عبر عن نفسك ...ليش ؟
لأنو الانسان كائن اجتماعي ..الخ ..
بكلمات اخرى ..و بالمختصر ..بحس انو االانسان متل طنجرة الضغط تبع البخار ...اذا ما فضى رح ينفجر ..

هون ...حبيت يكون في زاوية صغيرة ..كل عضو بيكتب عن الشي اللي متدايق مننو ...باسلوبو الخاص ..و بدون
رقابة

نقطة نظام بس .. الموضوع للحديث عن أمور جدية و ليس للإبتذال أو السخرية "من باب بحب الآيس كريم و بكره إسرائيل"

تحية

طبعا متل ما قال الزميل Bl@ck كان هدفي من الموضع هو فسحة و زاوية ...اللي بتكون هيه الامتار القليلة قبل ما الواحد يوصل للجنون ..فهي للتفضاية متل ما ذكرت ..

دمتم:D

انا بكره النفس الناشفة الي متل الصحرا الي اد ما صئيتها ما ببين فيها
وبحب النفس الهنيه الرضيه الي متل الحديقة ع طرف نهر الي نقطة مي بترويها:D

بحب أعيش في سوريا و يكون الوضع تمام التمام

لا أشوف ناس فقراء و لا أشوف جاهلين و يكون نسبة المتعلمين نسبة طبيعية و الناس عايشة في بحبوحة

و هيك أعيش حياة بسيطة و الله الغني بيكفي أني أعيش بين أهل بلدي

مليت من الغربة و الكلام بغير اللغة العربية

و مليت من درجة البرودة 30 تحت الصفر

و بتمنى أنو كل واحد يكتب أسمه على النت الأسم الحقيقي بدون خوف من القمع و المخابرات

و بتمنى الناس تحكي بالسياسة في سوريا متل أي بلد أخر

و الله هي بتمخول العقل كيف هون عنا بتحكي اللي بدك ياه و اللي مابدك ياه ما حدا سائل

يا جماعة يعني و الله شي مو طبيعي بلمرة

أحكي و جيب معك مين يحكي

و الله بيع الفجل أصعب من أنك تحكي في السياسة يعني أنك تحكي بالسياسة أسهل من أنك تبيع فجل

لا تواخزونا صرنا نهلوس

على ئولت عباس اللي غاطس في الكاس

سلملم

أنا بكره النفاق
وبكره المثاليات جدا وادعاء المثاليات لدرجة انك تحس اللي قدامك ملاك وليس من هذا العالم
يعني بالمختصر كل شي بيتصل بالادعاءات الكاذبة والغش

أنا بحب الحياة و بحب التفاؤل و بحب عيش متل ما أنا بشوف ومتل ما أنا بفكر ...
وبحب أتعلم من نظرتي الخاطئة وبحب أكد نظرتي الصحيحة ...

شكراً عالمووضوع الحلو حسيت اني من زمان ما عبرت عن الأشياء الي بحبها و كأنو رح انساها الا شوي :D