هاي يا شباب وصبايا
اليوم الصبح اول ما طلعت من البيت شفت منظر الي اسبوعين عم شوفو بس مدري ليش اليوم حبيت احكي فيه .....
جنب بيتنا في مدرستين وحديقة كتير حلوة وبالمدرستين عم بيقدمو الشهادات فيهن امتحاناتهن
والاهل بينطرو ولادهن بالحديقة
وبحكم اني كل يوم بدخل عالحديقة منو لشم هوا نظيف بطريقي عالشغل وشوف هالخضار الخلاب والورورد ( حاسة حالي بموضوع تعبير :oops:)
المهم .. اللي كتير لفتلي نظري
انو الاهل بيضلو قاعدين بالمقاعد اللي بالحديقة ناطرين ولادن والاحاديث اللي كانت دايرة اسمعو :
المقعد الأول : الام قاعدة عالمقعد وابنها جنبها غرقان بالكتاب اللي بايدو عم بيشوف شو كتب .. وهيي فرحانة وعم تحكي بالموبايل : حبيبي انا اليوم كتير مبسوطة والله الدنيا مو سايعتني من الفرحة .. اي والله كتب منيح وعم بيقلي انو تمام التمام ..
طبعا الولد وجهو خالي من اي تعبير وما كانو الموضوع اللي عم ينحكى عنو
المقعد التاني : ثلاث سيدات وجوهن مصفرة تقولو شايفينلن شي فيلم رعب وقاعدين ع اعصابهن وما حدا منهن عم يحكي كلمة
بس ايديهن اللي عم يفركوهن ببعض هي الوحيدة الي عم تتحرك مع عيونهن المتجهة حولين الباب وناطرين دخلة ولادهن عالحديقة
المقعد التالت كمان سيدتين ماسكين ورقة الاسئلة والكتاب وعم بيحلو الاجوبة ( طبعا لسا ابنن ما طلع من المادة بس هنن حصلو ع ورقة الامتحان وعم بيحلوها بيحكم انو هنن كمان عم بيقدمو امتحانات مع ولادهن )
وانا عم اتفرج واذ كنت ح انصدم ب3 امهات واب عم بيحلو الاسئلة وحافظينها عن ظهر قلب
الله ستر .. وما خبطت فيهن
تابعت المسير واذ بلاقي بطرف الحديقة اباء الطلاب مجتمعين مع بعض
يمكن طولت
بس اللي حبيت وصللكن ياه .. انو ليش هالظاهرة اللي انتشرت اخر فترة .. اي بتذكر ايام امتحاناتي امي اضل بالبيت لحتى ارجع تسالني كيف عملت..
عم حس انو الاهل عم يحفظو المنهاج اكتر من ولادن .. وعم بيعشو برعب .. يعني كلما بتسال الاهل شبكن ليش هيك مهمومين بيقولو عنا تاسع او بكالوريا


شو رايكن انتو بهالظاهرة ؟؟؟؟؟

اي صحيح مزودينها كتيير

قلنا اي تحديد مصير بس مو لهالدرجة

بيستنوا بالبيت احسن


ولا يمكن هنن اساسا طالعين ليشموا ع هوا ولا شو بالزبط:?

عفكرة فيكي شغلة مميزة موجه اني مواضيعك شقد ما طالت ما بتملل ....

المهم يا عيوني هلق هي الشغلة يلي عم تحكي عنها مظبوطة وعم تزداد بس بنسبة قليلة

انا بتوقع اني 5% فقط من الطبلاب يلي عم يجو اهالين عالمدارس ...
لان لو اجو كلن ما رح تسع الحديقة بحياتهااااااااا :o

هلق هاي الظاهرة ما بعرف إذا اهتمام زائد ولا فخفخة ولا وسواس ...؟؟؟؟؟

بس اكيد الاهل بزودوها شوي بهل قصة وبحس اني الولاد يلي بيتعاملو اهلو بهل طريقة بيكون ما عندو ثقة بنفسو وبيكون مشخلعين ومدللين

يعني انا كنت لما ارجع من فحص التاسع والبكالوريا الوم امي ليش ما سألتني كيف كتبت :x قلها لك سأليني كيف كتبت ولوووو

المهم هل شي بظن بيزرع قلق عند الطالب وخوف لان بيصير ضغط مضاعف من الاهل على الطالب :D


شكرا موضوعك كتير مفيد :D

اي شو بدي احكيلك لكان انا
المركز الامتحاني بضيعتي والطلاب عم يقدمو بضيعتون
واهاليون بتلاقيون ناطرين من الساعة 8 عند باب المدرسة رغم انو البيوت لاتبعد شيء عن المدرسة
يعني الفكرة انو يمكن زيادة اهتمام من الاهل وانو يمكن الطالب بيحس انو في حدا جنبو عم يازرو بالفحص فبيكتسب قوة وثقة اكتر
واحيانا بتكون شوفة حال انو جارتي اجت مع ابنا عالامتحان انا لازم اجي كمان مع ابني

عفكرة فيكي شغلة مميزة موجه اني مواضيعك شقد ما طالت ما بتملل ....

المهم يا عيوني هلق هي الشغلة يلي عم تحكي عهنا مظبوطة وعم تزداد بس بنسبة قليلة

انا بتوقع اني 5% فقط من الطبلاب يلي عم يجو اهالين عالمدارس ...
هلق هاي الظاهرة ما بعرف إذا اهتمام زائد ولا فخفخة ولا وسواس ...؟؟؟؟؟

بس اكيد الاهل بزودوها شوي بهل قصة وبحس اني الولاد يلي بيتعاملو بهل طريق مشخلعين ومدللين

يعني انا كنت لما ارجع من فحص التاسع والبكالوريا الوم امي ليش ما سألتني كيف كتبت :o قلها لك سأليني كيف كتبت ولوووو

المهم هل شي بظن بيزرع قلق عند الطالب وخوف لان بيصير ضغط مضاعف من الاهل على الطالب


شكرا موضوعك كتير مفيد :D

لك مالها قليلة بنوب يعني الحديقة كانت كبيرة ومليانة .. وصدقني اذا بقلك انو اهالي 75% من الطلاب كانو موجودين ..
وميرسي ع ردك المفيد حياتي :D:D:D

والله اناامي ماكانت لاتسالني شو درستي ولاكيف قدمتي وتاركيتني بحالي
بتزكر انو سالوني كيف قدمت بعد اخر امتحان:?
وهاد بكون احسن بكتير لانو وقتها الطالب مابحس انو عم يمر بمرحلة خطيرة وبياخد الامتحانات بسهولة وبقدم منيح..بس لما يكون الاهل ضاغطين وخايفين اكتر منو اي والله بعقدوه للولد:shock:

وعفكرة موجة بحر موضوعك كتير حلو:D

هو الناس بيقولو لما يكونو الامتحانات ع الابواب لازم الاهالي يوفروا الجو الملائم لاولادن مشان يحصلوا منيح بس هني عم يفهموها غلط و بيزودوها كثيير . بس شو منعمل قلوب الاهالي كثير حنونة و لو كانو بيقدروا يدخلوا ع الفحص بدل اولادن كانوا ما قصروا :lol:

انا بعتئد السبب انو الوضع اختلف بشكل عام ,
يعني ما بتزكر انو نحنا كان لازم يكون عنا اساتذة خصوصي لكل المواد مع العلم انو الطالب بيكون مسجل دورات .... يعني وضع الدراسة كلو اختلف ...
هلئ صار الطالب من صف الاول بدو دروس خصوصي.
وماساة ورعب الشهادة عنا بيخلي الاهل يصيرو هيك .. الاهل عم يدفعو دم ئلبون لولادن وبالاخر وبهالايام صار لازم ينحكى بالمجاميع الكاملة لانو المعدلات دابحة الطلاب ..

شكرا موجة عالموضوع :D

هلق منحسن منقول اذا الاهل ماخافو على اولادن مين بدو يخاف
وكمان لازم الاهل يسقو بلاولاد وهي مهمه كتير
بس كمان الاولاد زودوها شوي
انو عندو فحص وهو عبلعب سكنبيل:lol:
وين صارت هي
بس ومع هيك في كتير نجحو وبتفوق

انا لما كنت ادرس ع ايامي يعني .. كانت امي بعد ما وصل البيت تسالني كيف عملتي واحيانا تنسى انا قلها شو بروح بدق ع باب الجيران مشان يسالوني كيف قدمتي :pos::cry:....

هلا في وجهين للقصه .. واحد منهون انو كتير حلو الاهتمام وحلو تلاقي حد مشغول بالو عليك .. ولانو فعلا فعلا تحديد مصير ..والولد بهالمرحلخ ما بكون عرفان شي ..انا هلا اذا بيرجع فيني الوقت بدرس اكتر ..

الجهة التانيه انو بجوز هالاهتمام يقلب ررعب للبنت او الولد ..
فيعني الوسط احلى شي

أول شي بهنيكي يا موجة البحر على الموضوع :D
وفعليا هذا الي صاير
الأهل عبيقدموا الأمتحان أكتر من الأولاد
وضغط نفسي عليهم وعلى العائلة وعلى الحركة الأقتصادية بالبلد وإذا ما كان على القارة الأسيوية
كله معسكر بالبيت بس منشان مود الولد أو البنت للدراسة
ولحقله طلبات وعلى هس وسكوت وشيلوا التلفزيون وقلعوا الأنترفون
حتى العصفور رحلوا عند بيت العمة
الله وكيلك تخربطت البلد من هالبكالوريا والبروفيه
سألني أستاذ أني طالبة بكيت
قلتله بكاء الطالب بعد الفحص نوعين
يا أما مروحله 4-5 علامات
يا أما متسقط تسقيطة على المقتل يعني مهور ومصورخ العجي
ما بقول غير الله يوفقهم للأهل قبل الطلاب
لأنه الأهل تقطعوا 6000 شقفة منشان هالشهادة
ولسا سمعت خبرية قال في غلط بسؤال بالرياضيات :sick:
بشرفي إذا صحيح هالخبرية :x ... الأستاذ ألي حط الأسئلة لازم يرحلوه على أقرب دويرينة :deal:
بيجوز يجاوبني الأستاذ : عودي كله بيغلط
هداك الوقت بتشوفي شو بدي أرد عليه:jakoush::jakoush::jakoush::jakoush::jakou sh:
:jakoush::jakoush::jakoush::jakoush::jakoush::jako ush:

اي صحيح مزودينها كتيير

قلنا اي تحديد مصير بس مو لهالدرجة

بيستنوا بالبيت احسن


ولا يمكن هنن اساسا طالعين ليشموا ع هوا ولا شو بالزبط:?

هو اكيد خايفين ع ولادهن .. بس هاد الخوف تحول لمرض وهاجس بلا طعمة
اكيد مو طالعين شمة هوا لانو تعالي شوفيهن بيضلو واقفين ع اجريهن ساعات وتحت الشوب بيستنو طلعتهن من الامتحان
ميرسي لمرورك وردك حياتي :D:D

انا برأيي انو الأهل لازم يحسسوا اولادهن بالراحة و ما يزيدوا التوتر و الخوف لانو الطلاب مو ناقصين و بيكونوا لحالهن خايفين و متوترين فبيجوا الاهل بزيدوا عليهن ... و على قصة انو الاهل يستنوا اولادهم لحتى يقدموا ممكن تكون هالشغله بصالح الطالب او انو بتشعرو بتوتر اكبر او اذا استقبلوهن بعد ما قدموا و اطمنوا بهدوء بدون ما يشعروهن انو خلص نهاية الدنيا لو ما قدموا منيح فهادا الشي بيكون منيح

يسلمو عالموضوع :)

اي شو بدي احكيلك لكان انا
المركز الامتحاني بضيعتي والطلاب عم يقدمو بضيعتون
واهاليون بتلاقيون ناطرين من الساعة 8 عند باب المدرسة رغم انو البيوت لاتبعد شيء عن المدرسة
يعني الفكرة انو يمكن زيادة اهتمام من الاهل وانو يمكن الطالب بيحس انو في حدا جنبو عم يازرو بالفحص فبيكتسب قوة وثقة اكتر
واحيانا بتكون شوفة حال انو جارتي اجت مع ابنا عالامتحان انا لازم اجي كمان مع ابني

لك مو بس عم بيأزروه .. لك بيجننوه للولد بتكر كان عندي رفيقتي بشهادة التاسع
كانت تقلي ما بيجي ع بالي اطلع لانو اذا نقصتني علامة امي بتمرض وبتبكي بدالي
لك عنجد احيانا بيتلفولهن اعصابهن للولاد .. حقهن يخافو الاهل لانو هدا مصير الولاد بس مو هيك

ميرسي لمورك بنفسجة

( عالهامش تسلميلي يا ساحلية :D تعالي نعمل شلة اهل الساحل:o:p )

هو الناس بيقولو لما يكونو الامتحانات ع الابواب لازم الاهالي يوفروا الجو الملائم لاولادن مشان يحصلوا منيح بس هني عم يفهموها غلط و بيزودوها كثيير . بس شو منعمل قلوب الاهالي كثير حنونة و لو كانو بيقدروا يدخلوا ع الفحص بدل اولادن كانوا ما قصروا :lol:

اي والله ما كانو قصرو لو فيهن ... كانو درسو وقدمو معنا :lol:
ميرسي لرايك وردك حياتي

والله اناامي ماكانت لاتسالني شو درستي ولاكيف قدمتي وتاركيتني بحالي
بتزكر انو سالوني كيف قدمت بعد اخر امتحان:?
وهاد بكون احسن بكتير لانو وقتها الطالب مابحس انو عم يمر بمرحلة خطيرة وبياخد الامتحانات بسهولة وبقدم منيح..بس لما يكون الاهل ضاغطين وخايفين اكتر منو اي والله بعقدوه للولد:shock:

وعفكرة موجة بحر موضوعك كتير حلو:D

اي والله هيك كانو اهالينا .. لك ما كانو يحسسونا اصلا انو نحنا بشي امتحان مهم .. متلو متل اي امتحان انتقالي
ميرسي لرايك وردك تؤبشي قلبي .. وهدول عيونك الحلوين :D

يبدو انو هلظاهرة عنكم جديدة..
اما عندنا فصارت شئ كثير عادي..
يعني اللي يصير بالسادس الاعدادي(الصف التاسع عندكم)..لازم يدخل عند مدرسين خصوصي من العطلة الصيفية..ولما يبدأ عامه الدراسي يكون على الاقل خاتم منهجين..ويستمر النضال المرير طوال السنة الدراسية..
وطبعا الطالب ممكن ينهار من الضغط والقلق والخجل ..،مثل ما صار معي انا كنت بخاف اغلط.. وبخجل من اهلي انو يخيب ظنهم بيه..وقلقة من الاسئلة..وحاطة على بالي اني لازم اكون الاولى..و..و..و..لحتى صارت ترتفع حرارتي بدون سبب..ومرضت..وماجبت اعلى العلامات بكل المواد..وكان هذا الفشل الذريع اللي ما عرفت اتجاوز نتائجه لليوم..:cry::cry::cry:
شكرا موجة بحر ..للموضوع المميز..:D

بالعكس ياجماعة انا بشوف انو الأهل لما يروحو مع ولادن عالامتحان شي كتير حلو لأنو يعتبر دعم معنوي للطالب وتشجيع لالو يعني انا بذكر انو مدرستي بالبكالوريا طلعت جنت مكان الشغل تبع بابا وكان يطلع معي الصبح عالامتحان وانا ماشية معو حس انو الدنيا كلها بايدي ومو خايفة من شي بينما لما كنت روح لحالي كنت ضلني قلقانة ومتوترة يعني انو انا فعلا رايحة عالامتحان وضل طول الطريق وانا فكر هيك لكن لما يكون بابا معي مابفكر بشي بضل احكي انا وياه ونضحك وفجأة بكون صرت عباب المدرسة وبدي اقدم امتحان:p

هو الناس بيقولو لما يكونو الامتحانات ع الابواب لازم الاهالي يوفروا الجو الملائم لاولادن مشان يحصلوا منيح بس هني عم يفهموها غلط و بيزودوها كثيير . بس شو منعمل قلوب الاهالي كثير حنونة و لو كانو بيقدروا يدخلوا ع الفحص بدل اولادن كانوا ما قصروا :lol:

شكرا لمرورك وردك حياتي .. وفعلا هدول هنن الاهل حنيتهن وحبن عم ينقلب لخوف دائم

انا بعتئد السبب انو الوضع اختلف بشكل عام ,
يعني ما بتزكر انو نحنا كان لازم يكون عنا اساتذة خصوصي لكل المواد مع العلم انو الطالب بيكون مسجل دورات .... يعني وضع الدراسة كلو اختلف ...
هلئ صار الطالب من صف الاول بدو دروس خصوصي.
وماساة ورعب الشهادة عنا بيخلي الاهل يصيرو هيك .. الاهل عم يدفعو دم ئلبون لولادن وبالاخر وبهالايام صار لازم ينحكى بالمجاميع الكاملة لانو المعدلات دابحة الطلاب ..

شكرا موجة عالموضوع :D

صح هالكلام .. فعلا ققصة الأساتذة الخصوصي كان شي قليل ..
لك مو طبيعي صار كل الولاد اساتذة ودورات و حصص خصوصي
من زمان كان في معدلات عالية وكان في مجاميع بلا دروس خصوصي
بس الاساتذة كانو يعطو ويدرسو من قلبن مو متل بعض الاساتذة هلق بيعطو معلومات بسيطة مشان الطلاب يرجعو يسجلو عندن دورات ودروس خصوصي
حالة بتأسي عنجد :cry::cry:

ميرسي لمرورك حياتي سمسومة :deal:

والله ما بعرف انا شايفيتها شغلة حلوة واهتمام خاص..بس يمكن أحيانا بزودوها شوي وبعيشوا هني واولادهن بضغط...احنا عنا اهالينا بتعاملوا بالعكس :sly:..قال وع زغر بربونا نهتم بدروسنا وبهتموا كتير..وعلى كبر ولما بتقرب امتحانات النهائي (او الباكالوريا متل ما بتسموها) ما بعودوا بسألوا ..أو بسألوا بس ع الخفيف..قال يعني خلص هني مرتاحين على اساس انو ربونا على هالشي ف بتوقعوا انو ما نخيب ظنهن!..
هالموضوع لسا قبل كام اسبوع كنت احكي فيه انا واولاد الصف..وبعكسكو هون احنا كنا نتمنى يهتموا اهالينا شوي!!!

هلق منحسن منقول اذا الاهل ماخافو على اولادن مين بدو يخاف
وكمان لازم الاهل يسقو بلاولاد وهي مهمه كتير
بس كمان الاولاد زودوها شوي
انو عندو فحص وهو عبلعب سكنبيل:lol:
وين صارت هي
بس ومع هيك في كتير نجحو وبتفوق

والله كنا ندرس ع صوت الموسيقى وماما كانت تجن .. بس الحمد لله المعدلات ماشي حالها ودراسة غير شكل

ميرسي لمرورك معرف

اي والله معك حق موجه
انا البابا استاز والماما أستازة بس والله ماعمو معنا هيك يعني بهالشهر وقت قدمت بكالوريا البابا كان ينطرني حد المدرسة بالسيارة ليوصلني عالبيت لحتى اوصل عالبيت حتى يسالوني كيف قدمت وما بيطولو اسئلة لانو هالشي بيزيد ضغط عاللي بيقدم الامتحان

بس باغلب الاوقات عم نشوف هالظاهرة اللي عمتحكي عنا

انا لما كنت ادرس ع ايامي يعني .. كانت امي بعد ما وصل البيت تسالني كيف عملتي واحيانا تنسى انا قلها شو بروح بدق ع باب الجيران مشان يسالوني كيف قدمتي :pos::cry:....

هلا في وجهين للقصه .. واحد منهون انو كتير حلو الاهتمام وحلو تلاقي حد مشغول بالو عليك .. ولانو فعلا فعلا تحديد مصير ..والولد بهالمرحلخ ما بكون عرفان شي ..انا هلا اذا بيرجع فيني الوقت بدرس اكتر ..

الجهة التانيه انو بجوز هالاهتمام يقلب ررعب للبنت او الولد ..
فيعني الوسط احلى شي
اي والله ياريمي .. مدري كانت نسوة من اهلينا انهن ما يسالونا مدري كانو يمكن هيك متعودين من اهاليهن ..
كنا نتحركش فيهن حركشة ليسالونا شو عم نعمل وكيف :cry:
يعني شوفو الفرق بين اهالينا والاهل هلق ؟؟؟
حلو الاهتمام بس صاير اهتمامزايد وخوف .. عم بيرعبو الولد من الامتحان وعم بيصير معو ازمات نفسية انو اهلو تعبانين
شكرا لردك ريمي

أول شي بهنيكي يا موجة البحر على الموضوع :D
وفعليا هذا الي صاير
الأهل عبيقدموا الأمتحان أكتر من الأولاد
وضغط نفسي عليهم وعلى العائلة وعلى الحركة الأقتصادية بالبلد وإذا ما كان على القارة الأسيوية
كله معسكر بالبيت بس منشان مود الولد أو البنت للدراسة
ولحقله طلبات وعلى هس وسكوت وشيلوا التلفزيون وقلعوا الأنترفون
حتى العصفور رحلوا عند بيت العمة
الله وكيلك تخربطت البلد من هالبكالوريا والبروفيه
سألني أستاذ أني طالبة بكيت
قلتله بكاء الطالب بعد الفحص نوعين
يا أما مروحله 4-5 علامات
يا أما متسقط تسقيطة على المقتل يعني مهور ومصورخ العجي
ما بقول غير الله يوفقهم للأهل قبل الطلاب
لأنه الأهل تقطعوا 6000 شقفة منشان هالشهادة
ولسا سمعت خبرية قال في غلط بسؤال بالرياضيات :sick:
بشرفي إذا صحيح هالخبرية :x ... الأستاذ ألي حط الأسئلة لازم يرحلوه على أقرب دويرينة :deal:
بيجوز يجاوبني الأستاذ : عودي كله بيغلط
هداك الوقت بتشوفي شو بدي أرد عليه:jakoush::jakoush::jakoush::jakoush::jakou sh:
:jakoush::jakoush::jakoush::jakoush::jakoush::jako ush:


لك مبارح شفت ام عندها ولد بالبكالوريا وحياة ربي حسيتها بدها تموت لسا شوي واعصابها تعبانة لانو ابنها مو عامل منيح بمادة .. لك عنجد بتقطع القلب وقال نفسيتها تعبانة وشي خيلة من الخيلات
والله فكرت انو لا سمح الله ميتلها شي حدا
واختي فرطانة عالاخر كمان لانو عندها ولد بالتاسع وبنوتة بالبكالوريا وبعد ما خلص التاسع الامتحان ارتاحت شوي بس هلق الهم كلو لحتى تخلص بنتها

شكرا لردك مالك الحلبي :D

انا برأيي انو الأهل لازم يحسسوا اولادهن بالراحة و ما يزيدوا التوتر و الخوف لانو الطلاب مو ناقصين و بيكونوا لحالهن خايفين و متوترين فبيجوا الاهل بزيدوا عليهن ... و على قصة انو الاهل يستنوا اولادهم لحتى يقدموا ممكن تكون هالشغله بصالح الطالب او انو بتشعرو بتوتر اكبر او اذا استقبلوهن بعد ما قدموا و اطمنوا بهدوء بدون ما يشعروهن انو خلص نهاية الدنيا لو ما قدموا منيح فهادا الشي بيكون منيح

يسلمو عالموضوع :)

شكرا عالمرور

والله ما بعرف انا شايفيتها شغلة حلوة واهتمام خاص..بس يمكن أحيانا بزودوها شوي وبعيشوا هني واولادهن بضغط...احنا عنا اهالينا بتعاملوا بالعكس :sly:..قال وع زغر بربونا نهتم بدروسنا وبهتموا كتير..وعلى كبر ولما بتقرب امتحانات النهائي (او الباكالوريا متل ما بتسموها) ما بعودوا بسألوا ..أو بسألوا بس ع الخفيف..قال يعني خلص هني مرتاحين على اساس انو ربونا على هالشي ف بتوقعوا انو ما نخيب ظنهن!..
هالموضوع لسا قبل كام اسبوع كنت احكي فيه انا واولاد الصف..وبعكسكو هون احنا كنا نتمنى يهتموا اهالينا شوي!!!

ههههههههههههه سبحان الله
بس انو وين تنتو .. من اي بلد ؟؟؟؟
تعرفي احسن الشي انو الاهالي عنا ياحخدو من اهاليكن ويعطوهن شوي مشان تتعادل القصة :gem:
ميرسي لردك حياتي :D

اي والله معك حق موجه
انا البابا استاز والماما أستازة بس والله ماعمو معنا هيك يعني بهالشهر وقت قدمت بكالوريا البابا كان ينطرني حد المدرسة بالسيارة ليوصلني عالبيت لحتى اوصل عالبيت حتى يسالوني كيف قدمت وما بيطولو اسئلة لانو هالشي بيزيد ضغط عاللي بيقدم الامتحان

بس باغلب الاوقات عم نشوف هالظاهرة اللي عمتحكي عنا


عنجد لسا في كتير شغلات شفتهن ما حكيتن مشان ما يطول الموضوع
انا كمان حبيت احكي بشغلة احيانا بتحسي الولاد مو سائلين ع شي
يعني بيشوفو اهلن تعبانين وخايفين ع دراستهن وهنن بيضيعو وقت وما بيدرسو
ميرسي لمرورك حياتي