-
دخول

عرض كامل الموضوع : أعضاء أخوية!

karim94
24/05/2008, 00:31
سلام



القصة أنو من زمان ما حطيت موضوع بالسقيفة ............. يمكن ولا مرة!......



فإجا عبالي أحكي عن ظاهرة غريبة فهالمنتدى .........



وحابب أنو أسمع أراءكم و تحليلاتكم العميقة ...... والدقيقة ......



وعلى كافة المستويات ....... نفسيا, إجتماعيا, واقتصاديا وووو .......... لهذه الظاهرة العويصة ......


وبعرف ما رح تقصرو :lol:




القصة أنو لاحظت ومن خلال تواجدي بالمنتدى ولو لفترات متقطعة ( من ديسمبر 2006 ) ...... مايلي :

تفاوت في نشاط الأعضاء عحسب ألوان أسماءهم ..........



مثلا

أنو العضو الغير ملون ......

إسم الله عليه ما عم يلحق ينزل مواضيع ..... ومشاركاتو في تصاعد مستمر>>>>>>>>>> عضو فعال و نشيط .......




العضو لما يصير ملون :

وهي درجات عحسب اللون .......



لما يصير لونو أحمر:

بيصير أنو تشوفو مرات بالمنتدى ........ أو تشوف إسمو على الأقل : تعديل بواسطة ...... من المنبر ....... من الرسم و التصوير ......

ناتج عدد المشاركات / على الزمن تقريبا ثابت .........



لما يصير لونو أخضر :

هذا ممكن يصير ...... أنو شي مرة فشي موضوع ..... تلاحظ أنو أون لاين ........ النقطة إللي تحت إسمو تكون خضرا وقتها ...... ممكن ........

ناتج عدد المشاركات / على الزمن تقريبا ثابت ......... منعدم .........




لما يصير أخضر و تحتو كلمة متقاعد::cry: هذا العضو مفقود و جاري البحث عنه ..........



أما الحالة النفسية للأعضاء (عحسب ردودهم):


العضو الغير ملون ::lol:;):sosweet:


العضو لما يصير لونو أحمر::adal::pos::frown:


العضو لما يصير لونو أخضر::sly::x:jakoush:



العضو لما يصير لونو أخضر متقاعد ::oops::sick::cry:






ليش عم يصير هيك:sick:
MadMax
24/05/2008, 00:40
بالنسبة الي ... ما بظن بتنطبق عليي هالصفات .... يمكن لأني بقضي فترة طويلة عالنت يومياً
بس بالنسبة ليللي كان متعود يفوت ساعة أو ساعتين باليوم .... لما بصير منسق أو مشرف .. رح يقضيهون ع قراية التبليغات ....و نقل هالمشاركة و حذف هالموضوع ... فما بضل عندو وقت يشارك متل قبل
ماغنوم56
24/05/2008, 00:55
أما الحالة النفسية للأعضاء (عحسب ردودهم):


العضو الغير ملون :////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


العضو لما يصير لونو أحمر:////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


العضو لما يصير لونو أخضر:////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////



العضو لما يصير لونو أخضر متقاعد :////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////





:deal:

عجبوني هدول
الي رجعه
Roaa
24/05/2008, 01:16
أحمر

ماعنا هاللون .. بعتقد الموضوع ملطوش من منتدى تاني مووو ؟؟:x
was616im
24/05/2008, 01:20
بوافق مادماكس بكلامو
بس كمان بعتقد الشغلة حسب وقت الفراغ ... يعني هلق بعد المشاركة رقم 2000 بيصير الواحد مستشار ... و قد ما زاد عدد مشاركاتو ما رح يتغير هالاسم و مع ذلك بيضل يكتب و نشيط متل اول او بيجوز اكتر ...
فلذلك الشغلة نسبيا بتعود لوقت الفراغ و المزاج
karim94
24/05/2008, 02:23
مساء الخير شباب وصبايا و شكرا لأراءكم و تعليقاتكم ...... نورتو الموضوع .....

:D
karim94
24/05/2008, 02:26
ماعنا هاللون .. بعتقد الموضوع ملطوش من منتدى تاني مووو ؟؟:x


لكان شو هاللون تبع المنسقين:larg:....الموضوع ملطوش من منتدى خليجي :p
Roaa
24/05/2008, 02:28
كأنوو اورنج .. مو ..:?
ليندا
24/05/2008, 02:28
بوافق مادماكس بكلامو

فلذلك الشغلة نسبيا بتعود لوقت الفراغ و المزاج

هون انت وصلت ..:confo: انا كمان بقول انو الشغله حسب المزاج وقتا شو بيكون.. بعدهيك بيجي دور الفراغ ..
karim94
24/05/2008, 02:53
أورنج , أحمر , بني كلو مثل بعضو تعددت الألوان و المنسق واحد


المهم مشان الوقت و الفراغ فهالكلام فيو وجهة نظر
يعني كلنا عندنا مشاغل : شغل , دراسة , بيت , مسؤوليات ....
بس يعني هالأمور بتظل هي هي سواء قبل ما تصير أو بعد ما تصير مشرف
shymaa
24/05/2008, 03:48
صح كلامك

احب اضيف ان فى مواضيع بس بتلاقى فيها كل الملونين هما الموجودين او اغلبيتهم

طبعا معروفه المواضيع دى هى المواضيع اللى بتخص الملونين او جايبه ف سيرتهم بتلاقيهم ماشالله متواجدين

زى الموضوع ده هتشوفهم كتير

يعنى بعد كده لما بيوحشونا نعملوهم موضوع مخصوص;):p:D
MadMax
24/05/2008, 04:03
صح كلامك

احب اضيف ان فى مواضيع بس بتلاقى فيها كل الملونين هما الموجودين او اغلبيتهم
يعني بيناتنا ....... مو أريحلكون ..؟؟



أنو ... شو بدكون بهالشوفة ..:larg:
وشم الجمال
24/05/2008, 06:17
يعني بيناتنا ....... مو أريحلكون ..؟؟



أنو ... شو بدكون بهالشوفة ..:larg:

له له له يا ابو سمرة ايش هالحكي؟؟؟؟
لك شوفتك بتسوى الدنيا كيف لكان!!!

انا برأيي الموضوع مو متل ما حضرتكـ شايف....يعني في متلا بجماعة الاخضر ناس دائما موجودين وفاعلين متل عمو ياس وما شالله المنبر دايما شغال والنقاش فيه اعلى المستويات....وفي عندكم كمان ريمي لما تعصب شوفها وخاف بس البنت برضو دوم بتشارك ميريام غازيتا تئبش قلبي دوم بترحب بالكل وكمان بتقرا مواضيع ادب وبتحكي حلو كتير غير انو صوتا دوم رنان بالمنتدى...

ممكن دوت ما بيصحلو يدخل لظروف دراسية ونيرفانا كمان ما بعرف بس بظن نفس الشي

وفي كمان سيزار دائما موجود وبعطي اراء ساخنة وما شاللله عليه....

وبالنسبة للمتقاعدين رجعوا وعين الله عنهم وهي ابو الهن موجود وبدو مساعدة كمان ....وغيرو وغيراتو بس ما فيني احصي الكل

عندك عمك بلاك وعمك ابو سمرة برضو موجودين ودوم صحيح مو كتير بحطوا ردود بس بتحس انو عندهم اطلاع واسع عالمواضيع

برضو رؤى وابو سليمان وليندا والموسيقارموجودين بس ردودهن بتكون لما المزاج يكون عالي....

يعني باختصار الكل موجود بس بدن مزاج مو اكتر

ويللا بكفي حكي وخلينا ننطلق
sezar
24/05/2008, 07:40
ساخنة :clap:

هلق لأشرحلكن شو بصير
اول ما يفوت الواحد بصير يشارك بجميييع المنتديات على حد سواء و بأنواعها
هلأ بعد فترة 1000 مشاركة مثلا ببلش نسبيا و أوتوماتيكيا يتحدد بمجال ما أكتر من غيرو بصير بغز في بشكل مفيد أكتر + بتقل مشاركاتو شغلةالـ" سمايلين و مشكوووووووور و هل قصص"
هلق بعد هيك بتم يتخضرم الواحد :lol:
فلما يوصل لمرتبة اشرافية "كمنسق ما بعرف الشعور ما مريت فيها " بس بعتقد نفس أول ما يصير مشرف
المهم أول ما تستلم حقيبة اشرافية بتضل الهمة أوية هيلا هيلا بعد فترة ببلش ينوص الواحد من ناحية بصير في شي آلي عندو..
العبرة انو كل ما تقدم الواحد بعمرو الأخوي بتصير ردودو و مشاركاتو ما قل و دل و من سار على الدرب وصل

و بتزيد نسبة الحشيش التلقائي :lol:
نشكر لكم حسن المتابعة و الى اللقااء
و أحلى بيت شعر من " ييرادو كريكوريان لأحلى شبيبة " :
رفرفت الفراشة بجاحيها و طارت ... طارت الى أن حطت على وردة حمراء في سماء أرجوانية ... نظرت الشمس و نظرت الوردة ....فابتسمت الفراشة ..و ابتسمت الوردة.. و ضحكت الشمس...
الحقوق محفوظة للقناة الثانية يرادو كريكوريان
hanny dagher
24/05/2008, 08:59
و أحلى بيت شعر من " ييرادو كريكوريان لأحلى شبيبة " :
رفرفت الفراشة بجاحيها و طارت ... طارت الى أن حطت على وردة حمراء في سماء أرجوانية ... نظرت الشمس و نظرت الوردة ....فابتسمت الفراشة ..و ابتسمت الوردة.. و ضحكت الشمس...
الحقوق محفوظة للقناة الثانية يرادو كريكوريان

ههههههههههههههههههههههههه ههههههههههههههههههههههههه ههههههههههههههه

قوية قوية ابو السيز :lol:
ليندا
24/05/2008, 23:22
و بتزيد نسبة الحشيش التلقائي :lol:
نشكر لكم حسن المتابعة و الى اللقااء
و أحلى بيت شعر من " ييرادو كريكوريان لأحلى شبيبة " :
رفرفت الفراشة بجاحيها و طارت ... طارت الى أن حطت على وردة حمراء في سماء أرجوانية ... نظرت الشمس و نظرت الوردة ....فابتسمت الفراشة ..و ابتسمت الوردة.. و ضحكت الشمس...
الحقوق محفوظة للقناة الثانية يرادو كريكوريان

رهيبه سيزار:lol:
shymaa
24/05/2008, 23:25
ساخنة :clap:

هلق لأشرحلكن شو بصير
اول ما يفوت الواحد بصير يشارك بجميييع المنتديات على حد سواء و بأنواعها
هلأ بعد فترة 1000 مشاركة مثلا ببلش نسبيا و أوتوماتيكيا يتحدد بمجال ما أكتر من غيرو بصير بغز في بشكل مفيد أكتر + بتقل مشاركاتو شغلةالـ" سمايلين و مشكوووووووور و هل قصص"
هلق بعد هيك بتم يتخضرم الواحد :lol:
فلما يوصل لمرتبة اشرافية "كمنسق ما بعرف الشعور ما مريت فيها " بس بعتقد نفس أول ما يصير مشرف
المهم أول ما تستلم حقيبة اشرافية بتضل الهمة أوية هيلا هيلا بعد فترة ببلش ينوص الواحد من ناحية بصير في شي آلي عندو..
العبرة انو كل ما تقدم الواحد بعمرو الأخوي بتصير ردودو و مشاركاتو ما قل و دل و من سار على الدرب وصل

و بتزيد نسبة الحشيش التلقائي :lol:
نشكر لكم حسن المتابعة و الى اللقااء
و أحلى بيت شعر من " ييرادو كريكوريان لأحلى شبيبة " :
رفرفت الفراشة بجاحيها و طارت ... طارت الى أن حطت على وردة حمراء في سماء أرجوانية ... نظرت الشمس و نظرت الوردة ....فابتسمت الفراشة ..و ابتسمت الوردة.. و ضحكت الشمس...
الحقوق محفوظة للقناة الثانية يرادو كريكوريان


متشكرين عالمعلومات وعلى بيت الشعر

بس والله انه سؤال حيرنى
عرفنا المشرف والمنسق والمشرف المتقاعد;) لكن المختار ماعرفته
يعنى لو ممكن تشرحلنا اذا مافى مانع:deal:
ِAbu Alzooz
25/05/2008, 04:26
شي عادي

مرا أبو الزووز حللها

انو الواحد لما بيصير معو مصاري بيخف حكيو بعدين بيخف أخلاقو بعدين بتخف الكرويات الحمرا معو

وهون نفس الشي منعدا قصة الأخلاق :deal:

يعني بيخف حكيو بعدين بتخف الكرويات الحمرا عندو

:sly:
maroc17
25/05/2008, 09:54
hdar m3ahoum bel7arbia alfosha a khouya karim 3lach tatsta3mel lahjathoum
MadMax
25/05/2008, 23:21
ميريام غازيتا تئبش قلبي دوم بترحب بالكل وكمان بتقرا مواضيع ادب وبتحكي حلو كتير غير انو صوتا دوم رنان بالمنتدى...
فظيعة ميريام غازيتا
بس بصراحة ما عرفتا ........:shock:
من عنا هي من أخوية ..؟؟
marioma alghzayala
25/05/2008, 23:29
لاتقوم انا :?
مسطول على طول
26/05/2008, 01:34
تيب العضو السجين شو حالتو

والعضو الاسود شو شعورو الاخوي

sezar (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

منيح الي لساتك عايش ابو السيز .. لك شو اخبار الامناء ماعم نشوف غيرك

هلأ بعد فترة 1000 مشاركة مثلا ببلش نسبيا و أوتوماتيكيا يتحدد بمجال ما أكتر من غيرو بصير بغز في بشكل مفيد أكتر + بتقل مشاركات

في شي من هل الشي بس بحاجة لشرط تاني انو يكون جديد ع المنتديات وخاصتاً المواضيع الحوارية , في شي ملاحظو أنو نوع الردود بكتير مواضيع مالها علاقة بعدد المشاركات أو بالعمر .. أنما بالخبرة والتمرس بالنت والمنتديات

وقت بتقل مشاركاتو بيكون التعى قلبو وماعاد لاقى شي جديد الا الهم شي فشة قلب .. يتسلى .. هيك شي ..يتابع من بعيد لبعيد

بس كلمة 1000 مشاركة مو كتيرة شنو ضليت شي سنة ونص لوصلنالها
وشم الجمال
26/05/2008, 06:02
لاتقوم انا :?

لك اي والله انتي:oops:

فظيعة ميريام غازيتا
بس بصراحة ما عرفتا ........:shock:
من عنا هي من أخوية ..؟؟

يعني غض بصركـ عن هالغلط ملخومة وبعدين ما بعرف اقرا انجليزي شنو الكلمة صعبة:lol:
marioma alghzayala
26/05/2008, 09:23
وشوم .. انا مريومة الغزيالة .. :larg:
MadMax
26/05/2008, 15:56
يعني غض بصركـ عن هالغلط ملخومة وبعدين ما بعرف اقرا انجليزي شنو الكلمة صعبة:lol:
لازم تسمعي الغنية .... لتعرفي الاسم مزبوط ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


مريومة (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
وشم الجمال
26/05/2008, 16:31
لازم تسمعي الغنية .... لتعرفي الاسم مزبوط ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


مريومة (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

ناقصني مقلزتكـ سامر!!! بيكفيني اللي فيني

وشوم .. انا مريومة الغزيالة .. :larg:

والله مريومة بعرفها بس الغزيالة هاي الصعبة:oops:
..AHMAD
26/05/2008, 16:34
ناقصني مقلزتكـ سامر!!! بيكفيني اللي فيني



عصبت :gem:

الهيئة رح تاكلك بلا ملح يا ابو السمر :p
وشم الجمال
26/05/2008, 16:43
عصبت :gem:

الهيئة رح تاكلك بلا ملح يا ابو السمر :p
يعني طالعة من امتحان وربنا يستر ارسب بالمادة كيف بدي كون يعني:frown:
marioma alghzayala
26/05/2008, 18:28
لازم تسمعي الغنية .... لتعرفي الاسم مزبوط ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


مريومة (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

اي اي انا وحسين الديك .. شغلي :larg:





والله مريومة بعرفها بس الغزيالة هاي الصعبة:oops:

عادي ولايهمك..
وشومتنا انتي .. بس مانك اول وحدي يعني .. :lol:
karim94
26/05/2008, 23:55
لك اي والله انتي:oops:



يعني غض بصركـ عن هالغلط ملخومة وبعدين ما بعرف اقرا انجليزي شنو الكلمة صعبة:lol:

معك حق , حتى أنا هذا هو الإسم الوحيد أللي ما بعرف أنطقو ......