبيلهن متطلباتهن من طبخ وغسل وترتيب وتنضيف بالاضافة للمتطلبات الجنسية وغير هيك ولا شي


كلامك درر .. ومساس للواقع العالمي عن جنس أدم ... قليل كتير يلي ما بيطبقوا على الحكي ...

يا اختي هلق مين قلك انو هوي اعقل منك ؟؟ ولا انت مقتنعة بهاللت والعجن:frown: بعدين ععن جد رح اخوت يعني بدي تعريف للحب واحد مطنشك وما قايملك مكانة وبيدخل باقل تفصيلات حياتك وبعدين بتسموه حب :shock: شو هالحب يلي مقتل بعضو مني وعليي والله كنت طلقتو واساسا واضح انك لما اتزوجتيه ماكنت بتعرفي عنو شي وضلي مشيها لتخبطي شي مرة ع راسك ويا بتفوقي يا بتبطلي تتطلبي مساعدة عن طريق اخوية :sick:.


هو من هل الناحية انا فكرت كتير ووصلت لشبه تأكيد انو هل الانسان ما بيحبني ... لكن برجع بفكر بكل المشاكل الي صارت حتى قدرنا ناخد بعض وبقول لحالي لو كان ما بيحبني كان من الاول طلع حالوا وما كمل الطريق

الصبر جمييييييييييييييييل ياجميييييييييييييييل ......... وحافظي عالراجل لايطير منك


هاد حكي ايام زمان اما هلأ فإذا طار الرجال في مية غيروا ....

انا هدفي مو أخد برأي واعمل فيه انا انسانة مثقفة وبعرف كيف اتصرف ..
ومتل ما قلت ل reemi انا انسانة مغتربة ومالي حدا هون وأخوية هي حياتي .. وأخدي لأرائكم بعتبرة كفشة خلق وكلامكم ممكن ينزلي ضغطي المرتفع ...

وشكرا كتير لنصيحتك ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


هلق انا شو بفهم من كلامك يعني ؟ خصوصا اللي محدد بالاحمر؟
يا ستي ما دامك فهمانة وعاقلة وبتحبيه اعملي اللي بيقلك عليه راسك او سايسي زوجك واعملي اللي بيقلك عليه من تم ساكت
بعدين هاد زوجك وابو عيالك ومعزّب بيتك ما؟
ويعني خلص هلق انتو مرتبطين ما في مجال يا اما بتتفاهمي معو يا اما بتنصاعيلو واحد من تنين
وحطي عقلك براسك تعرفي خلاصك.....
هلق انو تشكي منو وتكتبيلو قصائد شلون هي والله اتخوتت خيتو؟مش عارفة ش بدي قول :?

هو من هل الناحية انا فكرت كتير ووصلت لشبه تأكيد انو هل الانسان ما بيحبني ... لكن برجع بفكر بكل المشاكل الي صارت حتى قدرنا ناخد بعض وبقول لحالي لو كان ما بيحبني كان من الاول طلع حالوا وما كمل الطريق

لا يا اختي ليش ما يكمل الطريق ؟؟؟؟ يعني هي انت عم تعملي يلي بدو ياه وكل اعتارضك زعلة او حردة من دون اي تأثير ولو توضيح للتصرف . بعدين يعني غابا لما بتصير مشاكل لاتنين ياخدو بعض بيصيرو بركزو ع انو بدون يضلو سوا هيك جكر وما عاد بيهتمو بفهم بعضون ع الاقل هيك رايي

عزيزتي

أول شي بدي قلّك انو عنجد زعلت عليكي
ما في شي أصعب من هالمزيج : تناحة + قلة فهم ( مع احترامي )

بس بدّي قول شغلة وحدة .. إذا صار بينكم خلاف .. و صدقيني أنا مجربة .. احكي معو بجديّة .. و لا تخليه يشط و يمط بالموضوع لأنو الرجال بعد شوي بيكبر راسن و بيصير بدن يثبتوا رجولتن عليكي حتى لو نسيوا الموضوع
تاني شي إذا طنّشك طنشيه تماماً .. و خليكي قويّة .. أبدا ما تعوديه يغلبك و هو عارف انو غلطان .. بيصير يعني بلا مؤاخذة بيعتبرك متل الحمار بيركب عليه و بيمشيه و ين ما بدّو ..
و بيضل المتل القديم صح : ابنك على ما ربيتيه و زوجك على ما عودتيه
الرهان عليكي انتي .. هيك مواقف بدها منك ذكاء و صبر و قوّة .. و ما تحاولي كتير تتكلمي بأمور الحريّة لأنو هو من
جوّا بيعرف لما بيتعدى على حريتك . بس مل ماقالو من قبل هو بيعتبرك ملك إلو..

بس عنجد أنا زعلانة عليكي

بس شي واحد اوعك تحبلي منو هلق عدي للمية قبل ما تعملي هالشي ..
بس تضمني انو صار منيح و فيا م تكملو بقي فكري قبل هيك لا تعملي ...
و بالنسبة لسؤالك ما بعرف بيجوز رفقاتو عم بياثرو عليه...او عجز عن شي عم يفش خلقو فيكي ما بعرف بس حاولي تحكيه و تفهمي منو شو القصة


لا تخافي علي هي اول شي فكرت فيه مو ناقصني مصيبة أنا بالمرة ... هي ورطة صراحة ,, الواحد اول يستقر وبعدين بيفكر يجيب ولاد ...

عزيزتي

أول شي بدي قلّك انو عنجد زعلت عليكي
ما في شي أصعب من هالمزيج : تناحة + قلة فهم ( مع احترامي )

بس بدّي قول شغلة وحدة .. إذا صار بينكم خلاف .. و صدقيني أنا مجربة .. احكي معو بجديّة .. و لا تخليه يشط و يمط بالموضوع لأنو الرجال بعد شوي بيكبر راسن و بيصير بدن يثبتوا رجولتن عليكي حتى لو نسيوا الموضوع
تاني شي إذا طنّشك طنشيه تماماً .. و خليكي قويّة .. أبدا ما تعوديه يغلبك و هو عارف انو غلطان .. بيصير يعني بلا مؤاخذة بيعتبرك متل الحمار بيركب عليه و بيمشيه و ين ما بدّو ..
و بيضل المتل القديم صح : ابنك على ما ربيتيه و زوجك على ما عودتيه
الرهان عليكي انتي .. هيك مواقف بدها منك ذكاء و صبر و قوّة .. و ما تحاولي كتير تتكلمي بأمور الحريّة لأنو هو من
جوّا بيعرف لما بيتعدى على حريتك . بس مل ماقالو من قبل هو بيعتبرك ملك إلو..

بس عنجد أنا زعلانة عليكي

شكرا كتير كتير كتير على النصيحة ...:D

العفو .. المهم تفيدك ..
بلكي شي يوم بتكتبيلنا شي خاطرة حلوة عنكم و انكم رجعتوا متل الاول و أحلى

العفو .. المهم تفيدك ..
بلكي شي يوم بتكتبيلنا شي خاطرة حلوة عنكم و انكم رجعتوا متل الاول و أحلى


هو من ناحية انو رجعنا فإحنا رجعنا من اليوم الصبح ... بس متل العادة ولا كأنو مسوي شي وما عندوا استعداد يتفاهم بالموضوع ...

أنا مو قادرة احكي معو كأنو ولا شي صاير وصراحة لسا شايلة بقلبي عليه ومن جوا زعلانة ....

قد قتلت قلبا قتلوه مسبقاً..وكيف يهاب الموت من كان قتيلا..
اقحمت نفسي في هواك وعدت مجدداً ..وعلمت ان مثل هذا الحب يستحيلا..
فادركت انك ابتلاء ربي ..وكيف للضمآن غير الماء بديلا

مو قادرة احكي معو كأنو ولا شي صاير وصراحة لسا شايلة بقلبي عليه ومن جوا زعلانة ....




يا عين ييا روحي افهمي عليّي .. هو ما بيفتح الموضوع لأنو ما بيعرف يتنازل ..و لأنو مبسوط كتير
انك طلعتيه ربحان متل العادة .. ليش لحتى يفتح الموضوع طالما ربح و مشي الحال؟

يعني حللي هالموقف: عملّك مشكلة, تخانقتوا, زعل و ما عاد يتحاكى, بلشتي انتي تراضي فيه، رجع

ليش بدّو يفتح الموضوع من جدييييد ؟؟؟؟

لازم تطنشيه و ما تخافي رح يعرف انو لساتك حاملة عليه ( أو ) إنو الموضوع من أساسو ما بيهمك
و بالحالتين رح يجي و يحكي معك .. صدقيني

هلاء اول شي متل مافهمت منك انك بتحبيه يعني شو المانع اذا خليتيه يتحكم فيكي ببعض الامور انتي عم بتقولي عنا تافها يعني من وين رح تلاقي انسان تفصيل على كيفك وبما انو عم يشوف حتى الاشياء البسيطه وعم يتحكم فيها احسن من انو يكون ماعم يشوفك بلمره وعلى فكره هل الامور بتنحل بمستقبلبقشرط ماتحمليها اكتر من حجمها وتمنياتي الك بلتوفيق:D

هلاء اول شي متل مافهمت منك انك بتحبيه يعني شو المانع اذا خليتيه يتحكم فيكي ببعض الامور انتي عم بتقولي عنا تافها يعني من وين رح تلاقي انسان تفصيل على كيفك وبما انو عم يشوف حتى الاشياء البسيطه وعم يتحكم فيها احسن من انو يكون ماعم يشوفك بلمره وعلى فكره هل الامور بتنحل بمستقبلبقشرط ماتحمليها اكتر من حجمها وتمنياتي الك بلتوفيق:D


صراحة مابعرف مين يلي حقيقي عم يحملها أكتر من حجمها ... إحنا ولا الرجال ...:D

بصراحة بصراحة ...
هلق النسوان صارت طلباتون كتيري بهالزمن...بالغربة ؟الغربة بايدك انتي ختاريتي ...هلق كل القصة بايدك انتي لو بتندمي يعني كنتي كتير فاشلة باتخاز قرارك ...
و المشكلة فيكي انتي مو بجوزك...
شوفي حبلك تعيشي معو اوكيه ما حبلك طلقيه و صلى الله و بارك ...