تمكن الطالبان جورج جبران وسفير سليم من كلية الهندسة الميكانيكية بجامعة حلب من تصنيع نموذج مصغر لطائرة اكسترا 300 اس استعدادا لتقديمه كمشروع تخرج. وذكر الدكتور عمر سواس المشرف على المشروع ان الطائرة المصنعة حلقت مدة 6 دقائق بجانب مبنى الكلية حيث قدمت حركات استعراضية ومناورات بالتحكم عن بعد كالطيران المقلوب والبطيء والمنخفض والانقضاض المفاجئ والحلقة المغلقة ثم الهبوط الناجح مبينا ان هذا المشروع ياتي كخطوة ايجابية لانجاز طائرات مدنية متعددة الاستعمالات. ‏

واشار الطالبان الى ضرورة اهتمام الجهات المعنية بجامعة حلب بقسم هندسة الطيران وتطويره من خلال رفده بمخبر متكامل يساعد الطلبة على انجاز مشاريعهم. ‏

يذكر ان قسم هندسة الطيران بكلية الهندسة الميكانيكية بجامعة حلب تم افتتاحه عام 2000 وهو القسم الوحيد من نوعه في الجامعات السورية. ‏

سانا

في عنا عقول بس للأسف كالعادة لا تستثمر ، عاكل مبسوطين انو لسا عنا أمل ، مشكورة عالخبر:D

جد؟
حلو والله
الله يعطيون العافية

على فكرة الابداع اللي بيطلع مع طلاب الميكانيك والكهرباء فوق حد التصور

بتذكر وقت كنا سنة اولا سمحوا لنا ندخل نشوف المشاريع اللي عبقدموها طلاب التخرج

انا طلعت عيوني ورا راسي من الشي اللي شفته

واحد مصمم خط انتاج مصغر بيعمل على التحكم عن بعض
وتاني مأنتج مدينة ملاهي مصغرة بتحتوي على نماذج اشخاص وقدم اطروحته على كيفية تامين الأمان

شي رهيب جدا

لكن للأسف بيتقدم المشروع وبينشلف بمخبر الورش بعد سنة بيجوا الطلاب الجدد بدهم يقدموا مشاريعهم فبكبوا المشاريع القديمة لتأمين محل للمشاريع الجديدة وهكذا دواليك .

لو في شركة ذكية مهتمة بتطوير نفسها كانت بعتت مندوب إلها يراقب المشاريع اللي عبتنتطر ويقتنص من الطلاب الاشخاص المبدعين والخلاقين واللي قدموا شي حلو .

لكن فين الواقع وفين الشي اللي انا عبحكيه .

مانك مشكورة ساندرا لأنك فتحتي لي جروحاتي :lol:

قرأت الخبر مبارح
واعجبت كتير بعقلية شبابنا الجامعي
يعني هاد تالت خبر مفرح
بعد خبر استخراج الطاقه من رمال الصحراء
واصغر قمر صناعي في العالم
فعلا شي بيرفع الراس:D

واحد مصمم خط انتاج مصغر بيعمل على التحكم عن بعض
عحد خبرتي البسيطة باللغة العربية وخلال 10 سنين من تعلمها ما سمعت عن شي اسمو تحكم عن بعض انما تحكم عن بعد :D

عحد خبرتي البسيطة باللغة العربية وخلال 10 سنين من تعلمها ما سمعت عن شي اسمو تحكم عن بعض انما تحكم عن بعد :D
معك حق تحكم عن بعد :lol:

هههههههههه عيش نهار تسمع أخبار

طبعا اللي عايش بحلب هدا مو غريب عليه يسمع أو يشوف أشياء من هادا النوع

يعني بكل بساطة اللي بروح على العرقوب و الميدان و الراموسة و الأماكن الصناعية بشوف أشياء من أروع ما يكون

يعني بدون مبالغة حلب يشهد لها القاصي و الداني في الصناعات المتعددة الأنواع

و من المعروف أن حلب هي العاصمة الصناعية لسوريا

إلا أنها تفتقد للتنظيم و التنسيق و هكذا يبقى الأختراع عشوائي و لا يمكن أن يأتي بثماره على المستوى العام

و لا يمكن أن يتم ذلك من خلال الأجتهادات الفردية لأنه بحاجة لأمكانيات ضخمة و على المستوى الحكومي

بحيث يكون هناك مختبرات للبحث العلمي و التقني

على كل حال المستقبل قادم لا محال و أتمنى للأجيال القادمة أن تحقق ما لم يستطيع الجيل الحالي على القيام به

مشكورة أخت ساندرة على نقل الخبر و لكي جزيل الشكر :D

الله يسمعنا الاخبار الطيبة

عنجد انو شبابنا اذكيا فعلا وانا بعرف كتير شباب عندهم قدرات رهيبة
بس للاسف ما في فرص عم تتاح الهم ليقدرو يفجرو هالطاقات والافكار اللي عندهم
ومية :D للكل

ما في فرص عم تتاح الهم ليقدرو يفجرو هالطاقات والافكار اللي عندهم

وبضيف على حكيك انه ما بس ما بتيحوا الفرص وبحاولوا بشتى الوسائل يقتلوا التفكير البناء والتفكير اللي ممكن يأبدع باي شي :jakoush:

معك حق تحكم عن بعد :lol:

مو مشان شي بس كما تدين تدان :D

مو مشان شي بس كما تدين تدان :D
لا يا حبيب انا كان قصدي تحكم عن بعض كون بخط الانتاج بكون الافعال مترابطة وكل فعل بحرك الفعل اللي بعده باستخدام البي ال سي بس ما حبيت اخجلك .

مو مشان شي مشان ما يتغير محور الموضوع متل ما هلق عبصير

:D