تطبيق بتطبيق

هلق في كلمة بتردد بكتير بالمنتديات وخارج المنتديات وهي
كلمة تطــــبـــــيـــق
كتير بسمع واحد عبيقله للتاني
هاذا صاحبنا داخل يطبق
فلانة عبتطبق فلان
التاجر الفلاني طبق المشتري ببيعة
الدلال بيطبق البائع والمشتري
الخطابة بطبق بنت لشب
.......................................الخ
سؤال يا شباب
بصراحة ما بعرف شو هو السؤال
بس يا شباب بصراحة هي كلمة تطبيق
ليش كتير منستعملها وليش ما منستعيض عنها بمرادفات أصح
شي بوجع الراس
خاطركم

اي والل شي بيوجع الراس
احيانا بفكر لو الايد ما كان اسمها ايد شو كان ممكن يكون اسمها
والشجرة ينقلا نبتة والنبتة شجرة
وليييييييي دخت
موضوعك حلو وبصراحة انا كلمة تطبيق بكل المعاني اللي انت ذكرتا ما بحبها
ميرسي الك ... هلق بجيب حبتين بانادول الي والك مشان وجع الراس

هلق بتعرفي شغلة
والحقيقة
في كتير مصطلحات منقدر نقولها بدل التطبيق
أمبارحة
كنت قاعد أنا ورفيقي وعمنتأمل بخلق الله
وما لاقيتلك إلا بنتين واقفين على الرنبوان (الزاوية )
واتنين شباب واقفين جنب المنا يعني مو جنبنا بعيد شوي
واقف الشب عبيأشرلا للبنت
ورافع أصبيعه وشي بعيونه
وعبيسبلا بعيونه
وهديك شي عيني فيه وشي تفوه عليه
يعني متل ما بيقولو
يتمنعن وهن راغبات
المهم
بعد أخد ورد وصد ومد طبعا من بعيد لبعيد
وحملوا حالهن البنات الي كانوا واقفين وعبيتداولو القضية ويبحبشوا فيها
نقبل ولا ما نقبل
وهون راحوا البنات
ناجئين الشبين
بيقوم بيرجع الشب الأول للتاني الي ما بدر منه أي تصرف
ما مشي الحال
ما تطبقو معي
بيرد عليه العينتين
لك أنا طبيق أنا الحق علي أني ما أدخلت وعطيتك الفرصة
يعني رجعنا لمودوع كلمة التطبيق
وسألني رفيقي
ليش عبيقول تطبيق
ليش مثلا ما بيقول تظبيط
ليش ما بيقول تعليق
ليش ما بيقول
أنه معجب وحابب يحكي مع البنت بدل ما أطبق البنت
يعني بصراحة هالكلمة مبتزلة وما بعرف مين أخترعا
على كل يا موجة البحر ألحقيني بالبندول بلييز

هه
حابة اسالك سؤال ؟؟ ليش اغلب شبابنا وبناتنا صايرين تافهين
ليش مو همن غير التطبيق ( ع قولتك ) ليش صاير هم الشباب يحكو مع بنات
وهم البنات يحكو مع الشباب
واقع بيحزن وبيأسي
ومنظر بالشوارع بتدمعلا العيون
وهي قرصين بنادول وفيها العافية انشالله ( اشرب معها مي مو تطبيق );)

هلق شباب وبنات وتطبيق
والشباب بدهم يحكوا مع الشباب
والبنات بدها تحكي مع البنات
هذا موضوع كتير كبير وبيطول شرحه
ألي رجعة وشكرا على البندول وباعتيلي ياه غولدن
وهلق بعد ما أشرب البندول ويصحصح راسي ببعتلك رد على موضوع الشباب والبنات لأنه مودوع
كبير
شكرا مرة تانية

شو الوضع عندكم .......!!!

عمنحكي على التطبيق
بقى إذا في مداخلة أو خارطة أو تعقيب
فيا ريت يا أخونا القلب الدافئ تدلي فيو ---------- على دولة:o
,احلى قلب دافئ :D

كلامك صحيح مالك
في كتير كلمات صارو متعارف عيلهن لكذا مصلح
وانا برئيي اني هل شلغة مو سيئة بالعكس بشوفها ميزة حلوة بالشعب السوري :o

تاني الشي من ناحية تطبيق البنات فأنا مالي بهل كار
كار مو كارك بيخربلك ديارك:pos:

مممم:?
بلكي لأنو وجدوا في تشابه بين تطبيق الغسيل و تطبيق الخزانة و تطبيق الجلي بالمجلى و تطبيق الكتب بالمكتبة وتطبيق الوراق بالفايل و تطبيق الصحون عالسفرة ...:pos:
كل حياتنا تطبيق بتطبيق :gem:

يحرء حريشك بحر جبتيها هلق عرفنا شو اصل تطبيق

يعني من وجهة نظر بحر ممكن

وهو تطبيق بهل المعنى يلي عم تحكي عليه يعني شي عم يطابق شي يعني لما واحد بدو يحكي مع بنت متل ماعم تئول انت عم يطبئها يعني عم يحاول يحكي معها ويكون اريب منها لئيدر يحكي معها

عرفت شلون مابعرف حسيت حالي خبصت

يامالك ياحلبي
كلمة تطبيق .. نابعة من صمصوم اللغوصة اللغوية .. بتعبر عن عمق المعاناة الي عم يعيشها شباب هلأيام . . يعني وبما معناه .. ماتستهون هلكلمة ك كلمة .
هلكلمة الا قصة والا حكاي .. شرحا يطول وتفصيلا وتشريحا بدو ئعدة مع كاسة شاي .
انا ضد .. ومع المحافظة على رونق وجمالية الكلمة .

طبقلي حالك بدنا نروح يوم الجمعة على قهوة القلعة نأركل تفاحتين :shisha:

طبقلي حالك بدنا نروح يوم الجمعة على قهوة القلعة نأركل تفاحتين :shisha:

لا تنسو تشربو كاظوظة ستيم حمرة بدل عني

و أنا بطبئ حالي نفسيا و كأني معكون و تتهنو يابو :D

كلامك صحيح مالك
في كتير كلمات صارو متعارف عيلهن لكذا مصلح
وانا برئيي اني هل شلغة مو سيئة بالعكس بشوفها ميزة حلوة بالشعب السوري :o

تاني الشي من ناحية تطبيق البنات فأنا مالي بهل كار
كار مو كارك بيخربلك ديارك:pos:


يا عطر سوريا

بقلك شغلة موضوعك الي عبتحكي عنه بالنسبة للتطبيق

مستحيل تهرب من التطبيق

يا أخي سين سؤال

ما بتطبق فرشتك

هلق الواحد إذا بده يتهرب من أمور لصيقة لأله

مواكبته في كل الخالات والزروف

يعني بأختصار ألي عودة لأرد علىالعالم

بتعرف شغل عمنقبض أخر الشهر معاشاتنا

منشان نكون عواطلية

برب

كل حياتنا تطبيق بتطبيق :gem:

بصراحة هي النقطة الي عببحث عنها متل بحثي بأبرة بكومة قش
التطبيق بتطبيق

وبرو وبرجع
لا تأخر
على راسي
طبق ورد

.. نابعة من صمصوم اللغوصة اللغوية
انا ضد .. ومع .

بروفسور k.haly

بما أنه حضرتك أولجت هذا الرد القيم بمنهجية جديدة
وهذا ليس إطراء طبعا
وبالرغم من تكاثر المسائلات
والإيحاء المبطن والغير مبطن
كما لإخواننا أعتصامات أخرى
والترويج لنفترض إلى فحوى مواضيع تثير الجدل
وكما معلوم لديكم
أن 1+1=0
والإدلاء بالدلو المنشود والتباهي والحسد ضدانمجتمعان
بمفردة واحدة
وعلى ما يتبين لنا من جثور وعتاهية
بالحقيقة
كل الأطراف المتحاورة والمنجذبة تحت بند أو بنود
أيدلوجية الفكر المستنسخ بات معضّلة
كيفية التقسيم الجوغرافي للهضاب المتناثرة
ضد
مع
فالأبيض والأسود ضدان
وكما قال الشاعر
ضدان لما أستجمعا حُسن ***والضد يظهر حسنه الضد
عمليات تعقيبية لمعليات القلب المفتوح
انحلال وإنكسار في شرائح متعددة


البروفسور k.haly
لك مني جزيل الشكر لحسن أستماعك
ولوجودك الميمون





على فكرة : حافظ على الأسم فله ذكرى غالية على قلوبنا
مســــــــــــــــــي

سيناتور مالك الحلبي . الزير مالك . دنجوان مالك . قاهر قلوب العذارى مالك .

ليش ماعم إفتهم عليك ؟
هل العلة تكمن فيي أنا . بكوني وبزاتي . أو بطريقة التفكير الملتوية المتبعة من قبلنا ؟
يجوز .

طبعاً ..
شكراً ..
مطولاً ..
متفانياً ..
جذيلاً ..

صباحك جوري

هالكلمة الى جانب كلمات تانية

صارت شي بقاموسنا

لحتى وقت اللي بيسمعونا اهلينا

بيحكو شو هالكلام هادا

من وين بتجيبوه؟؟

اعتقد يا مالك انها هاي مردفات الفترة الحالية

يمكن بكرة اولادنا على عهدهن يصير فيه كلمات تانية

ويمكن ما تعجبنا

بس يعني كحال اللغة دائما

فيها كلمات دارجة وخاصة بجيل معين!!

موضوع حلو راق لي كثيرا
يسلمو

لا تنسو تشربو كاظوظة ستيم حمرة بدل عني

و أنا بطبئ حالي نفسيا و كأني معكون و تتهنو يابو :D
لعيونك
بس ليش البنات بيكرهو هل كملمة ؟

يمكن لان الشباب يلي بيستعملوها او بيقولوها
بيكون اسلوب كلامن كأن عم يشترو سلعة معينة (اليوم طبقتلك دين نقفة شي ناهي من العزيزية )
شكرا الموضوع اجتماعي والنقاش في كتير حلو :D