قريت مبارح بـ الشريط الأخباري تبع قناة سوريا

أنقطاع التيار الكهربائي في واشنطن في ساعة الذروة الصباحة ..

شو معناة هل خبر ؟؟

يعني مو أبدا أنو يكتبو أنقطاع الكهرباء في سوريا كل ساعتين ؟

لأنو هداك الخبر عجبة أما خبر الكهربا عنا أقل من عادي

بعدين يمكن تكون أنقطعت الكهربا عنهم بسبب ممانعتنا . مو قال وليد المعلم أنو بدنا نعاقب أميركا متل

ماعاقبتنا

لا مو هون الحلاوة الحلاوة قريتا من يومين بالشريط هادا اللي تحت مابعرف ازا لهلأ موجودة او شالوة
كانو كاتبين انو اخي المواطن

سعر الكهربا العادي (مدري شلون كانو بيحسبوا الكهربا نسيت شو كانو كاتبين بالضبط)
يعني فلنفرض مثلا بالكيلو (مثلا هه)
انو سعر كيلو الكهربا العالمي بــ10 ليرات .. عالميا
بينمى المواطن عبيتقدملوا سعر الكهربا بــ1.8 ليرة .. فيعني انو كاتبين بمامعناه انو يا اخي المواطن انو شوف نحن شقد هيك خادمينك ومفضلين عليك ومرخصين عليك الكهربا ..

يعني كأنو شلون عبحملوا المواطن منية .. بس بالعقل :lol:

حسون نفس الشي كمان كتبو عن الغاز والمازوت :larg:

حسون نفس الشي كمان كتبو عن الغاز والمازوت :larg:


خود بقى ..
احلى بكرة يضربونا منية ع الخبز كمان ..


ايييييييييييه تسالي عنجد :lol:

بوكرة بيصيرو بيقلولك الهوا الي عم تتنفسو عنا ببلاش بس بأوروبا وأميركا بمصاري تقول مفضلين علينا

والله شي حلو؟؟؟؟؟؟؟؟؟؟؟؟؟؟؟؟؟؟؟؟;)
احنا لسا ماوصلنا هيك نوع من التطور:cry:

هلق هوي الاخبار ما بتنكتب الا وقت بصير شي مهم يعني انت مثلا بتروح كل يوم بتاكل فلافل كل يوم كل يوم ما حدا بيسالك شو آكل وحتى وقت بدك تقعد مع واحد ما بتقول له : " إييييييه اليوم اكلنا فلافل "
لهيك ما حدا حكى عن الخبر بسوريا كون القصة روتينية لا بل لازم اذا ما انقطعت الكهربا ينزل خبر ( اليوم لم يتم انقطاع الكهرباء عن سوريا )

---------------------------------------------------
على الهامش : اليوم كان بدي ابعت لك برايقيت أسئلك اذا بعدك عايش :lol:
:D

شباب عنجد شغلة غريبة فيكم
لليوم اللي سافرت فيه من سورية ماكانت تنقطع عنا الكهربا ولو 5 دقايق

شباب عنجد شغلة غريبة فيكم
لليوم اللي سافرت فيه من سورية ماكانت تنقطع عنا الكهربا ولو 5 دقايق

صحيح بعمرا ما أنقطعت خمس دقايق

مني و عليي السنة الماضية .. تعقد الرب تاعي

بعز رب دين آب كل يوم تنقطع الكهربا بين الخمس ساعات و العشر ساعات .. ما في خمس دقايق شو هالحكي يا زلمي ..

شباب عنجد شغلة غريبة فيكم
لليوم اللي سافرت فيه من سورية ماكانت تنقطع عنا الكهربا ولو 5 دقايق

كأنك ما نزلت الصيف الماضي على سوريا
الله يستر هالصيفية

صحيح بعمرا ما أنقطعت خمس دقايق

مني و عليي السنة الماضية .. تعقد الرب تاعي

بعز رب دين آب كل يوم تنقطع الكهربا بين الخمس ساعات و العشر ساعات .. ما في خمس دقايق شو هالحكي يا زلمي ..
ههههههه بشرفي كلامك مزبوط :lol:



عالهامش: اول مرة بيجوز منتفق على شغلة انا وياك :?

شباب عنجد شغلة غريبة فيكم
لليوم اللي سافرت فيه من سورية ماكانت تنقطع عنا الكهربا ولو 5 دقايق
انت متاكد من هالحكي؟؟ قصدك قبل ما تسافر اول مرة ولا تاني مرة؟؟ :shock:

انت متاكد من هالحكي؟؟ قصدك قبل ما تسافر اول مرة ولا تاني مرة؟؟ :shock:

اول مرة...

اول مرة...
اي هالحكي صرلو زمان ... الشباب عم يحكو عن وقت كنت انت باول اجازة الك بسوريا

اي هالحكي صرلو زمان ... الشباب عم يحكو عن وقت كنت انت باول اجازة الك بسوريا
مشكلة وبتتصلح لنشوف الحجة
الصيف هاد بيبين كذبهن اذا الشغلة عطل

شباب عنجد شغلة غريبة فيكم
لليوم اللي سافرت فيه من سورية ماكانت تنقطع عنا الكهربا ولو 5 دقايق
بيجوز مركبين عندكون مولدة ومالك دريان

ييييييييييي نحنا ما بتنقطع عنا :gem:
بعز وقت التقنين ما انقطعت الله وكيلكن :larg:
شنو نحنا بحارة اليهود :pos:
مدعومين يا عمي من اسرائيل شو بدنا نعمل ...ما بتنقطع هي الاستعمار بدو :lol:
:D

كأنك ما نزلت الصيف الماضي على سوريا
الله يستر هالصيفية

انا نزلت الصيفية الماضية ونزلت هاي السنة ماانقطعت الكهرباء بالمنطقة اللي انا فيها اللهم الا ربع ساعة بس خلال شهر ونص اللي قعدت فيهم ,,,
يمكن حكيك صحيح بمدن تانية بس مااظن بالشام انقطعت واظن في عالم كتير بتأيدني بهالراي

بس مااظن بالشام انقطعت
:shock:
يمكن اخوي الشام اللي انت رحت لها بغير بلد :shock:

أي بتوقع السنة هاي رح ترجع الانقطاعات لأنو بنسبة كبيرة في اعتماد على المحطات الحرارية و على سعر النفط هالأيام ما بتوفّي..

الفكرة وجود محطات تبريد بجانب محطات التوليد او التحويل لأن بشكل اساسي توليد جهد من رتبة الكيلو فولط بيترافق معه اثر حراري كبير وطاقة حرارية ممكن تاثر على بارامترات التضخيم لهيك لازم يكون في شي اسمه دارات تبريد مترافقة مع المحولات اللي بتعمل بجهود عالية لكن في الصيف تحديدا بسبب ارتفاع الحرارة بشكل اكبر بتحتاج لدارات تبريد تعمل باستطاعة اكبر لتصريف الطاقة الحرارية التاتجة عن الجو المحيط اضافة لاستجرار التيار بشكل اكبر نتيجة اعتماد استخدام المكيفات الهوائية المنزلية في الصيف واللي بتستجر تيار كبير مقارنة مع بقية الأأدوات الكهربائية . وبالتالي مكيفات عددها كبير عبتشتغل بنفس الوقت وعبتستجر تيار كبير اله اثر حراري كبير متوافق معه + حرارة الطقس المرتفعة صيفا = مشكلة في التبريد فيا اما بتامن دارات تبريد باستطاعة اكبر يا اما بتغامر وبتشتغل على الدارات اللي عندك يا اما بتطفي كل شي وبتخلي العالم يحترق دينها من الشوب والحرارة .

والشباب فضلوا انهم ما يغامروا ويشغلوا محطات التحويل بالصيف مشان ما تضرب بتعرفوا هي اموال دولة متعوب عليها حتى اتجمعت وما لازم نهدرها كونها ثورة وطنية .

وشرف سعدو عوجاااااا واذا بدك اتجلسها بدها تنقرف معك فعيفها عوجا وشعل لك شمعة وتحمم بعرقك وسكووووووووت .

طيب سؤال شوي خارجي غابي...

بخصوص انو بالصيف يزيد الاستهلاك مفهومة... بس بخصوص دارات التبريد.. يعني مثلا المحطة الحرارية اللي شرق حلب ها شو دارة التبريد تبعيتها؟ قصدي انو مانها دارة ماء ما هيك؟

اي خيو بس تعيش برا وتعايش قديش الكهربا والمي ( يعني المياه )غالية وتعرف انو مو كرمال مواطنينون بل كرمال مصانعون ما بتنقطع الكهربا ويلي بيدفع الفرق هو اولا واخيرا المواطن رح ترجع اتقول لا يعطيون العافية عنا ع الاقل لس في هه شوية دعم ( ولو انو حسب ما عم يوصلني كل مانو الدعم لورا كتير )

اي خيو بس تعيش برا وتعايش قديش الكهربا والمي ( يعني المياه )غالية وتعرف انو مو كرمال مواطنينون بل كرمال مصانعون ما بتنقطع الكهربا ويلي بيدفع الفرق هو اولا واخيرا المواطن رح ترجع اتقول لا يعطيون العافية عنا ع الاقل لس في هه شوية دعم ( ولو انو حسب ما عم يوصلني كل مانو الدعم لورا كتير )


مقارنة بمستوى الدخل (و ليس كقيمة مطلقة) الكهربا بسوريا أغلى من أي دولة أوربية بدون شك

انا نزلت الصيفية الماضية ونزلت هاي السنة ماانقطعت الكهرباء بالمنطقة اللي انا فيها اللهم الا ربع ساعة بس خلال شهر ونص اللي قعدت فيهم ,,,
يمكن حكيك صحيح بمدن تانية بس مااظن بالشام انقطعت واظن في عالم كتير بتأيدني بهالراي

يمكن هالشي بيعتمد بأي شهر نزلت على سوريا بالصيف
مثلاً أنا نزلت بآخر تموز وقضيت شهر آب كلو هنيك وتحمل الشوب إذا بتتحمل :jakoush:
بس أنو طلع حتى بالشام في واسطة وما بتنقطع الكهربا ...أنا اعترض واحتج :pos:

اي خيو بس تعيش برا وتعايش قديش الكهربا والمي ( يعني المياه )غالية وتعرف انو مو كرمال مواطنينون بل كرمال مصانعون ما بتنقطع الكهربا ويلي بيدفع الفرق هو اولا واخيرا المواطن رح ترجع اتقول لا يعطيون العافية عنا ع الاقل لس في هه شوية دعم ( ولو انو حسب ما عم يوصلني كل مانو الدعم لورا كتير )

أنو ليش الفواتير بسوريا مو غالية إذا قارناها مع الرواتب ! خاصة هلا مع الفاتورة التصاعدية (ما بعرف إذا هيك اسمها )

انا برأي الشعب يخفف من الضحك لان الضحك بيزيد باسكهلاك الطاقه مما يؤدي الى حموله زائده على محطات التوليد الكهربائي وخصوصا المدن ليلي فيها بسط زائد متل الشام وحلب لزا على الاخوه سكان المدينتين التخفيف من الضحك وخبو شوي للعيد؟وشكرا مع تحياتي بصيف غير الشكل شو الفروج احسن منا مو خلقت الله

وبنسبه للفواتير انشاله هصيف رح نحاول ملندفعكن ولا فاتوره؟للحرص على جيب المواطن

طيب سؤال شوي خارجي غابي...

بخصوص انو بالصيف يزيد الاستهلاك مفهومة... بس بخصوص دارات التبريد.. يعني مثلا المحطة الحرارية اللي شرق حلب ها شو دارة التبريد تبعيتها؟ قصدي انو مانها دارة ماء ما هيك؟
سؤالك لازمه رحلة ميدانية بس انا حكيت لك من وجهة نظر علمية للأثر الحراري للتيار ومشاكله نحن بدرسونا كيف نحسب عامل التبريد للتخلص من الأثر الحراري ركز لي على ( كيف نحسب ) بس ما علمونا شون منطبق يعني شو هية آلية الدارة للتبريد ما عندي اي فكرة بس ادرسها بالجامعة برد لك خبر شغلة سنيتن زمان :lol:

:D

لا يا صديقي مو سوريا اغلى من ايا دولة اوروبية حتى لو كان في تفاوت بالقيمة الحقيقية للدخل بس الاستهلاك العشوائي بسورية مقارنة بايا دولة اروبية مفرط بالزيادة ولهيك بتصير الفاتورة اغلى وبتاخد قسم كبير من الراتب

لا يا صديقي مو سوريا اغلى من ايا دولة اوروبية حتى لو كان في تفاوت بالقيمة الحقيقية للدخل بس الاستهلاك العشوائي بسورية مقارنة بايا دولة اروبية مفرط بالزيادة ولهيك بتصير الفاتورة اغلى وبتاخد قسم كبير من الراتب

عفوا بس كلامك مو مزبوط.. ككلفة الكيلو واط الساعي مقسّم على مستوى الدخل هالنسبة بسوريا أكبر من كل دول الاتحاد الأوربي (يعني قديه النسبة المئوية من دخلك يكلف كيلو واط ساعي واحد بدون الدخول اذا استهلاكك كبير أو لأ..)... و هالشي صاير لأنو في نسبة فاقد استهلاك (المسروق أو الناتج عن سوء الشبكات أو قدمها) فوق العشرين بالمية... و كلفة العشرين بالمية عم يستوفوها من الشعب.. هذا السبب

لا يا صديقي مو سوريا اغلى من ايا دولة اوروبية حتى لو كان في تفاوت بالقيمة الحقيقية للدخل بس الاستهلاك العشوائي بسورية مقارنة بايا دولة اروبية مفرط بالزيادة ولهيك بتصير الفاتورة اغلى وبتاخد قسم كبير من الراتب

عفوا بس كلامك مو مزبوط.. ككلفة الكيلو واط الساعي مقسّم على مستوى الدخل هالنسبة بسوريا أكبر من كل دول الاتحاد الأوربي (يعني قديه النسبة المئوية من دخلك يكلف كيلو واط ساعي واحد بدون الدخول اذا استهلاكك كبير أو لأ..)... و هالشي صاير لأنو في نسبة فاقد استهلاك (المسروق أو الناتج عن سوء الشبكات أو قدمها) فوق العشرين بالمية... و كلفة العشرين بالمية عم يستوفوها من الشعب.. هذا السبب. أو هيك شرحلي بزماناتو قريب الي مهندس كهربا بالمؤسسة

ياسيدي نحنا مرحومين كتيير كتير من ناحية الفاتورة , الغلط متل ماقال ياس هو بسبب الفاقد كمثال عنا بالبيت بسورية التمديدات كلها قديمة و لها السبب عم ندفع الفاتورة دبل ,فاتورتنا ما بتقل عن 1500 وسطيا بسبب وبسبب تاني كمان قدم الشبكة بشكل عام حيث انو ماعاد سمعنا عن تحديثات بشركة الكهربا
من ناحية تانية تسعيرة الكيلو واط عنا كتير عادية
انا هون بشوف الناس عايشة على لمبة او 2 مو نيون ها , وبيشغلوها بالليل ومع هيك بتجي الفاتورة مو تحت 1800 ليرة سوري وفي احسن الاحوال 900 علما انو عندهم طاقة نووية بتزودهم بالكهربا.

لا مو هون الحلاوة الحلاوة قريتا من يومين بالشريط هادا اللي تحت مابعرف ازا لهلأ موجودة او شالوة
كانو كاتبين انو اخي المواطن

سعر الكهربا العادي (مدري شلون كانو بيحسبوا الكهربا نسيت شو كانو كاتبين بالضبط)
يعني فلنفرض مثلا بالكيلو (مثلا هه)
انو سعر كيلو الكهربا العالمي بــ10 ليرات .. عالميا
بينمى المواطن عبيتقدملوا سعر الكهربا بــ1.8 ليرة .. فيعني انو كاتبين بمامعناه انو يا اخي المواطن انو شوف نحن شقد هيك خادمينك ومفضلين عليك ومرخصين عليك الكهربا ..

يعني كأنو شلون عبحملوا المواطن منية .. بس بالعقل :lol:

برافو ملاحظة مهمة وكنت بدي اكتب عنها
طبعا هي ممكن انو تنفهم انو عم يضربونا منية
بس الاهم ويبدو هادا يلي رح يصير انو عم يلمحوا لزيادة الكهرباء وكأنو نحنا عايشين بسويسرا حتى يحكوا هالحكي انو سعر الكيلو واط هالقد يروحوا يشوفوا الرواتب وومتوسط دخل الفرد بهديك البلاد قبل مايحكو
مابكفي المازوت ارتفع 3 اضعاف وارتفعت معو البلد كلها وقبلو البانزين وقبلن الكهربا
بس السؤال يلي عم يدور ببالي انو هلئ مرتع عالميا برميل النفط لهيك ارتفعت المحروقات ,طيب وقت كان برميل النفط 15 او 25 دولار اديش كانت عم تربح الدولة عنا ؟
الله يستر من الجاية ,الحياة صارت مستحيلة والجرائم كترت والفلتان اكتر والسرقة على ابو موزة

سؤال لغرابيل وياس وكل الشباب
طيب عم نقول انو ارتفاع البترول ممكن يكون سبب بس السؤال ليش نحنا ما عنا عنفات على السدود
طيب انصرعنا بسد الفرات متل ما انصرعنا بحقول رميلان وغيرو وغيراتو ايام الدراسة
طيب وين الكهرباء يلي عم تتولد من السدود
طيب مزال علاقتنا منيحة ما شاالله مع تركيا وكيل يوم والتاني ناطط لعنا مسؤول تركي وعنا علاقات تاريخية وانتهت المشكلة مع تركيا من وقت اوجلان طيب ليش ما بزيدو مياه الفرات كم متر مكعب ؟
وعلى اساس نحنا وايران حلفاء واتفاقيات ومدري شو كمان , تبعتلنا كم برميل نفط على حسنة هالعباد ؟

سد الفرات شو بدو يلحق تيلحق... صار عمرو 35 سنة و عنفاتو ختيرو و يا دووووووووب يتحرّكو... و كمان في (هالحكي مسموع بهديك المناطق كتير) مشكلة بنيانية بالسد... قال الخبراء الروس (و ضد رأي عدد كبير من مهندسين السدود السوريين) عملو العنفات أفقية, و العنفات طبعا لازم تكون بالنصف الأعلى من السد و لذلك اذا مستوى المياه منخفض (لأنو كمية المي اللي عم تجي أقل بسبب شح الأمطار و الخ من الأسباب) مافي كمية مي و بالتالي تيار يحرّك هالعنفات بينما لو عاملينها عمودية كان عالقليلة العنفات التحتانية دايما شغالة (طبعا ما بعرف شو مصداقية هالحكي... يبدو منطقي بس لا يعدو عن كونه حكي ناس)..

اما النفط... أي ايران حبيبتنا بس كل شي لوحدو شو خلّفتنا و نسيتنا ايران؟ مانا مجبورة فينا طبعا..

الحل يكمن بالبدء بالتفكير بالطاقات البديلة بشكل فعّال و على نطاق واسع (و خصوصي الطاقة الشمسية و طاقة الرياح) ... أكيد ما رح يكفو لكل البلد بس يشيلو كتف... و شوي شوي ياخدو مكان النفط اللي عدا عن كونو غالي هلأ و راح يغلى أكتر... ملوّث فظيع

شوفي مثلا طريقة توليد الكهربا بالاستفادة من طاقة تيارات الهوا

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


هالطريقة بلشو فيها بالمنطقة اللي أنا فيها من شي 15 سنة... و شوي شوي صارو يعتمدو عليها و هلأ تغطي 60-70 بالمية من حاجة المقاطعة و لهالسبب و رغم انو البيترول في تصاعد.. بفضل الطاقة الهوائية خفضو سعر الكهربا 12 بالمية خلال السنة هاي للاستهلاك المنزلي .. خفيفة و نظيفة و رخيصة (بس لازم تنحط بمكان عالي و عالساحل).. أكيد بسوريا ما رح تغطي نسبة كبيرة كون ساحلنا مو طويل كتير و ما عنا تيارات الهوا تبعيت المحيط... بس خلّي مثلا تغطي 40 بالمية من محافظات الساحل... شو ما كان هاد ضغط يخفف عالشبكة و يخفف استخدام البترول


و كمان الطاقة الشمسية شغلة كبيرة كتير... و ماشالله عنا بادية و عنا شمس ترقع فيها تمام.. من كم يوم شفت بالتلفزيون شركة اسبانية عاملة حقل خلايا طاقة شمسية بصحراء الجزائر مدري كم هكتار.. و قال هالحقل هاد خلال يوم مشمس عادي ينتج طاقة تكفي مدينة سكانها 50% نسمة لمدة 3 تيام ...

انت قرات الموضوع اللي حطيتو عن شركة سورية بتعمل بيت كامل مع تجهيزات طاقة شمسية وبتكلفة البيت تبع السكن الشبابي ؟؟
اذا مزبوط حكيهم رح نقدر نسغنى عن الطاقة الحالية بنسبة تتجاوز 70%

بلا كترة حكي .. بـ الحارات الـ مو مدعومة الكهربا بتجي ساعتين تلاتة عندون بـ الصيف ..

و الحارات الـ مو مدعوة بتقطع عندون الكهربا تلت أربع ساعات كل ؟؟؟؟؟؟؟ 40 سنة ؟

انت قرات الموضوع اللي حطيتو عن شركة سورية بتعمل بيت كامل مع تجهيزات طاقة شمسية وبتكلفة البيت تبع السكن الشبابي ؟؟
اذا مزبوط حكيهم رح نقدر نسغنى عن الطاقة الحالية بنسبة تتجاوز 70%

أي قريت هالحكي.. و قريت كمان انو كان بدهون يعملو مشروع قانون انو كل بناية طابقية جديدة (شقق سكنية) يجبروهون يحطو طاقة شمسية على الأقل بشكل يكفي سخانات المي ... لو يعملوها فكرة حلوة كتير و الله. لأنو توفير ضغط عالشبكة و توفير كلفة عالناس بالفواتير (هالقانون موجود بالدول الأوربية.. و اذا زاد عندك طاقة من خليتك الشمسية الشركة تاخد الفائض و تنقّصلك قيمتو من الفاتورة القادمة)

سد الفرات شو بدو يلحق تيلحق... صار عمرو 35 سنة و عنفاتو ختيرو و يا دووووووووب يتحرّكو... و كمان في (هالحكي مسموع بهديك المناطق كتير) مشكلة بنيانية بالسد... قال الخبراء الروس (و ضد رأي عدد كبير من مهندسين السدود السوريين) عملو العنفات أفقية, و العنفات طبعا لازم تكون بالنصف الأعلى من السد و لذلك اذا مستوى المياه منخفض (لأنو كمية المي اللي عم تجي أقل بسبب شح الأمطار و الخ من الأسباب) مافي كمية مي و بالتالي تيار يحرّك هالعنفات بينما لو عاملينها عمودية كان عالقليلة العنفات التحتانية دايما شغالة (طبعا ما بعرف شو مصداقية هالحكي... يبدو منطقي بس لا يعدو عن كونه حكي ناس)..

اما النفط... أي ايران حبيبتنا بس كل شي لوحدو شو خلّفتنا و نسيتنا ايران؟ مانا مجبورة فينا طبعا..

الحل يكمن بالبدء بالتفكير بالطاقات البديلة بشكل فعّال و على نطاق واسع (و خصوصي الطاقة الشمسية و طاقة الرياح) ... أكيد ما رح يكفو لكل البلد بس يشيلو كتف... و شوي شوي ياخدو مكان النفط اللي عدا عن كونو غالي هلأ و راح يغلى أكتر... ملوّث فظيع

شوفي مثلا طريقة توليد الكهربا بالاستفادة من طاقة تيارات الهوا

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


هالطريقة بلشو فيها بالمنطقة اللي أنا فيها من شي 15 سنة... و شوي شوي صارو يعتمدو عليها و هلأ تغطي 60-70 بالمية من حاجة المقاطعة و لهالسبب و رغم انو البيترول في تصاعد.. بفضل الطاقة الهوائية خفضو سعر الكهربا 12 بالمية خلال السنة هاي للاستهلاك المنزلي .. خفيفة و نظيفة و رخيصة (بس لازم تنحط بمكان عالي و عالساحل).. أكيد بسوريا ما رح تغطي نسبة كبيرة كون ساحلنا مو طويل كتير و ما عنا تيارات الهوا تبعيت المحيط... بس خلّي مثلا تغطي 40 بالمية من محافظات الساحل... شو ما كان هاد ضغط يخفف عالشبكة و يخفف استخدام البترول


و كمان الطاقة الشمسية شغلة كبيرة كتير... و ماشالله عنا بادية و عنا شمس ترقع فيها تمام.. من كم يوم شفت بالتلفزيون شركة اسبانية عاملة حقل خلايا طاقة شمسية بصحراء الجزائر مدري كم هكتار.. و قال هالحقل هاد خلال يوم مشمس عادي ينتج طاقة تكفي مدينة سكانها 50% نسمة لمدة 3 تيام ...






هلا سد فرات في قصة تانية انو في مشروع لاصلاحه وتظبيط الكهربا من خلال النهر للحسكة والرقة ودير الزور وقال اجت شركة اسبانية لتساويه بس قال بعدين ضغطت عليها اميركا وانسحبت( في خرط بالقصة) وقدمت شركة صينية وانسحبت لنفس السبب

وفي اقتراح انو تساعدون تركيا بس كيف ما بعرف

بخصوص انو بالصيف يزيد الاستهلاك مفهومة... بس بخصوص دارات التبريد.. يعني مثلا المحطة الحرارية اللي شرق حلب ها شو دارة التبريد تبعيتها؟ قصدي انو مانها دارة ماء ما هيك؟عالاغلب محطة التوليد هي بتشتغيل عتبريد الهوى ما تبريد المي ...
وعكل الاحوال التوليد ما كتير بيلزمو تبريد , التحويل الي بيلزمو اكتر

وهلق سوريا كتير مهتمة بمصادر الطاقة المتجددة
على سبيل المثال, اذا الواحد بدو يركب الواح طاقة شمسية ببيتو, الحكومة بتدفع نص تكاليف الانشاء

وهلق سمعت من جماعة انون رح يبلشو بتسويق المراوح الي بتولد الكهربة.. بس هدول مشكلتون انون غالين كتير كتير..


ببحبشة صغيري عن شوية ارقام بتتعلق بالموضوع لقيت انو بيكلف وسطيا سعر الكيلو الوات 1000 دولار .. وما بتوفي مع حدي انو يحط مروحة بتطلع كام كيلو وات بس.. فبيبلش الحكي بالميات .. وهلق بشكل عام اكتر الشي دارج هي مروحة ال 500 كيلو وات, يعني بتصير تكلف المروحة 500 الف دولار , يعني 25 مليون ليرة سوري, هدول لحتى نرجعون أذا فرضنا رح نبيع هالكهربة للمستهلك دغري وبسعر 1,8 ليرة سورية للكيلو وات الساعي .. بدنا نشغل هالمروحة 27777 ساعة .. يعني بيطلعو تقريبا شي 3 سنين وربع... هادا الحكي كلو اذا انتي عما تستخدم هالمروحة بطاقتة القصوى طول هالفترة .. وهادا الشي مستحيل... وسطي الحساب بيكون بال 8 ساعات عمل باليوم باحسن الاحوال وما بتوصل للاستطاعة القصوى بنوب
هلق كل هالحكي اسا بدنا نضفلو شغلتين كتير مهمين .. اول شغلة القسم الهندسي .. والي هوي انك توصل هالكهربة الي ولدتا بالمروحة للشبكة العامة .. وهادا الحكي مانو سهل بنوب ... يعني بيلزمك اول الشي استطاعة مستاهلة لحتى الواحد يساويلون شكبة ومحولات ومن هالقصص .. وهدول عطول حقون كتير كتير غالي ..
والشغلة التاني هي الشغلة الاقتصادية .. يعني مين رح يجمد 25 مليون ليرة مشان مروحة هوا بدا مدري كام سنة لتطلع حقا .. للمقارنة حق مولدة كهربة باستطاعة 500 كيلو وات بتشتغل عالمازوت ما بيوصل لل 3 ملايين ليرة!!!

خيو هادا الحكي كلو هلق بشغلة بحبشة صغيري عالانترنت وكتير اسألة لأب سعيد ( شيخ الشباب والله :gem:) ققدرت جمعون .. بس اسا الموضوع اكبر بكتير بكتير .. يعني بدك اسا تحسب انو اديش بقيان اسا نفط . واديش عما تلوث البيئة هلق بكل كيلو وات عما تأنتجو .. يعني بتصير شغلات بدا بحبشة اكتر بكتير . ومعلومات كتيرة اسا ما عندي اياها ..
بركي بعد سنتين تلاتي انا وغابي منقعد نشرحلكون اكتر عن الوضع:lol:


ومتل ما قلت انت قبل .. في عنا الطاقة الشمسية كمان شغلة ما طبيعية.. وهلق حكومتنا ما مقصرة بالموضوع .. ولو انون متأخرين شوي .. بس صل متأخرا خير من ان لا تصل ...


عكلن بغض النظر اذا انقطعت الكهربا بالشام او بواشنطن (اصلا عيب علينا نقارن الشام بكل عظمتة بشقفة واشنطن ,من كام مية سنة ما كانت موجودة بنوب:p) الدنيا رح تجي عيوم اسود اذا ما لقينا مصادر طاقة بديلة عن النفط .. وغير الطاقة الذرية الملوثة للبيئة اكتر من النفط

لا تأخزونا طولنا عليكون وفوتناكون بالف حيط .. بس الموضوع صار حلو كتير ومهم كتير كتير .. وجرجرني بالبحبشة والحكي اكتر واكتر
:D