أحلى تحية لكل الأعضاء الموجودين

واحد من أبناء الحي الذي أعيش فيه.....عاد من أميركا بعد رحلة دامت أربع سنوات....سافر هناك عندما كان عمره أربع وعشرون سنة
طبعا عاد وهو يتقن اللغة الانجليزية بطلاقة وهذا امر رائع.....لكن الغريب هو اللغة الجديدة وهي كما يسميها البعض ((العربنجليزية)) , المشكلة انه يتحدث عربي وانجليزي....يساله الناس:"ليش هيك بتحكي...نص عربي ونص انجليزي؟؟" جاوب:"الحياة تغيرت وتطورت وهالايام الكل صار يحكي انجليزي وهاللغة مهمة",ردوا عليه:"يا زلمة انك تستخدم اللغة للشغل شغلة وانك لما تحكي معنا نص عربي ونص انجليزي شغلة تانية"أجابهم :"انا رحت هناك أربع سنين وتعودت"

أخواني....أن أسافر الى أمريكا وأعمل هناك أتعلم لغة جديدة وأتقنها أمر رائع....لكن أن أتخلى عن لغتي و أنسى من أنا أمر مرفوض.

يا ترى هل الأربع سنوات كفيلة بأن تغير هذا الشخص الذي عاش على هذه البقعة وبين العرب....أم هل تراه قلل من قيمة الأربع وعشرون عاما عاشهم هنا.

شباب اليوم ((أمل المستقبل))....أذهب للجامعة وأتحدث مع زملائي وزميلاتي...لا أسمع منهم سوى مصطلحات انجليزية...الكل يتحدث هذه اللغة ((العربنجليزية)) أسألهم : "ليش هيك بتحكوا،ما احنا عرب؟؟"يردون علي:"الحياة تطورت وخليكي كووووووووووول".....لكن أن أتقن اللغة الانجليزية وأستفيد منها بالدراسة والعمل شيء...وأن أنبهر بها وأتحدث بها مع الكل شيء آخر....وهل التطور هو أستخدام مصطلحات كهذه:((hi,buy,what are you doing,so,but,sorry,i think,please ))
هل فقدت اللغة العربية جمالها....أم لم يعد هناك من يقدرها؟؟

ما الذي حدث....لماذا يتخلى العرب اليوم عن لغتهم....هل نحن ضحايا نظرية تأثير حضارات الشعوب المتقدمة على الشعوب المتخلفة؟!
لقد فقدنا الكثير....ونحن الآن نفقد لغتنا...ماذا سنفقد بعد ذلك؟؟
متى سنسترجع ما فقدناه...
أسمع كل يوم المقولة الشهيرة التي تكاد أن تصبح مثل شعبي :((ويقلك ليش العرب متخلفين؟))
يا ترى ليش العرب متخلفين؟؟

والله انو هاد وضع سيء كتير بس شو بتقدر تعمل؟؟؟؟

هاد هوي الوضع
انا ما عم دافع بس كمان هي اللغة المتداولة متل ما قلت واذا ما كنت متل الباقيين بيقولو عليك بلدي وعتيق

الله لا يوفق اللي كان السبب:p

تحياتي:D

والله السبب بهاد الشي اعتقد خجلنا من كوننا عرب

لان بصراحة صار شي بيخجل

اما ليش العرب متخلفين

لان التخلف مفروض عليهن فرض

:D

هدا عمل متل ماعمل ابن عمي :lol:، هاد صرلو هون أربع سنين:larg: ، لك البراد بالعربي نسيه:jakoush: ، وكتير كلمات بدو شوي لحتى يتذكرا بالعربي و خاصة أسماء الأشياء:jakoush:

اتس نات بربلم مان
عادي
بتعرف اش المشكلة
لأنه أبتعدنا عن شي أسمه
أقرأ
لو الشعب كله عطا وقت للقرائة
كنت لاقيت الشعب غير شعب
أما هذا الي عبتحكي عنه
هذا لسا
هزيتيت يعني مترددخخخخخخخخخخخخ

لا بجد شي بيزعل
الغزو الفكري مو مشكلة طريقة غزوه
بس المشكلة بالدفاعات المهترئة عند بعض
الرخويات

أنا بظن هدول الناس الي بيحكو عربيزي بظن عندون عقدة نقص ومو تمام
والله أنا أكتر شي بعتز فيه لغتي العربية لأنو خيو العرب ما صفيلون شي يعتزو فيه
لا صناعة لا اقتصاد لا تكنولوجيا لا قوة فأقل منها نعتز بلغتنا يعني ما صفيلنا غيرها اذا تخلينا عنها
معناتا يعطيك العافية ما صفي شي نعتز فيه....
وهاد الشب تبع الأربع سنين بأميركا هاد الشب عقلاتو بيخضو وبينطبق عليه المتل عديم وقع بسلة تين قام عقلو ما حملو

والله أنا أكتر شي بعتز فيه لغتي العربية


كلياتنا منعتز باللغة العربية
وببعروبتنا
بس النقطة بممارستها
أقل شي القرائة
لأنه كل شئ يحتاج إلى عمل
كل شئ
وبتقدر تسرح بخيالك بأي شئ
بتلاقيه بيحتاج إلى عمل

ازا كمان مامشي الحال


انكشلكون الموضوع :p

الرابط هنا

المفروض هيك يفتح من كل النطاقات

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

انا حطيت نفسه يلي انت حطيته ياس

بس مافتح عنده

طولي بالك ، اللينك التاني فتح:larg:

انا حطيت نفسه يلي انت حطيته ياس

بس مافتح عنده

أنا ما حطيت رابط انما حطيت رقم الموضوع بطريقة الروابط اللي موجودة بموضوع مثبت بالفهرس.. يعني المفروض انو يفتح معو بنفس الرابط اللي عم يستخدمو هو

يعني عندك طلع بالرابط اللي عم تستخدميه, عندي يطلع أخوية نت... الخ. هالطريقة تدعم كل النطاقات و هي أحسن طريقة لوضع لينك داخل أخوية

سلام

ايووووووووووووووووى

ايووووووووووووووووى



انا ما شفت موضوعك ولا قريته
يعني انا لما كتبت هالموضوع ما اعرف انه حد كاتب فيه
يعني حلو انه انا وياكي شاغليتنا نفس الفكرة يمكن عرضنا الفكرة بطريقتين مختلفين
بس انا اسفة ما اعرف انك كاتبة هالموضوع
وانا هدفي من هالموضوع لو تعمقتي فيه شوي انتي وكل الي قراوه
مش بس اللغة العربية.......اشياء كتير خسرناها وعم نخسرها ويا رب ما نخسر كمان
وشو تتوقعي من شب منبهر بالغرب ويفكر انه بطريقة كلامه رح يكون افضل....شو تتوقعي رح يكون شاغله
ما رح تشغله القضية ولا هموم العرب ولا وضعنا الي بحاجة لشباب واعي جدي ثابت
وهلا الشي الي عم نخسر فيه هو لغتنا
انا بآمن بفكرة لدرجة كبيرة....هي الاصلاح....وما نخسر اكثر من الي خسرناه
وخلينا نوقف مزبوط ونكون قد حالنا ونعمل شي مفيد...حتى لو كان صغير بس رح يكون اله تاثير

يعني الي بدي وصله مش بس يلي حكيته عنه بموضوعك وبس

شكرا لمرورك وشكرا لكل يلي مرو :D

والله السبب بهاد الشي اعتقد خجلنا من كوننا عرب

لان بصراحة صار شي بيخجل

اما ليش العرب متخلفين

لان التخلف مفروض عليهن فرض

:D

الخجل مش من كوننا عرب ولا التخلف مين قلك انو مفروض علينا فرض
احنا يلي جبناه لحالنا
واحنا بايدنا نقدر نغير من وضعنا....انت عم تحكي بشي ما رح يزيدنا الا تشاؤم ورجوع لورا اكتر
ما كانو قبل متخلفين....بالعكس زمان كانو على قمة التقدم
ما بدي احكي بالماضي بس بدي قلك انه التخلف هو سبب تقاعسنا وكسلنا واسباب كتيييييير

شكرا لمرورك :D

بس انا اسفة ما اعرف انك كاتبة هالموضوع


:shock:

يحرق حشيشك علىشو عم تعتزري
مافي داعي عادي تتشابه المواضيع ولايهمك :D

صدقني هادا نقص مش اكتر يعني الراجل تعلم في امريكا وما في حدا متلوفي كتير هيك شباب....

وانا هدفي من هالموضوع لو تعمقتي فيه شوي انتي وكل الي قراوه
مش بس اللغة العربية.......اشياء كتير خسرناها وعم نخسرها ويا رب ما نخسر كمان


بالنسبة لخسارتنا اشياء كتيرة وعلى مختلف الاصعدة... انا موافقة معك...
حسب رايي كتير مهم... مش بس احنا كعرب... بل انو السعوب والحضارات بشكل عام تحافظ على "قيمها"... وهنا المقصود ب"القيم" اي الاشياء القيمة يلي بتميزنا نحنا كعرب... الاشياء يلي منتمنا انو تكون عند شعوب تانية لافتقارهن الها... ولكن من المهم جدا انو ننتبة انو مش كل الاشياء يلي ورثناها عن اجدادنا هيي قيم...
وهون بشوف الربط مع الجملة المتداولة يلي بتقول انو "العرب متخلفين"...
تعو تنعترف شوي انو احنا احدى الشعوب المتخلفة والمتأخرة نسبيا لتقدم باقي العالم...
والاسباب كتيرة... لا تعد ولا تحصى... بس احدى هاي الاسباب انو نحنا مصرين نبقى متقوقعين وعايشين بالفقاعة تبعتنا... مختبئين خلف الموروثات البالية يلي منسميها عادات وتقاليد... يا رييييييييييييييييت لو منحافظ عنجد على عاداتنا وتقاليدنا..... لانو نحنا كعرب بشوف انو بتميزنا كتير اشيا حلوة... بس للاسف كلها تخلينا عنها... وبعدنا بالمقابل متشبثين بموروثات يلي هيي بالاساس ما بتقدمنا... وانما العكس... بس بتأخرنا...
مثلا... خذو مثال "الحرية" يلي بعضنا صرلو ما بعرف كام عقد بينادي فيها... وبعدون لهلأ ما قدرو يتحرروا... ومن مين؟ من قيود وهمية... ما حدا ربطهن فيها اصلا... بعدهن لهلأ ما قدرو يفهمو انو الانسان الحر.... مش الانسان يلي بيقلد الغرب بكل شي... وانما الانسان الحر هوي يلي نفسو حرة... هوي يلي فكرو حر... هوي يلي خيالو حر ومتحرر من اي ضغوطات بتقوم بتوجيهو على ارض الواقع... هوي كتير اشيا ما راح نفهمها طالما اهتمامنا بس بالقشور وبالشكليات...
هاي القشور هيي يلي بتخلينا ما نقدر نوصل للداخل... يعني ل "اللب"... بالعكس بتخلينا دايما علقانين بالخارج... شاغلين حالنا طول الوقت بالاشيا السطحية... بدل ما ننشغل بالاشيا المهمة والمفيدة... هاي العلقة البرانية هيي يلي بتخلي كل العالم يسبقونا لجوا...
احنا كعرب بتميزنا اشيا من اجمل ما بكون... ازا كنقدر نحافظ على هاي العادات القيمة يلي عنا وبالمقابل نطلع من فقاعتنا ونحاول نتقدم مع التطور البناء... كان ما منستحي بحالنا ولا منكون متخلفين ولا منكون مقلدين حدا... واللة كان العالم هيي يلي بتقلدنا وبتحسدنا....
بس صدق عمكون يلي قال... كتبنا الحرف, كتبنا الكلمة, ومن وقتا ما حكينا ولا كلمة....

ألشي الغريب انو كل ما صار شي بتحكو هل شي غريب

لكن مو غريب انو البلدان العربيه صارت اكتر عمالتها من امريكا و كندا و اوربا و عتبانين على شخص عاش هنيك و رجع هيك ...

انا براي انو هل شي صار فعلا شي طبيعي ، منيح يلي ما رجعلكم حامل مسدس ..

والاسباب كتيرة... لا تعد ولا تحصى... بس احدى هاي الاسباب انو نحنا مصرين نبقى متقوقعين وعايشين بالفقاعة تبعتنا... مختبئين خلف الموروثات البالية يلي منسميها عادات وتقاليد......


يعني هذا ما افهمتها ... !!!!

يعني معروف في عادات وتقاليد مو مليحة ..

بس شو دخلها بتقدمنا !!!

ممكن امثلة يعني لافهم شو المقصود .. :?

يعني هذا ما افهمتها ... !!!!

يعني معروف في عادات وتقاليد مو مليحة ..

بس شو دخلها بتقدمنا !!!

ممكن امثلة يعني لافهم شو المقصود .. :?
المقصود ب"القيم" اي الاشياء القيمة يلي بتميزنا نحنا كعرب... الاشياء يلي منتمنا انو تكون عند شعوب تانية لافتقارهن الها... ولكن من المهم جدا انو ننتبة انو مش كل الاشياء يلي ورثناها عن اجدادنا هيي قيم...
........... يا رييييييييييييييييت لو منحافظ عنجد على عاداتنا وتقاليدنا..... لانو نحنا كعرب بشوف انو بتميزنا كتير اشيا حلوة... بس للاسف كلها تخلينا عنها... وبعدنا بالمقابل متشبثين بموروثات يلي هيي بالاساس ما بتقدمنا... وانما العكس... بس بتأخرنا...
.......................و....كتير اشيا ما راح نفهمها طالما اهتمامنا بس بالقشور وبالشكليات...
هاي القشور هيي يلي بتخلينا ما نقدر نوصل للداخل... يعني ل "اللب"... بالعكس بتخلينا دايما علقانين بالخارج... شاغلين حالنا طول الوقت بالاشيا السطحية... بدل ما ننشغل بالاشيا المهمة والمفيدة... هاي العلقة البرانية هيي يلي بتخلي كل العالم يسبقونا لجوا...


انا رجعت اقتبست بعض الحكي الي كنت قايلتو قبل..... لانو بشوف انو فيو توضيح لسؤالك....

يعني الناس بتسمي كل شي ورثتو عن اجدادها.. عادات وتقاليد... وانا بشوف انو قسم من هاي العادات والتقاليد هيي... قيم ومبادئ جداً مهمة وبفتخر كتير فيها... وقسم منها مش اكتر من موروثات بالية وهيي يلي في بعض الاحيان بتكون عامية عيوننا وما تاركتنا نشوف الحقيقة ونطور حالنا... واعطيتك مثال عن الحرية...
خذو مثال "الحرية" يلي بعضنا صرلو ما بعرف كام عقد بينادي فيها... وبعدون لهلأ ما قدرو يتحرروا... ومن مين؟ من قيود وهمية... ما حدا ربطهن فيها اصلا... بعدهن لهلأ ما قدرو يفهمو انو الانسان الحر.... مش الانسان يلي بيقلد الغرب بكل شي... وانما الانسان الحر هوي يلي نفسو حرة... هوي يلي فكرو حر... هوي يلي خيالو حر ومتحرر من اي ضغوطات بتقوم بتوجيهو على ارض الواقع... هوي كتير اشيا ما راح نفهمها طالما اهتمامنا بس بالقشور وبالشكليات...................


بس برضو هاي الاشياء بتبقى نسبية... وانا ببقى بعبر عن رايي وبس... يعني ممكن انو تكون الاشياء يلي انا بشوفها مو منيحة بعض ناس يشوفو فيها اشياء بيفتخرو بوجودها.... مشان هيك ما راح كتر من امثلتي... حتى ما يطول النقاش.... بس بتأمل انو تكون فكرتي وصلت...:D

مساء الخير للجميع:D
صراحة الموضوع اكثر من رائع لانه صرنا بجد نعيش ها الظاهرة مو بس اليوم من زمان.
انا شخصيا ضد اللي بيحكي انو لما نخلط بين العربية ولغة ثانية يعتبر نقص.صراحة ها التحليل من وجهة نظري غلط.انا قليل لما احكي عربي كلامي غالبه فرنسي مو لاني ما بعرف عربي او اني اخجل من احكي العربي .بس لانو الفرنسية لغة سهلة سلسة بقدر اتواصل بها بشكل بسيط ومباشر.والموضوع ما عندو اي علاقة بالنقص او حب التكبر
ومرسي على الموضوع:D

باختصار شديد وبدون إطالة

يلي بيعمل هيك عم يتفشخر على البشر أنو بيعرف إنكليزي أو عامل حاله مستر فهمان على عباد الله الغلابة اللي بينبهروا من ثقافته الكونغولية وانو بيقدر يحكي كلمات ما حدا بيفهمها أو بيستحي يسأل شو معناتها حتى ما يطلع طبل ما بيفهم انكليزي

أما اللي عاش بره واتعود على حكي الإنكليزي وخاصة إذا ما كان في معو خلطة من العرب بيحكي معهون عربي فأكيد رح ينسى أو يتناسى بحكم العادة ، يعني واحد متل هاد لا تستغربي يكون عم يشوف أحلام ومنامات بالإنكليزي وما بتقدري تلوميه
وأحياناً بالعكس بيطلع الواحد على أميركا وبيقعد عشر سنين متل ما صار ما والدتي ورجعت يا دوب تفك الخط بالإنكليزي لأنو ما كانت تعاشر إلا عرب وما احتكت بالأجانب كتير أو اضطرت تتعامل معهون وتحكي إنكليزي

كمان في حالات... متل حكايتي لما احكي مع حدا بشي طبي... ما بعرف قول مصطلح ما باللغة العربية لأنو ما درستو. ما بعرف احكيه الا بالجذر اللاتيني.. و في كتير أمور تقنية تكنولوجية أو علمية الواحد يطج المصطلح الانكليزي أو الأجنبي بشكل عام بدون ما يفكر انو عم احكي انكليزي.. انما تعوّد يقولو بهاللغة الأجنبية أو مافي مرادف لهالكلمة بالعربي مثلا

انا بشوف اللغة العربي ما بتختلف عن بقية اللغات باستثناء انها عبتطور ببطئ شديد وما عبتقد تواكب المصطلحات المستحدثة وبشكل خاص العلمية منها

بالأخير صار في شي اسمه " تعريب " لبعض المصطلحات نطقا لكنها بقيت متل ما هية
عندك ديموقراطية كلمة مستحدثة ومستخدمة صارت ولا كأنها عربية الأصل :lol:

وانا بشوف ياس معه حق انا كمان بعاني كتير بالمصطلحات العلمية وقت بدي احكي مع حدا مع اني بدرس بسوريا بس كل المصلطحات تعلمناها باللغات الأجنبية وخصوصا منها الانكليزي مع وجود بعض المصطلحات الاوروبية متل " تري فازيه " وما شابه

يعني تري فازيه واضحة شو هية تعا ترجمها للعربي " ثلاث خطوط حامية " اذا فلتها لواحد متخرج ما بيفهم علي وبيفتح تمه بحسبني عبحكي على شي اخراع جديد وصل له العلم :lol:

انا بشوف شي طبيعي انه نبدا نستخدم لغة اجنبية كونها بتقدر تخدمنا بشكل افضل .

بظن الموضوع ما عم يحكي على واجبات المنتدى العربي لمواجة الكلمات الدخيلة على اللغة العربية وتنقيتها

نحنا عم نحكي عن ظاهرة شبابية غالباً بتشوف حالها كوول كتير إذا حكت كم كلمة إنكليزي ، وما لنا عم نحكي على مصطلحات علمية

رغم أن الجامعات السورية معتمدة أسلوب التعريب إلى حد كبير في مختلف المجالات ورغم ذلك ما بعتبر استخدام متل هالمصطلحات تخلف لأنو الإنكليزي صارت لغة العلم وضروري تعلمها والاستفادة منها

لكن الشباب المرقعين والمشلفخين والبنات الهايفات يلي بيفكروا حالهون من طبقة راقية إذا دمجوا بحكيهون كلمتين فرنسي على كلمة طلياني مع كلمة عامية بيطلع عندك جملة مفيدة
واعربلي هالبيت شعر لقلك

هي الظاهرة يلي عم نحكي فيها

يمكن معك حق انها صارت اقرب ما يمكن للمبارزة منها من التعبير لكن في فكرة ان ضروري واحد يعرف الغات ويتعلمها وما بضر انه يشتخدمها بالحياة الطبيعية يمكن كترت هلق استخدامها كون صار في شي اسمه كومبيوتر صار في شي اسمه انترنت صار في شي اسمه موبايل وكل اللي قلتهم يتعامل معه بلغة اجنبية ونادرا ما تكون عربية هي اشغلة كون اللغة عبتدخل بالحياة بشكل اكتر فصارت تستخدم بشكل اكتر .

اما من جهتي نسيت آخر مرة قلت فيها لواحد وانا عبودعه " أراك لاحقا " :?