عناوين أحملها في ذاكرتي للمرحوم عدنان بوظو جاءت بعد مباراة منتخب الوطن مع الكويت وبعد أن شعر كل مواطن عربي سوري بالغصة نتيجة عك كروي أفقدنا الفوز أو حتى التعادل.!!

لماذا؟

الدخول إلى المنتخب يكون عبر تعب وتفوق أمّا لدينا كل يوم وجه جديد ومدرب جديد وإداري جديد ومكان لعب جديد ولم أر استقراراً لتشكيلة المنتخب أو استمرارية في العمل منذ سنوات وبالتالي مع منتخبات المناسبات كان الحصاد شوكاً.

الإعلام أعطى المنتخب أكثر مما يستحق وبكثير لعلّ وعسى حيث في التصفيات كان التعادل مع إيران على أرضها ليس لأن منتخبنا هو الرائع بل لأن منتخب إيران كان المتواضع ومع الإمارات في دمشق ظهرت الصورة الحقيقية »من دون تعليق« وجاء لقاء الكويت في دمشق وبدل من أن يكون فريقنا مرعباً في الحصة الأولى كان الأشقاء هم الأفضل ونتيجة ضغط الجمهور تحسن الأداء واستطعنا تسجيل هدف بفضل جسم أحد المدافعين الذي جعل الكرة تنحرف وتخذل الحارس..!!

وإلى المباراة التي كانت كالصاعقة؟

إلى المدرب: في أرض الأشقاء من سيهاجم أولاً تحت ضغط الجمهور؟ وبالتالي لماذا فتحت الشوارع من أول لحظة!!

»مرقص شينكو سنحاريب« هل وصل هؤلاء لدرجة الانسجام وخاصة صمام الأمان!!! وهؤلاء القادمون من أوروبا برأيك كيف سيكون عطاءهم في الكويت مع حضور الحرارة والرطوبة العالية وأقول ومعي الكثيرون كانوا عبئاً على الفريق.

شكراً فراس الخطيب لقد لعب وحده ضد منتخب الكويت وسجل هدفين حيث لم تكن هناك الرهبة حاضرة لديه والتأقلم مع أرض الملعب ومع طبيعة الطقس.

وأخيراً كفانا تخبطاً وحرقاً لأعصاب الناس نحن مازلنا بعيدين عن العلمية وبالتالي لانملك هوية كروية.. ولن نستطيع الفوز لا على إيران ولا على الإمارات بعطاء كهذا!!

لأن الاستاذ لم يعلم أبناءه إلاّ ساعات قليلة وبالتالي لا نجاح بالمعنى الحقيقي إنما هناك طفرات لاتسمن ولا تغني من جوع.

بقلم زياد عامر عن صحيفة الرياضية السورية

فشو رأيكن ياجماعة ، ممكن نتأهل من مجموعتنا على الدور التاني
يعني ممكن نتغلب على إيران و على الإمارات ولا خلص لا حياة لمن تنادي:larg:

اولا صوتت للاول يعني اي نحنا ئدها

تانيا ما بس الرطوبة والحرارة كانت المشكلة , الجو الو اسبوع عبارة عن عجاج يعني ما بتئدر تتنفس

تالتا براي الكركبة الي صارت بفترة هالعشرة ايام بتكفي لتتعب اي منتخب

اللعييبة بيلعبو او لاء , بنعطو جوازات او لاء, و بالاساس الاتحاد الرياضي بتحسو ضد المنتخب ما معو

انا متفائلة بس القصة بدها شوية رواء بالاجواء

وأنا متفائل بس يحرق ديك الشغلة كل ماتوصل اللقمة للحلق.......:larg:

الامل الوحيد انو يغلبو ايران ...انشالله يعملوها..

هلق انا هون لح احكي مع الكل جمهور واتحاد رياضي عام والمنتخب وابو شاكر


لح نبلش مع ابو شاكر

خيو انت زلمة نضيف واشتغلت شغل كتير حلو مع الكرامة ليش لتنزع سمعتك بايدك؟مفكر انو المنتخب الجنة الموعودة؟وانو مسيو احمد جبان لح يعطيك اللي بدك يا؟ومالح يحطلك العصي بالدواليب؟الله يسامحك ويعينك وبتمنالك التوفيق


2-للجمهور السوري

يعطيكن العافية عملتو كل شي بتقدرو تعملوه عالملعب حضرتو و كنتوا احلى شي باللعب كلها بس انو هيك صار ومعكون حق وماعد حدا يقدر يطالبكون بشي

3-للاتحاد الرياضي تبع كرة القدم انو عنجد انتوا عالم ما بتستحوا ولا عندكن ذرة شرف ومالح احكي اكتر من هيك لانو مالح تحسوا باي كلمة لح تنحكى بس انو يلعن ا...ولاد 600 ك..

4-للمنتخب يعطيكن العافية وقصرتوا كتير كتير كتير

شكرا لانكن خوزقتوا 20 مليون سوري

بالاخر بتمنى ماعد حدا يطلب مننا انو نحنا الجمهور انو نحضر بالملعب ولا ولا ولا

لانو منحنا للمنتخب الثقة 4 مرات و4 مرات خوزقنا فشكرا كتير للكل والله يعينك ابو شاكر


مايسترو

أنا أيضاً رشّحتُ الاحتمال الأوّل...
والفوز على إيران والتعادل مع الإمارات سينقلنا إلى الدور الثاني.
لكن المشكلة هي في مواجهة أقوياء الدور الثاني!

ايران ما عاد مستواها متل أول وبتصور رح نقدر نتفوق بسهولة :gem:.
بيضل حاجز الامارات وانشالله منتجاوزو.
انا متفائل .

يا زلمة مايسترو دغري من اول خسارة .. صرنا خلص .. وما عاد النا شي بالمنتخب ..

المنتخب كان زفت ... يومها ..

بس الكويت كانت ازفت يا جماعة حرام ..

الدفاع كان .. ملبك بشكل مو طبيعي .. والهجوم ... رجا رافع كان ولا حبة .. على عكس وقت نزل اللعبة الماضية وجرك كتير باللعبة ..

بس عكلن كلو بصير ولسا بكير وكلو وارد ..

عندي امل لسا .. مع انو شوي .. راح التفائل الكبير بس لسا في امل ..

بازن الله السبت .. لح يقدرو يعملوها .. ويا رب ..

دج دج دج سوريا الملعب يوم السبت حيكون متروس .. وبازن الله في فوز ..

وان شا الله .. بيمشي حالنا ..

روق مايسترو .. ولازم نكون معهم ل اخر الاياب .. :D

رحنا معهن لآخر دقيقة من المباراة وانشالله مايخيبوا أملنا
دج دج دج سوريا
بالطول بالعرض رح نجيب إيران بالأرض:larg:

والله ياشباب حرام
يعني بس ليفوز المنتخب بيكون منتخب الاحلام وبس ليخسر بيطلع ماعاد نافع
والله اللعب خسارة وفوز
مباراة خارج الارض
مع فريق معروف بالمفاجات
الغلطة يلي ارتكبها المدرب هو اشراك المحترفين خارج ارضون
يعني لو انو هالمحترفين لعبو المباراة يلي كانت بالشام ولو كم دقيقة منها كانو بمباراة الكويت غير شي
ماهني مش متعودين على الفريق وما الون شي واصلين وفي منون مابيحكي عربي وفي حساسيات تجاهون من اللعيبة يلي بالبلد فبجي انا بلعبون بمباراة خارج ارضي ومع فريق اذا مافاز رح يطلع برا
انا بصراحة مازعلت بالعكس حسيت لاول مرة انو لازم قلون يعطيكون العافية ولازم تبذلو مجهود اكبر
اثر فيي كتير مباراة الامارات وايران يلي فازن فيها ايران بارض الامارات وانتزعت الصدارة وبقي المعلق يقول برافو ياشباب خيرها بغيرها ياشباب وانتو كويسين وبيطلع معكون
واطلعت علينا نحنا بس فريقنا ليخسر شو بنعمل فيه
فعلا بحس انو خسارة المنتخب بسببنا احيانا
انا معو للاخير

لك هلق انو كلنا معون للاخر هاد مافي خلاف عليه


بس انو يعني شو؟بيخسروا ونرقصلون؟قلي شو؟

اللعيبة كان لعبهون بيقرف واذا لح يضلوا فهي مصيبة

اما بالنسبة للعيبة المحترفين وقصة الحساسية هاد بيدللك انو اللعيبة ماعم تلعب من قلبها لانو المنتخب يفترض يكون منزه عن هيك شغلات


انو يعني الاعلام والمنتخب والقيادة الرياضية كلون طلبوا من الجمهور نكون مع المنتخب طيب وبعدين؟اكلنا خازوق الامارات وسكتنا واجا بعدها خازوق الكويت الاول..انو بشرفكون يعني بمباراة الذهاب كان هاد لعب بالشوط الاول؟.
سكتنا لانو فزنا طيب؟اكلنا خازوق تالت
انو انا لح ضل معو هاد شي اكيد بس انو شو وبعدين؟


يا زلمة وحياة الرب شي عيب


مايسترو

مايسترو
انا برايي هلق الحكي مابينفع
خلينا نسكت ونبقى نرفع معنوياتون على حساب معنويات الجمهور لاخر مباراة الون
وبعد ماتخلص المسابقة اذا طلعنا منا بننبحت عليون
واذا بقينا بنضل ساكتين
هيك عم شوف بغير دول عم يعملو وعم ينجح الموضوع
فليش نحنا بدنا نخطف الكاس من راس السطل من اولها
يعني انو حكيت عن مباراة الامارات والمباراة الاخيرة وماذكرت مباراة المنتخب مع الكويت وهي سلبية عنا انو دائما بنركز على الاشيا يلي بتحبط
معلش روقو شوي عالمنتخب وخلونا نسكت لاخر مباراة:D

طيب يعطين العافية جميعا اللاعبين خصوصا على الأداء البطولي والقتال من أجل نقاط المباراة الثلاث ، بس الحظ ماحالفنا للأسف ، و أنا رح ضل مع المنتخب للنهاية على أمل الفوز على الإمارات وبأرضها بما لا يقل عن ثلاث أهداف (حلم إبليس بالجنة)

أي خليك معهم . بس ترجع لحنا ناطرينك هون ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

اي وانا كمان معون

شو ما صار

معليش شو صار سوريا متل النار
معليش شو صار سوريا متل النار
معليش شو صار سوريا متل النار

:larg:

دج دج دج سوريا

أنا بالمباراة الجاية مع الأمارات . بتحبو تشارطو ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

انا مستعد ادخل بشرط وبشرط كبير انو من اجري ازا منفوز المباراة الجاي .. عندي امل وماعندي
فمابعرف شو قول .. بس انو


تفييييييييييييييييييييييي ه علينا