يوم أمس الأربعاء تم الاعلان رسميا عن مفاوضات سورية- اسرائيلية غير مباشرة بوساطة تركية, و قد يكون الخبر غير جديد أو غير مفاجئ كون هذه المسألة كانت نوعا ما منتشرة. لكن الاعلان الرسمي من قبل الطرفين و الوسيط التركي يعطي للخبر بعدا جديدة أكثر جدية.

السؤال الذي أود طرحه على السادة الأعضاء, أو بالاحرى مجموعة التساؤلات هي التالية: هل أنت مع الموقف المفاوض و تدعم الجهود السلمية لتحقيق الأهداف المرجوه من المفاوضات؟ هل تعتقد أنها يمكن أن تحقق شيئا ايجابيا؟ هل يا ترى يدعو هذا الخبر للتفاؤل و انتظار الخير؟


الرأي لكم و شكرا سلفا على المشاركة


////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

يا سيدي اذا صار هل السلام
ممكن تنفك ازمة هل البلد شوي
وبتخف الضغوطات عن الشعب المعتر
وبينشال قانون الطوارئ :o
يعني يمكن يكون الو حسانتو هل السلام المنتظر
فا ع هل اساس منئول انشالله

:D

مابدي أكتب قرائاتي للموضوع . بس بأختصار بتمنى

لا يمكن أن يكون هناك سلام ما لم يكون هناك حكومة تمثل الشعب

و عندما يكون هناك حكومة تمثل الشعب عندها تفاوض على ما يتطلع ألية الشعب و يصبو أليه

ما بعتقد يصير سلام ..

لانو ما في دعم لاولمرت ليقدر يعمل عملية سلام ..

يعني في حزبة نفسه في اختلاف على اعادة الجولان ..

وباقي الاحزاب نفس الشي ..

يعني بدهم سلام .. بس بدون ارجاع الجولان ..

المفاوضات هذه كلها على اشي فاضي ..

سبقتني ياس بالموضوع

أنه يصير سلام من دون أن تتخلى سوريا عن حزب الله وحماس مستحيل .. اسرائيل ماذا ستستفيد من أعادة الجولان وتظل سوريا تدعم حزب الله وحماس وتمتلك علاقات جيدة مع ايران ؟ .. لهل درجة لحنا قوة عظما لحتى خايفين منا ولا من جيشنا لمهرهر


اقتراح
بس ضفلك شي استفتاء هل تؤيد السلام مع اسرائيل .. مع الاسباب .. حسب مو ملاحظ الشعب ماعاد سائل عن القضايا الخارجية والاهتمام عم ينصب للداخل

أمام سوريا عرض تاريخي لاسترجاع الجولان كامل ولكن هذا العرض بالطبع ليس مجاني وهو مقابل التخلي عن الحلف الشهير (ايران - حزب الله - حماس ) .. مصالح سوريا الاستراتيجية في الميزان الآن ولا اعتقد ان القيادة السورية بوارد التخلي عن حلفها بأي شكل .
السلام يجب ان يكون شامل لكل المشاكل العالقة بحيث تظهر اسرائيل حسن نوايا وتحل سلة مشاكلها بشكل نهائي باتفاقيات كاملة للتقسيم بدون ذلك لن يحصل سلام.
والقيادة الاسرائيلية ليست أيضاً بصدد التخلي عن الأرض مقابل السلام فقط وتعتبر ذلك تفريط فهي تفضل العيش بصراعات.

اذا بتزبط...
يرجعولنا الجولان ....
ونضل حلفاء مع حزب الله و ايران ....

عنجد حلوي
ان شالله خير

بعتقد الربط بين المفاوضات السورية التركية و موضوع الخلاف اللبناني بيستاهل الواحد يوقف عند هالموضوعين و يعمل ربط بيناتهم يمكن يوصل لشي ...


أنا بأيد السلام بين البلدين و المفاوضات لوحدها بتفتح 500 باب مسكر بوجه السوريين

moustahil israel tkoun 3am tkhatet la salam ma3a sourya
fi mathal bikoul yali ma bijik bilkouwa khoudou biline
israel 3am tmatel ou tfawed bes la lateksab wakt menou betzid dirasetha lalmawke3 ya3ni el aradi esourya ou menou betzid kouwetha el3askarya



la tensou enou hadaf israel houwa ihtilal koul elmantika bes akid elhoukouma esourya fahmet hachi ...........betmana ma touthak bi israel
leanou bibasata israel bedha te3zel sourya jarabet awal mara bilkima el3arabya ou bes chafet enou sourya ma fachlet roghma enou fi kada sawadou wjouh el3arab
fakararet testajdem ousloub elmouhawarat ou esilm bes yali biamen la esrael bikoun hmar hada biamen lachitan akid la

هالحكي تكرر من قبل ,بتذكر بسنة 1999 لما فاروق الشرع وباراك التقوا علنا باميركا ,اتفقوا تقريبا على كل شي
وباراك بوقتها كان منتخب بشعبية كبيرة ووضعو الداخلي في اسرائيل افضل بكتير من وضع اولمرت حاليا

بس بوقتها توقفت المفاوضات وكل طرف حط اللوم على الطرف التاني

انا بشوف انو لا النظام بسوريا ولا الاسرائيليين عندن مصلحة حاليا على الاقل انو يصير هيك نوع من السلام
بالنسبة للنظام السوري, اللي بفكر دايما باستمراريتو بالحكم فقط, استرجاع الجولان رح يجر علي مشاكل ممكن تجيب اخرتو. مثلا لو صار في سفارة اسرائيلية بالشام ما بقى تقدر تقنع حدا بقصة الممانعة والصمود ,ما بقى تقدر تقنع الشعب انو والله نحني هيك عم نشحد لانو 70 بالمية من الميزانية عم تروح للجيش والمخابرات اللي على اساس قال عم يحمي الوطن من العدو الصهيوني,هدا غير قضية قمع الحريات والسكوت على الفساد و قانون الطوارئ اللي كلها مبررة بقصة الممانعة.
اما الاسرائيليين فانا ما ني شايف اي مبرر يخلين يتنازلوا عن ارض احتلوها بالقوة,طالما انو هالارض هي ما فيها اي نوع من المقاومة وتعتبر اكتر ارض عربية احتلوها امانا بالنسبة الن .

انا بشوف انو لا النظام بسوريا ولا الاسرائيليين عندن مصلحة حاليا على الاقل انو يصير هيك نوع من السلام
بالنسبة للنظام السوري, اللي بفكر دايما باستمراريتو بالحكم فقط, استرجاع الجولان رح يجر علي مشاكل ممكن تجيب اخرتو. مثلا لو صار في سفارة اسرائيلية بالشام ما بقى تقدر تقنع حدا بقصة الممانعة والصمود ,ما بقى تقدر تقنع الشعب انو والله نحني هيك عم نشحد لانو 70 بالمية من الميزانية عم تروح للجيش والمخابرات اللي على اساس قال عم يحمي الوطن من العدو الصهيوني,هدا غير قضية قمع الحريات والسكوت على الفساد و قانون الطوارئ اللي كلها مبررة بقصة الممانعة.
اما الاسرائيليين فانا ما ني شايف اي مبرر يخلين يتنازلوا عن ارض احتلوها بالقوة,طالما انو هالارض هي ما فيها اي نوع من المقاومة وتعتبر اكتر ارض عربية احتلوها امانا بالنسبة الن .
اول شي قالوا بدهن يساوي سلام مو تطبيع ...:jakoush:
تاني شي الدكتور بشار اعلن من فترة وانا نزلت الموضوع بالاخبار انو مالح يتخلى عن ايران وحزب الله مقابل السلام مع اسرائيل او استرجاع الجولان ...يعني قصة التخلي عن ايران وحزب الله ما حدا يفكر فيها ..لانو كان اعلان الدكتو صريح .......:pos:
اما بالنسبة الي ...بعرف مسبقاً انو الجولان مالح يرجع بالمفاوضات ولا حيصير شي يعني عم بيعزبوا حالهن عالفاضي ..القصة فاقسة مبينة متل عين الشمس ....بس سوريا عم اتظهر حسن نيتها قدام العالم الدولي حتى تورجي انو اسرائيل هي يلي رافضة السلام مو سوريا ...وهادا النجاز يلي عم تحاول تساويه سوريا ...بس ...

طالما انو هالارض هي ما فيها اي نوع من المقاومة وتعتبر اكتر ارض عربية احتلوها امانا بالنسبة الن .

هاد النظام مابيسترجي يضروب رصاصة ...ف صحتين على قلبهم الجولان

لك هاد النظام هوي الي طالع شي اسمو رشوة , فساد , مافيا ال الأسد وما ادراك ما ال الاسد , بدك يحرر الجولان .. لاسلماً ولا حرباً ومن رجلي بيرجع الجولان بوجود هيك نظام

اول شي قالوا بدهن يساوي سلام مو تطبيع ...////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

شو الفرق بيناتهم ...

الفرق يا عزيزي انك لما تكون عامل سلام (مع العلم انو مالح يصير سلام ) انو سوريا ما لح تدخل بالصراع العربي الاسرائيلي ...يعني نحنا بحالنا وهنن بحالهن ...ويعني انو سوريا ما بيصير تدعم حزب الله او تكون حليفة ايران (وهادا الشي ما لح يصير بالتأكيد) هادا سلام ....:pos:
اما التطبيع فهو انو يكون نحنا عاملين سلام مع اسرائيل بالاضافة بمعاهدات تبادل تجاي وهالقصص ومساعدات لاسرائيل وسفارة اسرائيلية بسورية (وهادا من سابع المستحيلات ) :pos:

هل أنت مع الموقف المفاوض و تدعم الجهود السلمية لتحقيق الأهداف المرجوه من المفاوضات؟

اي...

هل تعتقد أنها يمكن أن تحقق شيئا ايجابيا؟

الغريق ما بخاف البلل

هل يا ترى يدعو هذا الخبر للتفاؤل و انتظار الخير؟

شو هاد تفاؤل ..:shock:

الرأي لكم و شكرا سلفا على المشاركة


////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

على فرض انو المفاوضات رح ترجع اليونان قصدي الجولان فأكيد الشعب _ أو أنا بشكل شخصي إذا محسوبين عالشعب _ اكيد الحل السلمي مارح تكون خسائرو متل الحل الحربي انو مو ناقصوا
بس السؤال الأهداف من المفاوضات بس استرجاع الجولان ..؟؟ مابعرف ..
بالنسبة للصمود والتصدي - التصدي من يتصدى وليس من يتصدأ - فحاج صمود وتصدي
وانو تكون حليف لامريكا بشعب مرتاح افضل ما تكون حليف لايران وحزب الله وحماس بشعب منتوف عايف التنكة
وخلي كل مين يشلع شوكو بأيدو
إذا كان في فؤاد فهي تخفيف الضغط عن الحكومة ممكن يخفف الضغط عن الشعب وممكن ساعتها يفكروا بأنو حاج فساد أو انو خلص يعني ماعاد في مجال لهيك قصص
بس هالشي ما بيدعي للتفاؤل - هيك مكتوبة فوق مابعرف - وعلى قول المثل العربي القائل لا تقول فول ليصير بالمكيول او بالصحن ...
واعذروني ع قصر فهمي بالسياسة

هامش : شو الفرق بين السلام والتطبيع :lol:

يوم أمس الأربعاء تم الاعلان رسميا عن مفاوضات سورية- اسرائيلية غير مباشرة بوساطة تركية, و قد يكون الخبر غير جديد أو غير مفاجئ كون هذه المسألة كانت نوعا ما منتشرة. لكن الاعلان الرسمي من قبل الطرفين و الوسيط التركي يعطي للخبر بعدا جديدة أكثر جدية.

السؤال الذي أود طرحه على السادة الأعضاء, أو بالاحرى مجموعة التساؤلات هي التالية: هل أنت مع الموقف المفاوض و تدعم الجهود السلمية لتحقيق الأهداف المرجوه من المفاوضات؟ هل تعتقد أنها يمكن أن تحقق شيئا ايجابيا؟ هل يا ترى يدعو هذا الخبر للتفاؤل و انتظار الخير؟


الرأي لكم و شكرا سلفا على المشاركة


////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

بتمنى لو صار بيوم من الايام سلام و كان حفيدي موجود و هوي على أعتاب السبعين من عمروه .. يحس للحظة أنو مش عايش تحت قانون طوارئ و أنو ميزانة دولتو مش 80 بالمية منها لجيوب الضباط بحجة أننا دولة مقاومة ..

هازا الشيء الوحيد اللي متمناه .

عموما ً ما بتوقع إني في بوادر خير .. عبارة عن تحريك حجار شطرنج عا الفاضي ..

تشكرات أفندم ..

صحيح قبل ما أنسا حذفت شي ألف رد .. تخوين الأعضاء و التشكيك بوطنية بعضنا بشكل مباشر أو غير مباشر مرفوض من أيا شخص كان ..

ألا هل ْ بلغت ؟!

من الصيف الماضي و أنا بقول ضرب إيران أصبح أمر لا بد منه !

ضرب إيران يعني أن الكيان الصهيوني سيكون معرض لهجمات قد يشنها حزب الله إنتقاماً لإيران، ما يعني أن نذر حرب إقليمية سيكون على أقل تقدير سيناريو مطروح من سلسلة السيناريوهات التي يدرسها الكيان الصهيوني و الإدارة الأمريكية .

الكيان ما ممكن يغامر بضرب او بالمشاركة بضرب إيران و المعلومات الإستخباراتية تؤكد إمتلاك حزب الله لصواريخ بعيدة المدى قد تطال " تل أبيب " و سوريا تجري تجارب على أسلحة غير تقليدية كما حدث في " دير الزور " وفق الرواية الصهيونية .

ما يجري الآن أعتقد أنه محاولة لتعرية إيران من الحلفاء و الأذرع التي من الممكن أن تشكل خطراً إستراتيجياً على الكيان الصهيوني عندما تضرب إيران على أساس أن تحيد هذه الأطراف عن معادلة الحرب القادمة سيقضي على جزء كبير من تخوفات الكيان الصهيوني .
و بسقوط إيران يسقط محور " الشر " كما تسميه أمريكا و الكيان و محور المانعة كما نسميه نحن !

لا تنسوا أن المفاوضات السورية الصهيونية تعثرت عندما بُحث موضوع السيطرة على شواطئ بحيرة طبريا التي تطل عليها مرتفعات الجولان، حيث أصر الكيان على حقه المطلق في السيطرة على سواطئ طبريا مع وجود أجهزة إنذار مبكر على الهضبة بالإضافة لإعتبار هضبة الجولان منطقة منزوعة السلاح، يعني تحرير الجولان وفق المقاسات الصهيونية التي تضمن للكيان الصهيوني التفوق على كل الأصعدة إضافة لإستغلال المياه بالشكل الذي يضمن تحقيق المصلحة الصهيونية بشكل كامل.

أعتقد أن القيادة السورية تعي ذلك جيداً و تعي أن هذا التحرك التكتيكي من قِبل الكيان ليس سوى محاولة لكسب الوقت و تحيد سوريا عن المعادلة القادمة و ما يستببعه ذلك من قطع كل طرق الإمداد ما بين حزب الله و إيران الأمر الذي سيجعل حزب الله يرضخ للضغوط الداخلية و العربية و أن يُحيد هو الآخر عن المعادلة القادمة !

لو وقعت سوريا في هذا الشرك فعلا المنطقة السلام!

مرحبا للكل
العجيب بالامر من انو القيادة السورية عم تبيع وطنيات وشعارات عرباوية رنانة من جهة ومن جهة عم تمشي من تحت الطاولة للمفاوضات مع دولة اسرائيل لاستعادة الجولان
الكل بيعرف مطلب اسرائيل من سوريا، وقف الدعم الكامل لحماس وحزب خدا بلبنان واكيد لا يخفى على الجميع من ان الذارعين ما هما إلا ورقة بيد سوريا من اجل الضغط فقط.
قضية السلام والمفاوضات الغير مباشرة امر لا بد منه لكان مو على حساب بيع من جهة شعارات واطلاق تهم عمالة على بعض الدول العربية ومن جهة المشي ورا المفاوضات
احساس القيادة بالضعف من جراء القصف الاخير لمنطقة عكسرية تمت التعرف عليها بانها منطقة ذات نشاط نووي الو سبب مباشر واكيد للركض لطاولة المفاوضات مع اسرائيل.
حتى الان انا استغرب من تصريحات الرسميين السوريين من انو المفاوضات بدأت من دون شروط واسرائيل تقول انها قبلت بالمفاوضات تحت تنازلات مؤلمة
برأيي ان القيادة السورية تضع مصلحة بلدها فوق مصلحتها المؤقتة مع ايران وحزب خدا وحماس وباعتبار انو العلاقة بينهم ما هي إلا زواج متعة وقابلة للفسخ بمجرد انتهاء المنفعة
والسلام عليكم

مرحبا للكل
العجيب بالامر من انو القيادة السورية عم تبيع وطنيات وشعارات عرباوية رنانة من جهة ومن جهة عم تمشي من تحت الطاولة للمفاوضات مع دولة اسرائيل لاستعادة الجولان
الكل بيعرف مطلب اسرائيل من سوريا، وقف الدعم الكامل لحماس وحزب خدا بلبنان واكيد لا يخفى على الجميع من ان الذارعين ما هما إلا ورقة بيد سوريا من اجل الضغط فقط.
قضية السلام والمفاوضات الغير مباشرة امر لا بد منه لكان مو على حساب بيع من جهة شعارات واطلاق تهم عمالة على بعض الدول العربية ومن جهة المشي ورا المفاوضات
احساس القيادة بالضعف من جراء القصف الاخير لمنطقة عكسرية تمت التعرف عليها بانها منطقة ذات نشاط نووي الو سبب مباشر واكيد للركض لطاولة المفاوضات مع اسرائيل.
حتى الان انا استغرب من تصريحات الرسميين السوريين من انو المفاوضات بدأت من دون شروط واسرائيل تقول انها قبلت بالمفاوضات تحت تنازلات مؤلمة
برأيي ان القيادة السورية تضع مصلحة بلدها فوق مصلحتها المؤقتة مع ايران وحزب خدا وحماس وباعتبار انو العلاقة بينهم ما هي إلا زواج متعة وقابلة للفسخ بمجرد انتهاء المنفعة
والسلام عليكم

برافو عليك ، وصف دقيق للحال :clap::clap::clap:

لا أحد يعلم حتى الأن الطبخة الدولية . وماالذي يحدث
مفاوضات بين سورية واسرائيل
حل لمشكلة لبنان
حل لمشكلة التيار الصدري في العراق
أغتيال عماد مغنية
ورئيس أركان الجيش السوري في أيران

لا أحد يعلم حتى الأن الطبخة الدولية . وماالذي يحدث
مفاوضات بين سورية واسرائيل
حل لمشكلة لبنان
حل لمشكلة التيار الصدري في العراق
أغتيال عماد مغنية
ورئيس أركان الجيش السوري في أيران

على ئولت المصريين

ياخبر بفلوس بوكرى ببلاشششششششششششششش

اريد فقط ان اسال عن تلازم المسارات بالمفاوضات؟ علما بان الترابط بين المسارات انتهى وولى عصره، والكل يعلم صراخ وعياط القيادة السورية بالتلازم بالمسار التفاوضي مع اسرائيل بمعنى الطاولة السورية مع الطاولة اللبنانية ومع الطاولة الفلسطينية معاً

برافو عليك ، وصف دقيق للحال :clap::clap::clap:

مو انت اللي انزعجت عال سعود لما الشباب حكو؟؟؟؟؟

هل من الممكن ان يحدث سلام مع كيان ماعند حدود
مع شعب يومن ان ارضنا هيه ملك شرعي وديني لاجداد ؟
هل راح يغير الصهاينة ايدولوجيتهن منشان السلام؟
بعتقد اي سلام مع هالعدو راح يكون بمثابة مقايضة الجولان بكل سوريا

تقطيع وقت متل التسعينات

تسجيل متابعة ....

بس حتى لو صار سلام .. وحتى لو رجع الجولان ... رح يكون متل قلتو

برجع بشرح وجهة نظري بكرا .. تأخرنا

:Dكالعادة مميز ياسين
تحياتي

اكتشفت انو لسى ماني مشارك بهالموضوع...

هو كان قصدي بشكل عام "فصفصة" هالمسألة الى 3 بنود رئيسية:

- هل أنت مع الخيار السلم و المفاوضة؟
- و هل تعتقد انو ممكن نتوصّل لسلام
- و هل انت متفائل بسبب هالخبر؟


جوابي على السؤال الأول هو نعم.. نعم لأنو أول شي أي حرب هي دمار و موت.. للغالب و المغلوب على حد سواء.. و حتى لو أقرّينا بضرورة الحرب أحيانا فخلينا نكون واقعيين.. لوين فينا نوصل و تحت أي دعم و شو نتيجة هالحرب بالنهاية, و بعدين الحل السلمي دائما أفضل (السلمي و ليس الاستسلامي) ... لذلك أنا مع التفاوض, بنظل نحنا آخر ناس فاوضنا و ما حدا فينو يلومنا و لا يطلعلو يحكي حرف معنا بهالخصوص

أما السؤال الثاني فهو الأصعب برأيي... ما منعرف شو في تحت الطاولة... اللي بعرفو انو أهمية الجولان الاستراتيجية هلأ أقل من أهميتها من 15-20 سنة.. لأنو كان فيها مراكز استطلاع و رادارات مراقبة و الخ و هلأ اسرائيل عندها أقمار بتجيب نمرة رجلو لبيّاع الجرايد اللي قاعد مقابيل قهوة الهافانا... و الكل يعرف هالشي لذلك ما فيها لاسرائيل تطلب مستحيلات (بمعنى تنازلات مستحيلة).. لكن في توازنات و بلاوي زرقا بالنص.. لأنو القضية أكبر من قضية الجولان و مية متر لقدام و ميت متر لورا.. القضية تمس حالة سياسية استراتيجية صارلها 60 سنة و انبنى على أساسها الشرق الأوسط... كل السياسة الشرق أوسطية تتمحور حول اسرائيل و الموقف منها لذلك مو سهل بنوب تغيير هالواقع

و السؤال الثالث... رح طالع بقية براءة الطفولة اللي ظلت فيني و بقول انو أي متفائل جدا... مو بس يرجع الجولان اللي هو بحد ذاتو شغلة كبيرة.. انما نهاية حالة (حرب-لا حرب) عاملة شلل بالبلد من سنين طويلة.. و بلكي مع انتهاء المسبب تنتهي النتائج من حالة طوارئ و هيمنة أمنية عالبلد...


ع كل.... الله يقدّم اللي فيه الخير

انا مش شايفة انو استرجاع الارض بالسلام وارد
لان هيدا الاسلوب بدو يادي يمكن الى توقيع اتفاقيات وفك ارتباطات لايمكن تظبط عنا بالبلد
يعني ما بتخيل يكون بالشام سفارة اسرائيلي
ولا بتخيل فيي شوف مشاريع اسرائيلية سورية مشتركة متل ما بمصر وغيرها
المفاوضات استهلك كتير وصار متلها كتير وما جابت نتيجة واذا بدها تجيب نتيجة وهيي استرجاع الجولان فلازم يكون الها مقابل
وهو السلام هالسلام كيف رح يكون هون السؤل وشو الالية لتحقيقو وشو الادوات الملطوبة لتحقيقو
هي النقاط بتثير علامات استفهام هل الشعب السوري رح يرضى يسترجع الجولان كاملا مقابل اقامة سلام مع اسرائيل وفك الارتباط مع ايران وحركات المقاومة في المنطقة وشو الضمانة انو مايرجعو يحتلوها بحرب اخرى ونخسر نحنا حلفاءنا ونلاقي حالنا وحدنا بالاخير
ما بعتقد انو رح تادي لنتيجة ومش متفائلة ابدا
وماني متوقعة خير من هيك مفاوضات لا الشارع السوري كتير حاببها ولا حتى الشارع الاسرائيلي

كم مصري و اسرائيلي رضيان فكرك عن علاقة مصر باسرائيل؟
+
بالسابق تم السيطرة على سوريا بحجة بطولة التشرينين .. و حرب التحرير و الصمود و و و
بالحاضر تم دراسة الموضوع فالنتيجة ممكن تجيب نتائج مبهرة أكثر بالسلم ...
و سياسة ما أخذ بالقوة لا يسترد إلا بالقوة .. سياسة قديمة لا تجلب الا الدمار للجميع كما قال YASS
فعمليا الناطور ما بهمنا او بهمنا انو ما نعلق معو فازا حسنا ناخد عنباتنا و هوي رضيان بكون جدا جيد..

كم مصري و اسرائيلي رضيان فكرك عن علاقة مصر باسرائيل؟
+
بالسابق تم السيطرة على سوريا بحجة بطولة التشرينين .. و حرب التحرير و الصمود و و و
بالحاضر تم دراسة الموضوع فالنتيجة ممكن تجيب نتائج مبهرة أكثر بالسلم ...
و سياسة ما أخذ بالقوة لا يسترد إلا بالقوة .. سياسة قديمة لا تجلب الا الدمار للجميع كما قال YASS
فعمليا الناطور ما بهمنا او بهمنا انو ما نعلق معو فازا حسنا ناخد عنباتنا و هوي رضيان بكون جدا جيد..


مضبوط ...بس اذا كنت عم تتعامل مع ناطور بيعطيك العنب وعينوا عالحقلة والبيت الي انت عايش فيه ,فبلا وبلا عنبات :frown:
وانت خير العارفين ان الاسرايلي منو مستعد يعطي شبر واحد اذا ماكان حاسب حساب كيف راح يطلع الف شبر غير من كرامتك وامنك هاد غير ترابك

هممم..
طيب برأيك شو العمل ..؟
الحرب..؟
حرب 73 لعنت سلسفيل سوريا الى يومنا هذا عم نطيب من آثارا علينا اقتصاديا و معنويا و الحجج يلي عم تنربط بالحرب و حالة التأهب يلي عاشا الشعب ..

فبتحب ترجع الأرض بالحرب ..؟
قيام الحرب ليس ببساطة قول الكلمة ..
ذُكر سابقا انو حرب سوريّة اسرائيلية ستجر ايران و أمريكا الى نفس الشبك .. تنجر المنطقة الى نزاع قد يعتبر عالمي أي حرب عالمية III يعني حرب اذا قامت سيُقعد أحد أطرافها بلا قيام ..
فلنكنس ما تبقى من كرامة باعادة أرضنا

هممم..
طيب برأيك شو العمل ..؟
الحرب..؟
حرب 73 لعنت سلسفيل سوريا الى يومنا هذا عم نطيب من آثارا علينا اقتصاديا و معنويا و الحجج يلي عم تنربط بالحرب و حالة التأهب يلي عاشا الشعب ..

فبتحب ترجع الأرض بالحرب ..؟
قيام الحرب ليس ببساطة قول الكلمة ..
ذُكر سابقا انو حرب سوريّة اسرائيلية ستجر ايران و أمريكا الى نفس الشبك .. تنجر المنطقة الى نزاع قد يعتبر عالمي أي حرب عالمية III يعني حرب اذا قامت سيُقعد أحد أطرافها بلا قيام ..
فلنكنس ما تبقى من كرامة باعادة أرضنا

المشكلة ان نحنا متخيلين ان الاسرائلين حابين يرجعولنا ارضنا
طيب فيك تتطلعلي علي كل البلدان الي عملت صلح مع اسرائيل ؟
يعني الاردن او مصر اتحولو لطبالة وخط دفاع اول لاسرائيل وصراحة انا مافيني اتخيل ان بيوم من الايام راح تتحول سياستنا لسياسة تلحيس الصرامي متل المتبعة بباقي البلدان العربية
ثم انت متخيل ان هالطرف التاني كتير جاي عبالو ان مواطنا بيرتاح وان اوضاعنا بتتحسن ؟
ياسيدي باكدلك ان اي اتفاق سلام ماراح يرجع بالخير علي وطنا لان راح تكون كل الخطوط مفتوحة قدام هالعدو منشان يزرع مستعمرات جديدة بارضنا
الصهيونية مشروع توسعي مابيومن لابقانون دولي ولا اتفاقيات سلام ومادام الطرف التاني بيومن ان ارض بتمتد من النيل للفرات فما بعتقد ان اي اتفاقية سلام راح تعني غير جزرة بمشروع كبير راح ناكل هوا بعد

انا واقعي
ما أقوله ليس بالضرورة ما أتمناه و ما أتخيله .."ازا بدو يفوت الواحد بما يتمناه ما منخلص"
في 1 و في + و في 1 تاني و في نتيجة

لهيك قلت بالاول
مفاوضات تقطيع وقت........

الضمانات التي تريدها إسرائيل كثمن للإنسحاب و السلام ستفرض على النظام السوري السياسة بعقلية التاجر المرابي تنازلات رهيبة سيكون مجبرا على تقديمها و ستمس بشكل جذري كل شعاراته البعثية و القومية المعروفة التي إنتهت صلاحيتها الإستهلاكية منذ زمن بعيد و التي عاش عليها و تعيش من هرائها! و أهمها فسخ العلاقة الستراتيجية وزواج المتعة الطويل الأمد مع النظام الإيراني و الذي تمكن النظام السوري من خلاله منذ بداية الثمانينيات من تطوير شبكته الإرهابية و الإستخبارية أيام إحتلال ونهب لبنان و الذي حقق للنظام المافيوي فوائدا ستراتيجية و مادية واسعة للغاية سيكون مشروع السلام القادم مع إسرائيل الساحة النهائية لها ؟ إضافة لترتيبات أمنية و عسكرية ذات طبيعة حساسة ستجعل من دعم النظام السوري للجماعات الراديكالية من مخلفات التاريخ ؟ فهل سيقبل نظام دمشق بتلك الخيارات في ظل ضيق ساحة المناورة و عدميتها ؟ أغلب الظن أن نظام دمشق بعد إنجاز السلام مع إسرائيل سيكون غير النظام الذي عرفناه و عرفه العالم!! فاللبقاء و الحفاظ على النوع ثمة شروط و مواصفات يعلم نظام دمشق جيدا بأن الوقت قد حان للإلتزام بها و إلا فإن مصير ( نظام صدام ) سيظل هو الخيار المرعب الوحيد في لعبة دولية دموية بلغت اليوم مرحلة حاسمة من جولاتها...؟

سلام ايش
اه ايه سلام السجعان

ههههههههه
هاد عباره عن صفقه اتركو الكرسي وخدو اللي بدكون ياه

لما مصر عملت سلام كان الوضع اما حرب او سلام
نحنا شو وضعنا الان اما منجوع شعبنا او .....................