هل تؤمن بوجد صديق في قلب من تحب

نعم أنا أؤمن بالصداقة ولا مانع عندي لمن أحب أن يكن لها أصدقاء إما في جامعتها أو في عملها أو حتى من أقاربها

لكن عندما يصبح صديق من تحب ينافسك وأنت تشعر بذلك وهي على قناعة بأنه مجرد صديق وأنا اعني

لها أكثر بكثير من أي شخص وأي صديق فما العمل .!!

إليكم ذلك الموقف الذي حصل معي كي أرى وجهةّ أرآكم

بالأمس كنت أتحدث معها بعد منتصف الليل عند الساعة الواحدة ليلاً وقالت لي أن صديقها يتصل بها فقالت لي

سأعود الاتصال بك ريثما انتهي من مكالمتي مع صديقي

فوافقت لكف طرح البلى رغم أن البراكين اشتعلت في قلبي من قهر الموقف الذي صنعته لي

وأصبحت الساعة الثانية ليلاً وهي لم تعاود الاتصال وأصبحت الثانية والنصف ..................

فقلت في نفسي لعلها نسيت أن تتصل بي واعتقدت بأني سوف أنام فاتصلت بها مجدداً وكان هاتفها في الانتظار و عاودت الاتصال في الساعة الثالثة أيضاً في الانتظار حتى أصبحت الساعة الخامسة و هي في الانتظار وأنا هنا اتصلت بها أكثر من عشرين مرة وهي في الانتظار

عندها قررت أن أتصل بها على الهاتف الثابت و عندما رن الهاتف ردت وهي في كل برود وقلت لها (( أسف لانو زعجت ودايئتك وشغلتك عن صديقك بس بقلك انو بكرة موعدنا عالساعة 10 الصبح إلتغى لانو ماتم محرزة نام ونفيئ بهل الوقت )))

!!!!!!!!!

وإذا في اليوم الثاني لم تتصل واتصلت بها وكانت هي التي انزعجت مني ومن تصرفي الهمجي والرجعي وغير الأخلاقي لأني قلت لها هذا الكلام ..............!!!!!

رغم أني أحمل صفة ذو قلب طيب وحنون لأبعد الحدود رغم أن الخلافات الذي مضت وكانت هي سببها و

أنا كنت الذي أصالحها لكن هذه المرة أختلف الوضع كثيراً فما العمل أحتاج إلى أرائكم دام فضلكم

لل5 الصبح ....:o....اكيد كانوا يحكو بشي مهم كثير..:pos:

يعني ليش التمييز العنصري بين ذكر وانثى

حتى بالانترنت ما خلنا من هل تخلق:pos:
ما عاد بدي ناقش

لك ياسارة سوري منك بس ردك مهما كان رح يكون لطرفا و أنا مابدي حكي مشان احس حالي رضيان و

غلطان لاني مالي غلطان

لا انت مش غلطان انا برأيي لانو المفروض انو تبديك عليه بما انها بتحبك يعني على اساس انها بتحبك,,,,, فالمفروض انو ما ترد على صديقها لحتى تخلص معك وعلى قولة عاشق رويدا اكيد كانو يحكو بشي مهم كتير يعني تقريبا 4 ساعات يعني مش قلال,,,,,,,,;)
واتقبل رأيي اخي,,,,,:D

لك أنا أصلا داما بقول مافي حب ، لك ما في حب بس ما حدا بيرد:jakoush:

لل5 الصبح ....:o....اكيد كانوا يحكو بشي مهم كثير..:pos:


هلئ أخي هو بيشتغل بشركة اتصالات وشغلو بالليل يعني انا ماوقفت على هل النقطة لانو اخر دوامو بدو يطق حنك مع حدا بس النقطة انو متل ما قال الشب سوا ربينا

لانو المفروض انو تبديك عليه بما انها بتحبك يعني على اساس انها بتحبك,,,,, فالمفروض انو ما ترد على صديقها لحتى تخلص معك

ابو ريتا شكراً لردك

حبيبي...شغلة من ثنتين ....يا اما مش عاملتلك اعتبار بالمرة...او انها بتحاول تخليك تغار...
وعالحالتين ...بلالك اياها ..ما بدك وجعة هالراس...

بصراحة يا اخي
شغلتك صعبة كتير وبالاخص لانك بتحبا وهاد يلي بين معي من كلامك

المهم يا اخي هي بتحتاج لفترة تبتعد عنها انت لتفكر وتعرف شو غلطها وتعرف شو عملت معك

كتير مهم بهل فترة خليك قوي ولا تحكي معها وإذا بتحبك هي عن جد رح تتصل فيك وتعتذر لان انت ما غلطت
بالعكس تصرف هادي جدااا (انا لو محلك كنت خربت الدنيا نيالك على هل برود الاعصاب )
المهم خليك قوي هل فترة وإذا رجعتلك معناها عن جد بتحبك
وإذا ما رجعت معناها الله معها خلي صديقها ينفعها

انا بخطبلك غيرها :o


هي وجهة نظري والقرار بيرجع الك

اسفة على تطفلي وتدخلي
بس بصراحة أنا فورتلي دمي :jakoush: ومعك حق

انا عندي رفقا شباب بس ما بيتصلو في الساعة 1
لازم تخليا هي الي تاخدو المبادرة اذا بدك الامور ترجع ... بس انت ما لازم تقوم باي خطوة حاليا
و اسفة مرة تاني عالتدخل

وإذا في اليوم الثاني لم تتصل واتصلت بها وكانت هي التي انزعجت مني ومن تصرفي الهمجي والرجعي وغير الأخلاقي لأني قلت لها هذا الكلام ..............!!!!!


أسمحلي أقلك
كوني خبير بهالأمور
ومعالج لمشاكل العشق وسنينه
هون بهالأقتباس
خربت الشغل كله
ليش تتصل معها تاني يوم ؟؟؟؟؟؟؟؟؟؟؟؟؟؟؟؟؟؟
ما بتقدر تكبح مشاعرك شوي!!!!!
البنت بتحب الشب ألي بيمتلك أنواع لردات الفعل وهنا مفصل العلاقة
فمن هلق ورايح حاول تعرف أنواع ردات فعلك وكيفية كبح جماح ردات الفعل التي تتلقاها
وتسيطر على الوضع لئلا تفرغ مافي جعبتك من خصائص ......


تقبل تحياتي كيمو
:D

حبيبي كيمو
يا حبيبي القصة ما بدا رأيي ولا كاني و لا ماني والبنت ما عم تعطيك مؤشرات سلبية
لك عم تعطيك حقايق سلبية, برأيي انساها من هلأ أحسن مت تتورط أكثر
لك يا رجل وين كرامتك, كيف بترضى تهينك هل أد
على كل حال شو بدك بهل حكي, هي وحدة ما بتحبك, هي وحدة عم تتسلى

هيك ما بيصير ....
بدي اسألك سؤال انت سألتا شو كانو عم يحكو سوا لهداك الوقت؟ يعني عنجد هوي رفيقها ولا شي تاني ؟ وفي غيرو ولا بس واحد؟
يعني لو بتحبو بعض عنجد يعني انت بتحبا(هي خلصنا منا) وهيي بتحبك(؟؟؟) ما رح تتعرض لهيك موقف
جرب صارحها بمشاعرك وانو ما بيصير تعاملك هيك وقلا انو هيي غلطت هون وهون وشوف ردة فعلها و عأساسو تصرف .
عالهامش: والله وبنات آخر زمن و طالعلون ينحبو....

من حيث المبدأ معك حق أكيد

بس منشان نحكم بطريقة أكتر واقعية لازم نعرف الطرف التاني ليش عمل هيك

يمكن لتحرقصك يمكن لتفهمك شي معين يمن متل ما انت شاكك

ويمكن اسباب تانية
لهيك خيي كيمو بدك ما تواخذني أنا اتحفظ عن الرد مع انو انا اميل لطرفك:deal:

مشكور

وضعك صعب يا صديقي
ما بكفي انو سكرت معك مشان تحكي معو وما بكفي انو عم تتصل فيها ويطلعلك ويتنغ للساعه 5
وكملت معو بينما اول ما اتصل هو فيها خلتك تسكر وفةق كل هالشي اتدايقت من حكيك
انا محلك بروح على بيتها 5 الصبح بكسر تلفونها وبفجرلها البناية

نصيحتي الك اتركها انت من هلا احسن ما تتركك هية لانو برايي مو مطولين كتير مع بعض

انا ما بأمن بالصداقة ابدا بين جنسين مختلفين مهما كانت الأسباب
وبصراحة اكتر حتى بين بنت وبنت وشب وشب

يعني صداقةبالمعنى الحقيقي مافي

انا بستغرب كيف ممكن تسمح لصديقتك انها يكون عندها صديق شب مهما كانت الأسباب
لأنو احتمال المقارنة حيكون كبير كتير عندها

خاصة اوقات الزعلات
المفروض ال

انا بستغرب كيف ممكن تسمح لصديقتك انها يكون عندها صديق شب مهما كانت الأسباب
لأنو احتمال المقارنة حيكون كبير كتير عندها

خاصة اوقات الزعلات


:D:D:D
كلامك صحيح 100%

انا ما بأمن بالصداقة ابدا بين جنسين مختلفين مهما كانت الأسباب
وبصراحة اكتر حتى بين بنت وبنت وشب وشب

يعني صداقةبالمعنى الحقيقي مافي

انا بستغرب كيف ممكن تسمح لصديقتك انها يكون عندها صديق شب مهما كانت الأسباب
لأنو احتمال المقارنة حيكون كبير كتير عندها

خاصة اوقات الزعلات
المفروض الرجل الشرقي يخلي البنت تعتبره الرجل الوحيد على سطح الكرة الأرضية

هلىء احد الأحتمالين اما هية سامحني للتعبير عم طفشك بطريقة غير مباشرة وهاد الأحتمال القوي
او هي فعلا بتحب صديقها كتيييييييييير ويمكن اكتر منك


واحتمال تكون كزابة متصلة على ال111 خدمة الزبائن وعم تتسلى فيك وتشعل نار الغيرة جوات قلبك

لأني بزمناتي عاملة ها الحركة :cry: واخ علي صار ..
بجوز هية مدايقة من الأوبن مايند تبعك وقررت تعمل فيك ها الفصل يعني انا بدلها بجن كيف ممكن حبيبي يخليني
احكي مع غيرة لو صداقة لو ابن عمي

الله يزكره بالخير كان يغار من الخضرجي مع انه عمره 70 سنة

انا برأيي تاخد موقف حازم جدا

انو انت بطلت هي الأنفتاح وقررت تكون رجل شرقي
وتقلى ادقاء شباب ماعاد في


يعني انا بنت وممكن اغلب البنات بفكره متل بعض

انا بموت بالرل الشرقي م تفكير وتصرفات
اكيد مو تبع ايام شامية لاء
لانو كل شي زاد حدو انقلب ضده

طولوا بالكن يا شباب العرب هلق ما أي مشكلة بيمر فيا الواحد بيقعد هيك بينهي كل شي
ما بتعرفوا ممكن تنحل
بقا الله يخليكون خليكم هون لتواسوا ما لتكبوا الزيت عالنار :x
خيي كيمو فكر ثم أجب
هي نصيحتي
فكر كتير
وما تاخد غير برأيك
اللي انت مقتنع فيه تماما
وشو ما كان الرأي لا تتردد
:shock:

يعني بدون زعل ..

ذكرتني بقصة اخوا صاحبي ..

الي كان يطلع خاطب على بنت من البلد .. وفي نفس الوقت يطلع مع روسيات ..

وبعد ما تزوجوا .. الله يهنيهم على هيك جيزه ..

بعد اسبوع من الزواج .. زوجتة صارت تنام في الصالون .. والروسية في غرفة النوم .. :oops:

يعني ما بعرف كيف .. !!!!!!!!

حبيبتي وصديقها .. اوكي افهمنا .. مو لازم نحشر البنت كثير ..

تحكي مع الي بتعرفهم بس قدام الناس ..

مو على التلفون .. وفي ساعات متاخرة ..

نيالك على برودة اعصابك ..

الشكر لكل اللي ردو و طرحوا آرأئن وأفكارن حيال موضوعي


على الهامش :

انا تعرفت على البنت من حوالي سنة ونص وبلشت قصتي معا بمبادارات جياشة من عواطفا

وأعجابا إلي ولشخصيتي على حد تعبيرا وأكتمل هل الشي من طرفي كمان

وهي ضمن وضعا الجامعي أكيد عندا اصدقاء ذكوراً وأناثاً وكان صديقا الاكثر هو الشخص اللي عما نحكي عنو

وللعلم هي بتعرفو من قبل 4 سنين يعني قبلي بزمن وللعلم أيضاً هي وصديقا في أختلاف بالأديان بعيد عن

التطرف انو غير مناسبين لبعض لقصة حب لانو نحن مالنا مراهقين معجبين في بعض وعما نحب بعض لانو

الحب في زمن النضج أكيد نهايةُ هي الزواج

والمشكلة الأكبر بكتير واللي بتخليني أحط في عقلي مليار إشارة تعجب واستفهام انها ملتزمة كتير معي

وبتعشقني لأبعد الحدود بس هل التصرف اللي صار معي أمبارح مالقيتلو أي تفسير

أخي بأختصار . هي مو صداقة في أورنة بالنص . وأنت من طريقة كلامك معلق فيها كتير وعم تحاول تبررلها موقفها . مشان هيك كل كلام الشباب ماحيكون ألو نتيجة معك . يلي بيحب مابيحكي مع صديق للخمسة الصبح .

خليك حمش هيك حوى بتحب:oops:

كأنة الموضوع للذكور فقط !!!!!!!!!!!

حبيبي...شغلة من ثنتين ....يا اما مش عاملتلك اعتبار بالمرة...او انها بتحاول تخليك تغار...
وعالحالتين ...بلالك اياها ..ما بدك وجعة هالراس...

أحتمال هيك وأحتمال هيك بس بكل الأحوال ما حصل هل الشي من قبل مشكور أخي




المهم يا اخي هي بتحتاج لفترة تبتعد عنها انت لتفكر وتعرف شو غلطها وتعرف شو عملت معك



صدقت هادا هو المهم


اسفة على تطفلي وتدخلي
بس بصراحة أنا فورتلي دمي :jakoush: ومعك حق

انا عندي رفقا شباب بس ما بيتصلو في الساعة 1
لازم تخليا هي الي تاخدو المبادرة اذا بدك الامور ترجع ... بس انت ما لازم تقوم باي خطوة حاليا
و اسفة مرة تاني عالتدخل

طولي بالك انسة simsima

بحكم وضع شغل صديقا ليلاً بشركة اتصالات عما يحكي معا وهي بتقلي انو رفيئي حكا معي بهل الوقت لما بخبرا يعني الموضوع جرا كذا مرة من قبل وعما تقلي بس عدم ردا إلي وعدم تعبيرا عني هو اللي زعجني
انا لحد الأن ما عملت شي

بس بعتتلي مسج من شي كم ساعة : حباب لا تخبر ع الأرضي لانو بدي أقفل موبايلي مابدي مشاكل ولا يضل بالك تطمن بدي أكون لحالي هادا نصيبي وبدي أحافظ عالباقي من قلبي





ليش تتصل معها تاني يوم ؟؟؟؟؟؟؟؟؟؟؟؟؟؟؟؟؟؟
ما بتقدر تكبح مشاعرك شوي!!!!!

:D

اتصالي معا كان لسبب صديقي بحكم خبرتي بالحريم انا كمان البنت اذا ماعتبتا أو حتى انقهرت فيا بتنقهر هي أكتر فلذلك مشان ماتقلب الموضوع اللي انا بصددو اتصل فيا وشكراً لردك

كأنة الموضوع للذكور فقط !!!!!!!!!!!

اي بس عمنعطيه نصائح بناتيه:p

والبنت ما عم تعطيك مؤشرات سلبية
لك عم تعطيك حقايق سلبية,لك يا رجل وين كرامتك, كيف بترضى تهينك


أخي هو الموضوع بساطة انو عما تخبرني بكل شي وبتقلي ايمتا اتصل فيا وشو بحكو معا بعض وكل شي يعني الموضوع انها صريحة معي لأبعد الحدود رغم في بعض المرات بنزعج جداً بس بعتقاد البنات انو الحضارة بتبدأ من التحرر ولازم الشب يكون متحرر فكرياً بحيال هيك مواضيع وانا مجرد اني عما ساير مشان ما أزعجا
بالنسبة للكرامة مابتفرق بين الأحباب لانو مو معقول انت تعتبر لجسمك كرامة ولروحك كرامة وانا بعتبرا انها روحي وشكراً لردك


جرب صارحها بمشاعرك وانو ما بيصير تعاملك هيك وقلا انو هيي غلطت هون وهون وشوف ردة فعلها و عأساسو تصرف .....

بس تتصل لصارحها بمشاعري


من حيث المبدأ معك حق أكيد

بس منشان نحكم بطريقة أكتر واقعية لازم نعرف الطرف التاني ليش عمل هيك

يمكن لتحرقصك يمكن لتفهمك شي معين يمن متل ما انت شاكك

ويمكن اسباب تانية
لهيك خيي كيمو بدك ما تواخذني أنا اتحفظ عن الرد مع انو انا اميل لطرفك

وانا هل الشي اللي بدي اعملو بس بدي اعرف السبب وابعادو شكراً لردك

. وأنت من طريقة كلامك معلق فيها كتير وعم تحاول تبررلها موقفها . .

اد ما كان معلق بخليها تحكي مع صديقا بنصاص الليالي:shock:

انا مرة لأشغل موبايلي وخليه بالويتينك اتصلت على ال111

ام عرفو كل الجيران اني عم احكي على الموبايل:cry:

وضعك صعب يا صديقي
ما بكفي انو سكرت معك مشان تحكي معو وما بكفي انو عم تتصل فيها ويطلعلك ويتنغ للساعه 5
وكملت معو بينما اول ما اتصل هو فيها خلتك تسكر وفةق كل هالشي اتدايقت من حكيك
انا محلك بروح على بيتها 5 الصبح بكسر تلفونها وبفجرلها البناية


لاحول ولا قوة إلا بالله

بفضل أفكر بعقلانية أكتر ما أفكر بهمجية وعصبية

شكراً لردك

انا ما بأمن بالصداقة ابدا بين جنسين مختلفين مهما كانت الأسباب
وبصراحة اكتر حتى بين بنت وبنت وشب وشب

يعني صداقةبالمعنى الحقيقي مافي

انا بستغرب كيف ممكن تسمح لصديقتك انها يكون عندها صديق شب مهما كانت الأسباب
لأنو احتمال المقارنة حيكون كبير كتير عندها

خاصة اوقات الزعلات
المفروض الرجل الشرقي يخلي البنت تعتبره الرجل الوحيد على سطح الكرة الأرضية

هلىء احد الأحتمالين اما هية سامحني للتعبير عم طفشك بطريقة غير مباشرة وهاد الأحتمال القوي
او هي فعلا بتحب صديقها كتيييييييييير ويمكن اكتر منك


واحتمال تكون كزابة متصلة على ال111 خدمة الزبائن وعم تتسلى فيك وتشعل نار الغيرة جوات قلبك




أنا معك بتعليقكك بالبداية لانو نادراً مانلاقي شب عربي يحكي مع بنت لمجرد الصداقة وانا فهمتا هل الحكي كتير وكتير وماكنت وصل لنتيجة غير اني جاهل واناني و على حسب خبرتا هي بتعرفو قبلي تقريباً بسنتين كانت حبتو إلو و ماعشقتني من الأساس

وهي بتقلي اني عما احكي مع صديقي و كل مابيخبرا بتقلي يعني من هل الناحية صريحة كتير بس برجع بقول النقطة اللي مركز عليها ليش ماردت علي وشكراً لردك

اد ما كان معلق بخليها تحكي مع صديقا بنصاص الليالي:shock:

انا مرة لأشغل موبايلي وخليه بالويتينك اتصلت على ال111

ام عرفو كل الجيران اني عم احكي على الموبايل:cry:
أنا حاسس بشعورو . الواحد لما بيحب وبيبلش حبيبو يغدر فيه أو يدايقو . بيفش قلبو وبيحكي لغيرو بس لا أراديا بيكون بدو يسمع كلام يبرر هالتصرف . وحتى أذا حدا هاجم هالتصرف . بيكون لا أراديا عم يدافع بكتير من كلامو . هي مجرد وجهة نظري . ممكن تكون الأمور غير
على الهامش
يخرب بيت سنتك . شو بتستفيدي اذا جننتو للشب . أول مرة ممكن يتدايق بس بعد كم مرة هالحركات ما بتأدي أنو يكون غيور . بتأدي للكره والملل

يخرب بيت سنتك . شو بتستفيدي اذا جننتو للشب . أول مرة ممكن يتدايق بس بعد كم مرة هالحركات ما بتأدي أنو يكون غيور . بتأدي للكره والملل

يمكن هيك صار فيه:cry:


بس كمان انا مو لله عملت ها الحركة:frown:

يمكن هيك صار فيه:cry:


بس كمان انا مو لله عملت ها الحركة:frown:
يلي بيصير أنو اذا كان واثق بدكون ياه يغار . وأذا كان غيور ياويلي شو ممل وغيور ومابدكون ياه هيك . هلأ في نقطة كتير مهمة أنو أيام بيكون هاد لتصرف هو للرد على تصرف مشابه أو على تصرف مزعج . بس المشكلة انو هاد التصرف بيكون الو نتائج مباشرة على المدى القريب . بس بتكون نتائجو كارثية على المدى البعيد . خاصة مع التكرار . يعني الخطأ لا يصلح بخطأ . وثقة الشاب بالبنت هي أهم شي وأغلى شي عند البنت . فمابيصير التخلي عنها بهالسهولة مشان موقف أني بيتغير

.يعني البنات ممكن يعطو رأيهن كمان

من الأول ما لازم يكون في صداقه مع شاب لما يكون في حبيب

لأنو الحبيب بيعوض عن كل الناس ....والاصدقاء

لما بيكون حبيبي بدو يحكي معي بنسى الناس كلا ...كيف بدي سكر ...لرد ع صديق

وضل احكي للخمسه الصبح ...في تبادل ادورا يمكن تكون انت الصديق ومانك عرفان

يا اخ كييمو شكلك عنجد بتحبا .... انشالله تتهنا
طيب فكرة الاتصال المتاخر انئبلت بحكم وئت شغلا وشغلو ...
بس بصراحة من المفترض انك انت الي تسكر موبايلك وتفكر لانك انت الي تعرضت للموقف مو العكس.. ( بتئدر تئولا انا تتخيل حالا بنفس موقفك ... شو رح تعمل؟)

انا براي انو العلاقة بين شخصين بتفرض بعض الضوابط او بمعنى تاني ( كل واحد من التنين بدو يئدر الاشياء الي بتزعج التاني ويحاول ئد ما بيئدر انو يتجنبا حتى لو بتاثر على استقلاليتو - طبعا بامور ما بتتخطا كل ما هوي مصيري لاي من الشخصين)
المهم حسيت انو البنت ما عندا استعداد انو تتجنب اي شي - يعني هي اولا بالعلاقة .وبتخيل هدا السبب الي خلاها تتصرف معك هيك
المهم انشالله بتتحسن الامور معكن
تقبل مروري:D

على الهامش :

انا تعرفت على البنت من حوالي سنة ونص وبلشت قصتي معا بمبادارات جياشة من عواطفا

وأعجابا إلي ولشخصيتي على حد تعبيرا وأكتمل هل الشي من طرفي كمان

وهي ضمن وضعا الجامعي أكيد عندا اصدقاء ذكوراً وأناثاً وكان صديقا الاكثر هو الشخص اللي عما نحكي عنو

وللعلم هي بتعرفو من قبل 4 سنين يعني قبلي بزمن وللعلم أيضاً هي وصديقا في أختلاف بالأديان بعيد عن

التطرف انو غير مناسبين لبعض لقصة حب لانو نحن مالنا مراهقين معجبين في بعض وعما نحب بعض لانو

الحب في زمن النضج أكيد نهايةُ هي الزواج

والمشكلة الأكبر بكتير واللي بتخليني أحط في عقلي مليار إشارة تعجب واستفهام انها ملتزمة كتير معي

وبتعشقني لأبعد الحدود بس هل التصرف اللي صار معي أمبارح مالقيتلو أي تفسير

هلق رح احكيلك قصة يا كيمو جرت من 12 سنة
في واحد صاحبي حب وحدة
هي اللي ركضت وراه يعني الأعجاب بلش من عندها وبصراحة الزلمة شخصية ومن الصنف المرغوب بشدة لدى الجنس الانثوي
المهم
حبو بعضهم الجماعة لسنين
وكان الحب بريء وصادق وكان حبهم اقرب الى القصص اللي منسمع عنها متل روميو وجولييت وعنتر وعبلة .... الخ
وصاحبي حبا للبنت لابعد مما بتتصور
حتى اجى هداك اليوم وشاف حبيبته مع واحد وكانت طالعة على آخر طرزومطالعة كل مفانتا اللي ماشاف صديقي شي منن
فوقف الزلمة وسالها بكل هدوء مين الاخ
ردت عليه وقالتله صديق وقريبنا بس من بعيد
ولشدة ولعه في هالبنت وحبه الها صدق لان متل ما بيقلك المتل الحب اعمى
وبعد فترة بلشت علاقتهم تبرد شوي من طرف البنت
وهو يلاحقها ومطموس على قلبه وهي ما تسال فيه
وبلش يحس الأخ أنه هالبنت ما بتحبه
وتارة يفور ويغلي ويعصب
وتارة يقنع حاله أنه هي بتحبه
ويروح ويصالحا لما يحكي معها شي كلمة برات الطريق
وراحت أيام وأجت أيام على هل الحال ودوام الحال من المحال
حتى مرة أجوا رفقاته لهالزلمة هاذ وشافوه مكتئب وحزين ودقوا فيوا وعزموه على سهرة
قالوله بدنا نفرفش وننسا ونطالعك من هالجو
وهو يرفض وهنن يلحوا وهو يرفض وهنن يلحوا
لحتى واحد حلف يمين ألا ما يروح معهم ومنشان ما يكسرله يمينه قرر يروح معهم
وحملوه وأخدوه معهم
وهو ما بيعرف وين رايح
وما لاقا حاله إلا على باب ديسكوتيك
وطبعا هون قالهم لا ما بفوت ما بخون حبيبتي ما بطلع على غيرها وين جابيني.....الخ
المهم الشباب سحبوه غصب عنه وفوتوه وهو رجل لقدام وعشرة لورا
المهم قعدوا على هالطربيزة وطلبوا الشباب عصاير
والزلمة راسه بالأرض مخافة أني ترف عينه على بنت تانية
يعني ضل هيك أخلاص !!!! ما بعرف شو رأيكم ؟؟
ورفقاتوا عبوظوا براسه قوم أرقوص قوم شوف هالبنات
وهو طامس راسه بهالأرض وبكاسة العصير
وإذ بواحد من رفقاته قاله :
لك شفلي هالشوفة مو هي ألي عبرقص مع الشب حبيبة القلب
قام الزلمة خرط مشط نظر على مكان ما عبيأشرلو رفيقه
وإذ بلاقي حبيبته مع نفس الشب ألي أدعت أنه صديق وقريبها
فخلج وأنفلج وأصفر وأخضر والشرار طلع من عيونه
وقام هجم عليهم بس رفقاته منيح مسكوه وقعدوه وقالوله رووق ولا تتهور
ألي باعك بيعه وأضبوط أعصابك
ما بتستاهل محبتك لألها لأنه هي خاينة ما بتستاهل ضفرك كمان
بعد ما راق الزلمة وهدي وفكر صح وفاق من الوهم ألي كان عايشه
قام بكل هدوء وروية وبرودة أعصاب وقف قدام البنت والشب ولما شافته البنت
كأنيها أكلت مئة كف على وشها تغير لونها وأحولوا عينيها
وقال لها الشب : شكرا لألك على الدرس المفيد واح أستنى وأشوفك بعد ما يعمل فيكي هالعينتين متل ما عملتي فيني!!!
وهون أجوا رفقاته ومسكوه ومشيوا وهو عيونه عبتدمع .......


بدون تعليق

هئ
ما بني على باطل فهو باطل
صديقا من اربع سنين يازلمة من اربع سنين :jakoush:
وانت حبيبها من سنه ونص؟؟؟ :adal:
لا تفكر اني عم اتمصخر انا مستغرررررررررررررب
شلون ابلت انها ضل على صداقتو وعلى اي اساس؟؟؟؟؟
وشو هيه هل الصداقه المتينه الي بتخلي تنين اصدقاء
يحكو اربع ساعات على التلفون بدون انقطاع بغض النظر عن التايم؟؟؟؟؟
لك انا الي بدي اسئلك ياه كم مره بحياتك كلها حكيت مع صديق
اربع ساعات متواصلة اه جاوبني كم مرة ؟؟؟؟؟

حبيب انت حابب واحدة عشئانه واحد غيرك
اذا كرامتك بتسمحلك بالأستمرار بهيك وضع
ما فيني الك غير الله يهنيك

:D

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

نهفة ها الصورة...

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

صدقت الصورة .. :frown:

أي ليش لأ.... طالما كل شي واضح..والصراحة هيي أساس العلاقة...فبنظري..ما فيه مشكلة...

يعني الشب سألكم مو لتبلشوا تزيدوا ناروا وتقنعوا انو البنت ما بتحبو...
يعني انا جد مو فاهمة ليش كل هالتعقيدات هو قال البنت مغرمة فيه وهداك صديقها وكانت صريحة معو وطلبت منو انو يقطع الاتصال لانو صديقها بيحكي معها كان بامكانها انو تخترع الف قصة منشان تشيل الشك بس كانت صريحة ويعني شو فيها لما تحكي معو انشالله عشر ساعات ممكن بيشكيلها ممكن بدو نصيحة وفي الف سبب وسبب بس نحنا هيك انلقنا لنتهجم عالخلق وما بنرحم
يعني فرضا يا كيمو كنت انت مكانها وصديقتك عندا مشكلة ونفس الوضع صار بتحب انو تشك فيك وهالقصص؟؟؟


عكلا فيك انو تصارحها بشكوكك بشكل غير جارح وتخيرها وساعاتها لكل حادث حديث...