يَبدو لي أنني بـِ حاجةٍ للحياةِ مَرة ً ثانية لكي أسـتفيد مِنْ تجاربِ الحَياة الأولى الفاشِـلة

وَ كأني بـٍ حاجةٍ لكي أخوضَ نفسَ التجربة مَرتين حتى لا تتكررَ أخطاء التجربة الأولى

أنا بـِ حاجةٍ لكي تعادَ كُلُ صغيرةٍ وَ كُلُ كَبيرة في حياتي

حياة ٌ واحِدة لا تكفي وَ كلها فشَـل

فماذا عَنكم

هل سَـتفشلونَّ في شَيءٍ ما فشلتم بهِ سابقاً

لو تكررتْ الحَياة مَرةً ثانية !.

وَ

بـِ اختصار

هى لو اتكررت على نفس المنوال ممكن الواحد يتفادى الاخطاء والفشل ياللى عملهن سابق

بس لو الواحد مو دريان يمكن بيخربتها اكتر فو قتا شو العمل

دايما نتمنى انه نعيد حياتنا لنصلح اخطائنا وهاد بيكون بوقت الندم فقط مع اننا بنكون مدركين تماما وقت الخطأ انه هاد خطأ وما فينا نعمله الموضوع معقد

بس انا فعلا بتمنى انه ترجع حياتى من جديد بس كمان معها بتمنى انه ما افشل
يعنى الامنيتين لازم يكونو ملازمتين لبعضهما

الفشل أول طريق للنجاح يا صَديقة


وَ هل تضمَني أنكِ في الحَياة الثانية لن تفشلي بأمور ٍ ثانية !.


:D

انا وضحت انى مو ضامنه مشان هيك قولت انى لازم اتمنى كمان انى ما افشل يعنى لازم الاتنين يتحققو مع بعض ماينفعش الاولى لوحدها

لكن انا لا اضمن وعلى كلن بحمد ربى على حياتى الله يديم علينا نعمة الرضا فهى من اعظم النعم

والغلطه اللى مابتكسرك اكيد بتقويك

شكرا على الموضوع:D

انا من ناحيتي بعتقد السيناريو اللي مشيت فيه حياتي كان هو الأمثل لا بل اقرب للخيال

من ناحية التجارب اكيد لكل منا تجربته بس بعتقد لو تكررت معي بدي ارجع اكررها بحذافيها " طبعا اذا تكررت كمرة أولى بالحياة التانية "

واذا كان في حياة تانية بالنسبة إلى فالتحدي ما حيكون باني ما افشل فيها

التحدي بالنسبة إلى حيكون اني اقدر احقق شيء افضل مما حققته بالحياة الاولى الحالية

فكرة لا بأس فيها لكن بعتقد لازم تتوقع ان يقلب موضوعك لجزء من التسلية كون مستوى التفكيري المتوسط للجو العام بالموقع حاليا دون الحد المقبول .

لكن بأكد لك فكرة مميزة وبدها رواق وجلسة تأمل كون الانسان قبل الاجابة عن هيك سؤال بحاجة لمراجعة ليس فقط آخر القرارات المتخذة في الفترة الأخيرة لا بل بحاجة لمراجعة جميع القرارات المتخذة في الحياة الشي اللي بيطلب تركيز كتير كبير .

اما انا فكان جوابي سريع نسبيا كوني كنت مبارح قاعد عبفكر بنفس الفكرة فما بقي علي غير اني حط لك بشو طلعت .

:D

اخوي اسمح لي اكبس الموضوع up من عندي

:D

بدون الفشل لا يتم النجاح :D

أنا ما فشلت أبدا بحياتي
كل حياتي نجاحات بنجاحات بتطور ب........الخ
يعني نظامي مية مية من ولادتي إلى اللحظة الآنية !!!!
شكرا يا غالي على الموضوع
ومنسجل متابعة منشان نعود لندمدم على العود
:D

أحياناً الشهيد بيتمنى يرجع للحياة مرة تانية لحتى يستشهد مرة تانية وتالتة بسبب النعيم يلي بيتنعمه بالشهادة

أنا من جهتي الحياة الثانية هي نتيجة أعمالي في الحياة الأولى ، إما نعيم مقيم أو جحيم مهين

فأعدد نفسك يا أخي للنعيم المقيم بحسن العمل في الحياة الاولى وطاعة الخالق
أما إن كنت معذب ومتعب فصبرك على هذا الحال ينقلك إلى أحسن حال

هذه عقيدة المؤمنين بالحياة الأخرى باختصار شديد

ما بعرف بصراحه
بس يمكن لو اجتني حياة تانيه كنت قدرت تفاديت كم شغله بصراحه كنت درست اكتر لاني بعد ما تخرجت من الجامعه حسيت قديشها مهمه .... بس غير هيك كلو تمام ..ما ندماني ع شي :D

والله يا ريت نعيش حياة تانيه لنصلح
من الي عملناه بهل حياة
او حتى نعدل فيه

يسلمو خيو للموضوع

انا بحس انو حتى لو عشنا حياة تانية رح نقع بنفس الاخطاء

يعني من جانب الدراسة الفصل هاد بنخبص وبنقصر وبنحكي الفصل الجاي رح نتفادى هالاخطاء وبيجي الفصل التاني ونفس الوضع
حتى بالحب مرة بنغلط وووو ولما نحب مرة تانية بنقع بنفس الاخطاء...

مجرد رأي:D

لو منحتني ضعف العمر أعمارا سأعيد اقتراف حبك يا خطيئتي اللذيذة
لو قّدِر لي وعادة الروح ادراجها الى حيث السر الالهي سأصرخ كما الرضيع تدفعه الفطرة لثدي أمه
سأكون أنا حينها في طريقي لأشرب سُمُّك بنهم ..
عُذرا لإيماني فأنا مُشّبع اللدغات

لو عشت حياة تانية ....أو عدت حياتي من جديد ..... رح اختار نفس الطريق ....و رح عيش نفس التجارب ( الفاشلة منها قبل الناجحة )
لأنو بدون الفشل لا معنى للنجاح
و جمال الاشياء .....بمقدار صعوبةمنالها

انا معك ان الفشل بعلمك شو معنى النجاح

لكن انا بحسب ما فهمت من السؤال اذا رجع تكرر معك نفس الموقف وكان في عندك فكرة ان نهاية التجربة الفشل يعني مثلا لو كنت بتعرف انك بالحياة السابقة رسبت بالبكلوريا مل بدنا نقول يحاة سابقة بدنا نقول عندك فكرة او عندك القدرة تشوف شو بصير معك بعد 5 سنين

يعني شفت حالك بعد خمس سنين انك راسب بالبكلوريا هل بدك تقدم بكلوريا ولا بمجرد ما عرفت انك فشلت فيها فما في داعي امشي بطريق بعرف فين بينتهي .

انا كتير كتير عجبني الموضوع مشان هيك عملت له ال up انه اذا كنت بتعرف تجاربك الفاشلة من الغير فاشلة هل كنت بدك تعيد التجارب الفاشلة من مبدا الفشل اول طريق النجاح ام بدك تحاول تخلق نسخة محسنة وتجرب حظك بطريق جديد لمحاولة تغيير الفشل ؟

-----------------------------------------
انا يمكن ما بعرف عن صاحب الموضوع غير من اسمه انه بيقرا كتير فلسفة باعتبار فكرة اللا منتمي فكرة فلسفية بحتة لكن عن طريق الموضوع والسؤال هون بقدر بكل سهولة اعرف انه صاحب افكار عميقة وغريبة بنفس الوقت وانا بشوفها غرابتها انه حياة الانسان عبارة عن مواقف وتجارب وبكل موقف بيتخذ اجراءات معينة وبنفس الوقت ما بيخطر له يقعد " مع " حاله ويسأل انا كيف بختار طريقي وعلى اي اساس .د
:D

صديقي اممي
سؤالك سوأل فرضي وجدلي ويقبل كل الأراء
كل الأجوبه فيه صحيحه
وكل الأجوبه فيه خاطئه
لأنه لا يوجد فينا شخص واحد عاش حياتين
يقدر ان يخبرنا ماذا حصل في الأولى
وكيف عاش الثانيه
وعليه بشكل علمي هذا السؤال مرفوض لأنه لا جواب صحيح له
واما عن رأي
لوكنت اعلم الغيب لتداركت اخطائي من الحياة الأولى
دون الحاجه للثانيه للأصحح اخطائي فيها

تقبل مروري :D

اول شي مو اممي اللامنتمي
تاني شي سؤال بيختلف جوابو من واحد لواحد تاني يعني انا ما فهمت قصدك ماغنوم يعني وين جوابك؟
يعني لو عرفت الغيب كان ما عشت هيك بظن

بظن لو انو الله سالني انو رجعك مرة تانية بقلو لا!

مالي محتاج اساسا انو يحسب حسابي بحياة لا تانية ولا تالتة

مايسترو

ما هيك الموضوع انا بشوفه ما بشوف انه عبيعرض فرصة بتنافي العقل او الدين

الشب ( اللامنتمي وليس اممي ) فرض انه لو كنت بتقدر تصحح اخطائك كنت صححتها او لا ؟!

بس ما بده يتم تصحيح الأخطاء بعد ما تتم عبيفرض انك رجعت للحظة اللي ارتكبت فيها الخطا هل بدك تصحح الخطا ام بدك تعيف الأمور كما هية هو قال انه
أنا بـِ حاجةٍ لكي تعادَ كُلُ صغيرةٍ وَ كُلُ كَبيرة في حياتي

حياة ٌ واحِدة لا تكفي وَ كلها فشَـل

انه الفشل اللي الواحد بيوقع فيه لابد منه وحتى يصحح لازم يعيد التجارب مرة اخرى وباعتبار انه العمر بيمضى مرة واحدة فقط يعني المراهقة مرحلة واحدة فقط بالحياة الطفولة مرحلة واحدة بالحياة فهو بحاجة لحتى يرجع يمشي على نفس الطريق للتصحيح فهو بحاجة إلى حياة اخرى ثانية للتصحيح .

انا هيك بشوف انا عبحاول انظر للامور متل ما عبيتخيل اللامنتمي عبشوفها وبعتقد اذا هوي بيجي بيحكي بكون احسن يمكن اكون غلط عبفكر وعبحمل معاني زائدة للأمور يمكن اكون صح عبفكر بعتقد وقت بيدخل هوي بوضح اكتر الشي اللي كان قاصده .

:D