همممممممممممممم
وكمان همممممممممممممممممممممممم م
صرلي فترة عم فكر كيف بدي اكتب هالموضوع بحيث خلي العالم تقرا وتفكر في وتشغل محركات بحثها قبل ما تشغل الماوسات والكيبوردات تبعيتها وتنقشلي ردود وتزينلي الصفحة تبعيت الموضوع
عم فكر كيف بدي اكتب الموضوع بحيث يجزب العالم ويخليها تفكر بفكرة الموضوع قبل ما تبلش تعمل سبام
الموضوع خرج سبام وعم فكر في انو بجوز لو حدا تاني كاتبو وانا عم اقرا ممكن يطلع معي هيك كم تعليق سبام
والمشكلة انو بس يصير تعليق سبام واحد رح يلحقو عشرين تعليق سبام ويضيع الموضوع

المهم رح نطج الموضوع واللي بيجي منكن كتير منيح سبام مو سبام كلو عال

القصة وما فيها
من شي كم يوم انعزمنا لعند قائدة فريق الشغل عنا عالعشا (مشاوي وكبب وهالقصص ) بجنب المسبح عندها بالبيت المهم رحنا كنا عدد لا باس به وبعدين تفردعت العالم وضلينا تلاتة انا وقائدة الفريق وزميلة تانية بالشغل
(قائدة الفريق فيلبينية والزميلة التانية مكسيكانية (خبيصة الفريق عنا ههههههههه) )

نحنا وعم نحكي انفتح موضوع نقاش بيني وبين المكسيكانية وتفاجأت انو الفيلبينية قعدت تتسمع علينا وما شاركت بالحديث بنوب بجوز لانو ما بدها تصف مع حدا ضد حدا

موضوع النقاش كان
المكسيكانية قريانة من زمان (شغلة كم سنة لورا) انو ببداية الحياة عالارض كانو ما في غير نسوان على وجه الكرة الارضية وبعدين بلشو يظهرو الزلم او انو بعض النسوان بلشو يتطورو لزلم انا اعترضت على هالحكي وما اقتنعت بصحتو ابدا ابدا هلأ النقاش تطور لبداية الخلق وهالقصص هاي ما النا فيها حاليا بس المهم انو دخلنا بشغلات فتنا فيها بالحيط

وصار بيناتنا شرط (من مية دولار لمية دولار ) انو : (هون بدنا مساعدتكن يا شباب العرب هيا وانطلق يا موكبي )

اذا بقدر لاقي عشر مصادر تأثبت انو ببداية الحياة كان في نسوان بس وبعدين اجو الزلم لازم ادفعلها مية دولار
اذا بقدر لاقي عشر مصادر بتاثبت انو ببداية الحياة كان في نسوان وزلم سوا هيي بتدفعلي مية دولار

المصادر ما لازم تكون دينية يعني تنيناتنا كنا منعرف انو في ادم وحوا هني طلعو بس نحنا عم نحكي بشكل علمي وهيي على حكيها انو كان في مقالة علمية بهالموضوع هادا

حاولت بحبش شوي عن الموضوع وما طلعت بنتيجة فقلت بلكي انتو بتساعدونا بالموضوع مو مشان المية دولار مشان زيادة المعلومات فقط لا غير

حاجي طولت كتير
سلام :D

على راسي ابو الهن ..واشتقنا لطلتلك


بس انو دراسات عشو بدا تكون معتمدة !!

كتب تاريخ ؟

ولا معلومات علمية وبدا تكون معتمدة على الاثار اللي انلقت او شو ؟

:D

على راسي ابو الهن ..واشتقنا لطلتلك


بس انو دراسات عشو بدا تكون معتمدة !!

كتب تاريخ ؟

ولا معلومات علمية وبدا تكون معتمدة على الاثار اللي انلقت او شو ؟

:D

كل شي اي عشر مصادر غير دينية :D

طيب لح حاول شوف .. وان شا الله نطلع بمصدر واحد .. بكفي :p

هللا انا بقول انو نسوان وزلم .. مو بس نسوان .. بس ما عندي اثبات ..:?

يعني كيف بس نسوان .. :shock:

هللا انا بقول انو نسوان وزلم .. مو بس نسوان .. بس ما عندي اثبات ..:?

يعني كيف بس نسوان .. :shock:

ما هادا حكينا
قلتلا هالحكي قالتلي i am sure you should do your research
قلتلا اوكي بساوي بس ما رح اقتنع قبل ما لاقي عشر مصادر تاثبت هالحكي وهيك صار الشرط

ابو الهن .... لازم تعملها ترجمة لموضوع الجاجة والطاجة بضمنلك انها رح تقتنع ..... بس انو يعني عالهامش ... رح ندورلك :gem:

طيب اذا بأمنلك 5 مصادر قديه بيطلعلي من المية دولار:p


عم امزح
بصراحة انا كمان تناقشت انامع عدد من الأشخاص على هيك موضوع ويوميتا كان في 5 مصادر بتأكد قصة وجود الذكر والأنثى على الأرض من بداية ظهور الانسان
بس كمان بذكر بزمناتي حضرت فيلم وثائقي عن نشأت الانسان كيف انو الانسان كان يفقس من الأرض (سوري عالتعبير) بس ما انتبهت اذا كانو اناث او ذكور
برجع للشخص اللي جاب الوثائق وبحكيلك عليهن بس ادعي انو لاقي رقمو

طيب اذا بأمنلك 5 مصادر قديه بيطلعلي من المية دولار:p


عم امزح
بصراحة انا كمان تناقشت انامع عدد من الأشخاص على هيك موضوع ويوميتا كان في 5 مصادر بتأكد قصة وجود الذكر والأنثى على الأرض من بداية ظهور الانسان
بس كمان بذكر بزمناتي حضرت فيلم وثائقي عن نشأت الانسان كيف انو الانسان كان يفقس من الأرض (سوري عالتعبير) بس ما انتبهت اذا كانو اناث او ذكور
برجع للشخص اللي جاب الوثائق وبحكيلك عليهن بس ادعي انو لاقي رقمو

اي عالسريع دخيلك عينك
يعني لازم يكونو عندي المعلومات بسرعة قبل نهار الاربعاء المسا بتوقيت سوريا او اذا مامشي الحال لازم يكونو عندي صباح السبت بتوقيت سوريا على ابعد تقدير

وجب تنويه انو اي رد خارج اطار الموضوع بيقتضي المخالفه :D

رح نبحبشلك شويانة...

هاتو خبرونا اراءكن انتو مو بس مصادر
انتو شو سمعانين عن الموضوع؟

انا رأي انا انت وياها لاخسرانين ولا رابحانين
لأن مافي عشر اثباتات
ولا في عشر اثباتات
وطبعا عم نحكي علميا هون

اخي مابعرف شلون بدي قلك
اخي الشغلة كلا مابتدخل بالمخ .. يعني مادخلت بمخي شلون انتو التنين بتعرفو انو في ادم وحوا وهالحكي
وبدكن شي علمي .. يعني عقل البني شوي مابتزبط معو هي
يعني ع حد قولكن مدام بدكن شي علمي بدكن تكبو انو تمسحو من مخكن ومخ اي حدا بدور ع هالمصادر العلمية هي .. لانو مدام انوجدت الفكرة الاولى بالعقل فرح تلغي الفكرة التانية او العقل مابيتقبلا نوعا ما
يعني بتعرفو في ادم وحوا .. وبدكن شي علمي
مايعني حاولت فكر فيا .. انو مجرد التفكير كلياتو بوقف معي ازا بس خطرتلي لجزء من الثانية وتزكرت قصة ادم وحوا القصة كلياتا بتسببلي وجع راسا ومابتعود بتركب .. يعني وحدة مابتركب باي شكل مع التانية
هي وحدة


شغلة تانية .. شلون يعني الحياة بديت بكلا نسوان ؟
شلون زبطت هي انا ماركبت معي ولا باي شكل من الاشكال .. حاولت اتخيلا لمدة 5 دقايق مشان بركي بقدر لاقيلك شي .. ولا فجأة هبت علي فكرة ادم وحوا وشتتلي كل تفكيري ونعلت ابو افطاسو

انا ماعبحكيلك من منظور ديني ولا شي .. بالعكس انا المنظور الديني كابو كلو .. وهلأ بموضوعك نسيان المنظور الديني كلو وكابو وعبركز بس انو لشوف شلون بدا تركب معي شغلة طلبك ع مصادر علمية بس .. بس مابتركب الافكار يعني .. ومجرد مايخطرلك للحظة قصة ادم وحوا تفكيرك بتعطل وبتشوش تشويشة اخت ملحوشة
يعني منظور ديني ولا منظور علمي قصة ادم وحوا مسيطرة ع الموضوع

كبك من ادم وهوا .. انو الحياة بديت كلا نسوان شلون باي منطق بتركب
ومن وين اجو هالنسوان ؟ من نظرية التطور يعني ؟ القرد صار مرة بعدين وبعدين المرة صارت رجال ؟
ولا كيف بالزبط ..؟

فهمني هالنقطين وحاول انو تقربو لتفكيري ووضحلي الفكرتين اللي زكرتن مشان اقدر افيدك بشي
وحاول تخلينا كيف نعرلف نفكر او انو مابدنا نفكر لانو الشغلة اكبر من تفكير
انو حاول تساعدنا شلون نقدر نفيدك وشلون نعرف نجبلك هالمصادر من خلال توضيحك للافكار اللي زكرتا
وحاول تركبا بمخنا ( او بالاحرى مخي انا بس ) لانو يمكن غير ركبت معن عادي
حدا اقدر افيدك واساعدك
لانو الشغلة مابقدر اقلك اي خلص انا رح جبلك مصادر
انا بدي افهم هالافكار اللي زكرتا فوق حتى قلك اي نعم انا كفو ورح حاول اجبلك مصادر
شغلة هيك الهيلمة انو خلص انا كفو وحط ايديك ورجليك بمي باردة ولعيونك اب الهن وحركات الشبيحة مازبطت معي صراحة هيك لحالا !!

بقى ياريت تفيدني
وطولت عليك

يبدو أنها تقصد نظرية داروين للتطور
فيكون علينا أن نبحث في نقد النظرية
سأرى ما يمكنني عمله..:D

(يتبع)

اوكي خيو (انتو جماعة الاتحاد طول عمركن بتسببولنا شباب الكرامة وجع راس هيك الشغلة بدمكن بجوز لانو ما طالعلكن معانا بالطابة )

يا سيدي برجع بقول انا ما خرطت مشطي كمان كيف انو كلهن من زمان كانو نسوان وانا لما حكيت معاها بقصة ادم وحوا (حاولت اجيها من اول بموضوع ديني لاني ما بعرف هيي شو نظرتها الدينية ) طلعت البنت بتآمن انو في قوة عظمى خلقت كل شي بس ما بتآمن انو في الله (تبع الاديان ) وفي ادم وحوا
غيرنا الموجة
حاولت امشي معاها خطوة بخطوة من البداية انو اسالها اسئلة عن كيف خلقت العالم وكيف تشكلت الارض (بدون التطرق لموضوع الله لانو انتي بتعرف كمان رايي من الموضوع ) البنت فاتت بسكرطعشر حيط اجوبتها كانت متناقضة بشكل رهيب بس تضل عم تقول انا قريانتها انا قريانتها (وبالعلامة قالتلي انو اسال شب تاني معانا بالفريق لانو هوي قريانها كمان ) والمقالة اللي قريانتها مقالة جيولوجية علمية ولهيك انا عم اسال عن مصادر علمية بعيدة عن ادم وحوا

هلأ انا حاولت ابحث عن المصدر اللي هيي قريانة منو هالموضوع ما لقيتو

طيب ليش استبعدته قصة آدم وحواء

بس لأنها ذكرت بالأديان ؟؟؟

فيك تاخد بعين الأعتبار انهم كانوا بدون دين او ماشابه ووجدو من العدم يلي بيحكوا فيه الجماعة الملحدين

يعني لو الحكي عن الانثروبولوجي كان فيها و ما فيها بس كيف يعني جيولوجي و صخور و الذي منو
يعني شو الرابط بين الجيولوجيا و منشا الانسان هي البنت :sick:

اوكي خيو (انتو جماعة الاتحاد طول عمركن بتسببولنا شباب الكرامة وجع راس هيك الشغلة بدمكن بجوز لانو ما طالعلكن معانا بالطابة )

يا سيدي برجع بقول انا ما خرطت مشطي كمان كيف انو كلهن من زمان كانو نسوان وانا لما حكيت معاها بقصة ادم وحوا (حاولت اجيها من اول بموضوع ديني لاني ما بعرف هيي شو نظرتها الدينية ) طلعت البنت بتآمن انو في قوة عظمى خلقت كل شي بس ما بتآمن انو في الله (تبع الاديان ) وفي ادم وحوا
غيرنا الموجة
حاولت امشي معاها خطوة بخطوة من البداية انو اسالها اسئلة عن كيف خلقت العالم وكيف تشكلت الارض (بدون التطرق لموضوع الله لانو انتي بتعرف كمان رايي من الموضوع ) البنت فاتت بسكرطعشر حيط اجوبتها كانت متناقضة بشكل رهيب بس تضل عم تقول انا قريانتها انا قريانتها (وبالعلامة قالتلي انو اسال شب تاني معانا بالفريق لانو هوي قريانها كمان ) والمقالة اللي قريانتها مقالة جيولوجية علمية ولهيك انا عم اسال عن مصادر علمية بعيدة عن ادم وحوا

هلأ انا حاولت ابحث عن المصدر اللي هيي قريانة منو هالموضوع ما لقيتو


القصة صعبة كتير صراحة شو بدك بالحكي ..
لانو صعوبتا بتجي انو داخلة ببعضا .. يعني شي داخل بقلب شي وشي تكويني وما تكويني وشي بخرط مشطك وشي مابيخرطو
بعدين يازلمة احيانا بتوصل لمرحلة انو لما بتتعمق كتير كتير بالتفكير بالقصة انو مخك ببطل يجمع بقول لا انو في شي غلط بتتشت تشتيت كامل..
والقصة انو مابتقدر تدخل ع غوغل تكتب 10 دلائل انو اول مابديت الحياة كانت نسوان وصارو رجيل عطيني دليل يغلط هالشي :lol:
بطلع غوغل بزاتو بقلك حل عن سمانا يا مو ناقصين مساطيل نحن :lol:
الشغلة متل مازكرت جيولوجية علمية .. بدك تجيب شي واحد دارس هيك شي وخبرة وحركات


بس ع فكرة ازا خسرت الرهن وعطيتا مية .. فبدا تكون خورفتك مخورفة بتسوى عمرك
لانو كلاما كلو كلام حاسو كلام غبي " من وجهة نظر " وماعبيدخل بالراس وماخرج الواحد يعزب حالو في :p

ع كلن ازا طلع معي شي انا بهالسؤال الرهييييييب هادا لعيونك ورح نسعالك
كم هاني ابن داغر عنا نحن ؟

مرحبا مجددا

إذا كنت تريد دليلا علميا فقد وجدته لك على هذا الرابط
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

ولكن تجدر الإشارة إلى أنه عندما نتساءل عن كيفية نشأة الحياة على الأرض، نحصل على إجابتين مختلفتين:
الأولى هي أن الكائنات الحية نشأت من خلال التطور. ووفقا لنظرية التطور، التي تتبنى هذا الادعاء، فقد بدأت الحياة مع أول خلية تكونت هي ذاتها بمحض المصادفةأو وفقا لقوانين طبيعية افتراضية قائمة على "التنظيم الذاتي". ومرة أخرى، نتيجة للمصادفة والقوانين الطبيعية، نمت هذه الخلية الحية وتطورت، وعن طريق اتخاذها أشكالا مختلفة نشأ على الأرض ملايين الأنواع من الأحياء.
أما الإجابة الثانية فهي "الخلق". فقد جاءت كل الكائنات الحية إلى حيز الوجود بعد أن خلقها خالق مبدع. وعندما خُلقت لأول مرة الحياة وملايين الأشكال التي تتخذها، والتي لا يمكن أن تكون قد ظهرت بمحض المصادفة، كان لها نفس التصميم الكامل المتميز الخالي من العيوب الذي يميزها اليوم. وهناك برهان واضح على ذلك يتجسد في حقيقة أنه حتى أبسط أشكال الحياة تتضمن هذه التراكيب والنظم المعقدة التي لا يمكن أبدا أن تكون قد جاءت وليدة المصادفةوالظروف الطبيعية.
وبعيدا عن هذين البديلين، لا يوجد اليوم ادعاء أو فرضية ثالثة فيما يتصل بكيفية نشأة الحياة. ووفقا لقواعد المنطق، إذا ثبت خطأ إحدى إجابتين محتملتين بديلتين لسؤال ما، فلا بد أن تكون الإجابة الأخرى هي الإجابة الصحيحة. ويطلق على هذه القاعدة، التي تعتبر إحدى القواعد الأساسية في علم المنطق، اسم الاستدلال التخييري disjunctive inference (modus tollendo ponens).
وبعبارة أخرى، إذا ثبت أن أنواع الأحياء على الأرض لم تتطور بمحض المصادفة، كما تدعي نظرية التطور، فإن ذلك يعد دليلا واضحا على أنها تشكلت على يدي خالق. ويتفق العلماء الداعمون لنظرية التطور على عدم وجود بديل ثالث. وقد صدر عن أحد هؤلاء العلماء، دوجلاس فوتويما Douglas Futuyma، التصريح التالي:
"إما أن تكون الكائنات الحية قد ظهرت على الأرض كاملة التطور وإما ألا تكون. وإذا لم تكن قد ظهرت كاملة التطور، فلابد أنها تطورت من خلال إحدى عمليات التحوير عن أنواع كانت موجودة من قبل. وإذا كانت قد ظهرت كاملة التطور، فلا بد أنها قد خُلقت بالفعل بواسطة قوة عاقلة غير محدودة القدرة."
:D

تسجيل متابعة لحتى صير بالبيت :D

طيب ليش استبعدته قصة آدم وحواء

بس لأنها ذكرت بالأديان ؟؟؟

فيك تاخد بعين الأعتبار انهم كانوا بدون دين او ماشابه ووجدو من العدم يلي بيحكوا فيه الجماعة الملحدين

لانو ما كان حدا سمع بادم وحوا لولا الاديان

يعني لو الحكي عن الانثروبولوجي كان فيها و ما فيها بس كيف يعني جيولوجي و صخور و الذي منو
يعني شو الرابط بين الجيولوجيا و منشا الانسان هي البنت :sick:

لقلك هيي استخدمت كلمة جيولوجي
على ما يبدو كان في مستحاثات وما مستحاثات وهالقصص هاي
هلأ هون وقت بيدخلو بتشعبات اسماء هالعلوم جيولوجي وانثربولوجي وبيولوجي انا بضيع ما بعرف ميز وحدة من وحدة بس انا عم قلك هيي شو الكلمة اللي استخدمتها

القصة صعبة كتير صراحة شو بدك بالحكي ..
لانو صعوبتا بتجي انو داخلة ببعضا .. يعني شي داخل بقلب شي وشي تكويني وما تكويني وشي بخرط مشطك وشي مابيخرطو
بعدين يازلمة احيانا بتوصل لمرحلة انو لما بتتعمق كتير كتير بالتفكير بالقصة انو مخك ببطل يجمع بقول لا انو في شي غلط بتتشت تشتيت كامل..
والقصة انو مابتقدر تدخل ع غوغل تكتب 10 دلائل انو اول مابديت الحياة كانت نسوان وصارو رجيل عطيني دليل يغلط هالشي :lol:
بطلع غوغل بزاتو بقلك حل عن سمانا يا مو ناقصين مساطيل نحن :lol:
الشغلة متل مازكرت جيولوجية علمية .. بدك تجيب شي واحد دارس هيك شي وخبرة وحركات


بس ع فكرة ازا خسرت الرهن وعطيتا مية .. فبدا تكون خورفتك مخورفة بتسوى عمرك
لانو كلاما كلو كلام حاسو كلام غبي " من وجهة نظر " وماعبيدخل بالراس وماخرج الواحد يعزب حالو في :p

ع كلن ازا طلع معي شي انا بهالسؤال الرهييييييب هادا لعيونك ورح نسعالك
كم هاني ابن داغر عنا نحن ؟

يا سيدي القصة صعبة بعرف هلأ ممكن يكون الواحد مكون فكرة عن الموضوع ومقتنع فيها ويصعب علي يستوعب الفكرة التانية او يقتنع بصحتها

هيي كان بدها ياني بس دور عالمقال ولاقي بس انا قلتلها انو ما بقتنع بالحكي الا اذا لقيت عشر مصادر مختلفة ياثبتو صحتو وفكرت بنفس الوقت انو هيي ممكن ما تقبل باقل من عشر مصادر ينفو صحتو لهيك طلبت عشرة بعشرة بس لو بتلاقولي واحد بيكون كتير منيح (هلأ رايح اقرا المصدر اللي نزلو achelious )

ثانكيو جميعا :D

بصراحة انا اسفة كتير لهلا ماعم اقدر لاقي رقم الشب اللي كان عندو الوثائق بس لسا عم دورلك عليه ادعي انو لاقيي

مابيمشي الحال تقرا حضارات المنطقة
بهي الحضارات في كتير ادلة على بداية الانسان
صحي هي بتتعلق بالالهة بكتير من الاحيان
لكن حضارات المنطقة بتقلك انو اللهة الاولى كانت انثى بس الانسان كان ذكر وورد اسمو بملاحم عديدة متل جلجامش وغيرها
والاناث الكانو موجودين قبل اللانسان كانو اللهة

مابيمشي الحال تقرا حضارات المنطقة
بهي الحضارات في كتير ادلة على بداية الانسان
صحي هي بتتعلق بالالهة بكتير من الاحيان
لكن حضارات المنطقة بتقلك انو اللهة الاولى كانت انثى بس الانسان كان ذكر وورد اسمو بملاحم عديدة متل جلجامش وغيرها
والاناث الكانو موجودين قبل اللانسان كانو اللهة
هدا صحيح.. ممكن يكون الموضوع متعلق بالميثولوجيا
وهذا لا ينفي عنه الطابع العلمي

مشكورة بنفسجة لهذا الرأي المثقف:D

بصراحة انا اسفة كتير لهلا ماعم اقدر لاقي رقم الشب اللي كان عندو الوثائق بس لسا عم دورلك عليه ادعي انو لاقيي

اوكي ما في مشكلة ايمت ما لقيتي

مابيمشي الحال تقرا حضارات المنطقة
بهي الحضارات في كتير ادلة على بداية الانسان
صحي هي بتتعلق بالالهة بكتير من الاحيان
لكن حضارات المنطقة بتقلك انو اللهة الاولى كانت انثى بس الانسان كان ذكر وورد اسمو بملاحم عديدة متل جلجامش وغيرها
والاناث الكانو موجودين قبل اللانسان كانو اللهة

همممممممممممممممممممم
وكمان هممممممممممممممممممممم
ممكن :D

بس شو صار معك ماخلصت المدة؟

بس شو صار معك ماخلصت المدة؟

هيي المدة مفتوحة
بس انا كنت حابب جيب المصادر بسرعة لانو اليوم كان في اجتماع كبير بالشركة فكانت بتطلع هيك شغلة ظريفة انو واحد يعطي مية دولار للتاني قدام هالشعب

بس هوي الشرط قائم لحد ما نلاقي المصادر :D

مستحيل هاني تلاقي عشر إثباتات أنو الأنثى أنخلقت قبل الذكر أو مش أنخلقت أنوجدت ..

إثبات واحد من المستحيل ..

بس من الممكن جدا ً تلاقي إثباتات كتيرة . على أنو الأنثى بنص عقل . :p

احب اجذب نظرك..انو يجوز زميلتك تقصد موضوع النساء الامزونيات..وهذا موضوع اني قارية عنو من زمان ..بس اتذكر فيه هيك شي من الحكي اللي قالتو..
(ارجو ان تكون ملاحظتي مفيدة لك)..وجاري البحث..

يعني لازم تلف كل هاللفة والدورة ...عشان تقلنا انك ملحد وما بتآمن بالاديان ...:pos:
لا حول ولا قوة الا بالله..

سؤال للاخ فوقي

هاد اللي طلع معك بعد ما قريت كل شي؟

انا والله فكري هنيك يا عمي


خيي هاني انا يوم الاحد بما انو هلق قطع بسالك دكتور بهندسة العمارة بالجامعة وبشوف شو بيصير


مايسترو

مستحيل هاني تلاقي عشر إثباتات أنو الأنثى أنخلقت قبل الذكر أو مش أنخلقت أنوجدت ..

إثبات واحد من المستحيل ..

بس من الممكن جدا ً تلاقي إثباتات كتيرة . على أنو الأنثى بنص عقل . :p

سيدي بيكفي اثبات واحد انو اقدم مستحاثة بشرية كانت ذكر وبجي ببوسك بين عيونك :lol:

احب اجذب نظرك..انو يجوز زميلتك تقصد موضوع النساء الامزونيات..وهذا موضوع اني قارية عنو من زمان ..بس اتذكر فيه هيك شي من الحكي اللي قالتو..
(ارجو ان تكون ملاحظتي مفيدة لك)..وجاري البحث..

ما انحكي شو نوع النساء امازونيات او او
انحكى انو بشكل عام كانو نساء
شكرا عالملاحظة وعالبحث :D

يعني لازم تلف كل هاللفة والدورة ...عشان تقلنا انك ملحد وما بتآمن بالاديان ...:pos:
لا حول ولا قوة الا بالله..


جهنم وبئس المصير يا انا :o
ابقى سلملي على الله بس تشوفو بالجنة خيو :D

سؤال للاخ فوقي

هاد اللي طلع معك بعد ما قريت كل شي؟

انا والله فكري هنيك يا عمي


خيي هاني انا يوم الاحد بما انو هلق قطع بسالك دكتور بهندسة العمارة بالجامعة وبشوف شو بيصير


مايسترو

شكرا شكرا اخي مايسترو :D

سيدي بيكفي اثبات واحد انو اقدم مستحاثة بشرية كانت ذكر وبجي ببوسك بين عيونك :lol:




"وتتمثل إحدى أقدم وأكمل الحفريات البشرية في الحفرية KNM-WT 1500، المعروفة أيضا باسم الهيكل العظمي "لطفل توركانا" “Turkana Child”. وقد وصف نصير التطور دونالد يوهانسون Donald Johanson الحفرية البالغ عمرها 1.6 مليون سنة بالعبارات التالية:
"كان طويلا ونحيفا، ويشبه في شكله الجسماني ونسب أوصاله الأفارقة الحاليين الذي يعيشون عند خط الاستواء. وعلى الرغم من صغر سنه، فإن أوصاله تضاهي في مقاييسها تقريبا متوسط مقاييس الذكور البيض البالغين في أمريكا الشمالية".13
وقد تأكد أن الحفرية خاصة بصبي في الثانية عشرة من عمره، كان سيبلغ طوله 1.83 متر في مرحلة المراهقة.
ص15 من المرجع الذي قدمته لك..


ملاحظة:
عليك أن تؤمن بشئ ما لتنطلق منه -في البحث على الأقل-
ياأخي شجع الفريق الأصفر بعدين انطلق لتثبت إنو كان برتقالي.. فإما أن تخطئ فيكون الأصفر وإما أن تصيب فيكون البرتقالي وإما أن لا تقتنع بشئ فيكون الأمر سفسطة,
بدك ما تواخذني بس سبق وأشرت لك إنو في نظريتين للخلق إما الدينية وهي انت مستبعدها
وإما الدارونية أو نظريات التطور".. اللي بحسب منطقها للتطور فالرجل أرقى الأشكال وآخرها -فهمك كفايه-
وهون حطنا الجمال.. وبعتلك هدم النظرية "علميا" قلت بدك تقرا! وما بعرف شو صار معك..

بس هلأ انتبهت إنو معقول كتير يكون بدك شي تالت من البحث, إذا كان هيك
فشو المشكلة إنك تطرحو مباشرة؟! -مجرد تخمين-
وبالتوفيق:D

"وتتمثل إحدى أقدم وأكمل الحفريات البشرية في الحفرية KNM-WT 1500، المعروفة أيضا باسم الهيكل العظمي "لطفل توركانا" “Turkana Child”. وقد وصف نصير التطور دونالد يوهانسون Donald Johanson الحفرية البالغ عمرها 1.6 مليون سنة بالعبارات التالية:
"كان طويلا ونحيفا، ويشبه في شكله الجسماني ونسب أوصاله الأفارقة الحاليين الذي يعيشون عند خط الاستواء. وعلى الرغم من صغر سنه، فإن أوصاله تضاهي في مقاييسها تقريبا متوسط مقاييس الذكور البيض البالغين في أمريكا الشمالية".13
وقد تأكد أن الحفرية خاصة بصبي في الثانية عشرة من عمره، كان سيبلغ طوله 1.83 متر في مرحلة المراهقة.
ص15 من المرجع الذي قدمته لك..


ملاحظة:
عليك أن تؤمن بشئ ما لتنطلق منه -في البحث على الأقل-
ياأخي شجع الفريق الأصفر بعدين انطلق لتثبت إنو كان برتقالي.. فإما أن تخطئ فيكون الأصفر وإما أن تصيب فيكون البرتقالي وإما أن لا تقتنع بشئ فيكون الأمر سفسطة,
بدك ما تواخذني بس سبق وأشرت لك إنو في نظريتين للخلق إما الدينية وهي انت مستبعدها
وإما الدارونية أو نظريات التطور".. اللي بحسب منطقها للتطور فالرجل أرقى الأشكال وآخرها -فهمك كفايه-
وهون حطنا الجمال.. وبعتلك هدم النظرية "علميا" قلت بدك تقرا! وما بعرف شو صار معك..

بس هلأ انتبهت إنو معقول كتير يكون بدك شي تالت من البحث, إذا كان هيك
فشو المشكلة إنك تطرحو مباشرة؟! -مجرد تخمين-
وبالتوفيق:D

جاري البحث عن طفل توركانا بمصادر انكليزية :D

بالنسبة للنظريات ما فيك توقف عند نظرية وحدة او تنتين لتكوين الحياة ممكن كل انسان عالكرة الارضية يطلعلك
بنظرية
اولا : انا قلت مستبعد النظرية الدينية صح بس ما قلت اني مستبعد وجود قوة غيبية خارقة خلقت كل شي لكن مستبعد ان تكون هالقوى الخارقة هيي الله اللي موجود بالكتب الدينية
ثانيا: النظرية الداروينية ليست النظرية الوحيدة بتكوين هالعالم في كتير نظريات غيرها (وتبقى بالاسم نظرية الى ان يثبت صحتها وتصبح حقيقة او قاعدة)
وبالنسبة لهدم النظرية الداروينية (او المصدر اللي بعتلي يا ) انا قلت رح اقرا مزبوط وانا اسعتني عم اقرا بس بوضعي الحالي ما بقدر اقرا 109 صفحات بظرف ساعة اوساعتين ممكن رح تاخد معي اسبوع او اسبوعين لحدود الشهر (ضغط شغل وفحوصات )

ثالثا: الهدف من طرح هالموضوع هوي متل ما قلت بالاول ايجاد المصادر اللي بتاكد صحة احدى النظريتين (اما نساء فقط او نساء ورجال ) و طرحت الموضوع هون لانو فكرت انو ممكن كتير من العالم تتبنى راي رقم واحد وتبدأ البحث عنو لاثباتو وكتير من العالم تتبنى الرقم تنين وتبدأ البحث لاثباتو وبهيك حالة المصادر بتلتقى من الجهتين (هلأ من الممكن ايجاد مصادر بتاكد صحة النظريتين هون بيبقى دورك وحسب قناعتك بالنظرية اللي تبنيتها وثقتك بمصادرك لتحدد رايك من الموضوع)
وكان عندي امل كبير انو رح يلتقى المصدر اللي حكت عنو رفيقتي (المقال اللي قرتو ) لاني حاولت لاقي ما قدرت فقلت ممكن حدا من الشباب يكون عندو طرائق بحث تانية )

هيك وضحت الامور ؟ :D

هدا صحيح.. ممكن يكون الموضوع متعلق بالميثولوجيا
وهذا لا ينفي عنه الطابع العلمي

مشكورة بنفسجة لهذا الرأي المثقف:D

اي ممكن كتير يكون متعلق بمثلوجيا الحضارات يلي وصلتنا كتير
بغض النظر اذا كنا بنؤمن بوجود اللهة خلقت البشر او لا وبغض النظر عن من سبق في الوجود اولا الانسان او الالهه
فينا نستخلص استنتاج ونبحث بصحتو
لو فرضنا انو الانسان اجا كنتيجة علمية بحتة ونتيجة تطور معين وبدون وجود الهة
فهو كان يسعى دائما لخلق اله بيشبهو بكتير اشياء وبيتمثل فيه على انو خالق الكون وبينسج عنو الاساطير والحكايا وهو بتقودنا الفكرة الى المصدر يلي بيقول انو اله بالزمن الغابر كان انثى اذا ممكن كتير يكون المجتمع انثوي بحت مما خلق بالضرورة اله انثى
وبعد فترة شفنا صعود الذكر وهو ابناء اللهة الانثى وبداية سيطرتون وسطوع نجمون فينا نستخلص كمان من هي النقطة انو بلش المجتمع يدخل فيه العنصر الذكري لوقت طغى فيه العنصر الذكري على المجتمع وصار اللهة ذكر بكتير من المثولوجيات يلي وصلتنا (مردوخ بعل حدد وغيرون وغيراتون)
بس الفكرة بدها كتير دراسة وبحث لان حاليا نحنا بمجتمع ذكري بس هاد ما بيعني عدم وجود الاناث فيه
وممكن هي النقطة تنطبق على هديك الفترة مجتمع انثوي لكن لايمنع من وجود العنصر الذكري المضطهد
وهيك بكون رجعتك لنقطة الصفر:o:p:D

جاري البحث عن طفل توركانا بمصادر انكليزية :D

بالنسبة للنظريات ما فيك توقف عند نظرية وحدة او تنتين لتكوين الحياة ممكن كل انسان عالكرة الارضية يطلعلك
بنظرية
اولا : انا قلت مستبعد النظرية الدينية صح بس ما قلت اني مستبعد وجود قوة غيبية خارقة خلقت كل شي لكن مستبعد ان تكون هالقوى الخارقة هيي الله اللي موجود بالكتب الدينية
ثانيا: النظرية الداروينية ليست النظرية الوحيدة بتكوين هالعالم في كتير نظريات غيرها (وتبقى بالاسم نظرية الى ان يثبت صحتها وتصبح حقيقة او قاعدة)
وبالنسبة لهدم النظرية الداروينية (او المصدر اللي بعتلي يا ) انا قلت رح اقرا مزبوط وانا اسعتني عم اقرا بس بوضعي الحالي ما بقدر اقرا 109 صفحات بظرف ساعة اوساعتين ممكن رح تاخد معي اسبوع او اسبوعين لحدود الشهر (ضغط شغل وفحوصات )

ثالثا: الهدف من طرح هالموضوع هوي متل ما قلت بالاول ايجاد المصادر اللي بتاكد صحة احدى النظريتين (اما نساء فقط او نساء ورجال ) و طرحت الموضوع هون لانو فكرت انو ممكن كتير من العالم تتبنى راي رقم واحد وتبدأ البحث عنو لاثباتو وكتير من العالم تتبنى الرقم تنين وتبدأ البحث لاثباتو وبهيك حالة المصادر بتلتقى من الجهتين (هلأ من الممكن ايجاد مصادر بتاكد صحة النظريتين هون بيبقى دورك وحسب قناعتك بالنظرية اللي تبنيتها وثقتك بمصادرك لتحدد رايك من الموضوع)
وكان عندي امل كبير انو رح يلتقى المصدر اللي حكت عنو رفيقتي (المقال اللي قرتو ) لاني حاولت لاقي ما قدرت فقلت ممكن حدا من الشباب يكون عندو طرائق بحث تانية )

هيك وضحت الامور ؟ :D
مرحبا,
لدي فقط ملاحظتين..
الأولى يتعلق بالقوة الخارقة اللي تحدثت عنها.. هي الله
مافي شي اسمو الله تبع الأديان والله تبع النظريات.. الله واحد.. أو القوة العظيمة أو الخارقة اللي عم تحكي عنها واحدة, فلو في أكتر من قوة كان خرب "النظام" لأنو كان ممكن يتعارضو..وكل منها تعمل اللي بدا يا..
قد أوافقك الرأي بأن الله -أو القدرة الخارقة- ليست بالضبط كما تتحدث عنها الأديان لأسباب مو هون محلها بالطرح
-وبالخصوص عذرني بس لازم قول إنو مو بهالبساطة بتنساق هالمواضيع مما يجعلنا أجمعين مجرد أطفال يعبثون بآراء الآخرين "من العلماء"-

ثانيا كلامك صحيح بخصوص إنو نظرية داروين ليست الوحيدة بل هي أشهر نظريات التطور وأنا بردي الأخير ذكرت..
"الدراونية أو نظريات التطور"..
وأرى أنه لا يمكن إثبات نظريتن متناقضين أصلا!.. فالنهايات السعيدة هي قصص لم تنتهي بعد..

أخيرا يمكن المقال اللي قرتو رفيقتك يكون عن"لوسي" وهي مستحاثة عبارة عن مجموعة عظام وجدت في أثيوبيا
واستخدمها أنصار نظرية التطور لإثبات نظريتهم.. وهناك إثباتات علمية تخالفهم الرأي.. وكل هذا يقع ضمن إطار النقض.. وهنالك أسئلة تستطيع ان تطرحها أنت بالنسبة للنظرية.. مثل
لماذا توقف التطور؟ ولم ينتج مخلوقات أرقى من البشر بعد؟
والسؤال الأخطر هو .. هل للحموض الأمينية التي كانت في بداية التطور-ثم تجمعت لتشكل الخلية بمحض الصدفة بحسب دارون- هل لهذه الحموض جنس برأيك؟

اتمنى لك التوفيق بالإمتحانات أولا ثم بالعثور على الأجوبة المناسبة.. :D

مرحبا,
لدي فقط ملاحظتين..
الأولى يتعلق بالقوة الخارقة اللي تحدثت عنها.. هي الله
مافي شي اسمو الله تبع الأديان والله تبع النظريات.. الله واحد.. أو القوة العظيمة أو الخارقة اللي عم تحكي عنها واحدة, فلو في أكتر من قوة كان خرب "النظام" لأنو كان ممكن يتعارضو..وكل منها تعمل اللي بدا يا..
قد أوافقك الرأي بأن الله -أو القدرة الخارقة- ليست بالضبط كما تتحدث عنها الأديان لأسباب مو هون محلها بالطرح
-وبالخصوص عذرني بس لازم قول إنو مو بهالبساطة بتنساق هالمواضيع مما يجعلنا أجمعين مجرد أطفال يعبثون بآراء الآخرين "من العلماء"-

ثانيا كلامك صحيح بخصوص إنو نظرية داروين ليست الوحيدة بل هي أشهر نظريات التطور وأنا بردي الأخير ذكرت..
"الدراونية أو نظريات التطور"..
وأرى أنه لا يمكن إثبات نظريتن متناقضين أصلا!.. فالنهايات السعيدة هي قصص لم تنتهي بعد..

أخيرا يمكن المقال اللي قرتو رفيقتك يكون عن"لوسي" وهي مستحاثة عبارة عن مجموعة عظام وجدت في أثيوبيا
واستخدمها أنصار نظرية التطور لإثبات نظريتهم.. وهناك إثباتات علمية تخالفهم الرأي.. وكل هذا يقع ضمن إطار النقض.. وهنالك أسئلة تستطيع ان تطرحها أنت بالنسبة للنظرية.. مثل
لماذا توقف التطور؟ ولم ينتج مخلوقات أرقى من البشر بعد؟
والسؤال الأخطر هو .. هل للحموض الأمينية التي كانت في بداية التطور-ثم تجمعت لتشكل الخلية بمحض الصدفة بحسب دارون- هل لهذه الحموض جنس برأيك؟

اتمنى لك التوفيق بالإمتحانات أولا ثم بالعثور على الأجوبة المناسبة.. :D

بالنسبة لاول فكرة نحنا على ما يبدو متفقين نوعا ما مع الاختلاف بطرق التعبير

انا لازم ارجع احكي مع رفيقتي وخليها تقلي من وين جايبة معلوماتها :D