منع زواج القُصّر في سوريا [الأرشيـــــف]

عرض كامل الموضوع : منع زواج القُصّر في سوريا

ابو ريتا

07/06/2008, 13:01

في حملة أثارت الكثير من الجدل، طالب عدد من الحقوقيين السوريين بمنع زواج القُصّر (ما دون 18 سنة) في سوريا.

والجدير ذكره أن قانون الأحوال الشخصية في سوريا يحدد سن 15 سنة للفتى و13 سنة للفتاة، بعد تحقق شرط البلوغ، كحد أدنى للسن المتاح للزواج قانونياً في سوريا.

ويعتقد بعض الحقوقيين والتربويين وبعض العاملين في المجال الاجتماعي بضرورة رفع الحد الأدنى للسن الذي يتاح فيه الزواج قانوناً إلى 18 سنة كحد أدنى، ويعتقد هؤلاء أن الفتى أو الفتاة غير مؤهلين لا نفسياً ولا جسدياً ولا سلوكياً لتأسيس أسرة وتحمل مسؤولياتها تحت سن 18، ويؤكد أصحاب هذه النظرية أن كثيراً من المآسي الاجتماعية والتربوية تترتب على زواج الصغار ممن هم دون 18 سنة خاصة زواج الصغيرات.

في المقابل يدافع البعض عن نص القانون السوري الذي يربط الحد الأدنى للسن المتاح للزواج بتحقق شرط البلوغ الجسدي فقط، مؤكدين على وجود حالات معينة تدعم دقّة هذا البند من القانون وصوابيته، كما يطالب آخرون بعدم إغراق الدولة في شؤون العلاقات الاجتماعية، في حين يحذّر فريق ثالث من أن الشرع الإسلامي أباح الزواج فور توفر شرط البلوغ الجسدي، مما يعني أن رفع الحد الأدنى للسن المتاح للزواج يمثّل تجاوزاً للمنظومة الدينية التي تعد المصدر الرئيس لقانون الأحوال الشخصية في سوريا.

فما رأيك فيما سبق؟
هل تؤيد تحديد الحد الأدنى للسن المتاح للزواج بـ 18 سنة؟
أم تعتقد أن في ذلك تدخل غير مبرر من جانب الدولة في الشؤون الاجتماعية والدينية؟ :larg:

عن سيريانيوز

Reemi

07/06/2008, 13:15

مع مع مع مع مع وكتييييييييييير
لانو دخلكون الي تحت ال18 شو بيفهم لسا من هالدني؟

ابو ريتا

07/06/2008, 13:18

مع مع مع مع مع وكتييييييييييير
لانو دخلكون الي تحت ال18 شو بيفهم لسا من هالدني؟
شكرا للمشاركة:larg:

yass

07/06/2008, 13:23

شي منطقي يكون الزواج للقصر ممنوع (قانونا).. لأنو يفترض انو القاصر غير مؤهل نفسيا و فكريا لحتى يقدم على امور مهمة... و الزواج مصير حياة يعني يفترض الواحد أو الوحدة يعرفو شو عم يساوو

يجوز فعلا في ناس يصير عمرها خمسين سنة و ما تعرف شو بدها و بالمقابل في ناس 15-16 سنة تعرف تماما مكانها و شو بدها.. لكن القانون لا يحتمل النسبية و اعتقد انو حد البلوغ موجود لأمور كثيرة و لازم يكون للزواج كذلك

و شكرا عالموضوع

..AHMAD

07/06/2008, 13:23

مع مع مع مع مع وكتييييييييييير
لانو دخلكون الي تحت ال18 شو بيفهم لسا من هالدني؟

وانا مع كمان ... بس يعني في اختلاف بسيط ... انو هالشب بارادتو بعض الاحيان ... بس الضربة انو في كتير بنات بيتزوجو بضغط من الأهل وبهيك حالة ضاع مستقبلهن يعني لا دراسة لا شغل ولا اي شي وما بشوفو شي من هالدنية يعني بينتقلو عسجن بهيك حال ... وهالقانون اجا حماية الهن

W.E.G.A

07/06/2008, 13:24

مع وبشدةةةةةةة

:D

ابو ريتا

07/06/2008, 13:32

ابو ريتا

07/06/2008, 13:33

وانا مع كمان ... بس يعني في اختلاف بسيط ... انو هالشب بارادتو بعض الاحيان ... بس الضربة انو في كتير بنات بيتزوجو بضغط من الأهل وبهيك حالة ضاع مستقبلهن يعني لا دراسة لا شغل ولا اي شي وما بشوفو شي من هالدنية يعني بينتقلو عسجن بهيك حال ... وهالقانون اجا حماية الهن
نورت وشكرا على المشاركة:larg:

ابو ريتا

07/06/2008, 13:33

مع وبشدةةةةةةة

:D
شكرا على المشاركة، وياهلا:larg:

boy freind

07/06/2008, 14:25

مع مع مع مع مع وكتييييييييييير
لانو دخلكون الي تحت ال18 شو بيفهم لسا من هالدني؟
شلون ما بيفهم بعصرنا جيبي ولد ابن عشر سنين بتلاقيه مخضرم بالحياة

طبعا انا مع مع مع

Abu ToNi

07/06/2008, 15:39

بأيد وبشدة اصدار القرار من هاد النوع وما بدي احكي كتير اللي قبلي حكوا كل اللي بدي اقوله :D

Marooshe

07/06/2008, 15:52

الزواج تحت سن 18 مأساة!!

Abu ToNi

07/06/2008, 15:55

الزواج تحت سن 18 مأساة!!
وبضيف على كلامك يعتبر جريمة بحق الاطفال في حال الانجاب

جريمة مشترك فيها الوالدين " مع تحفظات " والأهل اللي رضيوا يصير هال نوع من المهازل

:deal:

simsima57

07/06/2008, 16:00

يعني بدون ما اقراء المقالة صوتت مع

لك طبعا مع ومليون مع وحتى 18 لسا صغيرة :jakoush:

souriana

07/06/2008, 16:08

بدي افهم شغلي انو الاستبيان موضوع للمناقشة ولا للشكر والترحيب ؟؟:?

ماعم اعرف ان كان في نقاش ولا حدا كان مسافر وابوريتا قاعد يرحب ويشكر

whiterose

07/06/2008, 16:16

انا مع انو يتحدد ها الشي لأسباب كثيرة وكبيرة
اهمها الزمن يلي وصلناله والأهم نسب الطلاق المرتفعة

اي نحنا هلىء بال 26 وماعم نعرف نختار:oops:

بس في شغلة يعني انا كتير بحترم رأي الأهل بهكذا مواضيع نظراً للخبرة ولنظرة الأهل الكبيرة لمصلحة الأولاد
بالنسبة للزواج

اختي كانت تحب شب من ايام الجامعة وطبعا امي كانت اتعاملنا كاننا رفقات
فكانت دائما تقلها انو ها الشب مو منيح وهي حرة
كنت انا كتير اتجاكر وقلا لأمي لك شو عرفك شو شفتي منو قبيح
وفعلا طلع كلامها صح

ولما تقدم شب لخطبة اختي كزواج تقليدي وافقت امي وقالتلا انو هو ابن حلال
وفعلا طلع الشب ابن عالم وناس

ولما انا انخبطت من 4 سنين كان رأي امي لاء وقالتلي انو رح اندم وفعلا ندمت وفسخت الخطوبة علما انو كان عمري انذاك22 سنة

يعني انا مع انو البنت لا تبكر كتير بالزواج ماعاد الزواج صار مهم بحياة البنت متل ايام زمان
الزمن اتغير ونحنا اتغيرنا

بتخيل صار في شي بها الحية اهم من الزواج وهو انك تحصل على مستوى علمي عالي
وتأمن مستقبلك بعدين فكر باشياء أخرى

موضوع حلو تحية اب ريتا

ابو ريتا

07/06/2008, 17:21

ماتغيروا الموضوع و شكرا للتثبيت :larg:

مايسترو

08/06/2008, 01:02

طبعا مع

ولا يا سيدي مو مع انو يتغير لل 18 لازم لل21 كمان

مايسترو

Abu ToNi

08/06/2008, 03:14

الأرقام اللي طلعت للاسف بتزعج

انه 19 واحد مع انه يمنع الزواج تحت ال 18
وشخص واحد مع الزواج

الشي اللي بيزعج انه رقم غير منطقي بالنسبة للشارع السوري اللي بيتعامل مع الامور بنسب مقلوبة وبعكس الاستفتاء النسب اللي طلعت معنا وبالتالي منقدر نعرف انه اغلبية الشعب السوري ما يفوت على النت وبالتالي ما بيستخدم الانترنت ( ما عبقول اذا فات على النت ضروري يكون بالأخوية )

بس على الاقل منقدر نعرف انه ما حدا من الشعب الجاهل بيستعمل الأنترنت وبالتالي كافة حملات التوعية اللي بتصير عن طريق النت بسوريا ما عبتصل للعالم اللي لازم تصلهم وبالتالي الأنترنت صعب يصير وسيلة توعية وهيك خسرنا نحن كسوريين اهم وسائل التوعية العالمية .

:D

( ابو ريتا الموضوع فعلا بيستاهل التثبيت )

Reemi

08/06/2008, 08:36

( ابو ريتا الموضوع فعلا بيستاهل التثبيت )

ثبتو من اول ما نزل

Abu ToNi

08/06/2008, 09:18

لك انت مافي منك

بس شوها سمايلي هاد

طيري لقول لك عند رؤى حتى اطق حنكي معك :lol:

zerocold hacker

08/06/2008, 09:25

انا مع هاد الموضوع تماما لانو نص العالم بتجوز بناتها على بكير بعدين بعد ما تحبل وتولد البنت بيطلقها جوزها لانو عقلها صغير وبياخد الولد منها وبتصير البنت معقدة وما بعرف شو غير طبعا الولد شو صار بنفسيتو

وطبعا من النادر انها ترجع تتزوج مرة تانية اما لانها تعقدت من الجواز او لانو المجتمع ما بيحبذ المطلقات

وكل هالنتائج بسبب الزواج المبكر

انا لو فيي صوت اكتر من مرة ما كنت قصرت انا مع هاد القانون وياريت يكون اكتر من سن 18 كمان

زوربا

08/06/2008, 10:24

ليش بال 18 بيصير الواحد عاقل...
لا خيو أنا ضد فكرة المنع...لأنو مو بال 18 سنة بيتحدد إذا الواحد خرج يتجوز ولا لأ...

Abu ToNi

08/06/2008, 12:07

ليش بال 18 بيصير الواحد عاقل...
لا خيو أنا ضد فكرة المنع...لأنو مو بال 18 سنة بيتحدد إذا الواحد خرج يتجوز ولا لأ...
بساطة بكون الانسان بعده بمرحلة ( المراهقة ) وما فيه يختار قرار مصيري بانه يحدد شريك العمر اللي بده يقضي معه حياته او الباقي من حياته الا اذا كان فكرة الطلاق مشروع كتير عادي بالنسبة الك واوكي مافي مشكلة يتزوجوا هلق وبعدين يتطلقوا ويصير عندهم خبرة فهاد حديث تاني .

Reemi

08/06/2008, 12:23

Abu ToNi

08/06/2008, 12:38

غير انو بكون بعمر المراهقه وما فيه ياخد قرار وعقلو لسا ما اكتمل ونظرة للامور والحياة والدنيا لسا ما اكتملت .. بس هل هوي - هي جسمهن قادر فسيولوجيا للزواج لانو تحت ال18 ما بتوقع بيكونو لسا اكتملو وبيكونو ففاهميين حالون منيح !!

وهل هني فيهن يتحملو مسؤووليات بيت واسره واطفال وعيله !!
لهيك بتشوفي حملات التوعية طارشة الدنيا مشان يتخلصوا من مشاكل العلاقات في مرجلة المراهقة يعني عنا بينصحوا بالزواح بعد ال 18 بينما برا بينصحوا باستخدام موانع الحمل قبل ال 18 بيختلف المنظور لكن الفكرة واحدة واللي هي عدم استيعاب ابعاد العلاقة ومسؤولياتها

معك 100 بالمية يا ريمي بس ما عبيعجبني السمايلي اللي حاطتيه :frown:

achelious

09/06/2008, 05:26

.. الزواج مؤسسة اجنماعية لازم ماننسى هالشي.. والقانون دوره هو دور العراب في الحقيقة..
والمسؤولية بتقع على عاتق الأهل.. لأنو القانون بالحالة اللي ذكرتوها بيشطرط موافقة الأهل لإتمام المعاملة قانونيا.. بقى مافي كتير مساحة للقانون بهيك حالة.. لأنو اللي يرتكبوها فيون يستنوا كم سنة لتزويج من يشاؤن ممن يشاؤون.. واللعب هون بدو يكون عالوتر الاجتماعي.. بدو شغل عوعي الناس..
يعني هيك قصة الصحافة بتلعب دور فيها أكبر وأكتر تأثير من القانون نفسه.. لأنو بالنهاية المسألة راجعة للأهل أصحاب القرار في تلك الكنتونات.
والسلام:D

msalehh

09/06/2008, 08:30

اكيد انا مع هالقانون

ابو ريتا

10/06/2008, 14:55

الي اختار انو يكون الزواج تحت 18 يعطينا رأيو :larg:

Government

12/06/2008, 12:00

ضد ضد .. وبرجع بزكر الاسباب

بنفسجة

12/06/2008, 13:49

خطوة كتير مهمة
ورائعة اذا بتطبق جد
هيك بتلغي سيطرة الاب وبتمنعو من التحكم بمصير بنتو تحت حماية القانون

Juliet

27/06/2008, 04:09

مع تعديل القانون وضروري جدا ...
لان متل ماذكرو الاخوة فوق الشب او البنت ماتهيئ لانفسيا ولاجسديا لهالشي ....
وبعدين طبيعه الحياة تغيرت عن القديم .... قديما كان الشب يتزوج ويجب هالمرا على بيت اهله ويسكن ويشتغل مع والده وهيك بكل بساطه

اما هلأ بدو يامن بيت وشغلو لبين مايتخرج ويزبط وضعو بدو عشر سنين وين رايح بالعجئه ..... والبنت نفس الشي بنات باعمار الزهور عم ترتمي على بيت زوجها وهي مافهمانه شي ...

وطبعا نحن عم نحكي على نسبة الاغلبيه بالمجتمع .

يعطيك العافيه على الموضوع والاستفتاء

يمان Rooooonaldo

27/06/2008, 12:31

مرحبا جميعا ..

ثانكس ابو ريتا عالموضوع ..

هلا .. انا بصراحة ماني عاطي موقف .. 100 % انو مع هيك قرار .. بس برايي في نسبة صغيرة .. بتضل برانية .. لل ضد .. يعني ما دائما .. كل الحالات بتكون .. بتقبل ..

في بنات هلا ... وخصوصي هلا بهيك وقت .. عم يكونو ما شا الله حولن .. البنات عرفانين حالن .. من ال 16 او ال17 ..

بس .. انو بضل في شي اسمو .. حالات خاصة يعني .. صعب انك تطبقا على .. الكل ..

بس النقطة .. اللي جد بتخليك تعطي .. نعم لهيك جماعات .. انو تطالب بهيك شي .. هية انو البنت من حقا انو تتعلم .. وتكمل دراستا .. وما من حق حدا .. انو يختارلا .. هلا قبل ال 18 ممكن تضل سيطرة وتاثير الاب على البنت .. كبير لدرجة .. انو بتقبل من تم ساكت .. بتوقع ... من بعد ال 18 .. بتكون ولو قدرت تفكر .. وتاخد فكرة كاملة عن حياتا .. وشو بدا تساوي .. :D

** انا صوتت ببالغلط على لا .. نقصولهم واحد :p

:D

Sarita

27/06/2008, 12:37

مع مع مع مع مع وكتييييييييييير
لانو دخلكون الي تحت ال18 شو بيفهم لسا من هالدني؟
حبيبتي هلق صبي عمرو 12 سنة بيعلمك وبيعلمني وبيعلم الكل عن الحياة

بس اكييد وقطعا وابسولوتلي نوت
لا اؤيد زواج القصر

يا زلمة خلي البنات يعيشو حياتون لسا الدني باولها
وبعدين يكملو تعليمون بالاول ويعدين يفكرو بالزواج لانو هيدا التاني مسؤولية كبيرة ولا زملها تروي باتخاد القرارات مو خبط لزء وبعدين منلاقي الرجال متزوج ع مرتو مرة تاني

Government

27/06/2008, 13:01

طبعا انا قلت ضد هالقانون ورح قول ليش ضد ..
اول الشي .. هلأ اللي قالو مع قالو مشان عمر البنت وانو مابتكون بتفهم شي قبل الــ18 وجاهلة بكلشي ..
انا ضد هالرأيي .. بالعكس في بنات عمرن 14 او 15 سنة وبيفهموا وواعيات وعقلن اكبرن من بنات عمرن 20 مو 18 وقادرين يتحملو مسؤوليات وع قدر كبير من المسؤولية + انو بيعرفوا كل الامور اللي بتخص الزواج واموروا وبعلموني وبعلمو بنات عمرن 18 وفوق .. اكيد مو من باب الفكر المامنيح .. بالعكس هنن يعني ناضجين ومن سن ال14 حتى وعقلن كبير .. ويعني مناسبين تمام لتحمل المسؤولية .. وزواجن مو غلط بالمرة ..
حتى من ناحية الشكل وبنية الجسم .. يعني لما بتشوفن بتقول انو مابتصدق انو هدول بنات 14 :shock:
يعني بتعطين اعمار 20 .. و25 وفوق ..
بينما في بنات عمرن 18 واكتر ومبين عليهن بنات 15 سنة من مناعية ولسه اصلا مابكون مكتملين لا جسديا ولا شي ..
وطبعا عنا بحلب هالشغلة كتير منتشرة .. وزيادة وانا بصراحة في بعيلتي وبالعيل القريبة من ومن الرفقة والناس القريبين تقريبا بنات كتير وكتير كتير .. متجوزين من عمر الــ14 او ال15 وحتى في وحدة بال13 :shock:
وقريبين علي كتير ..
وطبعا كل هدول صلن سنين متجوزين وسنين طويلة وعايشين بصراحة حياة ولا اروع من هيك الله يهنين وصار عندن ولاد .. ورايحين يصيرو جدود .. وماشاء الله عليهن حياتن سمنة ع عسل ..
وبينما عمنشوف ناس متجوزين من عمر الــ18 وفوق .. وحتى فوق ال25 .. (ع اساس فهمانات ومتعلمات وهيك )
ومع هيك حياتن سيئة وماكتير متفاهمين مع جوازن وولادن وهيك ..
(واكيد مو للتعميم هالحكي دير بالك :sly: بس شرائح كبيرة من اللي عمنشوفا)
+ شغلة كمان .. يعني هلأ الوحدة لما بتتجوز وعمرا الــ14 وبتجيب ولد بعمر الــ15 سنة فرح يكون فرق بينا وبين ابنا 14 سنة مثلا .. فيعني هادا شي كتير كتير حلو .. وانو بعودو تقريبا متل الاخوة .. مو متل ام وابنا .. يعني انا بعرف ناس قريبين علي الفرق بينا وبين ابنا 14 سنة .. واللي بشوفن بفكرون اخوة مو ام وابن .. وشي حلو كتير هادا
(طبعا هالحكي مو للتعميم هي تقريبا شريحة كبيرة من اللي انا شايفو واكيد مافيني عمم وحط الف خط تحت مو الكل )
هلأ هي شغلة ..

شغلة تانية .. الشغلة اللي زكروة اللي قالو مع هالقانون انو الغصب ع الزواج من قبل الاباء وهالحكي هادا ..
فبقلن انا .. يا اخي هالحكي ماضل من شي .. هالحكي اللي عبتحكو كان من 40 .. 50 سنة او اكتر شوي ..
يعني ع زمن باب الحارة وهالحكي .. بس هلأ يا اخي هالحكي انقرض وانقرض بدرجة كبيرة وانا كتير واثق من هالحكي .. ماعاد حدا يجوز بنتو غصبالعنا متل اول .. اول الشي معظم الاباء عقولن تفتحت من التوعية وغيرو وحتى اللي باعلى درجات الجهل .. ماعاد عندن هيك شي .. والناس صار عندا توعية وماعاد الاب يجبر بنتو ويغصبا ع هيك شي متل الزواج .. لانو هالشغلة بالتحديد مابينغصب عليها .. كمان يا اخي بنات هالوقت انو ماعاد ينغصبوا ع شي .. يعني فلنفرض مثلا مثلا يعني انو ابوة غصبا .. يعني كمان مالن قصيرين حربة وماعبيرضوا بهالشي وباغلب الحالات ماعبصير هالزواج حتى لو الاب غصب البنت والبنت مابدا .. علمن انو هالشي انقرض وماعاد في اباء تغصب بناتا .. الا ما ندر

الشغلة التالتة .. يا اخي هي حرية شخصية .. اخي بركي بنت ال14 عاجبا واحد وبدا تتجوزا :shock:
اخي بركي البنت كسلانة ومو فالحة بدارستا ومابتحب الدراسة ومالا شي بالدراسة وبدا تتجوز يا اخي .. هي بارادتا .. مين بحقلو يمنعا .. وهالشي في منوووووووو كتير وكتير كمان بنات هنن بدن يتجوزوا من عمر ال14 بدون ماحاد يجبرن .. فهيك بنات ماحدا بحقلن ينمعن لا قانون ولا منظمات تشريعية ولا الحكومة زاتا .. هي حرية شخصية .. وخط احمر .. وكل واحد بيتحمل نتيجة حريتو .. وماحدا ابدا بحقلو يمنعو عنا ..
مشان هيك هالقانون غلط وغلط كتير كمان ..

وهي وجهة نظري انا بتفصيل ..
:D

yass

27/06/2008, 13:06

fernanda bachchan kfoury

27/06/2008, 13:26

لا تروحو عالحالات الخاصة... القانون لازم يحكي صورة عامة... اذا القانون يعتبر انو شخص تحت الـ 18 عام غير مؤهل للانتخاب مثلا, أو البيع و الشراء بممتلكات, و بدو ولي أمر لحتى يفتح حساب بنك... اذا القانون معتبرو غير مؤهل ليعمل كل هالقصص كيف راح يكون مؤهل لحتى يقرر شي مصيري بحياتو مثل الزواج؟؟

انا معك yass
حكومة حكياتك مقنعين بس باكتر الحالات منشوف انو الصبايا المتزوجات من سن 12 سنة او 14 سنة اكتر عرضة للطلاق او للزواج عليهن
هيي حقيقة في صبايا عمرن 16 او 17 وبيعرفو كل شي واوعى من الصبايا ذوات العشرين والاربعة وعشرين بس مش كلن لانو بيجي نهار وتزهق الصبية من حيات الروتين اللي عايشتا لانو ماتكون ديجا عايشة حياتا وسنّا كرمال هيك مابأيد هالزواااااج بنوووووووب

في الي رجعة..:D.

عطر سوريا

27/06/2008, 13:37

انا اكيد معو وبشدة وقوة كبيرين لاسباب خاصة بالحبيبة :cry::cry::cry::cry::cry::cry::cry::cry::cry::cry: :cry::cry::cry::cry:

Juliet

27/06/2008, 22:33

اي ياسيد Government معك حق في نسبة زواج بسن 15 او 14 وبتنجح وبتستمر بس نحن عم نحكي بشكل عام وهلأ لو سألت اي بنت تزوجت صغيرة وماكملت دراستها بتقلك ياريتني كملت دراستي وبعدين تزوجت ....

وبعدين انت عم تقول على البنات والبنيه الجسديه صحيح في هيك بس صدقني مو فهمانه شي مجرد بنت مراهقه وعم تلعب وبدها تحب وتعشق وبتجيها فرصه الزواج وبتتزوج وبتجيب ولاد وبصير عنا 2 و 3 وهي عشرين لسى ماطبقت .....
وفي لهلأ بزمنا ناس مابتعلم البنت إلا للصف السادس او الاعدادي اقصى حد وبتزوجوا هالبنت وخلص .... ولاتنسى انه الولاد الي رح يجو رح يتربو بنفس الطريقه الي تربت فيها الام او الاب ...

وبعدين نحن هالجيل سواء الشباب او البنات محور حياته ان يتزوج وبس يتزوج كانه حرر فلسطين ... ماعاد علينا شي

براي لازم يتم تحديد سن للزواج ..:oops:

Abu ToNi

28/06/2008, 00:22

انا معك yass
حكومة حكياتك مقنعين بس باكتر الحالات منشوف انو الصبايا المتزوجات من سن 12 سنة او 14 سنة اكتر عرضة للطلاق او للزواج عليهن
هيي حقيقة في صبايا عمرن 16 او 17 وبيعرفو كل شي واوعى من الصبايا ذوات العشرين والاربعة وعشرين بس مش كلن لانو بيجي نهار وتزهق الصبية من حيات الروتين اللي عايشتا لانو ماتكون ديجا عايشة حياتا وسنّا كرمال هيك مابأيد هالزواااااج بنوووووووب

في الي رجعة..:D.
انه ما زبطت معي البنت بتكون واعية بال 16 / 17 ووقت بتصير 20/24 بيختفي الوعي منهل وبروح وبترجع جاهلة ؟!

The Stranger

28/06/2008, 01:28

سؤال يطرح نفسو ابن الـ 18 او الـ 20 سنه شو بيكون فاهم من الحياة حتى يتزوج ويرزق بطفل وهوي بعدو في سن مراهقه فعلى اي اساس راح يتزوج ...

حتى لو كان مقتدر ماليا او القصد من زواجه للبعد عن ملذات الدنيا وشهواتها ...:lol:

السؤال اللي بيطرح نفسو ليش ليربط حالو من صغرو ويتعقد بكبرو بسبب زواجو المبكر ... :shock:

وجهة نظر لا اكثر ولا اقل :sick:

Reemi

28/06/2008, 01:31

براي لازم يتم تحديد سن للزواج ..

هوي محدد سن للزواج ..بس فيو التفاف...
بيزوجهن القاضي وحتى ولو تحت السن القانون " اذا ارتأى ضروره " بدي افهم اي ضروره بتسمح يزوج تنين بسن مبكر...وطبعا اغلب اغلب القضاه بيشوفو ضروره مع الاسف :x

Government

28/06/2008, 01:57

هوي محدد سن للزواج ..بس فيو التفاف...
بيزوجهن القاضي وحتى ولو تحت السن القانون " اذا ارتأى ضروره " بدي افهم اي ضروره بتسمح يزوج تنين بسن مبكر...وطبعا اغلب اغلب القضاه بيشوفو ضروره مع الاسف :x

لك بركي التنين رايدين بعضن .. بحبو بعضن يا اختي .. والتنين عواطلية وجاهزين للجواز الشب من ناحية التكاليف وغيرو وغيراتو من الشي اللي عليه .. والبنت من النواحي المطلوبة منا

فوين الغلط ؟؟

Reemi

28/06/2008, 02:00

حسون واحد عمرو 16 سنه ما بيعرف شي بالدنيا ما عندو تجربه واذا حب حدا بيكون حب مراهقه بس

Government

28/06/2008, 02:04

حسون واحد عمرو 16 سنه ما بيعرف شي بالدنيا ما عندو تجربه واذا حب حدا بيكون حب مراهقه بس

لا لا لا .. ماهيك حكينا بالمرة .. هيك اختلف الحكي 360 درجة
نحن عمنحكي ع البنت اللي عمرا 15 او 16 او اقل او اكتر
الشب شو دخلو ؟؟؟

الشب بالعادة بكون 23 وفوق (كحد ادنى).. يعني هو مالو دخل بحديثنا
بس ازا قصدكن ع الشب كمان بالموضوع فبختلف الحكي كتير كتير

انا كل حكيي السابق عن البنت حصرا طبعا (وهيك قصد الموضوع )

yass

28/06/2008, 02:06

لا لا لا .. ماهيك حكينا بالمرة .. هيك اختلف الحكي 360 درجة
نحن عمنحكي ع البنت اللي عمرا 15 او 16 او اقل او اكتر
الشب شو دخلو ؟؟؟

الشب بالعادة بكون 23 وفوق (كحد ادنى).. يعني هو مالو دخل بحديثنا
بس ازا قصدكن ع الشب كمان بالموضوع فبختلف الحكي كتير كتير

انا كل حكيي السابق عن البنت حصرا طبعا (وهيك قصد الموضوع )

أي ما اختلف... بنت عمرا 15 أو 16 سنة غير قادرة بشكل عام تعرف معنى الزواج كتقرير مصير لحياتها أو ترتبط بشي جدي متل الزواج.. حتى لو حب و عشق و مدري شو... مافي موضوعية

Reemi

28/06/2008, 02:06

ما فهمت عليك

الموضوع عن التنين !!!

هني التنين بسن مبكر مانون مأهلين للزواج !

Government

28/06/2008, 02:17

أي ما اختلف... بنت عمرا 15 أو 16 سنة غير قادرة بشكل عام تعرف معنى الزواج كتقرير مصير لحياتها أو ترتبط بشي جدي متل الزواج.. حتى لو حب و عشق و مدري شو... مافي موضوعية

مممممممم .. بالعكس انا من ناحية النمازج اللي شايفا واللي هنن اغلبية .. يعني قرروا انو يتجوزوا .. ووافقو ع الطرف التاني .. والامور مشيت معن تمام .. وبلا مشاكل وتعقيدات وعايشين تمام التمام .. ورح يصيرو جدود ويجوزوا ولادن في منن

مابخفيك .. خلينا نكون واقعين قرايبتي وهي وحدة من هالنمازج متجوزة وعمرا 14 بصراحة ندمت نوعا ما اول الشي لما تجوزت انو ليش هيك تجوزت بعمر صغير وواقفت بس بعدين نسيت الامر وعادي وهلأ عندا ولاد ومافي عنا عايشة تمام .. والباقي كمان كلو تمام .. واحسن من الناس اللي متجوزين ع كبر حتى
طبعا اللي عبحكي عليهن .. الطرف التاني كان عمرن 25 وفوق حتى مو 16 طبعا

ما فهمت عليك

الموضوع عن التنين !!!

هني التنين بسن مبكر مانون مأهلين للزواج !

ام الريم انا اللي قصدتو من حكي عن البنت بس ..
ماكان قصدي عن الشب انو يكون قاصر
في حال هيك كان قصد الموضوع عن البنت والشب وانا فهمان غلط فهيك بختلف الوضع تمام ..

واانا مع القانون طبعا (ازا كان يقصد في الطرفين مو طرف البنت )
وهكزا

fernanda bachchan kfoury

28/06/2008, 17:32

انه ما زبطت معي البنت بتكون واعية بال 16 / 17 ووقت بتصير 20/24 بيختفي الوعي منهل وبروح وبترجع جاهلة ؟!
غابي شغلي مخك شوي شبك :?
انا ماقلت تكون واعية بال16 او 17 >> انو البنت الواعية بتضل واعية لو وصلت معها للمية :pos:
بس عم قول انو في صبايا بهالعمر اوعا من صبايا بال 20 او 24 وهاد بيعتمد ع شخصية الصبية :o