تـحت شـعار اخـتلافنا خلافنا نـرفع مـوضوع حـوارات فنـيّه ..
المـوضوع للحفاظ على صـلاحيه الطابع الفنّي للمواضيع اللي عم يصير فيها خلاف نـقاش بوجـهات النـظر المـختلفه حول الافكار الفنيه المطروحه بقسم الرسم و التـصوير و حتى قسم الكاركتير في بعض الاحيان ..
بنـقوم بتـسليط الـضوء على المـوضوع الاكثر جدلا و بنقوم بمناقشته بهالموضوع هون بـعيدا عن الطرح الفنـي اللي عم يـتقدم بالموضوع نفـسه ..

رح نبدى بمـوضوع الفن الـعاري و رح قـوم بنـسخ الحـوارات الاخـيره اللي دارت فـيه الى هـوون ..
الرابط الاصلي للموضوع : ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

رجـع انفـتح الحـوار عن مدى تـقبل الفن الـعاري وقت المـحارب الـعتيق طرح سـؤاله :

شباب بعد أذنكم فيكم تشرحولي كيف فيني شوفهم فن . لأني بصراحة مابعرف كيف بنظرلهم كفن . حتى ميز بالجماليات الفنية لكل صورة عن الأخرة , وصير أتذوق هاد الفن :D

بكل بساطة انسا كل الفتحات وركز علي انسيابية الجسم وتناغم مع المكان بالاضافة لتفاصيل كتيييييييرة بتكون موجودة بالصورة بتعطي هالصور نوع من الجمال الي مافيه حدا يشكل بعيد عن هالوعاء:D
عفكرة لو بتلاحظ باخر صور حطيتن مافي اي عضو تناسلي مبين وغير الصورة الاولي مافي ولا صدر مبين
هلق ضمن الموقع الي جبت فيه الصور كان في لوحات بدها تجرد اكثر بس اتجنبتها لان نحنا كمجتمع لساتها صعبة عنا هالفكرة
بتمني هالموضوع يكون خطوة اولي للشباب الموجودين معنا ليقدرو يتذوقوا هالشي بعيد عن الرغبة والجنس:D

مابعرف شريك من جهتي ما أقتنعت . كنت مفكر أنو في شي غير مرئي أو رسالة ممكن توجهها اللوحة . بس بعد كلامك كل القصة أنو تمثال بس بشكل كامل مع أعضائو التناسلية . يعني بعتقد لكل فن رسالة , وماقدرت حدد رسالة الفن العاري . مثلا بالفن التجريدي فينا نعبر عن الألم أو عن الفقر ونحس فيه . أما بالفن العاري كيف بدنا نعبر عنهم :D

444


للاسف هلق انا نزلت 5 صور انحذف 4 منن
كان ضمن وحدة منن رسالة من الي رواد الفن الي بيدورا علي رسايل بيفهموا
بس تعا معي
في شي رسالة بتستلمها من ضحكة طفلة ؟ من منظر عين عم يخدق منها الماي لبركة صغيرة؟
من سهل اخضر فيه صخور ؟ الجسد الانساني واعتمادا علي النصوص الدينية هوه اجمل شيئ خلق وبالتالي انا بلاقي الرسالة الي بهالصور هيه الجمال الصرف بعيد عن الفلسفة والرسائل المبطنة الي لاربما بعض من هالصور بيحويها :D:D

elawahat sahle enek tchouf fihoun eljaneb elfani rakez 3ala etiknyat el alwan nafas elfanan la trakez 3ala erasma bes 3ala tarikat rasmha ou 3ardha bibasata choufhoun bi 3eyn fanya ou bes
ama esowar fa sa3b trakez 3ala eljaneb elfani fi ba3d esowar leanou bibasata ma fiha chi fani yebher wa enama echi yali byelfet enadar houwa elmodel
:D


ماحدا مضطر يقنع حدا بجمالية هذا الفن العاري...بيجوز البعض مابيقدر يشوفه فن لأنو بيخليه يشطح بتفكيره لمحل تاني...

يللي بيحب يتذوقه ويستمتع فيه...أهلا وسهلا فيه
ويللي ما بيحب الله معه...

يعني عن شو عم يحاول الاشخاص المعارضين يعبرو؟؟؟أنو هن أتقياء..؟؟هن محافظين؟؟أنو ما بيحبه الفن العاري؟؟أنو غيورين ع مشاعر الاخرين؟؟

(همس...كم واحد من يللي عم يدّعو انو هالموضوع مثير للشهوات ولازم ينحذف....كم عندو فيلم XXX ع كمبيوتره...)

اذا كنت قاصد تجاوبني الي . فعيب هلأسلوب بما أنو فن أنا ما جبت سيرة الس*** . وبالنسبة لأخر سطر ماعندي ولا فلم , بس ياترى أنتي متذوق شي من الفن يلي عمتدافع عنو ببيتك

مو بالضرورة انت...ما في شي شخصي بيني وبينك...بالنهاية انت واحد من كتار غيرك بيحمله نفس وجهات النظر...وفيك تقول انه هاد الجواب موجه لكل من تكلم برأي ووجهة نظر مشابهة لرأيك ووجهك نظرك...
يعني بيني وبينك شخصيا ما في شي وما كتير بيهمني مين الشخص بالذات يللي عم يتوجهله كلامي...كلامي موجه لفكرة وليس لشخص بحد ذاته...
عادة عادة بعتبر حالي بحاور الافكار يللي حاملينا الاشخاص...مو الاشخاص نفسهم...
فانت او مو انت...مو هاي نقطة نقاشنا...

ما بعرف كيف انت معتبرة فن وعم تهاجمه...مو انت نفس الشخص يللي قال بموضع أخر هالجملة الشهيرة...

"شباب بعد أذنكم فيكم تشرحولي كيف فيني شوفهم فن . لأني بصراحة مابعرف كيف بنظرلهم كفن "

اما ردا عن سؤالك مين جاب سيرة السكس...فكتار غيرك لما بيلمحو انو الموضوع مثير للشهوات ومو لازم اخواتي يشوفوه او شعوري اذا امي شافته...وغيره من توافه الحكي...فهالكتار هن يللي جابو سيرة السكس...
قلتلك قبل...ردي ماكان موجه الك فقط...في كتار غير بييشملهم الحكي بردي السابق...وكل واحد بيفصل من ردي ع قياسه يللي بيناسبه...

بعتقد أنو نظرتي الشخصيه لهالفن ما كتير بتهمك ولا بتعنيك...بحكم أنو انا ما نطيت وما حطيت واعترضت وكسرت الدنيي...
وبالتالي ما ني مظطر رد ع سؤالك...
بس بما أني بعزّك رح رد عليك...واذا بتحب...بقلك...أي نعم سيدي...انا بستمتع بهالفن...مو دايما الجسددايما بيمتعني..يمكن الوضعية...الاضاءة...الظلال.... الخ الخ الخ...




بكل بساطة انا وقت بحط موضوع مثلا علمي بيحكي عن سرعة انتشار الضوء وعن حالات الانعكاس والانحراف اللي بعاني منها وببدا بحكي بشكل علمي اكثر وبدخل بتفاصيل اكتر حول بنية الفوتونات وتحميل الطافة وانتقالها عبر الفوتونات ودورها بالحياة .

ما بيقدر اي شخص يتابع الموضع لأن لازمه تاهيل مسبق بخصوص النقاط السابقة حتى يقدر يتماشى ويستوعب الشي اللي عبصير ومتل ما صار كتبت عبر الصفحات الست السابقة آراء اهل الختصاص اكدوا انه فن قائم بحد ذاته وبيخمل تعاليمه المييزة عن بقية الفنون واستيعابه بحاجة لقدرة كبيرة من المعرفة بالمجال الفني والفنان الحقيقي ما بتكتمل شخصيته الفنية الا وقت بأتقن رسم الجسد بتفاصيله الدقيقة ....... وحكيت كتير عن هي النقاط فبالتالي مشان طلب المحارب العتيق للاسف ما فيني انفعك انا ما فيني اهّلك انك تتماشى مع هاد الفن خصوصا انه ما عندك اي تماس مع الفن باي اشكال ما بعرف يمكن اكون غلطان صحح لي اذا هيك .

وبشكل عام مشان نعتبرها متل قاعدة انا ما فيني اكتب موضوع واهّل العالم تستوعب اللي انا كاتب لأن متل ما موضوع الضوء وتحليله ما حيقدر يفهمه الا الانسان المطلع على الفيزياء الحديثة والكوانتية وفيزياء الكم كمان موضوع الفن العاري ما حيقدر يستوعبه الا المطلع على الاعمال الفنية المختلفة وعنده ذوق فني خاص وهاد الشي ما فيني علمه ياه .
:D

شريك أنا قلت أني ماعم أعرف أنظرلهم كفن كلامك صحيح . بس أنا أستطردت أنو الفن رسالة وكل

لوحة عادة بتحمل رسالة أو فكرة معينة . وأنا لما شفت صورة أمرأتين سمان عاريين . مافهمت شو

الفكرة أو الرسالة يلي بدها توجهها اللوحة . وأكيد هيك لوحة مابعتقد بتحرك الغريزة عند حدا . فكيف

بدي أفهم هي اللوحة هاد هو السؤال بأختصار . أو مثلا أممي حط أربع لوحات وأنا شفتهم وأنحذف

تلاتة منهم . ليش ؟؟ . بما أنهم لوحات . ولا بطبيعة الحال حتى يلي مع هاد الفن ممكن ينقسموا . حدا

ممكن يلاقي هي اللوحة فن وحدا تاني لأ . وعلى فكرة في كتير ناس مابتفهم الفن التجريدي شو

فكرتو . ولو أني طارح سؤالي بموضوع عن الفن التجريدي ماكان ساوا أي حساسية . فليش

الحساسية هون؟ ..سؤالي كتير بسيط

وأخيرا أكيد مابيهمني نظرتك الشخصية لهاد الفن . بس أنت أفترضت أنو كل يلي ضد هيك فن عندهم

أفلام بورنو . وهاد شي ضد يلي هنن عميحكوه . فشي طبيعي أني أعتقد أنك بتملك شي من هاد

الفن بما أنك بتدافع عنو

والي سؤال صغير ياريت ماتاخدوا مرة تانية بشكل أستفزازي . أنت مع هاد الفن بس ممكن تحط لوحة

من لوحاتو بيبيتك وليش ؟
ياريت تتقبل نقاشي برحابة صدر. لأني بيسعدني حوارك

مع أنو تشبيهك غير موفق . لأنو يلي بيشوف لوحة حلوة مافي داعي يكون دارس فنون لحتى يشوفها حلوة . أو حتى يلي بيسمع لحن حلو . مو شرط يكون دارس موسيقى لحتا ينطرب عليه . بس بكل الأحوال الشي يلي لونتو بالأحمر . بيناقد جزئيا أنو فن قائم بحد ذاتو . بكل الأحوال النقاش مع الشباب خلاني أقتنع بوجهة نظرهم . بدون ما أتبناها . ولكل واحد رأيو مشكور :D

انا فعلا متعجب من تعجبك !!!

لان الحكي اللي انت لونته بالاحمر مانه تشبيه من عندي هاد الحكي مذكور باول مشاركة بالموضوع ومذكور بعدة مناسبات داخل الموضوع يعني ولنفرض اني ما بعرف شي عن الفيزياء ودخلت على موضوع فيزياء اول شي بحاول اعمله اني اقرا واحاول افهم الشي المكتوب بس انا مستغرب منك انك ما قريت ولا رد بس داخل بدك العالم تشرح لك الفن حتى قبل ما تقرا النقد او تقرا الآراء اللي حوليه .

برجع بحط لك كام اقتباس من اول مشاركة بالموضوع :

Ariano Cavalcanti de Paula

وهي تماما الفكرة اللي انت لونتها بالاحمر .

وبترجع بتنذكر الفكرة نفسها هون

وبترجع بتنذكر بشكل اوضح بنفس المشاركة الأولى بالموضوع هون :

فلو كنت بدك فعلا تتغلم قراءة اللوحات كنت على الأقل قريت الموضوع !!!
ولو قريت الموضوع كنت بالتأكيد شفت اول مشاركة فيه !!!

يا سيدي الكريم...على عجالة وهمسا وبالصوت العالي معا...

[جراءة وبصراحة وبوقاحة وسمها ما شئت...أنا من الاشخاص الذين يستمتعون برؤية الجسد...وأفتخر أن لدي من الصور العارية على جدران منزلي كم لا بأس به...وأفتخر أيضا...بأنني لا أشعر اطلاقا باي احراج عندما يرى اي احد هذه اللوحات لطالما فيها من اللمسة الفنية ما يجعل عريها في عيوني وعيون الناس..فنا وليس عريا مثيرا للشهوات..
ودمتم

الفن العاري اللي يراد منه بشكل أساسي هو اتقان تصوير أو نحت موديل معقّد كالجسم البشري.. يعني رسامين عصر النهضة لحتى طلعت معو لوحة كانو يدرسو تشريح بشكل مفصّل مشان يزبط معو شكل العضلة و انسيابيتها و وين بتبدا و وين بتنتهي و اذا صوّر الجسد بوضعية معينة كيف هالعضلة تكون منبسطة أو لأ... لعلّه أكثر أنواع الفن بحثا عن الاتقان... و بدون مبالغة فينا نقول انو علم التشريح تطوّر كتير بعصور معينة على أيد الرسامين بحد ذاتهم.

و حتى النحت اللي يصوّر البدانة (بعتقد انو الو اسم خاص)... يعني لا تلاحظ انو عم يصور شي بشع... انما لاحظ كيف ناجحة معو التوزيع تبع الشحم و كروية و انسيابية التفاصيل... عمل متقن

بدي سجل كم تقطة بردي

ذا مورنينك مشكورة على الموضوع

ذا لايت مشكور على الرد والتوضيح

غابي أنت فهمت الكلام يلي ملونو أما بالأحمر غلط

ياسين مشكور على المداخلة

كمان شكر لأممي وحبيبا

بأختصار برجع بكرر وجهة نظري يلي توصلتلها أني أقتنعت بكتير من كلام الشباب حول الفن العاري . لكنه برأي شخصي لا يضاهي باقي الفنون واللوحات يلي ضافهم صديقي اللامنتمي رائعين

بأختصار برجع بكرر وجهة نظري يلي توصلتلها أني أقتنعت بكتير من كلام الشباب حول الفن العاري . لكنه برأي شخصي لا يضاهي باقي الفنون واللوحات يلي ضافهم صديقي اللامنتمي رائعين

وانا بحترم رايك الشخصي وبحترم تقبلك للفكرة وهي وردة مني الك :D

مرحبا ,
بيـسعدني انو نـكون وصلنا , مبدئيا , لتفاهم مـعين حوّل المـوضوع انما عندي كم نـقطه ذكرتهم و حـابه جاوبك عليهم


أو مثلا أممي حط أربع لوحات وأنا شفتهم وأنحذف

تلاتة منهم . ليش ؟؟ . بما أنهم لوحات .

قـمت بمراسـله اممي بالاسـباب و ناقـشنا المـوضوع بما فيه الكـفايه و توصلنـا اخيرا لنـقطه اتفـاق لـذلك فـيك تسـأله عن الـموضوع تفـصيلا


ولا بطبيعة الحال حتى يلي مع هاد الفن ممكن ينقسموا . حدا

ممكن يلاقي هي اللوحة فن وحدا تاني لأ .
عـفوا بـس ما بعتقد اني ولا بمـكان قـلت اني مع هالفـن او حتى اني ضـده لانو فـعلا هيـك الواقع انا بـشوفه واحد من كافه انـواع الفنـون الاخرى الموجوده بالدنيا فـيه اشـيا بتـعجبني و اشـيا تانيه ما بتنال اعجابي .. و برجع بـقول انو انا ابـلغت صـاحب الرد بالاسـباب و هي لا دخل لهـا بـنظرتي الـشخصيه الـهم ..

:D

من موضوع ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// المــونــااارؤيـــا ....\\ اندماج الفحم بالرصاص \\ (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) حوارر حول قلم الرصاص و هل بيعطي لمعه او لا ..




سؤال بخصوص العيون

في جوا لمعة شلون طلعت معك هي :? .. بس ما تقوليلي سر الصنعة عاد:pos:



رؤى بتجاوبك بس من خبرتي المحدوده مع الرصاص انو بيلمع اذا مصـورو بكمرا و فلاش و حركات ..
يعني بجوز اللمعه ما تكون من اللوحه اصلا تكون من استخدام مكنه التصوير و الفلاش لتصوير الصوره و نقلها لهون ..
غير هيك خبرتي مع قلم الرصاص محدوده جــدددا متل ماسبق و زكرت لذلك خلي رؤى توضحلك اكتر :sly: ..

خبرتي مع قلم الرصاص محدوده جــدددا متل ماسبق و زكرت لذلك خلي رؤى توضحلك اكتر ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// ..


انو عالهامش بس

ليش عم تعيطي؟

على فكرة فيها وجهة نظر .. الرصاص بيعطي لمعة .. مستحيل ;)

انو عالهامش بس

ليش عم تعيطي؟

على فكرة فيها وجهة نظر .. الرصاص بيعطي لمعة .. مستحيل ;)

ليش عالهامش هي صفحه كامله نتناقش فيها بالقصّه ..

عن العياط فانا ما عم عيط هو هالسمايلي هاد بيوحي بذلك ..

ثمّ .. ما فهمت منك قصدك انو مستحيل قلم الرصاص يعطي لمعه او انو اي بيعطي لمعه :? ؟

عن مـوضوع لـغابي بعنوان عيـني الثـالثه (( هوووون )) (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) :

ذكرت وايت روز عن امتهان الفن و عارض محمد ابراهيم بأن الفن لا يُـقدر بثمن.
انا بشـوف هالمـوضوع مهم للنقاش انتو شـو رأيكون هل مع او ضد اي من الفكرتين؟؟
عندي تجارب شـخصيه رح بحطها في سـياق سـير الـموضوع
:D

بالنسبة الي .. ومتل ما شفت الرد .. مو عيب الفنان يبيع لوحاتو او صورو ... ببعض الاحيان .. من حين لحين .. ازا دعت الحاجة .. ازا اضطر .. ازا انزنق مادياً مثلاً

بس انو يعني لما يصير متل ما قلتي شوش امتهان ومصدر رزق
فهاد ما عاد صار اسمو فن
صار : فن تجاري
ابداع هالفنان رح يختفي بعد فترة من الزمن
تصير لوحاتو او صورو بلا معنى
ما بصير بشوف الجمال اللي المفروض هوي يشوفو
رح يشوف الجمال بلوحاتو وصورو متل ما العالم بدها
وين صفي الجمال بالموضوع؟
:D

بالنسبة الي .. ومتل ما شفت الرد .. مو عيب الفنان يبيع لوحاتو او صورو ... ببعض الاحيان .. من حين لحين .. ازا دعت الحاجة .. ازا اضطر .. ازا انزنق مادياً مثلاً

بس انو يعني لما يصير متل ما قلتي شوش امتهان ومصدر رزق
فهاد ما عاد صار اسمو فن
صار : فن تجاري
ابداع هالفنان رح يختفي بعد فترة من الزمن
تصير لوحاتو او صورو بلا معنى
ما بصير بشوف الجمال اللي المفروض هوي يشوفو
رح يشوف الجمال بلوحاتو وصورو متل ما العالم بدها
وين صفي الجمال بالموضوع؟
:D

لا ميدو انا لا اتفق معك .. الفنان دائما يرمى بحجاره ان هو امتهن الفن لكن من وين الفنان بدو يعيش ؟!
امتهان الفن لا يلغي الفن و ما نحنا اللي بنقدر نلغيه كونه صار تجاري ..
الكاتب بيكتب و ببيع و بيعمل اكتر من نسخه واحده و يباعو كلون و بنصفقلو .. لكن الفنان ان عاش على الفن بنتهمو بالتخلي عن مبادئه الفنيّه مغمضين النظر عن غلى اقل تقدير اسعار المواد اللي هو بيحتاجها لييرسم و انو هي لحالها مصروف !
النقطه اللي بدي القي الضوء عليها و اللي قد نتفق فيها هي انو في حالتين :

الفنان اللي ببيع ما يبدع ..
و الفنان اللي بيبدع ما يبيع ..

يعني بالحاله الاولى الفنان بيرسم و ان اجى مين اعجب بفنو و حب يشتريه اشتراه بدون ما يكون عم يرسم شو الناس بتحب مش شو هو بحب ..

الحاله التانيه هي لما بصير الفن هو وسيله كسب بغض النظر عن المبدأ او شو اللي عم ينرسم.. بيرسم ايّ شي ليبيع , انا هون اتفق معك انو هون بيكون عم يستغل موهبته و يماشيها للحصول على رزق .. هاد النوع يصيبني بالاحباط فنيّا و لكنّ بظل هالظروف المعيشيه اتفهم ..

ايضا نقطه اخيره .. الفنان عم يرسم او عم يصور شي ما كل الناس قادره تصورو او ترسمو لذلك ايّ كان يستحق التكريم

:D

لا ميدو انا لا اتفق معك .. الفنان دائما يرمى بحجاره ان هو امتهن الفن لكن من وين الفنان بدو يعيش ؟!



انا قلت فوق... مو عيب يبيع لوحات الفنان ... بغرض الحاجة ... ما عمقول انو ما يبيع ...


امتهان الفن لا يلغي الفن و ما نحنا اللي بنقدر نلغيه كونه صار تجاري ..
الكاتب بيكتب و ببيع و بيعمل اكتر من نسخه واحده و يباعو كلون و بنصفقلو .. لكن الفنان ان عاش على الفن بنتهمو بالتخلي عن مبادئه الفنيّه مغمضين النظر عن غلى اقل تقدير اسعار المواد اللي هو بيحتاجها لييرسم و انو هي لحالها مصروف !



وضع الكاتب غير الفنان

الكاتب مجبر يطرح كتابو بالسوق
شو الفايدة ازا الكاتب كتب الكتاب .. وصمدو عندو بالبيت .. ؟؟ من وين رح يعمل اسم ؟؟ من وين رح ينعرف الكتاب ؟ اما الفنان التشكيلي ( رسم - تصوير ) مانو مضطر يبيع كل لوحة بيرسمها ... والفنان بيعمل اسمو من لوحاتو .. بمعرض مثلاً ... بس مو ضروري كل معرض يطلع منو الفنان مجنط من كل لوحاتو .. يعني النقطة الي بدي اوصلها ... المعارض التشكيلية ما انوجدت بس لبيع اللوحات ... وجودها الاساسي ... لاظهار هالفنان .. وتوجهاتو الفنية

منرجع هون لنقطة انو الفن ما ممكن يعتبر مهنة ( بضل رأيي الشخصي بالاخير ومانه تعميم ) وبرجع بعيد متل ما قلت فوق .. لا ضرر انو يبيع الفنان كم لوحة لتغطية مصروف المواد ... او ليقدر ياكل مثلاً ... بس الفكرة اللي برفضها انا

لما يكون الفن مصدر لـ تكوين ثروة او ما يكون بحاجة هالبيع

هي النقطة اللي عارضتها انا ... وقت يصير هيك ... بيتجرد الفن من اسمو نهائيا ... ووقتها رح يصير اسمو فن تجاري بحت كمان


يعني بالحاله الاولى الفنان بيرسم و ان اجى مين اعجب بفنو و حب يشتريه اشتراه بدون ما يكون عم يرسم شو الناس بتحب مش شو هو بحب ..



هي ما بختلف معك فيها ... ومعك مليون بالمية :D


الحاله التانيه هي لما بصير الفن هو وسيله كسب بغض النظر عن المبدأ او شو اللي عم ينرسم.. بيرسم ايّ شي ليبيع , انا هون اتفق معك انو هون بيكون عم يستغل موهبته و يماشيها للحصول على رزق .. هاد النوع يصيبني بالاحباط فنيّا و لكنّ بظل هالظروف المعيشيه اتفهم ..



هي النقطة اللي زكرتها سابقا بالأحمر


ايضا نقطه اخيره .. الفنان عم يرسم او عم يصور شي ما كل الناس قادره تصورو او ترسمو لذلك ايّ كان يستحق التكريم


مزبوط معك هون انا ... بس العالم الخارجي الي عميكرمو ... ما بيعرف انو هالفنان اتبع الفن كـ مهنة ( انا عماحكي عن النموزج الي زكرتو بالاحمر كمان ) ووقتها حتى لو العالم مكرمتو ... بالنسبة الي كـ أنا .. هالفنان .. ما بيقدر كنلّو .. الا عدم الاحترام

:D

مزبوط معك هون انا ... بس العالم الخارجي الي عميكرمو ... ما بيعرف انو هالفنان اتبع الفن كـ مهنة ( انا عماحكي عن النموزج الي زكرتو بالاحمر كمان ) ووقتها حتى لو العالم مكرمتو ... بالنسبة الي كـ أنا .. هالفنان .. ما بيقدر كنلّو .. الا عدم الاحترام

:D
انا بكنلو الاحترام و حكيت عن الناس اللي بتعرف انو ممتهن الفن و بتكرمه .. ولاده اللوحه مش امر سهل بيستاهل التكريم عليها الفنان ايّا كان رح يتصرف باللوحه ..

بشكر الغالية morning
لحياديتها بالرد
ولعقلانية الرد

ناهيكم عن كل الردود

أحلام مستغانمي لمى كتبت السلسلة المشهورة ذاكرة الجسد
وطبعتها ونشرتها
كانت هية الخيط يلي عرفها للعالم العربي بشكل خاص والعالمي بشكل عام
ومن الجدير ذكره ان مبيعات دار النشر حققت ارباح عظيمة

الجدير بالذكر هنا
لو احتفظت الكاتبة احلام مستغانمي بكتاباتها في خزانتها
هل كانت الناس قالت عنها أنها أديبة كبيرة

لو احتفظ ليوناردو دافنشي بلوحة الموناليزا في خزانته هل قالت به العالم
كنت انا ومن انا ذكرته الآن..

مو عيب ولا عار ولا انتقاص من اخلاقي كانسان
ان جعلت هواياتي او فني سلعة لأحصل من خلالها على قوت يومي
فأنا بالنهاية انسان احتياجاتي كثيرة
منها افيد واستفيد عملية متبادلة
وتحية :D

انا بكنلو الاحترام و حكيت عن الناس اللي بتعرف انو ممتهن الفن و بتكرمه .. ولاده اللوحه مش امر سهل بيستاهل التكريم عليها الفنان ايّا كان رح يتصرف باللوحه ..

هلئ .....
احترم اللوحة بكرمها
احترم فكرة اللوحة كمان بكرمها
احترم التقنيات اللي باللوحة كمان بتتكرم
احترم الابداع اللي باللوحة رح تتكرم
احترم الابداع الموجود عند هالفنان بغض النظر إن كان او لا زال رح بحترمها

بس احترم الفنان لـ شخصو ... تسؤ

:D

أحلام مستغانمي لمى كتبت السلسلة المشهورة ذاكرة الجسد
وطبعتها ونشرتها
كانت هية الخيط يلي عرفها للعالم العربي بشكل خاص والعالمي بشكل عام
ومن الجدير ذكره ان مبيعات دار النشر حققت ارباح عظيمة

الجدير بالذكر هنا
لو احتفظت الكاتبة احلام مستغانمي بكتاباتها في خزانتها
هل كانت الناس قالت عنها أنها أديبة كبيرة




الكاتب مجبر يطرح كتابو بالسوق
شو الفايدة ازا الكاتب كتب الكتاب .. وصمدو عندو بالبيت .. ؟؟ من وين رح يعمل اسم ؟؟ من وين رح ينعرف الكتاب ؟ اما الفنان التشكيلي ( رسم - تصوير ) مانو مضطر يبيع كل لوحة بيرسمها ... والفنان بيعمل اسمو من لوحاتو .. بمعرض مثلاً ... بس مو ضروري كل معرض يطلع منو الفنان مجنط من كل لوحاتو .. يعني النقطة الي بدي اوصلها ... المعارض التشكيلية ما انوجدت بس لبيع اللوحات ... وجودها الاساسي ... لاظهار هالفنان .. وتوجهاتو الفنية




مو عيب ولا عار ولا انتقاص من اخلاقي كانسان
ان جعلت هواياتي او فني سلعة لأحصل من خلالها على قوت يومي
فأنا بالنهاية انسان احتياجاتي كثيرة
منها افيد واستفيد عملية متبادلة
وتحية ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

منرجع هون لنقطة انو الفن ما ممكن يعتبر مهنة ( بضل رأيي الشخصي بالاخير ومانه تعميم ) وبرجع بعيد متل ما قلت فوق .. لا ضرر انو يبيع الفنان كم لوحة لتغطية مصروف المواد ... او ليقدر ياكل مثلاً ... بس الفكرة اللي برفضها انا

لما يكون الفن مصدر لـ تكوين ثروة او ما يكون بحاجة هالبيع



يمكن رديت عليكي ... قبل ما تردي :lol:

تحياتي :D

بس احترم الفنان لـ شخصو ... تسؤ

:D
طيب هون بدي اطرق لكونك احد المشتركين بمسابقه اخويه للرسم و التصوير و اجري بعض المقارنه ..
انت عم تشارك لتربح و راضي تدخل مسابقه و مقارنه عالمركز الاوّل - حتى و ان لم يكن الهدف الرئيسي - ..
انت عم تستخدم احساسك ضمن شروط لتسمع اغنيه و ترسم بناء عليها لوحه و رح تاخد جائزه على ذلك ..
فكـيف بتشفلي هالحاله مقارنه مع حاله الفنان اللي حضرتك قلت ما بتحترمه ؟؟ :sly:

شو الفايدة ازا الكاتب كتب الكتاب .. وصمدو عندو بالبيت .. ؟؟ من وين رح يعمل اسم ؟؟ من وين رح ينعرف الكتاب ؟ اما الفنان التشكيلي ( رسم - تصوير ) مانو مضطر يبيع كل لوحة بيرسمها ... والفنان بيعمل اسمو من لوحاتو .. بمعرض مثلاً ... بس مو ضروري كل معرض يطلع منو الفنان مجنط من كل لوحاتو .. يعني النقطة الي بدي اوصلها ... المعارض التشكيلية ما انوجدت بس لبيع اللوحات ... وجودها الاساسي ... لاظهار هالفنان .. وتوجهاتو الفنية


انا معك ميدو بهي النقطة وبقوة

بس اذا واحد مشحتر وفنان تشكيلي وعميدفع 3 و4 الاف ليشتري الوان وورق رسم
ويرسم لوحة حلوة

بيقعد بلا اكل وشرب ولبس



على الهامش
عم قول لحالي ليش الرسامين مبهدلين وبيقعدوا بنص الشارع
وشعرون طويل وتيابون كلها الوان

طيب والرسام يلي ماببيع لوحته ياترى بيضل عنده ببيته حيط فاضي

طيب هون بدي اطرق لكونك احد المشتركين بمسابقه اخويه للرسم و التصوير و اجري بعض المقارنه ..
انت عم تشارك لتربح و راضي تدخل مسابقه و مقارنه عالمركز الاوّل - حتى و ان لم يكن الهدف الرئيسي - ..
انت عم تستخدم احساسك ضمن شروط لتسمع اغنيه و ترسم بناء عليها لوحه و رح تاخد جائزه على ذلك ..
فكـيف بتشفلي هالحاله مقارنه مع حاله الفنان اللي حضرتك قلت ما بتحترمه ؟؟ ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

مو زابط معك التشبيه

النئطة الاولى

لوحتي اللي رسمتها رح تنعرض للعالم بدون مقابل
لوحتو اللي رسمها رح تنعرض للعالم بمقابل
الجوائز تبع المسابقة معنوية مش اكتر
ولو بدك تقولي عني كزاب وكنت بتمنى انو هالنقاش يكون بعد نتائج المسابقة
بس لو الجائزة مادية ... ان كانت قيمتها كبيرة او صغيرة ... رح ارفضها
بالنسبة لاسمع غنية وعلى اساسها ارسم اللوحة ... فإستخراج فن من فن تاني ... مو غلط ... وبظن بيطلع احلى .. لم اتصور شي مو ملموس ... شي ماني شايفو قدامي لارسمو

بالاخير ... انا عمنافس عالمركز الأول او التاني او الاخير حتى بــــــــــدون مقابل :D

انا معك ميدو بهي النقطة وبقوة

بس اذا واحد مشحتر وفنان تشكيلي وعميدفع 3 و4 الاف ليشتري الوان وورق رسم
ويرسم لوحة حلوة

بيقعد بلا اكل وشرب ولبس



انا هدول ما بلومهن ولو باعو كل لوحاتن

بس برجع للمرة المية بعيد:yahoo:

هدول عميبيعو لحاجتهن

انا اللي بيفورني .. وبيخليني احتقرهن ... فنانين مانهن بحاجة لبيع هاللوحات ومع زالك بيبيعو ... بســــــ ليساوو اسم مادّي ... .وما بيطول هالاسم


على الهامش
عم قول لحالي ليش الرسامين مبهدلين وبيقعدوا بنص الشارع
وشعرون طويل وتيابون كلها الوان

طيب والرسام يلي ماببيع لوحته ياترى بيضل عنده ببيته حيط فاضي

ليكني انا رسام وقمة الاناقة وبقعد عالكرسي بنص بيتي وشعري عالصفر وتيابي نضيفة :p
ومع انو حالتي المادية مو كتير قوية
بس لسا ما وصلت للمرحلة اللي بيكون بس الرسم فيها هوي مصدر رزقي :D

الجدير بالذكر هنا
لو احتفظت الكاتبة احلام مستغانمي بكتاباتها في خزانتها
هل كانت الناس قالت عنها أنها أديبة كبيرة

لو احتفظ ليوناردو دافنشي بلوحة الموناليزا في خزانته هل قالت به العالم
كنت انا ومن انا ذكرته الآن..


خطرلي في سـياق الاحتفاظ بالاعمال فانو في غضب من ناحيتي انا شخصيا :pos: .. على اليونان ..
الفنون اليونانيه الموجوده اليوم هي فنون رومانيه الصنع تقليدا للفنون اليونانيه الاصليه .. و مازال البحث جاري عن المنحوتات الاصليه .. حيث انو باليونان قررو يدفنو كل فنونهم و بذلك يرجع الفضل للرومان اليوم اننا بنعرف عن اليونان ما نعرفه لولا ذلك ما كان تم بلوره ايّ فكره تتعلق بالفنون اليونانيه براسنا..
الله يصلحهم :pos: ..

بكل الاحـوال انا برجع بقول اني ضد انو يتحوّل الفن لمجرّد وسـيله كـسب لكن مش ضد انو يـكسب الفنان من خلال اعماله ..
:D

بكل الاحـوال انا برجع بقول اني ضد انو يتحوّل الفن لمجرّد وسـيله كـسب لكن مش ضد انو يـكسب الفنان من خلال اعماله ..
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

هي الجملة اللي صرلي ساعة بالزبط عمدور عليها وما كانت تتلاقى :D

ميدو انت هاوي
انا مابعرف اذا انت عم تدرس الرسم او شي

بس انت لسه باول الطريق يعني لسه بالخطوة اولى
بكرى اذا الله راد
وانشهرت مابتعرف يمكن تصير تبيع لوحاتك ممكن لهدف مادي وممكن لهدف ترويج اسمك
يعني نحنا ببلد الناس بالها مشغول كيف ممكن تعيش وشو تاكل اليوم

مو بالها تحضر معارض
لهيك للأسف بافخم المعارض يلي بتصير لأكبر فنانين بتلاقي الرواد شي ببكي

مو زابط معك التشبيه

النئطة الاولى

لوحتي اللي رسمتها رح تنعرض للعالم بدون مقابل
لوحتو اللي رسمها رح تنعرض للعالم بمقابل
الجوائز تبع المسابقة معنوية مش اكتر
ولو بدك تقولي عني كزاب وكنت بتمنى انو هالنقاش يكون بعد نتائج المسابقة
بس لو الجائزة مادية ... ان كانت قيمتها كبيرة او صغيرة ... رح ارفضها
بالنسبة لاسمع غنية وعلى اساسها ارسم اللوحة ... فإستخراج فن من فن تاني ... مو غلط ... وبظن بيطلع احلى .. لم اتصور شي مو ملموس ... شي ماني شايفو قدامي لارسمو

بالاخير ... انا عمنافس عالمركز الأول او التاني او الاخير حتى بــــــــــدون مقابل :D

ما رح ادخل لتفاصيل لكن انت ما فهمت قصدي من المقارنه بشكل تمام ..
قصدت انّو عم ينفرض عليك طبيعه الاحسااس ..
انت الفنان اللي عم تحكي عليه هو البرامج الالكترونيه مش عم تحكي عن انسان !!
طرحك نظري لا يوجد فنان بالدنيا لا يحب ما يبدعه و يستغل الفن استغلال تام و يمصّه مصّ بالطريقه اللي عم تقولها الانسان هو شي قابل للحركه ضمن المجالات .. انت عم تفترض انو هو فنان سيئ - مش مهنيا انما شخصو سيئ - و هون اعترض و بشدّه ..
الدكتور عملو انساني لكنّه يتقاضى اجر على ذلك و مع ذلك ما بنلومه لكن الفنان اذا كان يعمل و يبيع بنحاربه و بندعي انه يتخلى عن مبادئه ..

ميدو انت هاوي
انا مابعرف اذا انت عم تدرس الرسم او شي


عمادرسو اكاديمياً حالياً ... بمعهد ادهم اسماعيل ازا سامعة فيه

بس انت لسه باول الطريق يعني لسه بالخطوة اولى
بكرى اذا الله راد
وانشهرت مابتعرف يمكن تصير تبيع لوحاتك ممكن لهدف مادي وممكن لهدف ترويج اسمك



مشكلتي .. اني بعرف حالي .. من الناس الي مستحيل تتغير ... والايام بتثبت هالشي

يعني نحنا ببلد الناس بالها مشغول كيف ممكن تعيش وشو تاكل اليوم
مو بالها تحضر معارضلهيك للأسف بافخم المعارض يلي بتصير لأكبر فنانين بتلاقي الرواد شي ببكي



بهي معك انا .. لهيك بتلاقي اغلب عظماء الفن عنا .. خيرهن لبرّا

:D

ما رح ادخل لتفاصيل لكن انت ما فهمت قصدي من المقارنه بشكل تمام ..
قصدت انّو عم ينفرض عليك طبيعه الاحسااس ..
انت الفنان اللي عم تحكي عليه هو البرامج الالكترونيه مش عم تحكي عن انسان !!
طرحك نظري لا يوجد فنان بالدنيا لا يحب ما يبدعه و يستغل الفن استغلال تام و يمصّه مصّ بالطريقه اللي عم تقولها الانسان هو شي قابل للحركه ضمن المجالات .. انت عم تفترض انو هو فنان سيئ - مش مهنيا انما شخصو سيئ - و هون اعترض و بشدّه ..
الدكتور عملو انساني لكنّه يتقاضى اجر على ذلك و مع ذلك ما بنلومه لكن الفنان اذا كان يعمل و يبيع بنحاربه و بندعي انه يتخلى عن مبادئه ..


بما انك تطرقتي لعدة مجالات ... ووصلتي للدكتور

فيكي تقوليلي كم دكتور تجاري موجود
او بالاحرى كم دكتور عميمارس دكترته كرمال جيبتو

يعني ما عاد صار دكتور لخدمة الطب .. ولخدمة المريض... صار دكتور لخدمة جيبتو
فيكي تبرهنيلي عكس انو كتير دكاترة فاتو عمهنة الطب عمبدأ ( بتقص عملة دهب من وراها )

هلئ هون يمكن بعدت شوي عن النسق الاساسي اللي هوي الفن لانو ما بيشبه الطب
الطب بيعتمد عالخبرة
الفن بيعتمد عالابداع والخيال الواسع

:D

ميدو انت هاوي
انا مابعرف اذا انت عم تدرس الرسم او شي

بس انت لسه باول الطريق يعني لسه بالخطوة اولى
بكرى اذا الله راد
وانشهرت مابتعرف يمكن تصير تبيع لوحاتك ممكن لهدف مادي وممكن لهدف ترويج اسمك
يعني نحنا ببلد الناس بالها مشغول كيف ممكن تعيش وشو تاكل اليوم

مو بالها تحضر معارض
لهيك للأسف بافخم المعارض يلي بتصير لأكبر فنانين بتلاقي الرواد شي ببكي
انا فهمانه على ميدو فكرتو و يمكن نكون بنتفق ببعض الجوانب لكن اللي عم اعترض عليه هو الطرح الغير موضوعي - بنظري - لفكره لفنان ..
اتصور ميدو بيقصد لما الفنان بينعطالو صوره و بقلو رسملنا هي اللوحه و بيرسمها و بيتقاضى عليها اجر .. هاد النوع انا يصيبني بالاحباط :sick: ..
و النوع التاني هو اللي بيرسم لوحه و هو قاعد و صافن و بعدين ببيع اللوحه - هذا النوع جـيد ..

لكن اللي جنني وقت قال لا يحترمه و مابعرف شو بلّش يوزع شهادات من جيبته :frown: ..

عني شـخصيا ارفض - مبدئيا بما اني مرتاحه ماديا -اني بيـع اعمالي لانو متل ما بقول بيكاسو .. الرسم طريقه اخرى لكتابه المذكرات و لا ارى انو مزكراتي حاليا قابله للبيع بأي شكل :frown: ..

معهد ادهم اسماعيل

الله يسامحك معقول انا روز ما اعرف معهد ادهم اسماعيل:frown:

اتصور ميدو بيقصد لما الفنان بينعطالو صوره و بقلو رسملنا هي اللوحه و بيرسمها و بيتقاضى عليها اجر .. هاد النوع انا يصيبني بالاحباط ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// ..
و النوع التاني هو اللي بيرسم لوحه و هو قاعد و صافن و بعدين ببيع اللوحه - هذا النوع جـيد ..



كمان في نوع تالت .... كمان بيصفن وبيصفن وبيابدع باللوحة .... كرمال بس البيع ثم البيع ثم البيع .. هاد ما بقدر احترمو انا ... بجوز كل العالم يحترموه وانا ما احترمو

لانو كل شخص عندو نظرتو للفن


لكن اللي جنني وقت قال لا يحترمه و مابعرف شو بلّش يوزع شهادات من جيبته ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// ..



ما وصلك شي شهادة من هالشهادات الي وزعتها من جيبتي :lol:

عني شـخصيا ارفض - مبدئيا بما اني مرتاحه ماديا -اني بيـع اعمالي لانو متل ما بقول بيكاسو .. الرسم طريقه اخرى لكتابه المذكرات و لا ارى انو مزكراتي حاليا قابله للبيع بأي شكل ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// ..

اي وانا برفض .. مع اني مو مرتاح مادياً ... بس في الف وسيلة للكسب غير الرسم وبيع الرسومات .. بس ينسد الطريق بوجهي .. ولما ما اقدر لاقي ولا شغل .. ولما افقد كل مصادر الرزق .... وقتها ممكن فكر .. اني بيع لوحاتي كرمال عيش ... وهاد النوع زكرت اني ما برفضو ولا بعارضو

:D

بكل الاحـوال انا برجع بقول اني ضد انو يتحوّل الفن لمجرّد وسـيله كـسب لكن مش ضد انو يـكسب الفنان من خلال اعماله ..
:D



هي الجملة اللي صرلي ساعة بالزبط عمدور عليها وما كانت تتلاقى :D

هلئ بما انو متفقين بالفكره فعشو مختلفين حاليا :? ؟!

هلئ بما انو متفقين بالفكره فعشو مختلفين حاليا ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// ؟!

مو على شي ... مع انو صاحبين العلاقة ( محمد - وايتروز ) المفروض يتناقشو بين بعض ما تناقشو :lol:

فيكي تسكري عالموضوع ( مو تسكري الموضوع .. في فرق :p ) ازا ما ضل شي للنقاش

:D

مو على شي ... مع انو صاحبين العلاقة ( محمد - وايتروز ) المفروض يتناقشو بين بعض ما تناقشو :lol:


لا نهائيا الموضوع ما انطرح كرمال محمد و وايت روز بس انا عم استغل افكار الاعضاء و تاجر فيها عهالموضوع :lol: ..


فيكي تسكري عالموضوع ( مو تسكري الموضوع .. في فرق :p ) ازا ما ضل شي للنقاش

:D

دائما في شي جديد للنقاش مو :sly:؟

الله وكيلك فورتي دمي وعصبت

لما بتحكي عن الفن ما تجيبي سيرة المصاري لانو الفن لايقدر بثمن .

ولاك كابي فنّك لا يقدر بثمن (لذلك لا تدني من فنّك منشان المصاري)

متل ما اتفقنا يعني ولا تدير بالك باي حكي عن المصاري
من شو بتشكي ال 50 ليرة مع الكارت ؟؟؟ انتا قلت انو اقل من 30 بتقبل مني ومع الكارت كمان .

بدي منك تتابع بالموضوع وتنزل اعمال جديدة

اول تلوينة : ماني ولاك :lol:
تاني تلوينة : يا واطي هاد اللي طلع من خاطرك ؟! 50 ليرة شو ما سمعت شو عبصير حكي سماع الأرقام سماع
اللقطة الوحدة 8000 سوري

وانت قاعغد عبتشارعني على " نص دولار " بحسب ما فهمت منّك وعلى الكرت من عندي ولا من عندي

يا لطيف شقد العالم بتحب النصب :lol:

وانا عبقول من فين بشتروا سيارات وفلات ومعامل :sick:

---------------------------------------
مشان مشروع الفن والثمن اكيد في كتير اشياء ما بتقدر المصاري تعبر عنها في كتير لقطات ما بتقدر المصاري تعطيها حقها لكن بنفس الوقت في شي اسمه حياة وفي الها متطلبات يعني اللي بيعمل فن اكيد لازم يقبض حق الفن اللي عبقدمه لولا هيك من فين بعيش ؟
تماما متل الطبيب اللي مضطر ياخد مصاري حق معاينة المريض مع ان الطب مهنة انسانية لكن من فين بعيش اذا اعتبر العمل بالمجان هو الحل الصحيح . .؟!
فالله يرضي لي عليكم اللي حب له شي لوحة يخبرني مشان افضي رسالة من صندوقي ونتراسل ونتفق على السعر :larg:

فالله يرضي لي عليكم اللي حب له شي لوحة يخبرني مشان افضي رسالة من صندوقي ونتراسل ونتفق على السعر

طيب انا عجبتني وحدة

وانا ماعندي رسائل خاصة شو الحل؟

اي اي .. بلا مقطوع عن حديثكون .. فجأة لقيت حالي مشترك بالموضوع ..

المهم

ثمّ .. ما فهمت منك قصدك انو مستحيل قلم الرصاص يعطي لمعه او انو اي بيعطي لمعه ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// ؟


قلم الرصاص ما بيعطي لمعة .. بيعطي لمعة .. بس خفيفة يا شوش

ما متل هاللمعة الطالعة ..

طالعة كأنو في فلاش أو انو الصورة معدّلة وحاطا رؤى لايتينج عالصورة ..

وقبل ما خلص هالرد هاد ..

بحب وضح شغلة انو رؤى .. الشغلة ما عليكي عرفتي شلون

.. يعني انا ما عم كذبك .. بس الشغلة . انو استغربت وسألت

اجت مس شوش جاوبت عليي .. وهلأ عم نتناقش .. "" باللمعة فقط لا غير ""

وشكرا :ss:

قلم الرصاص ما بيعطي لمعة .. بيعطي لمعة .. بس خفيفة يا شوش

ما متل هاللمعة الطالعة ..


قـد يكـون :D

الفن والمصاري :?

يمكن ما كتير بيجتمعوا ... انا لا احبذ شخصيا العالم الي بيرسمو كرمال يبيعو هاد بطل اسمو فنان هاد صار اسمو تاجر .. الفن ابدا ما ممكن يكون متاجره ..... ومفاصله ...

انا بعرف ع طرح سبيل المثال يعني ابن عمي عباس حيدر (فقوش هون (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)) هالرجال ما بيبيع لوحاتو لمين ما كان يعني اذا حد طلب يشتري اللوحه عباس حيدر بدو يسال عن الشخص الي بدو يشتري ويشوف خلفيتو قال لانو اذا مانو شخص مقدر للفن فما في داعي تموت اللوحه ببيتو ... يعني في ناس بيشترو اللوحات بس مشان يعلقوها وقدام العالم يقولو والله هاي للفنان الفلاني .. كمان هالشي بينزل يمكن من قيمة اللوحه والفنان ...

ما بعرف شو رأيكون؟

الفن والمصاري :?

يمكن ما كتير بيجتمعوا ... انا لا احبذ شخصيا العالم الي بيرسمو كرمال يبيعو هاد بطل اسمو فنان هاد صار اسمو تاجر .. الفن ابدا ما ممكن يكون متاجره ..... ومفاصله ...

انا بعرف ع طرح سبيل المثال يعني ابن عمي عباس حيدر (فقوش هون (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)) هالرجال ما بيبيع لوحاتو لمين ما كان يعني اذا حد طلب يشتري اللوحه عباس حيدر بدو يسال عن الشخص الي بدو يشتري ويشوف خلفيتو قال لانو اذا مانو شخص مقدر للفن فما في داعي تموت اللوحه ببيتو ... يعني في ناس بيشترو اللوحات بس مشان يعلقوها وقدام العالم يقولو والله هاي للفنان الفلاني .. كمان هالشي بينزل يمكن من قيمة اللوحه والفنان ...

ما بعرف شو رأيكون؟
هلىء ان معك بيلي بالأحمر
لأني جد كتير التقيت من ها الشرائح بالمجتمع بحكم شغلي
وهنن ابعد من انهم يفكروا بهيك مواضيع

وبالنسبة انه الفن والمصاري مابيجتمعوا

صعبة كتير هي ريم يعني فن بسام كوسا شي خيال

بس بتقدري تتجاهلي ال3 وال4 مليون يلي بياخدهم على اجرة مسلسل:shock:

كنت بأحد المجـالس من فـتره و أحدهم علّق انو الفن بعيد عن المشاكل و نضيف و رواق .. شـو رأيكم بالفكره ؟

يعني هل برأيكم الفن ما دخله بالمشـاكل سواء السياسيه \ اقتـصاديّه \ عقائديّه ... الخ اللي بتواجه المجتـمع او بتواجهنا كـأشـخاص ؟ هل هوّ مجرّد مـتعه ؟

رأيـكم لنتناقش بهالفكره ؟

هلأ ليكي .. اول شي .. صباحو شوش

تاني شي .. هلأ انا من جهتي بحس اللي بيشتغلو بالفن .. ارقى شوي ... والن مود مختلف

اما بالنسبة للمشاكل .. فلاء احيانا الفن هوي بيكون سبب بهالمشاكل

واحيانا كمان بيكون سبب بالصلح .. يعني الفن هوي رسالة بتوصل للناس ..

فانو هي الشغلة كلا بتتبع للكاريزما تبع الشخص

فانو .. هيك

يعني هل برأيكم الفن ما دخله بالمشـاكل سواء السياسيه \ اقتـصاديّه \ عقائديّه ... الخ اللي بتواجه المجتـمع او بتواجهنا كـأشـخاص ؟ هل هوّ مجرّد مـتعه ؟



صباحو ..

هلئ هون ... من وجهة نظري .. من زاويتي .. برأيي الشخصي يعني ... الفن بكل أشكالو ( والفن التشكيلي - التصوير الضوئي بشكل خاص ) هني انعكاس لصورة انرسمت ب ( قلب - عقل - مخيلة - احساس ) هالفنان هاد وانعكاسها بهالعمل الفني .
طيب هالصورة اللي عمتنرسم بهالاشيا اللي ذكرتا مو دايما بتتكون بهيئة الجمال . بهيئة القدسية . بهيئة ملائكية . ممكن انا ازا ئدرت اعتبر حالي فنان "على سبيل المثال" اتدايئت كتير من التفجير اللي صار بدمشق من كم يوم . مائدرت عبر عنو بالحكي .. ما ئدرت عبر عنو بالغضب ما ئدرت عبر عنو بالـ ...الخ .
لائيت حالي اني بئدر عبر بلوحة تشكيلية .
هاللوحة ما عماذكر انها لازم تحمل معاني دموية .. معاني لا انسانية .. مو ضروري تجسد بمكوناتها جثث ودم وقذارة لكن انا فيني عبر عن هالاشيا .. باشياء بترافقها ممكن هاللوحة تتميز بالـ " غضب - حزن - أسى" اللي بتعكس هالحالة .

يعني مافينا نفصل الفن عن باقي فصائل المجتمع الانساني
من اشيا قمة في الجمال والملائكية والفرح لاشيا قمة في الغضب والحزن ووو...الخ .

يعني بالنهاية .. الفن هو شكل من أشكال الانسانية ..
والانسانية ما بتتجلى بس بملائكيتها.
:D

تنويه : ** عن موضوع David (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) **

صديقي انا هون استفساري ، كون التمثال " عاري " هالشي ما بشكل اساءة - ولو بسيطه - للملك داود ؟

سؤال بشكل اوضح : انتا كشخص بتحب هالشخصية العظيمه ، ما بتلاقي عرضها بشكل عاري اساءة ؟ ولا بتلاقيها زيادة تعظيم ؟


اما بالنسبة للفن العاري فعندي وجهة نظر تجاهو و مو هون مكان مناسب لطرحها ، بس سؤالي لانو هالشخصية إلها خصوصية ومكانة خاصة .